BlueMonday的个人专页

🎈貓毛個招牌類似霓虹燈，再配上貓貓佔領星球既Logo，加上幾個燈泡，好有懷舊風。🎈餐牌有漢堡，有飯食，仲有串燒同煮蜆，食物幾多元化。🎈環境有格調，店員禮貌地邀請怕悶可以先掟鏢等。✨加菲漢堡漢堡中的兩塊豬肉，燒得恰到好處，略帶焦香，肉質鮮嫩，每一口都能感受到豐富的肉汁在口中四溢。豐富的口感下亦顯示出漢堡師之精湛烹調技巧。雙層芝士也是亮點之一。香滑的芝士在口中融化，與豬肉的醇厚口感互相融合，帶出一種難以言喻的美味。✨貓霸兩大塊牛肉煎得金黃，表面微微焦脆，內裡卻保持多汁。每一口咬下，都能品嚐到牛肉的純粹美味與肉汁的豐沛。配搭鮮嫩多汁的菠蘿片帶來一絲清新與甘甜，它與牛肉的濃郁完美平衡，創造出了一種奇妙的熱帶風味。還有蜜糖芥未醬，醬料甜而不膩，帶有點點辛辣感，不僅豐富了漢堡的口味層次，更在香甜中隱藏著微妙的提味效果。✨貓毛朱古力朱古力出奇地順滑，有著一股淡淡的可可香氣，甜度適中，非常適合朱古力愛好者。✨香港人朱古力(60%朱古力)另一款更偏向成人口味，它含有60%的可可成分，味道濃郁，帶有明顯的苦味和深邃的果香。可可濃度剛好能夠平衡朱古力的甜與苦，沒有過多的糖分遮掩，可可的純粹風味得以完整地展現。…查看更多

拜山經過見到民華餐廳多人食，見咁岩有位就入去食，以前我食過其他分店，但估唔到呢間連鎖式餐廳+預制食品既舖頭竟然會咁差。餐廳菜單大概可分為常餐/蒸飯（套餐可加飲品，免費熱飲，凍飲+$3）、點心（散嗌）及碟頭飯（散嗌，熱飲+$10，凍飲+$13）椒鹽豬扒飯飯量都幾多，而且米飯唔會太淋，豬扒雖然有骨但夠味都還可以。凍奶茶正常港式飲品，味道偏甜，欠缺茶味。燒賣用瓦碟上枱既燒賣，碟底仲有好多油/水，如冇估錯係一路長期蒸所引致，而呢攤液體令到粒燒賣濕晒，唔好食。重點係當我拎起張單想埋單，發現有d蒸飯配熱飲＋$10，亦有d常餐配凍飲+$13，理所當然叫待應黎幫手了解。一位操國語的女待應以國語回覆無問題，無收多錢，並以廣東話指示要我自行計算。我無理解錯係食客黎餐廳食飯，要自行計算銀碼有冇問題，你係咪傻L咗？跟住呢位國語女待應叫另一位女職員到場，我見到新加入的女店員，職級為副經理。佢就逐項解釋返收費，同埋餐廳系統唔會按順序咁計數，但最終銀碼係正確。另一個問題係你個餐飲系統令到食客誤會，係咪應該叫人處理，或者寫定提示通知客人呢？註：我本來唔打算寫食評，但為免有人覺得我唔係現場而亂講，所以放返張影枱面既相。…查看更多

泰菜多元的味道，多樣化的香料，加上色彩繽紛的配搭，在視覺和味覺也給人一種滿足的感覺。今日到訪的舖頭位於旺角鬧市中，交通便利，餐廳裝潢樸實無華，但菜式地道，價錢實惠，性價比高。門面/環境：Menu：食物：✨泰式海南雞雞肉嫩滑富雞味，雞件有油光，雞皮爽口，搭配泰式醬汁，香濃惹味。✨咖哩炒蜆鮮嫩的蜆肉、濃厚的黃咖哩加上椰奶香的相得益彰，令人饞涎欲滴。咖喱辣度適中、蜆肉食落無沙泥、雜質，值得一讚！✨飛天通菜飛天通菜即係馬拉盞炒通菜，而馬拉盞是馬拉版蝦醬，散發出陣陣咸香，加入適量辣椒炒，香辣爽口，送飯一流！✨泰式奶茶泰式奶茶的茶味芳香清純，奶香細滑。…查看更多

🎈好有文化氣息既招牌，下面有書架擺放各類型既書籍。🎈座位闊落，空間感十足。🎈餐廳主打台式餐飲，選擇應有盡有。✨古味鴨腿定食美味多汁的古早味鴨腿，搭配香噴噴的白飯、清爽的蔬菜和肥瘦均勻的魯肉，絕對是一道令人垂涎欲滴的定食。每一口咬下去，鴨腿肉質鮮嫩多汁，充滿濃鬱的醬汁，讓人回味無窮。✨秘罈酸菜魚米線米線融合秘罈酸菜和鮮嫩的魚肉，味道獨特而鮮美。酸菜香氣迎面而來，令人胃口大開，搭配魚肉的鮮甜，口感豐富且充滿層次。✨桂花雞翼雞翼外層酥脆金黃，咬下去時發出令人著迷的嘎吱聲，露出裡面鮮嫩多汁的雞肉。每一口都充滿了香氣四溢的香料和獨特的調味，令人難以忘懷。✨黑糖珍珠鮮奶深邃的黑糖香氣彌漫著整個飲品，鮮奶的濃鬱口感和珍珠的彈牙口感給人一種極致的享受。…查看更多

🎈餐廳門面企理、高雅。🎈餐廳卡位闊落，空間感大，坐得舒服。🎈餐廳專人奉上調味料，可調配屬於自己獨一無二風味的醬料。✨藥膳花雕花膠醉雞鍋藥膳醉雞鍋結合藥膳的營養價值和花雕酒的香氣，配合淮山、紅棗、黨參等藥材，滋補養顏。雞肉鮮嫩多汁，花膠口感滑嫩，味道醇厚，回味無窮。✨酥炸魷魚鬚經過酥炸處理後，魷魚鬚外脆內嫩，加上准鹽吃起來鮮香可口。✨美國頂級手切封門柳封門柳肉經過手工切割處理，保留了肉質的原汁原味，每一口都充滿了濃鬱的肉香。肉質鮮嫩，口感極佳。✨韭菜餃餃子皮薄厚度適中，口感爽滑，韭菜的香氣與餡料的鮮味完美融合。✨手打鮮蝦丸這道手打鮮蝦丸的彈牙口感令人驚艷，丸子中的鮮蝦鮮甜彈嫩，入口即化，…查看更多

呢間屋邨茶樓好耐已經無黎，今次講講呢度奇葩之處。茶樓沒有知客係門口安排入座，茶客需自行到茶樓裡面等位，食緊既人其實好唔舒服，試諗下，食食下突然有人企你隔離，睇你幾時走。如果是多人數的話，只能祝你好運，因為有大枱已被瓜分幾組人（即已被幾組客搭枱），在毫無協調下，只會一組接一接咁換人。最好笑係多謝加一服務費呢句，乜你有提供過服務出黎嗎？唔知係咪我多人，坐張細枱，個阿姐都知窄，我覆佢有得食好過無了期咁等。結果佢幫手換張大枱俾我，呢方面係感激的，只係間舖做得唔好。食物質素正常，落單後需等多於半小時，請自行判斷待侯時間是否過長。…查看更多

想係鬧市中忙裡偷閒，不得不推薦位於旺角內街的Rimi Cafe，它是一間提供board game兼飲食的餐廳，座位可以選普通雅座或者日式榻榻米。在繁忙的都市中，這裡提供了一個寧靜的用餐空間。今次只得兩個人聚餐，所以揀選款式較多的二人餐分享同放鬆地坐榻榻米。首先，蒜片牛柳粒令人驚艷。鮮嫩的牛肉搭配香脆的蒜片，不僅口感豐富，還散發出誘人的香氣。每一口都是一個完美的滋味組合。煙三文魚配忌廉雜菌天使麵同樣出色。天使麵細膩滑順，煙燻三文魚帶出一股淡雅的魚香，而忌廉雜菌則增添了整道菜的層次感。這道菜讓人陶醉其中。德國腸拼盤豐富多樣，香氣四溢，讓人垂涎欲滴。嚼勁十足的香腸都有其獨特的風味，既有細膩的肉質，又有獨特的香料風味。無論是肉質口感還是調料選擇，都無可挑剔。飲品方面，青蘋果四春茶為整頓晚餐畫上完美句點。清新的青蘋果與四季春茶融合，口感清爽，是夏天的最佳選擇。…查看更多

荃灣區一向多好西食，可以朝聖打卡既餐廳就比較少。朋友提起有間新的西餐廳，裝修、環境色彩繽紛，而且食物質素中上，適合聚會。🎈店鋪門面散發出高端、與眾不同的氛圍。右邊雪櫃展示各種香港手工啤酒、甜品，例如：檸檬蛋白撻、熱情果氣泡綠茶，可惜今日有揸車，未能品嚐。🎈餐牌設計同店鋪一樣咁colourful。套餐由$148起算是合理水平。🎈店內環境有花海觀賞，吸睛悅目。✨煙三文魚凱撒沙律煙三文魚帶有咸香，配上鮮嫩的蔬菜和凱撒醬，口感清爽。✨烏克蘭獵人豬肩肉燉飯雖然唔肯定菜式係咪源自烏克蘭，作為食肉獸，食到嫩滑既豬肩肉會好滿足。呢個飯既質感好似意大利燉飯(risotto)，口感鮮嫩。配料有蘑菇、蕃茄、辣肉腸，條腸甚至比炒蜆更辣。✨香城和牛漢堡配薯條一上枱已經俾呢個巨無霸同薯條香味吸引，漢堡既餡厚到令人唔可以一啖過咬。好彩餐廳有提供一對即棄手套，用雙手拎起食都有點狼狽。值得一提係和牛煎香後鎮住肉汁，每食一口都有濃濃的肉汁滲出，好重牛味伴碟的薯條完全不馬虎，粗身薯條好有咬口，非常香脆。✨蒜香辣椒炒活蜆蜆肉大粒、厚身，吃起來鮮甜，而且蒜香味十足，辣度適中！✨繽紛水果茶茶底充滿不同水果，甜度適中，帶出Fresh既清新口感。…查看更多

對上一次我食呢間巴蜀風，已經係兩年前同五年前既事：1) https://www.openrice.com/zh/hongkong/review/%E6%8A%B5%E9%A3%9F%E5%B0%8F%E5%BA%97-%E4%BD%86%E8%A1%9B%E7%94%9F%E5%B7%AE-e42590392) https://www.openrice.com/zh/hongkong/review/%E7%B1%B3%E7%B7%9A%E5%B0%8F%E5%BA%97-e3224959餐牌無重大改變，都係個份餐牌，只係兩個餸米線+凍飲貴咗兩蚊，但近年餐廳成本上升，難以唔轉嫁俾消費者。✨麻辣雞魚蛋米線✨麻辣雞：一如以往，係啖啖雞胸肉，如果唔夠辣可以搵店員要求更多辣汁，呢方面水準無問題。有時會喜歡食呢種雞肉多過連鎖米線舖既雞絲（而且近年份量仲越來越少，寧願直接加價，做真小人好過偽君子）。✨魚蛋：幾有咬口，不過咬到入裡面感覺到有種雪味，所以唔推薦嗌魚蛋。✨配菜：花生夠脆，無乜好挑剔。…查看更多

呢排去老母區開會，成日煩一陣食乜，間間都咁多人。今次非常好彩，趁人潮未到達前先入座，跟住人群蜂擁而至咁等位……由於辦公室唔係九龍灣，所以外賣優惠對我無咩著數，不過覺得外賣優惠真心好抵食。當然，即使堂食都係$5X，比起其他餐廳都便宜，只係坐得密少少同搭枱就唔係人人喜歡。星洲炒米有溫度、有鑊氣、有辣度，而且味道足。以$48呢個價錢絕對無得輸！配料唔算太多，我反而比較喜歡咁，因為出面普遍既叉燒都唔好食，咁不如唔好加上去。如有機會經過，絕對可以回頭。…查看更多

食過一次後，對天星米線念念不忘，特別係佢個胡椒湯底。呢次同朋友夾埋食二人餐，每人俾多少少，多兩個小食，真係幾抵食。人均消費大約係$80，有2碗米線+2杯飲品+2個小食，對於晚市出街食仍然是可接受水平，而且食到好滿足。*幾次食晚市都需要排隊先入座，敬請預留時間排隊。炸豬扒加上准鹽好惹味！皮蛋唔及連鎖米線舖好食，可能是食慣咗個種味道所致。胡椒湯底好出色，一啖湯一啖麵咁食，對於冷冰冰既日子，對禦寒有加成。豬肚絲份量時多時少，同黃金墨魚餅感覺唔夾。…查看更多

趁放假，去屯門市中心附近食一直想食既餐廳——占士牛肉飯。認識呢間店舖係靠社交平台follow開既食評，睇過相同評價都覺得唔錯，可以一試。去到附近，先發現間舖未開……係官方社交平台同舖面都搵唔到營業時間，於是搵返推介佢既社交平台foodie，望到係中午12點先開舖，係附近行多陣先有得食。去到牛肉專門店，無理由唔食牛吧？單點一個飯先係時光倒流價，加多個小食（再加埋一）成為套餐，其實同一般價錢差唔多。原本我想試下炸薯餅，但今日售罄，又唔想食咁多肉，所以選擇加溫泉蛋。經過QR code落單後，過一陣就有得食。咖哩牛肉飯- 咖哩汁偏向日式咖哩，完全無辣度。- 牛肉質感真係唔錯，有咬口，比起連鎖牛肉飯專門店既肥牛更好多。- 飯量頗多，可以用咖哩汁同溫泉蛋送飯。…查看更多

新既一年，拜訪朋友屋企，朋友話附近有間西餐廳幾好食，所以就決定係度用餐。餐廳座位唔太多，而剛剛開門已經好多人湧入，好彩我另一位朋友就率先拎位，拎到最後一張枱，否則唔知等到幾時。餐牌有雞、豬、三文魚及牛的主食，可配薯蓉或沙律，相信總有一款岩你口味。最後我聽從朋友推介，揀咗烤胡椒雞扒+周打蜆湯。周打蜆湯：好足料，湯入面有好多蜆肉，而且味道濃郁，唔係用味精/粉開出黎既垃圾餐湯。烤胡椒雞扒：雞扒大大件，切開都幾厚肉，肉質嫩滑，只係略嫌唔夠胡椒味唔夠。至於薯蓉係比較少見既紫薯，同樣份量都幾大，飲完湯，食埋扒同紫薯都好夠飽。呢間西餐竟然不設加一服務費，明碼實價，真係難得良心小店！…查看更多

提到華都茶餐廳，相信大部份區內朋友都會提起雞朱寶，佢既扒類確實大大件+性價比高，味道同價錢都贏到唔少商場內既食肆。今日餐牌如下：講起每日餐牌，係社交平台都可以搵到，唔使專程黎到先睇到。由於午餐唔太岩食，所以另外揀午飯套餐以外的菜式——星洲炒米。老實講賣相唔太好睇，不過味道正常，起碼唔會出現有色澤而無味，或者無色澤無味既滑稽情況。整體來說，味道可以，但去到繁忙時間就太多人，唔可以坐得耐。…查看更多

成日經過呢頭，見到呢間車仔麵有唔少人幫襯，往往是過其門而不入。今日見有空檔，就zip入去試試……🎈店內環境好有老香港味道，有懷舊街市燈及街景，只係另一邊整ANAL同鏡仔的相，顯得格格不入。🎈餐牌設有不同套餐，車仔麵配料應有盡有，可滿足大多數客人的需要。✨3餸1麵，加底 $481. 招牌魷魚份量比市面為多，食落爽口，只係略嫌唔夠入味。2. 古法金錢肚感覺好似將點心個種金錢肚做車仔麵既餸，份量OK，味道唔夠。3. 柱侯牛勒條3個餸入面最濃味既餸，咬落啖啖肉，牛味濃郁。湯底：惹味甜辣汁最初食個時會覺得點解辣中帶甜，好奇怪。不過慢慢食落就接受到，同時覺得呢種味幾有趣。呢個湯底唔係做到死辣、死麻個種Feel，而係有種層次感帶出，一啖麵一啖湯係唔錯。🎈總結喺百物騰貴既市況，呢個價錢對得住份量。$40有3餸，加埋飲品 under $50 屬可接受水平。…查看更多