wyw2708的个人专页

北海道帆立貝大赤蝦丼+set $136+10%上菜後真係呆咗，好奇問下店員店員好語氣堅定咁，話三文魚子份量同Menu圖片一樣，係擺法唔同，完全體現到咩叫圖片只供參考明白晒 帆立貝同赤蝦味道正常係三文魚子好細粒同「多」食到後面要齋食白飯之前喺度食過鰻魚飯記得份量都多都ok入到嚟先留意倒限時60分鐘:)入座時店員只提醒要電子支付呢個時勢下咁做生意就真係祝你哋生意興隆，客似雲來啦希望你哋涯得住唔好執呀！！！！！…查看更多

出面排咗陣先有位入之後被指示跟住個呀姐行到最入大枱坐後面突然又有人話佢六位咁我地行返出去問個姐我哋坐邊個呀姐就突然開始呼喝瞪大對眼鬧我地🙄話係門口果張枱呀態度極之差又囂張我嚟食嘢姐點解無啦啦要受你氣？你地自己溝通有問題點解要鬧個客？我地兩位都唔想坐大枱呀又要同人搭枱你帶錯位我又冇怪你問返你應該要坐邊張你唔使起晒槓鬧人呀？區內仲有其他選擇唔一定要食你呢間嘢之前啲食評都話服務差我都諗住試下無妨點知咁就中咗伏如果餐廳仲容許呢種員工態度依舊嘅話我真係祝你地好運👍🏻…查看更多

朝早喺pret買咗個WHEAT BRIOCHE - HAM & GREVE 做早餐食咗一半先發現麵包底部有黑色一撻撻，疑似發霉，極度不安，無論係發霉定係痴倒爐底嘅污漬都不可接受🤮！平時買開都冇檢查清楚，打開就食一向食都係微冷今次食係室溫已經覺得奇怪而且平時覺得pret嘅早餐價錢合理抵食味道ok呢間分店嘅員工服務態度都好好對品牌都有信任經過今次之後真係有啲怕希望你地餐廳做好QC衛生啦呢啲係最基本嘅嘢今次真係令人失望！…查看更多

不嬲都好支持小店呢間係好抵食，好多選擇態度都好好，味道都唔差但今日去買外賣見住個姨姨除甩口罩掛一邊耳仔，然後用紙巾抹下嘴，個口𡁻緊野咁口罩都唔戴返又唔洗手就幫我碗野冚蓋、pack袋同執餐具🤦🏻‍♀️而同時側邊有個員工都係冇戴好口罩（拉低到下巴）喺呢d咁敏感嘅時候真係好令人擔心🤦🏻‍♀️尤其是長亨又有人確診真係寧願睇唔倒不過間舖一眼都睇得晒真係要注意下我會繼續支持你地嫁，不過疫情之後囉！加油！…查看更多

下午茶時間餐廳一半都坐唔滿上一個叫外賣嘅晨早拎左見住我果份攤左喺出餐位都冇人理期間有三個人望過張單都唔肯pack以為未出齊啦原來又唔係等多超過五分鐘先有人pack返到去打開先見倒比錯晒麻醬拌麵變滷肉飯花枝丸變菜！真係出色！ 有相為證🙄唔怪得幾個人望完都唔pack!唔啱就唔好隔硬出啦！一啲都唔老實同不負責任當時亦都唔忙侍應都唔係分身乏術動作慢 態度差如果冇嘅同客出聲改咪得囉浪費我時間！奉勸大家諗下係咪要幫襯呢間野！…查看更多

喺openrice 見啲評語同環境唔錯就預先打去book定枱同request定甜品想寫嘅祝福句子，希望比個surprise比朋友到今日就自己提早入去再次同waitress 口頭confirm一次甜品嘅野，點知最後甜品上到黎竟然係乜都冇... 好失望！！！叫左個有機南瓜意大利飯配黑醋汁同美國prime西冷牛扒配焗甜薯set，同埋小食buffalo wings先黎個湯：南瓜湯個湯好好飲，包都好脆好好食之後上前菜，分別係：煙三文魚薄片味道正常，不過不失香煎帶子配紅花汁賣相好靚，但帶子食落冇味雞翼炸得啱啱好，好鐘意兩個汁跟住黎主菜有機南瓜意大利飯配黑醋汁 $168 (set)好好食，平時南瓜意大利飯都係得個汁，呢度有埋粒粒南瓜，好香同有口感，成餐最滿意呢個dish之後黎埋另一個主菜——美國prime西冷牛扒配焗甜薯 $298 (set)叫左七成熟，但入面依然係紅嘅望落好似好juicy但一拮落去就出事——「刀叉不入」需要用好多力先切得開，擺入口好難咬得郁肉質好嚡同好韌，咬到牙酸同咀嚼好耐先吞到而且冇牛味 呢碟野價錢唔算平，經過討論後覺得唔應該係咁連個甜薯都冇試就叫左個女waitress過黎問一問。佢拎左入廚房，隔一陣出返黎同我地講話應該係碟野攤凍左係咁，而且廚房試過用牛扒刀切係切到，提議叫廚房幫我地翻熱無語.......而家唔係切唔切倒嘅問題，而係肉質本身差，就算攤凍左都唔會係咁，翻熱只會更韌而且點解你地唔上碟菜時比埋牛扒刀比我地切先？咁我地唔接受翻熱啦，呢位貌似比較senior嘅waitress就黑臉反問我地：「咁你地想換個塊定轉叫另一個dish吖？！」呆左！個語氣講到我地好似想R著數咁，而家係塊扒個quality有問題呀，令人吞唔落我都唔想麻煩到你地嫁呢件事真係非常掃興係我地錯，應該去返啲steakhouse食扒...希望呢位waitress可以檢討下佢嘅態度同處理手法飲品方面我地每人叫左一杯野飲，我叫左杯dessert milk($68)，係以紫薯做主題, 味道都ok嘅，有紫薯味，比較少見，但呢個價錢唔值至於甜品唔洗多講，冇左個surprise奶凍同泡芙味道一般另一位較後生嘅waitress serve隔離枱時聽到我地講本身request左寫字喺甜品度但最後冇佢就先後同我地講左兩次唔好意思其實除左果位貌似較senior嘅waitress(定經理？)之外，其他侍應都好好成餐生日飯因為牛扒事件同甜品嘅甩漏而失色不少其他食物味道係ok 嘅但價錢較同區黎講都算進取相信有好多其他更好嘅選擇經過今次之後我係絕對唔會再幫襯冇下次！！！…查看更多