bestiesfoodnfun的个人专页

鮮蠔仔豬扒酸辣米線 -（自選米線） $52 米線竟然可以嗌鮮蠔仔做餸菜，好特別所以即刻嗌咗！蠔仔都幾新鮮，每一粒都算肥美，仲有好多粒，覺得好抵食。秘制豬扒有兩大塊，而且醃得好入味，我覺得好食過阿一豬扒酸辣米線！酥炸雲吞 +$10套餐可以加$10要多個小食，我揀咗酥炸雲吞，都幾好食，超級酥脆！豬扒雞翼撈大光麵 （轉薯粉） $62見到可以免費轉薯粉就即刻嗌左，真係好大份，勁多餸！豬扒一樣有兩大塊，炸雞翼亦都有兩大隻，真係啖啖肉，非常豐富！酸麻辣片頭墨魚鬚 $48份量都幾足，有好多塊Q彈嘅墨魚鬚，不過墨魚味就冇乜，主要食到個酸麻辣味，個汁係幾好食，但下次就未必encore。🤤…查看更多

天氣熱辣辣真係覺得自己要溶啦，呢個時候最啱食冰🧊！平時都會想去Sharishari 食冰，但次次都要排長龍，見到太多人都會放棄。但今次竟然只需要等1 張枱，而且Sharishari 最近出咗新口味，係我好中意嘅茶味🤩 ，所以即刻去試下！    🍵🍧焙茶抹茶配抹茶泡沫 $120   抹茶泡沫好creamy香滑，味道亦好香濃，甜得嚟會有茶嘅回甘，剛剛好唔會太甜💚😍     刨冰口感好綿滑，外層係焙茶味，中間會有抹茶味刨冰，兩種茶味夾得嚟又各自得食得出每種茶嘅香味🤤    刨冰中間仲有餅乾碎🍪同白玉🍡，令口感豐富，唔會食到悶咗  ！…查看更多

享樂都係我哋好鍾意食嘅麵包店，見到出咗好多款開心果味道嘅麵包，好吸引咁，所以忍唔住買咗兩個嚟試試！  開心果酥皮布甸菠蘿包 $32 菠蘿包外層嘅酥皮位置焗得好鬆脆，口感好好。內層就會有少少淋因為配埋開心果布甸。布甸動L動L咁好正，開心果味道唔算好濃，但奶味好香又唔會太甜，作為甜品都幾開心！  開心果吉士西酥皮冰心 ($32)  店員提醒我哋要盡快食或者雪返落雪櫃。入面有冰冰嘅開心果味吉士，都幾濃開心果味，而且份量十足！好開心入面仲鋪咗一層軟糯麻糬，而且酥皮好脆卜卜，口感同味道都好豐富。  店內仲有好多其他開心果味嘅麵包製品，大家經過都可以試一試啊！…查看更多

好朋友book了呢間餐廳同我食牛舌，話係佢喺香港top 2 喜愛嘅牛舌，之後發現呢間喺牛舌關注組都好多人推介，所以超期待！ 極上牛舌定食 (1 倍 - 5 切）$178 定食有五條厚切牛舌，而且選用牛舌芯，外層燒到有微微焦香，咬落去好juicy軟嫩，口感爽彈，真係好好食！ 可以自由配檸檬汁，Wasabi 和豉油去食。 定食都包了茶碗蒸，沙律，味噌湯和白飯，食完整個定食好滿足啊！我已經想再去食啦！…查看更多

想同朋友有食飯之外嘅新體驗？去吓貓Cafe都幾好😍食物高質！可以同貓貓一齊食飯好治癒☺️仲要價錢一啲都唔貴，同可以支持小動物🤩🐟煙三文魚卡邦尼意粉 $78有煙三文魚、煙肉🥓、野菌🍄卡邦尼汁好creamy☺️味道好好！🦐阿根廷紅蝦青醬忌廉意粉 $88個青醬好出色😋味道濃郁，仲好掛汁！紅蝦肥美鮮甜，都幾大隻！佢嘅材料同上一個意粉有啲似😂都有煙肉同野菌😛轉咗個汁個味道就唔同晒，都唔會覺得好重複😋✨升級追加優惠：+$38 餐湯及飲品 （$38或以下/補差價升級其他飲品）🎃南瓜忌廉湯幾creamy，有少少南瓜絲!🍵茉莉綠茶鮮奶(補$14差價，原價$52)☕️意大利焦糖咖啡 (補$10差價，原價$48)🐈可以買罐罐餵貓貓😋好開心…查看更多

最近經過旺角發現咗間新開嘅牛丼！叫做牛丼家，一去到俾個價錢驚豔咗💰！因為真係好平😱😱！今次就叫咗當家牛丼，細size$26，中size$29，大size$48！仲要係lunch同dinner係同樣價錢，旺角呢個地段+呢個價錢+呢個質素真係超級抵‼️無得輸🥳我今次就叫咗中size😋牛嘅份量好多！同日本吉字號嘅大size差唔多！仲要好夠汁，好好食🤤真係極級推薦💯性價比極高！牛丼家原來係本地小店齊柏林熱狗店旗下開嘅☺️，有兩層，都幾多位㗎！想自己獨食又得，同成班frd食都得！大家快啲去支持本地小店啦！…查看更多

呢間酒吧餐廳以📚圖書館📚作為主題，裝修好有格調，室外座位的打卡位亦都氣氛十足~🌃今次去餐廳同朋友慶祝生日，餐廳員工真係好nice，好細心幫我準備surprise，亦都用心幫手打卡影相，服務100分 ❤️🍟黑松露醬炸薯條 $68薯條炸到金黃色，外脆內軟，灑滿了芝士碎，亦有配黑松露醬同蕃茄醬，真係絕配～🍝香辣蜆肉扁意粉 $188意粉軟硬適中，醬汁微微辣，好惹味，蜆肉粒粒飽滿，滑嫩新鮮，好中意！🥹🍲白酒忌廉煮藍青口 $168白酒忌廉醬汁有洋蔥、蒜調味，配上青口，食落creamy鮮甜肉厚！另外附上幾塊烘到脆卜卜嘅吐司，食嘅時候一定要將吐司浸入醬汁！🍸四大美人 $140呢款特色cocktail 用茶壺奉上，好古色古香。Cocktail 由 White wine、Mistia、Lychee liqueur、Fernet Branca、Lime、Pear Syrup 調配而成，味道fruity，好易入口😋…查看更多

食物賣相勁吸睛！👀✨今次去咗荔枝角隱世居酒屋吃lunch，被滿滿嘅魚生同金黃色嘅蛋黃完全吸引了~ 🥹🥹🥹🍣金丼配稻庭烏冬 $198集齊了我最中意既海膽、三文魚籽、同埋拖羅蓉，配埋隻生蛋黃，撈埋一齊食，真係啖啖鮮甜同滿足！🤤烏冬正正常常，吃埋更加飽肚滿足。🍣桃丼 $168鋪滿甜蝦和拖羅蓉，非常鮮甜，中意食蝦嘅朋友唔好錯過啊🦐🦐🦐不過桃丼就無配埋烏冬嘅。🍣油甘魚刺身(+$38)厚切刺身 油脂豐富🍣四色丼$118四色丼包含三文魚，油甘魚，赤蝦和蟹籽只需＄118 但仍然做到爆丼效果😋刺身都相當豐富，尤其赤蝦大大隻又彈牙，仲有兩隻添！Menu 仲有好多吸引嘅日本料理，串燒… 下次夜晚再去試食，順便感受晚上居酒屋嘅氣氛！😋😍…查看更多

之前經過呢間店都見到好多人排隊，今晚竟然只係等一張枱就有得食，一於試吓啦！老闆娘鵝肝煎蛋撈飯 $148 每碗有三大塊鵝肝，油脂味好香，口感嫩滑，配埋煎太陽蛋嘅蛋黃汁，好滿足！個飯仲有XO醬 (呢個都會少少辣，但好惹味)、炸紅蔥頭、青蔥等等配料，令到味道更加豐富。值得一試～十三么 $78呢碗湯麵配料有日式叉燒，手撕雞同埋糖心蛋食，整體比較普通，手撕雞稍微有啲柴。湯底職員推薦加少少檸檬汁，令到濃濃嘅雞湯會更加開胃，味道都ok 嘅，但未至於好回味。相對鵝肝飯就普通左啲啦～每枱都會送一杯蝦片作前菜，都幾好食既！如果唔洗排長龍，可以去試試個鵝肝撈飯～…查看更多

呢間居酒屋都bookmark 了好耐啦，今次終於提早book位，可以試試佢！雞湯卡邦尼烏冬 $98呢個係招牌菜之一，每一枱都會嗌的！烏冬煙靭彈牙，而且每一條都好掛汁，食到卡邦尼汁濃濃嘅蛋黃同埋芝士鹹香味道。整體十分creamy 同滿足！明太子煎蛋卷 $88中意食明太子嘅人必點啊！蛋卷熱辣辣，口感嫩滑，而且一切開有好多明太子湧晒出來，好正好滿足！炭火燒拼盤6串 $180呢個拼盤一共有六款🍡包括免治雞肉棒、雞腎、雞頸肉、鵪鶉蛋、青椒仔、雞翼😚當然最吸引嘅係免治雞肉棒，口感好好因為加入了少少雞軟骨，加埋蛋黃醬汁，好滿足！🤤雞翼同雞頸肉都唔錯，燒得好香！其他就冇咩特別~鹽燒牛舌($78）牛舌爽口彈牙，燒得剛剛好，而且都算厚切，份量都幾多，唔錯呀！明太子牛油燒飯團 $72飯團燒成飯焦，外層脆口，而鋪滿香口嘅明太子，好夾！🥰雞軟骨 $36雞軟骨份量都好多呀，味道唔係超驚艷，但口感熱辣辣脆卜卜好正雞蛋布甸 $38布甸估唔到都好好食喔，蛋味香濃，而且口感嫩滑，配上焦糖醬，唔會太甜，推介啊餐廳整體食物都好高質，而且算係每一樣都有種驚喜或記憶點，真係好難得啊，唔怪得咁多人排隊啦！…查看更多

由日本師傅主理，呢間人氣拉麵店喺好多群組都被熱推，之前經過呢間店都見到好多人排隊，今晚竟然只係等一張枱就有得食，一於試吓啦！🐚貝丸 $118貝丸係每日限定㗎，所以如果想食要早啲去排隊！我當日其實係晚上7:30pm 去食，好好彩order 到最後一碗，但我見其他comments 話佢地12:30/1pm 去已經會售罄！貝丸有好4隻大蜆，肉質肥美，好鮮甜juicy，超正 啊！湯底有得揀醬油味/ 塩味/ 蝦味，我就揀了蝦味。湯底好濃郁，有好香嘅蝦味同鮮味，會不自覺不停飲個湯！拉麵本身配料有薄切叉燒、溏心蛋同木耳絲。叉燒有三大塊，唔會太肥但好嫩😳溏心蛋亦都好入味，值得一試！黑丸 $88黑丸湯底係醬油豚骨味湯底，豬骨湯味都幾香濃，同樣有薄切叉燒、溏心蛋同木耳絲作為配料。雖然貝丸會更加有特色，但黑丸都已經好好味，亦都幾啱重口味人士！…查看更多

成日經過D2 place都見到一間好有歐陸風格嘅餐廳✨！裝修好靚，有外國feel! 今次去咗試，果然幾有情調🥰！有high table 同普通枱，每張枱之間都有啲距離，好啱大家傾計😉！🐟脆炸鱈魚球配蜜糖泡沫 $108外層好香脆😋食到入面有啖啖鱈魚肉🤤好足料！配埋蛋黃醬同蜜糖泡沫🍯，口感同味覺都好豐富🤩🍖些厘酒煮西班牙黑毛豬辣肉腸 $108西班牙黑毛豬辣肉腸味道鹹香，酒味唔太濃郁，如果就咁食得多，感覺會有少少鹹，建議多啲人食先一齊 share😛🍛西班牙海鮮飯 $248海鮮飯有大蝦、青口同蜆，全部海鮮都好新鮮😍！ 特別係青口，飽滿得嚟好鮮甜，無overcook! 海鮮飯嘅汁鮮味濃郁😋驚喜嘅係飯入面都加咗好多粒小蝦肉，每一啖都好滋味！🍫Churros配雲呢拿雪糕及朱古力慕絲 $75Churros好香脆！平時出面食churros多數都係點朱古力醬，今次點朱古力慕絲同雪糕個口感好特別，軟綿綿又有啲凍😆飯後必食！…查看更多

呢間居酒屋出名性價比高😍價錢親民，質素都有保證！有時候間唔中想食日本嘢，都會去下😋🍣刺身盛合 $208有赤身、三文魚、深海池魚、甘蝦、帶子，全部都好鮮甜!👅鉄板燒牛舌 $98牛舌都幾厚，燒得好香，外脆內軟😚🥩網燒牛扒 $138燒得啱啱好👍🏻啲肉仲係粉紅色😋牛肉味濃，肉質軟稔，仲好juicy💦🦴炸雞軟骨 $55炸得好香脆，配埋檸檬汁同蛋黃醬，真係好開胃🤤🍛鰻魚炒飯 $90炒飯好惹味，鰻魚汁味濃郁，有好多粒粒鰻魚，好足料！…查看更多

Cafe Boheme係喺西九文化區，主打經典意大利菜，有沙律🥗、意粉🍝、薄餅🍕，海景餐廳嚟講，價錢都幾親民👏🏻！有indoor同outdoor座位，坐outdoor就歎到無敵海景，食完飯行下海旁，吹下海風都幾chill㗎🌊🍕Pollo Pizza $158第一次食雞胸肉pizza😂原來都唔錯，有驚喜！感覺健康啲，少咗啲邪惡感😈呢個pizza用咗2款芝士🧀：水牛芝士mozzarella同乳清芝士ricotta，芝士鹹香同雞胸肉味道好夾，餅底屬於脆薄類型😋🍝Tagliatelle Carbonara $148配料好豐富，份量都幾多😋有磨菇、洋蔥、煙肉、雞蛋、芝士，賣相吸引！扁意粉口感煙韌，醬汁有香濃芝士味，都幾杰身同creamy，做到掛汁效果😙…查看更多

呢間隱世cafe位於新蒲崗一座工廠大廈嘅地下😆主打性格比高嘅西餐😋2人dinner set都只係$368！有齊前菜🥗、主食🥩、甜品🍮同飲品☕️餐廳以大地色為主調，環境舒適，座位寬敞🛋️不過今次就選擇咗單點😋單點都配餐湯同飲品㗎！⭐️16小時慢煮羊架 $98肉質嫩滑，唔算多脂肪，可以啖啖肉😋！帶有點點羊肉香，亦唔會太羶！配埋醬汁就更滋味，加埋意粉都好夠飽🍝！⭐️明太子三文魚籽貓耳朵粉 $138明太子忌廉醬好香濃，亦幾厚身，做到掛汁效果🤩！帶子大大粒，口感彈牙，貓耳朵粉質感煙韌，形狀特別，可以載住滿滿嘅明太子醬，同粒粒爽脆嘅明太子，令味道更惹味🤤，出面唔係成日都食到㗎😉⭐南瓜湯味道香濃，質感順滑，飲完之後暖笠笠☺️…查看更多