JaimeTsang的個人專頁

香港食冰嘅地方好多但係食日式冰品就較少選擇呢度嘅地理位置都算方便，連我呢啲路痴都能夠搵到不過冰屋長期都大排長龍，要食就記得預時間排隊又或者好似我今次咁中午嚟食😋呢度嘅冰品份量夠多通常嚟到嘅人都會叫一個然後share嚟食不過如果你唔會成日嚟就最好一人叫一個就大滿足啦🍧嘢食方面佢哋每一段時間都會轉特定口味，確保期間限定俾大家新鮮感，錯過咗就未必有下一次食過咁多次最鍾意就係佢有茶味嘅冰，可能個人口味問題我都係覺得奶味同茶味感重嘅冰比較好食水果味嘅冰感覺上就Flash啲啱夏天消暑今次食嘅抹茶忌廉焦糖味已經係第二次食，但佢絕對係我嘅all time favourite 😻 最頂層有新鮮忌廉上面淋焦糖醬，將佢同冰溝埋食簡直就係絕配綠色嘅冰唔係淨係死甜你會隱約食到綠茶嘅甘味同埋茶香食到中間好快你就會食到一層餅碎，口感豐富唔似韓式冰咁從頭到尾都係冰咁無層次食刨冰最怕就係得個面有醬料然後中係純冰咩味都冇呢一間你絕對唔會失望因為店員係製作嘅時候確保佢哋嘅醬料足夠滲透成個冰品，等你每一啖都食到抹茶味而且中間仲分兩次落咗餅乾碎豐富口感即使食到最後一啖都有味道唔會係純冰另外值得一提嘅係，舖頭採用日本嘅水去整冰塊刨出嚟嘅冰好綿密，唔似平時食到嘅傳統日式刨冰咁顆粒感重又鞋口正正因為係咁大家記得影相20秒內好搞掂啦！…查看更多

呢間店係我每次去深水埗必去食冰嘅地方正宗的台冰，淋上練奶配上紅豆、薏米、珍珠、芋圓、蕃薯圓、豆蓉等，我仲會額外加一份芋頭！大滿足！每一款丸子都十分Q彈芋圓可以食得出芋頭香蕃薯丸亦都食得出蕃薯味唔似出面啲芋圓煙韌但除左甜味乜都冇！認真！堅好食！唯一缺點係食到尾個人好凍😂鬼叫我食冰咩！仲有，一間店食物平靚正，低消都好合理只係每人廿蚊！邊度搵啊咁抵食另外，鹽酥雞即叫即炸又係每次黎都會叫嘅香脆好食！皮蛋豆腐就...成盒百福豆腐倒出黎俾你囉冇乜誠意😂😂視覺效果都幾震撼驚訝佢嘅毫不掩飾🙊…查看更多

作為一個咖啡迷去到邊都要飲返杯咖啡黎左太平道咁多次先第一次見到原來呢度有間cafe😂望多兩眼原來6點就收工，唔怪得之未見過啦！既然見到就入去買左杯拿鐵疫情下呢間店依然坐滿哂人環境睇落都唔錯，有機會都想坐喺度慢慢嘆題外話，佢隻杯又設計得幾靚喎🙈飲咖啡我真係好少叫凍飲，通常會冇咁香咖啡味同埋中伏率都幾高但呢度嘅咖啡入口唔係偏酸或甘苦，係比較nutty嘅味飲落好順滑咖啡味充足唔會話奶味蓋過咖啡佢地嘅冰都唔會話佔隻杯一半我覺得好值得飲之後去太平道都會早啲去，為左呢杯啡，我願意！…查看更多

呢間熱狗幾年前喺荃灣就已經成日食好食又飽肚，芝士溶哂喺面真係超級吸引！睇佢賣相已經超有食慾佢地每次都係即叫即整從來未試過食到凍左嘅野食今日兩個女仔食想分一半佢仲肯幫我切半好好人！芝士肉醬熱狗！睇落足料，食落都好rich佢喺中間有落埋芥末醬同茄醬惹味道滿分💯佢傍邊有個小位置可以俾人食野食之餘記得留意唔好整污糟啊！咁下一個要食野嘅人就可以食得舒服又安心今次冇食其他小食以前喺荃灣分店食嘅薯條都好正特別係肉醬芝士味不過兩樣都食同一口味會好漏如果想試嘅建議可以揀其他味食即炸嘅野熱辣辣拎上手食冇野唔好食嘅🙈…查看更多

葵廣選擇多不勝數每一間嘅茶飲基本上都30起跳價錢上就間間咁上下啦不過好唔好飲就....今次叫左鐵觀音拿鐵加桂花珍珠一拎上手，都知伏左淡色到一睇就覺得唔好飲店員細心嘅，有提醒搖均先飲搖完一樣勁淡色，奶唔夠多茶味唔濃不過好在佢奶少，都叫飲到少少茶味不過叫我再飲就真係咪搞...服務態度都幾好嘅，不過飲品質素真係需要改善茶冇回甘就一定因為茶味本身就淡桂花珍珠咬落質地好好，好Q彈有咬口桂花味認真啲嗒都嗒得出嘅但就咁溝埋邊飲邊食就只食到甜嘅珍珠味冇乜桂花嘅味有選擇下..咪浪費金錢試…查看更多

新城市竟然開左八月堂！對為食貓黎講絕對係一大喜事名就聽得多啦食就真係未食過！今日終於可以試一試我買嗰陣店員姐姐仲話買5送1叫我可以買夠6件呢啲營商手法真係好易落嗒！好彩我醒目以前中過伏今次學精左一共買左三款黎試，雖然好多味都好吸引！之但係買左唔好食嘅話會好嬲㗎嘛！我仲以為牛角酥一定要又熱又脆先好食，估唔到佢竟然係凍食，仲要中間有餡我買嘅分別係黃金流沙、焦糖布丁、紫芋見愛三款都係甜嘅，味道唔會話太甜！加分焦糖布丁味上面嗰條應該就係布丁，口感同平時食嘅布丁唔到，膠啲又冇咁有彈性，食落唔係好滑，味道普通但一啖食哂佢嘅布丁、內餡同包口味都平衡到，好食嘅但冇話好特別令我要回購芋頭味嘅芋頭就係包面劃刀塞入去嗰部分，分量比較少，味道亦唔夠三款入面黃金流沙最好食，有起沙嘅口感同微微食到鹹蛋味三款都用上同一種內餡/吉士做基礎，再搭配醬料同口味搭配個包雪喺雪櫃食落凍冰冰但包頭、尾同面都保有脆(硬)口感，冇話凍食令佢難食或淋左不過牛角包基本應該有好重嘅牛油味呢點佢就做唔到了如果你想食到正宗好香牛油味嘅話請千萬唔好買佢！於我而言，有機會行過買黎同屋企人分享下都可以嘅，但如果特登去買或者排隊就不了…查看更多

烏溪沙搵野食根本就係荒謬因為烏溪沙基本上係一個沙漠想食cafe就唯有落黎呢間主打日式風格嘅屋子生活環境又真係簡潔舒適落地玻璃令整體空間感覺更大又冇充足光線，嘆杯咖啡閑聊一下都係唔錯嘅選擇兩個人叫左兩個set一個吉烈豚便當、另一個係牛肉便當食飯上枱一睇賣相吸引唔花巧但色澤好靚，見到都會好有食慾不過兩個便當都唔夠熱吉烈豬嘅汁好難食，又酸又鹹完全搶哂味又唔好食牛肉便當好普通兩份嘅份量都好細，食完係完全唔飽咁樣就要62蚊，認真唔抵跟餐飲品選擇極少而我又好熱受咖啡於是加20蚊叫左呢杯拿鐵其實加20蚊轉野飲真係好貴不過想飲就算啦🤦🏻‍♀️好彩咖啡表現良好我通常飲無糖嘅因為加左糖通常會令咖啡冇咁香飲落唔太好飲今次呢杯嘅桂花味係我鐘意嘅叫左少甜，飲到啡味又隱隱回返陣桂花味出黎香甜特別49蚊食一件窩夫咁人把好鬼貴不過味道係好食嘅窩夫都唔會死實實不過不失由於價錢同食物量唔成正比嘅關係如果你係帶另一半或都同姊妹想有個地方輕鬆傾計食兩啖野嘅絕對可以考慮黎呢度但如果係想食得飽嘅....去其他地方啦下…查看更多

突然想食咖喱所以就出去佐敦今次係第二次過黎食啦依家疫情嚴重2點黎到都要等位排隊一枱接一枱客咁特價左之後價錢合理左一個正常食量嘅人應該可以食得哂而且都夠飽比超散叫係細兜啲，不過肉量又唔覺少左喎，都幾抵食我地叫左個午餐咖喱牛腩同一個散嗌要咖喱牛舌兩個都可以跟飯/薄餅但就冇得跟甜餅由於普通薄餅我地食過覺得都幾難食下所以要左個飯就算另一個只要兜咖喱另外叫左3塊甜餅...(最後發現叫多左搞到要打包走)食得咖喱你都真係唔好同我講仲食得出牛味濃淡😂事關咖喱本身嘅香料、洋蔥之類嘅味道絕對蓋過哂任何牛味如果你要求食咖哩食到香濃牛味我勸喻你出返去睇食牛扒嘅食評👋🏻呢度嘅咖喱唔係滑順奶香耶香嘅類型佢嘅用類令佢口感比較粗糙同氣味強烈洋蔥味香甜濃郁，香料味重係絕對重口味嘅咖喱齋食絕對會鹹，所以必須配上白飯/薄餅正因為佢嘅味道強烈而濃郁，配上甜餅食係絕配嘅組合順帶一提甜餅就咁食你食多兩啖都係會唔想食嘅所以佢地必須一齊出現喺餐枱上牛腩軟淋入味而且大大件，下圖係午餐份量，絕對冇偷工減料以下係甜餅圖，呢塊我切半原塊大過我塊面如果怕食唔哂建議你唔叫飯就2個人3塊叫嘅話2個人兩塊加一份飯都應該夠食除非你同朋友都好大食啦下咁後咖喱牛舌，咖喱就一樣味嘅明顯見到散叫餐牌係大碗好多牛舌量都係好足佢嘅牛舌係超級軟身唔係平時食串燒有口感嗰種我本身唔食牛舌嘅所以我唔會覺得佢好食口味呢家野好見人見智如果你係鍾意爽口有口感嘅牛舌，你都可以唔洗食佢…查看更多

晨早流流想食個早餐 後生仔十之八九揀茶記同cafe偏偏我特別鍾情一盅兩件不過疫情關係諗住茶樓太高危就選擇左點心店而事實話我知...一樣咁多人咁危險疫情下仍然係咁多人食🤔莫非真係咁好食？我地兩個人叫左6樣點心/小食老實講煎蘿蔔糕就預左粉多過蘿蔔普遍都係最多咬到一兩絲蘿蔔喺入面唔期望有臘味、蝦米呢件蘿蔔糕粉得黎口感比較鬆散唔係挺身之餘仲略嫌有啲唔夠實係易夾開分件嗰種，食唔出蘿蔔絲/蘿蔔香再黎叫左蛋白蝦春卷同想像中有啲出入如果蛋白落多啲整得實在啲會更好依家食落蛋白冇特別不過值得讚係真係食到蝦粒幸好係即炸即上入口夠熱夠脆，所以唔難食得去邊不過想食香口野又想食點心可以睇我另外幾篇點心店食評，絕對有更好選擇冰花蛋散呢樣本身都唔係話食佢好食嫁啦只係一種回憶同懷舊始終呢樣野第一從來冇可以係熱嘅第二佢太凍又唔會好食第三佢本身質地係行少鬆化路線，話脆唔脆咁第四呢樣野本身係靠一大堆糖漿令佢有味，所以你只會食到甜、甜、甜同甜，唔會有乜特別只不過咁講，依家好少地方會再見到佢嘅存在以前細細個爺爺嫲嫲帶去酒樓食店心，有得食佢就已經好開心所以唔係食佢好食，而係食個回憶最後唯一食到好食嘅係馬拉糕其實馬拉糕材料好簡單但要整得好食就真係好少地方有呢度嘅馬拉糕上枱熱辣辣紅糖味香，又唔會話好甜甜度係足夠你食得出紅糖香帶微甜嘅感覺重點係佢超級鬆軟你用筷子夾落去已經感覺得到佢嘅軟綿綿而又有彈性一個人食哂一個都唔覺得漏全餐最好食店心，沒有之一另外燒賣同鳳爪我忘記左影相都係同普通店心差不多冇乜野特別好講唔係特別好食不過唔難食咁解米芝蓮嘅定義到底係咩？用乜野準則？真係令我覺得好奇怪😅如果你未食過又喺附近嘅都可以食下嘅不過特登去食/再去多次我就唔會啦🙈…查看更多

石門嘅蒸廬我真係記低左好耐要食今次終於有朋友肯陪我黎食下星期六嘅下午都係要排隊嫁啦不過等3張都唔係話好耐而且食物質素值得我等一陣嘅叫左個蒸飯餐，可以加配一盅兩件同燉湯真係幾正嘅，下次叫其他蒸飯可能好食啲事關呢個飯啲蝦似乎唔太新鮮但係蝦餃好食，所有食物上枱都熱辣辣，值得一讚入面嘅蝦大大粒冇偷工減料嫁呢個鮮竹卷有驚喜！魚湯好夠味唔係求其俾個汁我整體好夾，感覺同平時食嘅好唔同咖喱土魷超級正啊！味道濃郁入味土魷、豆卜吸收哂咖喱嘅精華勁好食又香又濃味，係我食過最正嘅！為左呢碟同個湯都絕對值得再黎！雞湯上枱熱到辣手我最怕飲湯唔夠熱！呢樣已經要加分！仲要足料冇味精超清甜飲落去就覺得好補一人飲一盅都唔過份！平均先80蚊一個人，抵啦！…查看更多

放假又疫情難得出街鬆一鬆梗係要食返杯傾下計啦！話哂條街又熱又曬行多兩圈就出哂汗！呢間墨西哥餐廳睇落唔錯，燈光柔和座位闊落舒適一於入去坐低飲杯野吹下水佢有分室內室外，由於入去時者仲係較熱所以選擇左坐室內室水冷氣充足唔會悶焗，坐位亦非常舒適食野吹水絕對一流餐牌飲品種類多而且比較特別唔洗好似平時出去飲酒咁食黎飲去嗰兩杯今次叫左杯雲尼拿配酒嘅奶昔啱哂咁熱嘅天氣！上枱都幾好睇，一入口個感覺係...哇！小朋友嘅味道！好正！雖然係雲尼拿奶昔味個隱約都飲到酒味，如果朋友想飲返杯你又好似我咁咁啱唔想飲酒精味嘅野呢杯絕對滿足到你飲酒又可以飲小朋友野嘅要求！真係好好飲！第二杯我叫左Stella 你睇下啲泡！幼滑、綿密。完全係享受我地吹水去到後期轉左出室外坐店員都好樂意俾我地調位期間見人地食野好似好正好吸引，可惜今次食飽先黎如果唔係就可以一飽口福啦！我已經將呢間店列入下次要食嘅名單！有機會入西貢想飲返杯chill下吹下水不妨揀呢度啊！…查看更多

自從開始左黃色經濟圈之後都真係好耐冇食過水煮魚呀酸菜魚呀之類嘅嘢食上網一見到原來有黃店可以食到酸菜魚梗係即刻就要去試吓啦！今次係我第二次過嚟，終於比我嗌到上次話賣晒嘅咋流沙包同埋水樽裝嘅茶飲！跟餐叫一樽茶加$10其實都幾貴，不過勝在個水樽又黃又靚仲可以拎走，咁咪當買個水樽囉。況且佢支蜂蜜菊花茶又真係幾好飲，起碼好飲過佢餐廳入面嗰啲凍檸茶凍奶茶先啦！上次你都覺得佢嘢食幾好食但個水吧認真唔掂，希望佢哋之後會有改善講返今次，酸菜魚河粉大件夾抵食57蚊你唔好要求佢用好靚嘅魚片，雖然魚片普通一食就知係最平嗰種但佢個湯底適合香港人食，酸中帶好微嘅辣我本身食開譚仔中辣就真係覺得冇辣味，如果辣有得揀就更好流沙包即叫即炸知枱又熱又脆不枉我為左佢再黎多次呀！水樽嘅字係印上去呀，好有心思茶亦好飲，不過因為佢地即日沖又快賣哂我呢枝就唔係好凍啦如果放假出開去或者住附近想幫襯下黃店又唔想太貴，對食物質素要求唔會過高嘅話真係可以嚟呢度食下…查看更多

當初荃灣開業時我仲係學生放左學就入去食tea飲咖啡直到依家出面左多分店左都依然鍾意食佢不過甜品同咖啡呢對比當初真係退步左好多好彩食物質素依然高企特別係軟殼蟹意粉一直都好好食呢個牛油果蟹肉意大利飯就一般冇下次同想像中好大出入，牛油果味完全喺個飯度食唔出，好彩個面有半個牛油果都叫符合主題😂軟殼蟹黑松露意粉就一如既往咁好食軟殼蟹揸得酥脆菇菌充足食落口真係好滿足咖啡嘛，當飲品就普普通通唔難飲但稱唔上一杯好咖啡lu…查看更多

咁啱行到一田諗住求求其其買啲野返屋企填下肚就算，點知見到呢間好似好日式嘅食店發現有串燒、丼飯、仲有生啤，去唔到日本就買黎頂下癮囉見佢店面細細，估唔到選擇都唔少，見佢一路燒串燒冇停過手好似幾唔錯，啲人堂食見到食物嘅樣都幾好，不過位置就真係又窄又細，所以我都係外賣就算外賣單點會附送熱茶，原先我以為佢冇俾我都冇話特別留意到點知後尾發現佢直接將茶包放喺袋嘅底😂又幾好喎咁樣，起碼我唔會返屋企途中倒瀉野串燒雞丼飯網燒豚肉月見丼飯兩個飯拎到返屋企係微溫一開初拎上手都唔係特別熱，之下過外賣嘛，正常都係得微溫嘅，自己翻熱一下應該就好好食啦！豚肉較普通肉片厚身，略嚴煮過頭肉質麻麻車厘茄好新鮮，重點係隻蛋真係好好食！略帶酒香，係我喺香港食過嘅蛋中最好食！米亦食得出係用日本米，圓圓短短帶點甜味。雞丼入面嘅雞翼好食，有烤過嘅香味絕對唔係煎俾我😂外賣黎講算幾好食，不過略為細盒，男仔或者正常食量嘅人應該係唔太夠飽，建議叫返餐要埋個細烏冬…查看更多

香港人尤其是後生一族點都會出旺角或者尖沙咀行街行過路邊又點會唔想飲番杯手搖飲品滿足下自己順便打下卡飲得太多珍珠奶茶又肥又甜不如過嚟試吓養生版本嘅手搖飲品每次去到旺角都一定兜去旺中買番杯月滿花香飲下貪佢健康得來又好飲重點係老細超級黃！黃到金！黃到發光！月滿花香嘅花香味十足但又唔會似飲緊香薰精油，係純天然嘅花香味甜度、冷熱都可以自己選擇入面仲有桃膠、奇亞籽任君選擇健康得來又飽肚佢哋嘅桃膠每日自己熬製，新鮮又好味出去食唇茶已經變左我嘅習慣如果你唔飲得甜可以好似我咁叫少甜甚到走甜味道一樣好好…查看更多