xela2019的个人专页

真心好食，本來已經好耐冇寫食評，為左呢餐就每道菜都影埋相，。首先我係2日前訂位，個接線生都好有禮貌同專業，問完資料就叫我俾埋email佢，咁佢就會有個confirmation 俾你，雖然有埋訂金連結，不過我就冇理到。準時到達後就相信係嗰位接線生帶我哋坐低，今晚係慶祝拍拖週年紀念，所以係2位。坐低後就問你開唔開支水飲，有汽冇汽就個人喜好，總之唔係免費。今晚食tasting menu，分6道同8道，㨂左6道菜嘅，每位$980，我同女朋友各自㨂左唔同主菜，然後其他嘢一樣。…查看更多

昨日因為要去銅鑼灣有拍攝工作，所以便約友人去食晏，本來大家都冇idea要食咩，經過sogo見到有個人派傳單，咁就試下啦。坐低見到個環境好光猛、乾淨，感覺都ok，由於我地差唔多2點先去食，所以唔使等就即刻有得坐低。坐低侍應已經送上熱茶同一杯提子梳打，大熱天時就真係唔想飲熱野，所以就食下杯提子梳打，ok，酸酸甜甜都幾開胃。我就冇睇餐牌就點左吉列豬扒飯，我自己個飯最快到，有飯一碗，面豉湯一碗，一小碟酸菜，一小碗燉蛋及主菜吉列豬扒，上而鋪左好多碎生菜。豬扒好厚身，上菜嘅時候仲有小小煙，中間個塊佢地特登反開，咁就見到個塊仲有小小油光，睇落真係幾juicy，咁第一樣試當然係個一塊反光豬扒啦，一啖咬落去，都真係仲有肉汁係度，冇過多油，豬扒真係幾厚，好有咬口。我習慣先唔點醬汁，試下原味先，好濃嘅豬味，但係就真係冇調味料嘅味道，所以決定點個吉列汁，唔錯，好傳統嘅味道，令你開始想扒飯，酸酸地幾好味。試埋個面豉湯，有啲特別，因為裡面有好多野，有紅蘿蔔，白蘿蔔，同埋牛蒡，個味道真係好唔同，但係我比較喜歡傳統啲味。最後食個燉蛋，淡口味得制，唔係好慣。友人1就點左吉列雜錦配菜就同我個一樣，不過佢就有炸蠔、炸魚、炸蝦同一塊炸豬柳，都好大份。佢話啲野都算好食，尤其係個隻炸蝦，好大隻同埋都好有蝦味，搞到我都好想試下，不過得一隻，同埋佢點左叫青芥未沙律汁。佢話好味過豬扒汁，下次試下先。友人2點雜錦午餐呢個就真係大堆頭，有飯有湯有沙律有魚生，所以佢最後係食唔晒啲飯，留番半碗到啦，魚生、沙律都好新鮮。不過真係太多，食唔晒。最後點左一個推介小食，吉列豬柳三文冶。呢個就真係必食推介，薄嘅吉列豬柳，用左小小芥未及一啲甜嘅醬料醃製，豬扒好滑，味道好有味，如果唔係太飽，真係想食多舊，真係全餐最好味嘅一樣野，好食到呢。到最後都想講下侍應生嘅服務，可能我地去嘅時候已經冇咩人，我地全餐都有個人係我地附近，都會為我地加下荼，同埋加下啲碎生菜，而且都好好笑容，唔錯唔錯。呢間野可以再嚟食多次。…查看更多

本來嗰日只係諗住隨便食餐飯就算，有朋友開車就邊度都冇所謂，但係講咗半個鐘都諗唔到，所以就決定去大坑睇下，因為而家嗰度真係幾多野食。因為係食飯時間，去到周圍都好多人，咁就諗住求其搵間等就算，見到佢個招牌咁大，就行咗過去，個伙記就叫我地等等，好快就有位。坐係出面，見到佢個玻璃門貼咗好多野，又陳奕迅又醒咁，都算有d信心。叫咗三樣野；1. 口水雞 ─ 個賣相已經好吸引我，忍唔住要攞部相機出嚟影(本人都係影相佬)，成隻雞脾切件上，雞上面就鋪滿蔥、莞茜等，粉皮係底，碎粒皮蛋伴碟，跟住淋上豉油。食落口雞肉好滑，都知道係冰鮮架喇，所以個豉油一定好緊要。豉油食落唔太鹹，但係香味好濃，所以一定有味精，但係加上粉皮或者白飯一齊食就會好d，整體嚟講係好味嘅。2. 煎魚餅 ─ 煎得香口、魚肉有咬口、色澤大小適中，呢D係standard，做唔到不如唔好賣，所以佢係合格，但係冇驚喜，反而俾你點個汁真係有驚喜，辣味、酸味、蔥味等等配合得好好，配上任何香口煎炸野一定冇問題，真係令到一舊平凡嘅魚餅變得不平凡，值得一讚再讚。3. 白菜炒牛肉─ 呢樣真係冇特別喇，剩係想食條菜啫。其實本來想叫肉餅，不過賣晒，陳奕迅話好好食，所以下次一定要食。跟住叫咗一杯鹹檸雪碧同兩杯凍奶茶，老闆娘話要拮到個鹹檸爛晒先好味，冇問題，我聽佢講！都真係唔錯。埋單HK$199，三個人都OK啦。P.S 所有老闆伙記都好好人，見我周圍影相，個招牌熄咗都特登開番，最後我都攞咗佢地email俾番d相佢地。…查看更多

首嘗新鮮鳳梨卷，HK$75.00一罐，店員話食用期限係七天，但係我就印證咗係假嘅，因為只係用咗15分鐘就食晒！絕對好味到唔停得口，所以各位有興趣嘅朋友，買嘅時候唔可以話比人知，食嘅時候就要靜靜雞食！同大家再分享下最新產品，「冰」涷菠蘿汁，成支雪到到支雪條咁，陣陣濃烈菠蘿味，同鳳梨卷簡直就係絕配！…查看更多