eaglefung的个人专页

阿爺粥品身邊幾個朋友食完都推介比我前兩日放假把心一橫同屋企人走左去食首先真係要讚下黎食物既速度一般打邊爐除左第一輪第二輪開始都會好遲先黎左阿爺粥品係落單轉頭就送到黎而且排得好整齊視覺首先加左分啦！之後講味道我最欣賞係鮑魚除左彈牙之外，仲好細心幫我地界花唔駛自己切仲有d蜆。。鮮味好夠，200蚊一個人左右我絕對收貨至於其他配料就不過不失但絕對係合理的當然呢個價錢亦唔可以要求太多環境舒適，坐得舒服就可以了下次一定會再黎！…查看更多

一開始係俾佢既甜品吸引左入黎既，入到黎先發現原來有好多唔同國家種類既野食。我地要左碗龍蝦湯，味道十分濃郁，好重龍蝦味，份量夠兩個女仔share飲。rib eye steak 超級大塊，絕對大過塊面要左medium，眼見扒上仲有些少血水，但切落去入面唔算生，好多肉汁而且肥美。佢地野飲既名字十分有趣，呢杯叫戀愛大過天，係玫瑰，士多啤梨，青檸既梳打水，味道幾清甜幾refreshing最後係我最期待既甜品阿華田雞蛋仔暖luplup既雞蛋仔加上冰涼透心既雪糕好match，而且上面仲灑左阿華田粉，雖然阿華田味唔算濃，但都值得一試。…查看更多

餐廳設計用左女生喜歡的花花草草，仿佛置身在花園，男生若是煩惱帶女生去哪用餐好，這裡是個很好的約會用餐地點呢！這裡地方寬敞，每枱與每枱之間都隔得遠遠的，談情說愛，聊秘密的時候就更舒心了。首先先餐包包還是熱的，最特別的是伴隨的南瓜醬，甜甜的沾起上來令人忍不住一口接一口。Caesar salad with smoke salmon份量也是十分多的，脆脆的bacon碎為這清新的salon加分不少。這裡的lobster soup 真的十分十分推介，很濃郁的龍蝦，而且不會很咸，而且很creamy，我們兩人share，份量也夠。牛扒十分tender，很重牛香味，油脂分佈均勻，更伴上三個調味任君選擇，有sea salt, master sauce and mushroom sauce 。個人最愛sea salt，因為只要食材新鮮，簡簡單單加點salt已經是最好吃了。最後燒雞也是一樣有這三樣調味，雞脾位置非常嫩滑，燒得也很香，也很不錯。…查看更多

話說同朋友係朗豪坊行行下街突然想食壽司放題，就黎左呢對，過候馬路就係，好方便，就係旺角地鐵站一出就見到。我地等左陣就有位啦，場內空間唔算好寬敞但勝在食物種類繁多！有好多野飲，仲有啤酒tim，因為任飲既關係，會唔會有人醉住走呢雞翼好香脆，肉質好滑嫩，encore左幾次，羊架燒得夠香，好有羊味^_^帶子大大粒好有咬口，講完熟食就講要刺身啦三文魚夠厚身，都算新鮮，仲有甜蝦好鮮甜，落單後上菜都算快，當日食得好滿足。而且店內仲有存放bag既服務，好貼心呢。…查看更多

呢個餐廳名好特別，吸引到我所以一於帶埋我個好姊妹一齊黎吞下ＰＯＴ啦女仔當然要補下啦所以嗌左個花膠雞煲呢個湯底既湯就咁飲真係好似屋企煲既花膠雞湯咁，超好飲好香好鮮，驚肥既飲之前最好片一片下Ｄ油，我朋友好飲到飲左３碗佢Ｄ雞好滑好多肉，應該係新鮮雞白菜腐皮索哂Ｄ湯汁，正牛既雪花分布好靚，而且好重牛味兩個女仔唔洗＄５００，食到好飽。而且值得一讚既係，餐廳內既廁所提供埋熊寶貝衣服清新噴灑唔洗驚食完火鍋有陣味，可以直接去下場見朋友啦…查看更多

話說當日去開銅鑼灣做FACIAL，諗住去附近食野啦見到呢間裝潢好似幾好就入左去試下啦我地ＯＲＤＥＲ個陣有問題問侍應都好細心好有耐性咁一一解答比佢個最強惹味香辣拉面menu吸引住，唔好睇佢個湯底咁紅，以為好spicy，其實係可接受范圍，因為有得同佢講話要幾辣，佢份量好足，拉面軟硬適中，肉燒過好香而且好淋，入口即化，值得一試仲嗌左唐楊炸雞，即叫即炸，非常新鮮熱辣，如果可以點埋蛋黃醬就正啦（個人喜好）另左仲加左dumplings，味錯唔錯仲加左芽菜，份量都好多重頭戲黎啦，呢個綠茶雪糕超好食，入口微廿回甜，而好滑，一定要嗌黎食！！…查看更多

約左咁耐終於同朋友食到銅鑼灣既burgeroom啦,果日去到滿坐但吾系等左好耐就可以入去.朋友點左個牛油果醬芝士牛肉漢堡，我就點左雙鵝肝牛肉漢堡,鵝肝味道香濃入口即溶!牛肉亦都非常juicy而且好淋‼️再點左軟殼蟹沙律同埋黑松露芝士薯條 仲有barbecue sauce嘅chicken wings ,原隻軟殼蟹配沙律都唔錯，雞翼酸酸辣辣幾開胃軟殻蟹即叫即炸，上到黎都仲係熱辣辣架總括嚟講無論餐廳價錢環境或者服務都唔錯嘅 我會好掛住佢嘅雙鵝肝牛肉漢堡!雖然價錢係咁多burger中最高，但完全值得講起都想食，下次再黎…查看更多

同朋友到中華書局隔離既plato餐廳 一入到去地方吾算大但有足夠既枱見我地帶住小朋友店員都細心主動幫我地掉去較大既位置，非常貼心。首先order左分鵝肝多士,佢地既鵝肝油而不膩，值得一試！！主菜叫牛扒拼帶子,牛扒肉質鮮嫩加埋大大粒既帶子簡直yummy~叫左份雞翼但我想食bbq醬汁，朋友想要水牛城醬汁,店員亦細心幫我地分開兩個醬好讓我地都食到自己喜歡既 最後食個tiramisu做結尾~整體都有8分，我會介紹朋友黎食。…查看更多

餐廳環境唔算大,但見到佢外面亦有座位但因為天氣太熱同朋友決定坐入面。先order蟹籽玉子燒，分量夠多,店員先放底等我地影完相再系我面前切開,半熟既蛋再加埋芝士味道十分好味連平時吾食芝士既我都覺得好食👍👍👍推介燒牛舌亦都唔錯,佢燒到剛剛好肉質夠嫩滑。香味牛肉配黑松露鵝肝飯有點感覺太膩，不過牛肉份量都幾多，食飽飽之選。蒜香虎蝦同燒雞翼亦都值得一試，燒得好香好入味。店員服務態度都好好，會推介俾朋友…查看更多

放工約朋友一齊旺角行街前去左樓上cafe食晚飯，我地上到有分普通座位同榻榻米坐位。我地坐底左就點左飲品先，我就點左熱草莓牛奶，普普通通。。。忌廉湯同蒜包都唔錯。小食我同點左芝士焗西蘭花同蒜香雞翼，西蘭花就夠淋加芝士好易入口，個雞翼都脆脆地及幾入味。主要我地都叫左隻燒春雞配薯菜，薯菜本身配左醬唔係茄醬，要另外叫店員俾，隻燒雞用手套好似食手撕雞甘，幾好食，雞腿部分最好食。哈哈，最後我地忘記點甜品 ，太飽食完就行街啦！…查看更多

台灣野不嬲吾系我喜愛既食物,但朋友介紹中環一間台灣fusion 餐廳令我對台灣食品有所改觀,唯一美中不足既系餐廳燈光偏暗,雖然系幾有情調,但就連我睇menu都有困難...台灣小食第一時諗起鹽酥雞,所以我地先嗌,佢入口非常夠味肉質都算嫩囗台灣香腸同黑松露薯條亦都系必食推介👍👍黑松露味覺香濃我地仲嗌左個凱撒沙津加兩隻塘心蛋亦都好新鮮同好味道!! 另外仲嗌左個海膽帶子飯,份量都算多但味道就一般. 總括黎講以中環餐廳價錢吾貴,有機會都會再去!! …查看更多

首先要讚下工作人員因為蒸氣火鍋全程都係員工幫你計時同分食物我係旁邊見到都覺得佢地好忙辛苦哂你地講番食物最主打既海鮮係新鮮既最令我難忘既係英國石蠔同龍蝦龍蝦仔成舊都係肉，岩哂我呢d食肉獸最驚喜係蠔既鮮味都好夠，一d都唔腥配合埋個粉絲。。唸番都流口水除左海鮮，其他飲食既食材都好有誠意誠心推介佢個蝦丸雖然任食但唔馬虎，同外邊既手打丸有得比可惜係我同朋友都唔食牛所以試唔到味道但見到其他客人食落都冇彈，相信都唔會差！唯一係粥底比較淡口，但加左香菜都還可以！下次會再黎…查看更多

第一次嘗試西班牙菜,比我想像中好食好多. 經朋友介紹黎到尖沙咀既Alzina, 一入到去好有異國風情既氣氛,餐廳環景舒適亦都有足夠既座位,略嫌餐廳音樂有點大聲.頭盤我地點左美國生蠔($168/6pcs) 價錢中肯,味道亦都好清甜,夠大隻.原隻龍蝦西班牙飯味道好濃郁,龍蝦肉質亦非常飽滿. 另外再點多一款必食推介既黑毛豬拼盤,包括有Pluma梅花肉,Presa豬頸肉同Secreta豬肩肉,本人比較喜歡食Pluma多, 不膩👍👍👍最後甜品點左份朋友推介必食既Churros,熱辣辣既churros再加上朱古力醬同雪榚簡直perfect!  總括我會推薦俾朋友👍…查看更多

突然行行街想食海鮮又懶唔想入西貢，係旺角見到間叫水上人海蒸氣鍋專門店，就入去試下d海鮮得唔得入到去見裝修環境企理，坐枱都好寛闊，一家大細都啱👍🏽坐低之後店員好熱情咁招呼我地，本來佢推介我地第一次食試下B餐，但最後我都決定豪一豪食C餐！最後證明我決定冇錯睇相都流口水呢！所有食物都非常新鮮我冇點任何醬汁，但唔腥就算我最怕食既蠔都冇腥味（佢本身上邊有薑！個人覺得好貼心）另外凍菜同粥底都好味凍菜唔係好多地方有得食今次係我第二次食，仍然係咁爽口粥底吸哂海鮮鮮味，加埋冬菜同蔥，陣味又香又鮮同放題送個d火鍋冇得比:)另外再提一提蒸豆腐我覺得呢個只係尚算可以，不過我朋友就話好食可能因為我唔鐘意豆腐？最後仲有生果食唔知係唔係次次都西瓜！始終宜家西瓜唔係當造，唔係好夠甜，不過都可以一戰下次會再黎…查看更多

深水埗不嬲出名多又平又好食既平民餐廳，今次就黎左試呢間食台灣米苔目既餐廳，佢同米線有啲似，不過佢唔係長條型，而係一粒粒。佢既湯底有好多選擇，最特別既係冬蔭公，泡菜，同方魚肉碎湯底。而我地就選擇左方魚肉碎湯底。我要左冬菇，海帶，墨魚丸同木耳。湯底清清地，唔會冇味又唔會太咸，有魚味。朋友要左豬潤，貢丸，海帶。佢表示豬潤好爽口好好食。藥膳雞腳，味道偏淡，不過炆到好淋。蒜泥白肉好好味，好香，必點。皮蛋好Q彈。整體黎講係一間性價比高既餐廳。…查看更多