fannieng的个人专页

聽朋友講JC ROOM 唔錯，所以趁住自己生日就去試試佢。第一次去嘅時候絕對有驚喜，個人覺得非常好味。P.S. 我食到好味嘅食物時係會有幸福嘅感覺，而當時我感覺到幸福，真係不得了！店員服務親切有禮，整體感覺非常滿意，所以心裡同自己講 : 有下次。因為第一次去係兩個人嘅關係食唔晒咁多款，所以好快又再encore, JC ROOM 除了食物品質同水準非常OK之外，特飲同甜品都好出色，而價錢我覺得合理。如此有心嘅小店要多多支持先得！原來甜品係老闆娘親自出馬架 …查看更多

新店開幕才一個多月我已經來了第4次，第一次來已經很想記下雞煲的美味，想引用韓國朋友的金句 : you must try cannot explain!之後每一次都是因為朋友看到我的分享說要來試，而朋友吃後的反應都一致說要再帶朋友來，見到你地食得咁開心我更開心。美食當然要開心share啦！這裡除了有雞煲，魚鍋，打邊爐仲有小菜，平日晚上人流暫時不多，三五知己睇住電視談談天一樂也，不得不提的是小店的服務是非常的貼心啊！…查看更多

有一天路過山林道看到宣傳牌寫著有德國咸豬手，再看看店內有啤酒飲，正正乎合我的壽星朋友要求喎，於是見人少少都入去試下啦。我們隨意點了: 煙三文魚凱撒沙律，黑松露芝士薯條，蜜糖黑椒雞翼，德國咸豬手， 卡邦尼意粉，全都很好吃，更驚喜的是他們的甜品都是即叫即做的，不好甜食的我也覺得好好味。價錢合理，服務周到，絕對值得推薦的小店。…查看更多

朋友生日想食清清o地所以就選擇食素菜, 之前食過唔同地點的大自然素食都不錯所以最後決定去美麗華這間。由於唔想等位所以時前已經電話訂位, 7:00pm 8位, 朋友都非常準時, 只有我遲了一點點, 我大約7:10才到達。我一到朋友紛紛跟我說 : 『我o地來到又唔講, 入座時都無講, 直到開晒茶飲左一陣先同我o地講個半鐘要還枱。』好喇! 個半鐘還枱唔係應該由訂位那刻已經要同客人講明o既咩? 如果只得個半鐘那我們還有很多地方可以選擇, 如果一早知道得個半鐘我們一定會去別的地方食飯, 因為我們還有生日蛋糕要切。我們當中有一位朋友因為要開會要晏少少來啫, d侍應同我d朋友講 : 『如果你朋友9點先來咁9點先叫o野食呀?』當時我沒到, 如果我聽到我一定會同佢講, 如果我們9點到, 我們會book9點囉! 點菜不久極速上菜都唔緊要喇~ 8點左右走埋o黎就話 : 『不如宜家上糖水啦?』侍應根本沒有理會我們是否已經用餐完畢, 遲來的朋友才剛坐下就已經想叫我o地賣單。咁我o地話轉頭先, 無耐之後又走埋o黎 : 『唔好意思呀! 8:30要還枱o架喇! 我o地要返枱!』當時沒有人在等位, 旁邊也有吉枱。咁我們話8個人食都只得個半鐘其實都唔多夠o個喎?! 侍應 : 『不嬲都係個半鐘o個喎!』我們跟她說無理由入座後先同我o地講, 如果未入座你咁講, 我們還可以去別的地方吃。那擺明該台職員有心唔咁早講, 好等客人"入局"才出聲。侍應仲口口聲聲話我o地"唔肯走", 其實都幾搞笑, 我們為什麼"唔肯走"呢? 宜家我o地要佔地盤嗎? 何以用"唔肯走"來形容顧客呢?之後下刪幾百字都係態度差用字有問題, 服務久奉。小妹之所以寫這食評純粹唔想其他食家遭逢這待遇, 食品完全無問題, 但係食到一肚火就唔係幾爽囉! $12/茶位, 8個人食左$1,300換來一肚子氣這是為何呢?! 真係越諗越嬲, 有咩理由講到你客戶有問題呢? 明明就係佢地有問題!!!!!!…查看更多

朋友路過見到人多就約埋一齊去試下, 由於是閒日所以都不是太多人。之前在食評睇到評分都幾好, 於是大家都抱住發掘新大陸的心態去食飯了。店內裝飾簡潔, 感覺簇新, 更有自成一角的卡位, 真的非常周到。餐前麵包都是熱騰騰的, 而且還有兩款選擇。我們沒有選擇叫set, 因為單點可以吃盡我們想食的。第一想食就係豬手, 不過製作需時, 所以如果想食一入座就好order喇~ 皮脆肉香, 仲幫客人切好先上枱, 非常貼心啊! ^^第二想食就係這三文魚, 本身不愛吃魚的我也覺得非常好食, 真的有蜜糖的甜香又沒有帶走三文魚本身的味道, 很捧啊!! 另外就係個薯茸, 本人好喜歡吃青芥未, 這個配塔一絕, 真的一吃愛上啊!! (我本身又係好喜歡吃薯仔的)這個小食很香口, 細細片開開胃很不錯啊!至於墨魚麵唔係跟墨魚汁就有少少失色, 屬普通。有機會一定要帶埋三五知己來食, 服務好又唔趕人走, 重點係食物水準都偏高, 絕對係有心食物。 下次我想try 士多啤梨骨。…查看更多

由第一次去力奇已經有少少心理準備, 這家店由於生意好, 所以服務會差少少。 但又因為佢o地o既食物質素好好, 所以咁多人都甘願self-service.第一次去食o既時候會有d唔慣, 但當你食過他們的東西, 就會明白點解成日俾人鬧話無服務都一樣咁多人來等位了。小妹去過猶奇起碼5-6次, 就在此跟大家分享小小心得, 希望大家會食得同我一樣咁開心啦!1. 其實打去訂位等同無訂位, 因為佢o地都係見人就俾位, 所以就算你有訂位都請你o地早少少就位喇!2. order的時間最好一次過點晒想食的, 唔好話食住再加單, 因為以我經驗來講, 加單係會等好耐的, 到佢來的時候你都已經食飽咗。3. 千萬要要用任何其他食店的份量來跟他們比較, 因為真的非常大碟(大到我會用盤來形容), 所以曼好就望吓身邊的食客枱上的食物再決定。4. 如果想試多d款就在order紙上寫全單雙拼, 咁樣你下次就會心中有數了。總之當作是自助咁招呼自己, 咁就最好了! hahaha~ 都係o個句啦! 如果接受唔到就咪去, 以免食到一肚氣啊!好喇~分享完心得就分享一下食物啦!任何一個湯底的料都非常的多, 多到係蓋不住的, 所以味道很濃 牛肉(雖然我唔食, 但朋友都一樣會點) 及豬肉眼筋 非常大盤 抵食 (本人推介肉眼筋)生蠔 次次都好大隻好鮮甜非吃不可!!!墨滑, 蝦滑的用料也很棒, 也是推介之一粟米豬肉餃 粟米非常甜, 很好吃, 大家可以試一試芝士丸同貢丸都係入靚貨(因為我在其他火鍋店食過一些很垃圾的貢丸) 此乃有比較下的個人意見。我最鍾意的就是那調味料, 最簡單最惹味的生蒜同辣椒, 無限量地供應。其他我唔多講了, 留返俾大家感受一下啦!…查看更多

由於是壽星女的選擇, 所以我們來到了這偏僻的食店。壽星女之所以有這選擇是因為之前她有來過, 覺得價錢合理所以encore的。我們一入到店內非常"煙", 原來是因為當時還沒有開抽氣(定係冷氣)總之就係已經有客食緊o野, 都幾大"霧"。我們食咗成個鐘之後情況先改善咋!雖然朋友來過不過好沒有什麼推介, 於是我們詢問店員有什麼好食, 店員話 : 『我唔推介啦! 推咗你o地通常都唔嗌o既!』 於是我跟店員說我們不吃牛的, 她就好敷衍的是旦答了, 但那些我們已經點了部分的食物了......店員推介了墨魚3吃, 問了價錢$108定$118 一隻, 好像ok就點了, 點知出來......有圖你睇(本人覺得偏少了點......)之後朋友提議吃鮑魚, 店員只問了要幾多隻, 沒有告訴我們點賣, 如是者蝦都是......人頭隻數, 這都不是重點吃了頭2轉都好似無咩點食過o野咁, 碟碟都好細碟, d普通食物e.g. 貢丸, 墨魚丸, 芝士腸etc 全部都又少又唔好食, 都唔知入d咩貨。如果選好食的 我只能說除了鮑魚及蝦之外, 我都數唔到了, 因為連d普通o野都可以唔好食, 都唔知可以點......店員態度又差, 最得意o既係, 我們點了西生菜, 佢無來, 我們追order, 店員才跟我們說 : 『我們無賣西生菜o個喎!』 我心諗 : 無賣就落單時同我o地講啦! 唔該!!!到最後賣單先勁, $1,92X 尾數唔記得了(我們8個女生), 咁覺得好唔合理, 因為D食材太差所以CHECK 單。又雖然唔知佢寫乜不過都要照睇!! 因為真係一肚氣了, 原來佢寫咩就收你幾多o架喇! 無來又照收, 但其實樓面都係得2-3個人, 有那麼亂嗎? 鮑魚同蝦最後收得o地幾多錢真係唔知, 我唔想在朋友生日的日子搞到大家唔開心, 所以唔敢出聲。跟店員反映了"問題"減了十幾蚊, 那刻我才知道原來這店的東西係咁"平"o架?! 咁我o地$1,91X又食咗D咩呢?? 我知道個鍋底$138鱔片每碟都只係得8片, 唔知係唔係咩都俾人頭數呢? 所以連叫雙丸都好似夾埋得10粒......芝士腸又係得8-10條總之我以後都唔會再來, 更不建議朋友來! 係咁多!…查看更多

來過魔手3次, 3次都有唔同o既感覺第一次, 係朋友食過跟住強烈推介所以帶咗我去食, 佢話鰻魚蛋好食, 豬軟骨烏冬同吉列豬扒飯都好好食。咁可能對於第一次o既期望太大, 所以覺得好食o既指數係一般, 我鐘意o個個豬軟骨烏冬, 真係好好食, 特別係個烏冬。呢次我o地都有少少趕時間,所以都唔係叫咗好多o野食啫。第二次點解會再去呢?! 我都唔係好記得了, 之不過第二次o既食物比第一次好食, 我諗可能係同食物本身o既新鮮程度有別吧?! 我真係唔知, 不過水準受味道都明顯比第一次好食, 心諗:好彩o黎多次啫, 唔係就食唔到d咁好食o既食物了。其實呢間魔手真係好好好好好新鮮, 即叫即整勁用心, 所以真係要俾d時間等o架! 如果想談吓情傾吓計都唔錯丫~ 可以慢慢食又慢慢傾, 講真如果好趕時間就唔好o黎喇! 包你無下次, 而我本人就覺得有好o野食多等係可以接受的。最近o個次都係忍唔住喇~ d刺身令到我非常咁難忘, 要寫寫openrice 支持支持, 大家想食心的製作絕對可以試一試, 同出面大量生產的有很大分別呢~…查看更多

咁大個女第一次食俄羅斯菜, 未食之前都有d擔心會唔會唔o岩口味呢? 講真丫食得呢d咁有特色o既餐廳都唔會話平得去邊, 所以都希望係o岩食。其實喺得呢d旺區開, 我都應該有d信心, 如果唔係香港人都接受到, 我諗都應該頂唔住的, 而事實上我都無估錯, 因為食完之後我係覺得好食之餘, 呢度仲係一個好好o既聚腳地。來到睇到個餐牌, 開頭都有少少唔開心, 因為大多數都係牛同羊, 而我就係唔食牛又唔食羊o既人, 所以有少少...... 失望, 睇睇吓都仲有其他選擇, 所以我都只係失望咗2秒咁大把啫原來正宗俄羅斯湯係有牛肉的, 所以我點了鮮檸水欖湯, 酸酸o地幾得意, 完全係另類o既感覺! 而上菜o既時間就真係需時, 適合唔係好肚餓/想傾計o既朋友去食。麵包係自家製作, 非常之有心思, 而我o地有咩款式o既麵包食呢就睇當日有咩食材新鮮了, 當日我o地食o既麵包入面o個d 係薯蓉o黎o架! 主菜真係強烈推介, 平時唔多鐘意食魚o既我, 對於呢個三文魚扒真在係愛不釋"口" 呀!!!! 完全保留到肉汁同鮮味, 跟其他煮到"干爭爭"o既三文魚扒真係天壤之別。 另外燒雞就仲好味, 好味在食完之後個口仲有好香o既洋蔥味, 自問唔係一個愛吃洋蔥的人, 不過如果你食完之後就會明白我講緊d咩。我o地3個女仔去食晚餐當然就少不了甜品啦~~~ 完全唔知點"選擇"一於全部都order啦 !! Russian Sweet Potato 就係食落個質感勁似食緊蕃薯, 我諗個菜名因此而來吧~~~(其實呢個cake 係朱古力味的) 另外, 本人推介就係蜜糖蛋糕, 我覺得呢個係去到必食o既一樣o野, 真係食到新鮮o既蜜糖味o架!!!!!我諗我下次會再去, 因為個環境真係幾舒服, 同埋唔算好多人, 同三五知己傾計食飯真係一流!!!…查看更多

自從去年6月我來過薯來屋之後, 我已經來過好多次了。 第一次係食佢o地搞party o既美味食物已經被迷住了, 更因為呢度o既服務令你有回家o既感覺, 所以當時我有一個想法就係 : 我要帶我d好朋友來食先得!經過咗一年o既時間, 我諗我做到了!!! 因為我已經帶咗好多我o既好朋友來到呢度食dinner 也都開過生日party, 每一次都無令我失望之餘, 連我d朋友食過都讚好, 仲要佢o地都話再帶朋友/同事想食添。我就是非常喜歡同好朋友分享o既人, 見到大家食到好o野開心, 我又開心, 當然我有好o野食都好開心啦! 講講呢d有d咩好o野食先, 第一推介 : 必食蜜糖雞翼, 以我個人口味而言, 非常非常好食!!!!仲有凱撒沙律又係極之出色, 好味到唔停得口, 其他的東西都好好味, 樣樣都值得一試。仲有pizza 都係一大特色, 因為係酥皮底外面係完全食唔到囉! 甜品方面我呢個唔太鐘意食甜品o既我都對"心太軟"讚口不絕呢!另外想講講就係飲品方面啦~ 真係好多好多好多款, 而且杯杯都大大杯好抵飲呢!!!! 呢度o既設備同服務真係唔洗再多講了, 回家一樣鐘意做咩就做咩~~~ 而且服務員態度親切又有禮, 真係值得 我一來再來。…查看更多

這天我和一個好朋友去食晚餐, 聽講呢間大自然素食比太子o個間仲好食。太子o個間我有去過都幾好食丫, 如果仲要比太子更好食咁真係要去見識吓了。抱住一個平常心去食素, 不敢抱太大期望, 始終素同葷無論味道同質感都有好大o既差別。朋友來過好幾次, 點菜就交由她負責了。首先點了一個香芒吉列卷, 真的非常好味, 勁似真o既壽司, 無論鮮味跟味道都很像啊!!! 當然入面o個件吉列卷就當然唔會好真實o既炸蝦味啦! 之後就點了一客多士, 真係無諗過可以咁香咁好食, 真係完全一d都唔"dry"囉~~仲有其他每一樣都好出色, 講多無謂, 快d親身去食吓啦! 真係值得推介啊!!!!當你去過第一次佢o地就會送一張5%off o既卡俾大家下次去o既時候有返個折扣囉! 下次我要約埋一大班朋友去食先得!!! 咁樣可以試多d款嘛 …查看更多

記得我第一次來係2月6號, 那天係因為有朋友生日而前去的。之前一路都係聽人講呢度幾得有幾得, 所以我心裡面成日諗住要來試吓, 宜家終於都有機會了。由於有朋友係來過所以特別推介咗蕃茄湯底火鍋, 同埋前菜o既手打烏冬沙津, 果然好味!!!! 之後仲有刺身啦~ 雖然價錢係$178 (有加一) 但係上枱的食物一d都唔會將貨就價。每一片刺身都大大片, 滿足晒為食o既我o地^^另外仲有即叫即燒o既串燒, 我就特別推介煙肉蕃茄串了, 雖然唔係d咩特別食物, 不過match 程度係...... 好味到唔識講, 有機會大家可以去食吓。昨天(事隔唔夠一個月)我又再去食, 因為我覺得呢度抵食又好食。當然就要帶埋三五知己來encore啦!!!! 今次encore o既部分就當然係蕃茄湯火鍋啦~ 因為我"發現"佢o地o既烏冬全部都係手打, 勁Q, 又滑, 再吸收埋D蕃茄o既鮮味真係好味到唔捨得停呢!!!!跟住態度友善o既服務生又幫我o地點咗d我o地唔會點o既刺身俾我o地試, 一食, 嘩!!! 好味, 立即問吓係咩o黎啦~ 等我o地第日去到第二d地方都識食返丫嘛 ;p 原來白雪雪 o個d 就係左口魚刺身(其實小妹係好怕食魚的, 因為極度怕腥)而呢個左口魚一d都唔腥仲好好咪tim!! 另一樣爽口得o黎又好鮮味o既係叫做馬刀貝。其他熟食都唔多講了, 不過值得一提o既呢就係呢度d壽司o既飯, 感覺非常住家feel, 唔會係出面食落用機壓o個d 冷冰冰o既感覺, 舊飯又壓到實晒, 一d都唔好食。呢度o既壽司好得!! 不過係d紫菜唔係好夠脆啫, 可能係我o地坐樓上, 運送期間"林"咗都未定, anyway 呢個係可以包容o既。事關呢度仲有一大好處就係無限時間的, 鐘意坐幾耐都得, 又唔會因為我o地坐得耐都叫咗o野食唔來呀~o個d咁, 真係令人有賓至如歸o既感覺, 值得我再三推介俾我身邊o既朋友。…查看更多

已經唔記得係第幾次來到呢間餐廳食晚飯了, 依稀記得上次好似係我生日前食過(去年四月份), 上次o既主題同今次o既主題又唔同咗了, 今次來到o既主題係"和牛"小妹雖然係唔食牛唔食羊o既人士, 不過都搵到好多好好咪o既菜餚。其中不得不提的就是個翅, 今次比上次更足料呢!!! 心諗係咪我太耐無o黎呢?! 但真係食咗好幾樣食物品質/味道都提升了很多呢!!! 我淨係記得好好味同埋好好味~~啖啖都係翅o架~~另外仲有生蠔, 除咗d蠔真係大隻咗同埋肥咗(唔知關唔關季節問題事啦!), 真係睇住有專人不停咁拎d新鮮o既生蠔出來o架! 我第一次見識到咩叫做"不停"供應, 真係嘆為觀止勁快有補充!!!! 另外仲有好鮮甜o既三文魚刺身就唔洗講o野啦!!! 仲有一個炒駝鳥肉又係好惹味! 仲有仲有就係由印度人煮理o既薄餅係我o既"飛佛"~~~ 多到數唔完o既款式都食唔晒, 仲要留返d位食甜品。強烈推介拿破崙芒果超級無敵極之好味!!!!! 因為本人係好鐘意食拿破崙餅的, 呢度做得好新鮮好脆, 芒果又夠甜~~so good!!!!! 仲有我o野另一"飛佛"梳乎里, 真係好味到有幸福的感覺呢!!!! 好味到唔捨得停, 只可惜我已經食得太飽了, 只好下次再來啦!!!!仲有好多我睇到都未食到o既食物都數一數先, 好讓大家可以參考參考。有一part 係食咖哩o既, 有咖哩雞, 咖哩海鮮, 咖哩牛,咖哩羊, 咖哩什菜, 薄餅有有兩款啦, 仲有: 日式o既刺身, 壽司, 小食, 天婦羅, 燒雞, 烤牛, 燒青紅椒/菇, 有一part 係"6"o既, 勁多款揀, 仲有好多熱曛, 仲有長腳蟹, 青口, 凍蝦, 沙律...... 仲有好多數唔完而甜品就仲多...... 不能盡錄, 大多都好好味的, 朱古力噴泉都有兩個味, 真係落本呀!!!而雪糕更是我最愛o既牌子"哈近大士", 食多幾球已經覺得開始回本有多tim呀!! 出面食一球已經$33喇!!! 哈哈~~~唔知點解呢度一次比一次好食, 點可以唔再來丫!!!! 好幸福呀! 有好o野食!!!!…查看更多

昨天跟4位同事去了食晚餐, 其實小妹對呢間餐廳就一定唔感興趣o既, 事關呢度主打賣勁食牛肉, 而我就係唔係牛肉o既人士o黎o既~但係個個同事都好想去試吓wor, 咁無理由永遠要別人就自己o架~ 所以就一齊去啦~ 廣告都有寫係有其他o野食, 包括雞, 豬, 日式料理等等......去到要走過一段好靚o既路, 入坐時都好期待, 到我o地點餐o既時候先知道原來係有分$99 同埋$399 之分o既 餐。$99 係人頭分量o既蔬菜, 豬, 牛, 雞就一小時內任食; $399 呢就係同上啦~ 再加一d刺身同壽司之類o既o野但係我睇報紙介紹o既時候又無咁講o個wor, 都無講到食壽司o個d係另外計呢?? 咁都算啦! o黎到就當然係食 shabu shabu 為主, 如果真係想食日式料理我o地都唔洗o黎呢度吧?! 同埋我o地各人都計一計要唔要叫2-3個$399呢? 不過計來計去都好唔化算,所以商量咗一陣我o地就決定5位$99了。我o地落單o既時候個侍應(定經理我唔sure), 但佢不屑o既表情就係我o地大家都睇得好清楚。以$99 為噱頭唔係我迫你出o個wor, 點解你d客人想用最優惠價錢去享用晚餐o既時候會遇到如此不禮貌o既對待呀?心諗我o地個個都開開心心咁來, 我唔想大家唔開心就忍住無出聲, 當作時運高睇唔到。到時食物上枱o既時候, 我見到世上最犀利o既刀功, d肉超薄, 薄到透光, 都唔緊要, 如果好食o既話都係無問題的, 魚生有時都係切到咁薄o架啦! 但係一食落口...... d 豬肉有腥味的...... d 雞又有雪味, 薄到咁都有咁大o既"味道"...... 一定無下次。個湯底都ok o既配合埋d清菜都尚可o既, 但係不停食肉但只有少少菜就真係麻麻o地, 我真係唔知宜家d菜係比肉貴......(我真係食米唔知米貴了!!!!) 總括而言呢一度好唔好食就各人口味, 不過服務態度咁"好"呢, 我就無可能接受到囉!!!!一係就做d $199 or $299 o既 promotion, 可能都會有人來, 但係就唔好用$99 吸引咗d食客來就咁對人囉!!!!!!!!…查看更多

昨晚同兩個朋友一齊去咗呢間駒記, 因為聽朋友講呢間o野好食, 所以就入去試吓。大家心裡都好想食椒鹽賴尿蝦, 點知拎出來o既完全唔像樣不單止, 仲要係"梅"o既tim!!!! (我o地落單o個時又唔同我o地講聲一隻賴尿蝦HKD180......) 仲要貨不對辦。仲有o個個駒記小炒重同埋炒介蘭 超級無敵咁油, 仲有個煎蠔餅勁勁勁咸, 真係想收買人命。而最衰o既就係佢o地d侍應個個都黑口黑面又唔願做, 唔講唔該借借就推開我個朋友...... 出o黎食o野都係想開開心心啫, HKD180一隻難食賴尿蝦都唔同你計喇~仲要咁o既態度, 真係激死人喇!!!!!…查看更多