OLWu的个人专页

見社交平台好多foodies推介嫩雞白布湯闊麵，睇落好好吸引，所以lunch過黎試下，點知伏左......😅原本好期待佢個闊麵，因為好多人話個麵又特別又好味，好似匹布甘。Um.....但我個碗麵睇落就麻麻地，一睇個麵就覺得係將3張水餃皮連埋一齊🤣而且廚師煮果陣冇攪好，所以2塊麵痴住左，好厚......仲要得幾塊麵咋，而個口感就exactly係double厚度嘅水餃皮🤣但完全唔掛汁💥事後見網民話一碗麵有6塊麵，可能因為我d麵痴住左，所以唔覺有甘多😅雖然個麵底令人失望，但菜同雞肉好足料，而且個湯底幾好味，好似上海雞煨麵個湯底再清淡d但個麵唔掛湯，可惜可惜（你當佢係分拆版雞肉水餃但用濃郁湯底甘諗會開心d😆）環境方面，都幾迫下，仲要搭枱，一張六人枱，但搭左4枱客，而且一有人走就會有新客黎。唔係幾適合想靜靜地慢慢食嘅客人。…查看更多

好耐冇食台灣野，好掛住牛肉麵，於是中午去鐵牛食牛肉麵。餐廳好大，唔洗等位，即刻可以入座位個menu都幾多野食，而且design 得幾靚，但我目標明確，今次一定要食到牛！肉！面！點完菜，店員話要埋左單先（有d奇怪但都冇乜所謂）比完錢等左一陣，牛肉面就送到牛肉麵個賣相幾靚，飲左一啖湯，幾濃味，但飲多兩啖就覺得好咸個麵幾好味，有口感，牛肉都好冧，好好味但份量就有d細，唔夠飽，但已經埋左單又唔想再埋多次單。…查看更多

上網見到人地食炸雞，搞到我都想食炸雞於是就去寶勒巷搵炸雞的踪影，今次就去chirchir（唔知係咪韓文呢？！）menu主要係以炸雞為主，有好多款炸雞，但除左炸雞就好似冇乜其他主菜、小食類選擇但唔緊要啦，今次就係想食炸雞我地揀左芝士炸雞同炸彈飯糰熱辣辣的炸雞，脆卜卜，好香口，芝士仲可以拉絲好好味炸彈飯糰個外型真係好似emoji裡面個炸彈但原來炸彈飯糰有我唔食得ge材料所以唔知咩味而且份量好大，食左幾件就開始有d飽…查看更多

平時好少去長沙灣搵野食，今次就openrice左呢間餐廳，見評論都幾好一入到餐廳就覺得係一間幾文青又有玩味的cafe餐廳唔大，但坐得幾舒服，人少少，夠安靜，好適合同朋友坐一個下午，hea下玩下:):):)今次叫左小食拼盤、意粉、pizza同花茶由於唔小心影埋朋友仔個樣（可能係我餓瘋鳥），所以今次只係得拼盤可以po出黎小食拼盤好大份，都幾多款，大部分系炸物意粉同pizza都好好味，好大份花茶都好好味，而且茶具襯得好靚…查看更多

尖沙咀H8一路都有好多好好味的餐廳，今次就去左德美壽司今次好醒目，特登早d去等位，唔想同附近返工個ge打工仔爭位但去到原來都已經有好多人店員話普通位滿左，但如果唔介意坐bar臺就可以唔洗等位坐bar臺幾好啊又唔洗等位，d野食又可以快d送到黎我叫左一個三文魚籽吞拿魚腩don飯定食，包埋茶碗蒸同miso湯茶碗蒸好滑而個don飯上面ge 魚生好足料，好新鮮，三文魚籽粒粒都好飽滿吞拿魚腩好creamy 好肥美見menu有好多選擇都係我中意ge，下次會試下…查看更多

見到呢度的午市套餐幾吸引同幾抵，於是就入左去可能時間比較早，所以冇乜人，店員仲安排我地坐系可以望到海的位置餐廳雖然唔大，但人少少夠寧靜坐得幾舒服，一路同朋友望住海，傾下計，食下野，夠曬chill:)我叫左個海鮮茶麵套餐，套餐仲配埋一杯台式飲料，平時一杯台式飲料出面都要20幾蚊，個set lunch 都只係100蚊有找，成件事好抵海鮮茶麵又好多海鮮，個湯底幾鮮甜個茶麵幾好味，但食唔到茶味（見識少未聽過茶麵，可能茶麵唔一定係用茶整ge麵）原本好期待杯野飲，因為我覺得茶館d茶飲應該會好味過出面ge野飲，結果有少少失望，但都ok，呢個價錢又有好味ge主菜，又有野飲，又有海景，仲要係海港城，真係物超所值…查看更多

好少黎中港城呢邊，完全唔知佢有分一座同二座，成日以為海港城先多野食，原來中港城都唔少野食，而且餐廳比較集中，大部分都係平台個度今次就試左呢間餐廳，聽人講原來同煤氣公司有關，一入到去店員就問我地想坐邊，我地就揀左可以望海景的位置由於今次比較早食晚餐，所以仲可以見到日落落完單冇幾耐，店員就比左餐前包比我地，D包幾特別，有好多款式我地叫左一份沙拉，卡邦尼意粉，意大利飯，黑松露薯蓉同甜品，全部都好好味，價錢有d貴，但非常值得，因為食物、環境、服務態度都非常好…查看更多

尖沙咀有好多韓國餐廳，好多都係由韓國人經營，而漢城美食就係其中一家。所以食物的味道十分地道。一入到門口，就見到餐廳好大，裝修就簡簡單單，好有傳統韓國餐廳的感覺，店員應該都係韓國人，主要都係用英文溝通。今次叫左個韓式炸醬麵試下，外貌唔係特別出眾，但味道就同係韓國食到的十分相似，簡單但不失色 而且呢度坐得好舒服，客人唔會太吵，而餐廳都冇規定用餐時間見佢menu 有好多款式，而且價錢都好大眾，下次會試下煎餅類…查看更多

之前收到Godiva禮券，可以去godiva分店換朱古力飲品，之前係朗豪坊飲過黑朱古力凍飲，但店員調配得麻麻，太多冰，所以今次試下其他野，試下熱朱古力由於得2張凳，坐系度個feel有d怪，所以都係take away，店員好nice，知道我要take away就比左細紙袋我，驚我辣襯手攞到番屋企，杯朱古力仲係熱笠笠，一打開就聞到好濃的朱古力香味，飲落去好滑口，好濃朱古力味，味道岩岩好，唔係好苦又唔係好甜。雖然唔知今次杯朱古力濃度系幾多，但我覺得濃過上次72%黑朱古力凍飲。…查看更多

C.P.U cafe 位於K11 Art Mall 1樓，但位置比較隱蔽，係鞋店附近（裡面？）外賣可以預早用WhatsApp落單，大約30分鐘攞得，而且仲可以有20%off，好抵今次叫左意粉套餐，套餐包埋餐飲同沙拉或餐湯，今次叫左餐湯，系南瓜濃湯，仲有個竹炭包送湯，餐飲叫左伯爵茶。個濃湯真係好滑同好濃南瓜味，而個意粉雖然冇肉同海鮮，但個味道一d都唔單調，番茄味好濃，酸酸甜甜，好好味！份量好大，又好味，下次會再幫襯…查看更多

係某美食平台，見到sake house晚市訂座有50%優惠，於是就book左呢間餐廳試試。見到網上評論話呢間餐廳地理位置麻麻，要行一大段斜路先可以到，但去到冇想象中辛苦，哈哈，可能因為做好心理準備。入到去，同普通酒吧式餐廳差唔多，環境幾好，夠靜，但張檯就太低，如果單單飲酒同食下零食都ok，但如果成餐飯都係甘食就有d辛苦。D野幾好味，價錢ok，但原來要計人頭費（味道仲要好似係卡樂X蝦條）要有優惠先會再幫襯。…查看更多

K11 Musea 一向行貴檔路線，聽d網民話food court d野食價錢一d都唔food court。但經過呢個food court，見到有一間好多人排隊買嘅麵包店，聽聞平時經常都有好多人慕名而來，佢就係有「巴黎最好味牛角包」之稱的Gontran Cherrier。我知道佢地的原味牛角包好出名！於是我都排埋一份隊，我見麵包啱啱新鮮出爐，牛角包香噴噴。除了有牛角包外，也設有Cafe提供熱食、飲品同多款法式甜品。但我今次就買左個原味牛角包番屋企食，食得出牛油味好重，酥皮超多層。我相信如果現場食一定更加好味！…查看更多

playa de papagayo呢間酒吧式餐廳晚上一直都好旺，見大家都話d野食好正宗，係地道西班牙餐廳。（而且我好中意間店名，西班牙文-鸚鵡沙灘）冇諗過原來佢星期一至日有做開午市，於是某個星期六就去試下佢個午餐先我叫左一個芝士雞肉墨西哥餅，同加錢叫左碗湯個墨西哥餅皮非常脆口，裡面有勁多芝士同雞肉，雞肉十分嫩滑，個湯都好濃，好好飲，CP值極高而且做坐得舒服，店員又熱情有禮貌。店員仲同我講原來星期一至五更加抵食，因為有套餐，包埋湯/沙拉。…查看更多

Stecco Natura位於K11 Art Mall，位置非常方便，最岩行行街食下雪條。見網站標榜佢係最地道的意大利甜品，又使用100%純全天然意大利食材，採用優質原材料、意大利製造、口感細緻軟滑，不含防腐劑及人造色素，好似好健康。雖然間鋪唔算大，但冰點/雪葩款式好多，連冰沙都有。於是就一人叫左一條試下，我食果個係雪葩。水果味好出，而且食落唔係“死甜”，我信佢真係用新鮮水果，落足料黎炮製。食完一d罪惡感都冇，就好似食左好多水果落肚，成件事好fresh，好健康！…查看更多

見某美食平台做緊promo，只要係一幻拉麵訂座，可以享有優惠。於是就book左海港城果間一幻拉麵。個人覺得比較難搵路，係海港城裡面兜左好耐到左門口，可能唔係假日，所以唔多人排隊。入到去可以揀bar檯同普通檯我揀左普通檯，坐得幾舒服同日本傳統拉麵店一樣，都係圈紙仔落單我揀左個特濃蝦味拉麵個面底幾好，d湯飲左幾啖，覺得幾好味，好有蝦味但食食下就會覺得有d鹹。如果中意食完拉麵後，再飲埋成碗湯ge朋友仔，建議可以唔洗叫特濃。…查看更多