Ms Spontaneous的个人专页

特別欣賞呢度可以叫唔同小食同主食, 真係好少呢啲小酒館concept, 又可以配酒或者飲茶. 通常我只能去日式居酒屋先可以每樣野叫啲.佢個烤熟成雞, 麻辣牛肋條, 同叉燒都好啱配酒. 本身好鍾意食魚, 所以叫埋佢個雞油花雕蒸馬友, 好香雞油同花雕味, 食完有啲念念不忘.希望佢哋可以做得好, 香港真係好難搵到啲坐得舒服, 有食物質素又價錢公道嘅地方. …查看更多

阿不裝修完, 燈光油和, 環境舒服, 食物質素性價比高 (識食的話),絕對能比美港島嘅私房菜. 想食小菜, 總會想起佢. 分享我最欣賞的1) 欖角骨 - 表皮金黃, 外脆多汁, 出面做唔到, 永遠不令我失望2) 黑松露蝦炒蛋 - 鮮蝦有咬口(自己最怕透明嗰啲), 香蛋味, 好多蛋同中蝦, 加左黑松露更芬芳3) 鼓油雞 - 鼓油鹹度同甜度剛剛好, 肉有鮮甜味, 可以比美另一家在上環的雞功房4) 尖椒炒牛肉 - 牛肉有質感, 微辣又愛又恨, 尖椒剛好平行肉嘅膩, 惹味真的是一分錢一分貨 🫡. 欣賞🫰…查看更多

佢哋嘅蛋包飯性價比很高! 值得推介係香港要搵到有質素的餐廳(不論是便或貴)真的愈來愈困難…很多都是混水摸魚.有時搵到啱食嘅餐廳真係好感動😭所以我決定寫第一篇食評☺️我很喜歡他們有提供蛋包菜嘅選擇. 可以滿足哂我係街食嘢嘅需求 - 大量蛋白質 + 菜. 可能新開張. 有啲菜式未有提供. 今次我選擇左咖哩汁配牛腰肉蛋包菜. 咖哩汁consistency 適中, 可以黏在一絲絲金黃色的蛋上, 再夾上一塊帶有燒烤味的牛腰肉. 蛋香配上牛肉香. 真係Bravo 嘅combination 🫶🫶🫶我花了點時間才找到地點. 其實佢係K11 Select area最入, 建議餐廳直接寫K11 Select. 性價比: 5/5 價錢: 4/5 (好似$150 有找, 包 ☕️)環境: 5/5 (夠闊落, 有自然光）服務: 3.5/5 (有進步空間)希望香港可以多啲有質素嘅餐廳. 不只是打卡only. …查看更多