Find good food的个人专页

星期六難得早起，去接婆婆出去行下同食下嘢，去到尖沙咀行咗一陣途經K11姪女話肚餓，唯有係K11望下有咩食啦，媽媽舅父見到有茶樓就話要飲茶，好啦，順下啲長輩意見去到門口侍應已經好快咁問幾位，見有輪椅，小朋友就帶咗我哋去離門口冇幾遠既座位坐低方便出入，舅父係精打細算型，睇完點心紙再望下套餐既紙，就話個商務套餐$468有11樣嘢幾抵食，要試下喎。…查看更多

71回歸假，帶咗阿媽去彩頤居既東海飲茶，入到去見到好多老人家同屋企人飲茶，我哋坐低咗之後就好快咁叫咗六款點心，等咗一陣啲點心就陸續出場啦菠蘿叉燒包，叉燒味比較淡但係外皮整得好好食菜苗餃清淡又可突出蝦的鮮甜，花卷香而不膩腸粉好特別唔咸惹味呢度啲點心比較清淡但係味道仍然保持水準，真係值得一讚!…查看更多

啱啱過去星期六一連三日連佛誔假期，姐姐既朋友又由美國返咗黎，佢太耐冇返香港就想帶佢去有得睇海景又有得飲茶既地方，連埋媽媽一行四個大人三個小朋友，浩浩蕩蕩咁去到The One既東海，地方寛落又可以舒舒服服咁飲茶一坐底侍應就送上兩籃蝦片，啲蝦片好好味，啲小朋友食到唔停口咁，就係一路食蝦片一路望住着點心紙，發現有好多特色既點心，媽媽一見到有黑蒜五豆粽同黃橋燒餅就好雀躍咁話要試，姐姐既朋友當然唔會錯過香港既特色 – 燒賣、小籠包，而我就點咗出邊好少酒樓會有既炸饅頭等咗一陣傾下偈既途中，啲點心就逐一逐一咁送上黎炸饅頭、千絲蘿蔔酥、翡翠帶子腸、生煎蓮藕餅同龍門炒駌鴦米黑蒜五豆粽黃橋燒餅我當然第一時間食我點既炸饅頭啦，炸得唔燶，內裡仲好鬆軟，真係唔錯，媽媽對個藕餅同五豆粽都好鍾意，話藕餅入邊啲蓮藕切到一粒粒好爽口而個五豆粽就越食越香喎，姐姐對個蘿蔔酥情有獨鍾，仲係度講累佢減肥既節食計劃破咗戒，哈哈，姐姐既朋友就鍾意個翡翠帶子腸，話清得黎又粒粒帶子好好味喎，唯一美中不足既係個黃橋燒餅，可能其他點心都比較好食，而且個燒餅有食落有啲太乾就唔係咁吸引啦。到最後差唔多食晒既時候，有個侍應走過黎話，出邊紅雨呀，不如我送糖水俾你哋食，你哋有小朋友等細雨啲先走啦。呢碗糖水真係好貼心，所以我同姐姐都決定下次再帶媽媽同婆婆黎呢度飲茶。 …查看更多