mm.jimmilkkkk的個人專頁

長沙灣波希米亞風打卡餐廳¨星期日中午1:00左右去到無book到位，店員睇過之後既booking見時間許可，就安排我入坐剛好有兩個位呢度啲位幾好坐幾舒服，而且好多打卡位同埋佢係pet friendly 可以帶寵物或者可以小朋友過黎打卡。¨香煎北海道刺身帶子配蟹肉蕃茄意大利飯($138) 🌟7/10味道都算幾唔錯，酸度適中，不會過多芝士，食完唔會覺得超級heavy 或者個胃吃不消。帶子都幾新鮮😛，整體來說個飯水準是不錯的。不過如果份量可以多翻少少就好喇，只需要多一點飯和蕃茄就更好。¨香烤露絲瑪利春雞(半隻)伴黑松露薯條配燒汁($148)🌟6/10雞肉食覺都軟身同埋滑的，顧名思義露絲瑪利雞當然有rosemary. 食得到rosemary的味道。但除了rosemary的香味就好似食唔到其他調味，比較淡味，加上燒汁亦沒有甚麼咸味，感覺上雞和燒汁其中一樣給多點調味會比較好。薯條方面似乎油溫差一點，所以不夠香脆，調味方面是用黑松露粉，味道都算足夠。¨Expresso Tonic($53)🌟6.5/10每間coffee shop如果有expresso tonic都一定會叫，今次亦不例外。呢度既expresso tonic 似乎tonic比例重一啲，略嫌飲不出咖啡味聞落亦都不太聞到的咖啡的香味。下次有機會會叫其他咖啡試一試。¨整體來說主食和飲品都是OK的，最主要是可以帶寵物同埋呢度好多角落可以影相打卡，啲位都坐得舒服。今次無食到甜品，或者下次我會試一試。¨Boholic (長沙灣)長沙灣福華街561號君凱豪庭地舖及1樓‎٭ ‎٭ ‎٭ ‎٭ ‎٭✤環境 : 8.5/10✤服務 : 7/10✤價錢 : 6.5/10✤回頭：maybe...#長沙灣美食 #長沙灣Cafe #必去打卡 #petfriendly…查看更多

😋一流飯聚地方！尖沙咀高質fusion餐廳¨約左幾個朋友夜晚見面傾計聚下，想搵啲舒服既地方坐下。見Openrice同網頁都無得訂位就打電話試下，最後都訂到位。一行四人就去左食呢間Reaction Coffee Roasters。¨日本南瓜貓耳朵Japanese Pumpkin Orecchiette(Vegetarian)($92)🌟8/10貓耳朵食落幾彈牙，每一粒粉都包住濃郁既南瓜汁，鍾意食南瓜既我簡直係至愛。入面重有栗子同埋南瓜籽。同埋一塊煮到焦糖化既南瓜入口軟腍腍，又有焦糖化既香甜味道，真係好好食。雖然份量唔多，但以呢個味道來說，個價錢我認為絕對可以接受😋。¨雙層芝士美國SRF和牛漢堡Double Cheese American Wagyu Hamburger ($158)🌟7/10由於傾得太高興唔記得影相就切開share左，所以唯有就咁描述比大家聽漢堡用SRF美國和牛，少左啲油脂，比日本和牛無咁膩，另外佢既牛肉味亦相對濃郁一啲。芝麻漢堡包烘過後個包脆脆地。不過如果入面軟翻少少就好喇。然後佢兩面都塗左一層蜜糖芥末，配上幾塊酸瓜同牛肉味道非常夾。入面既羽衣甘藍、蕃茄、紫洋蔥都非常新鮮，尤其係紫洋蔥，少少辛辣後既洋蔥香味令個漢堡整體味道都有所提升。伴菜有炸蕃薯條，因為叫左個蕃薯條小食，下面再講。¨低溫慢煮美國牛小排12 HOURS Sous Vide U.S. Short Ribsw/ Balsamic Gravy ($228)🌟7.5/10"Sous Vide"顧名思義採用低溫真空烹調法，牛小排入口真係非常之腍，而且牛味非常濃郁，配上淡淡地既黑醋燒汁提味已經好好食。可惜佢份量唔多，好想瘋狂咁食😂。伴菜有長柄西蘭花，柄既部分幾幼嫩，食落似芥蘭。另外有一個炸玉米糕，係意大利既菜式。切開入面睇落有啲似薯蓉，其實係粗粒的玉米粉混和水/牛奶/高湯變成稠糊狀，好似粥咁。而佢就將佢裹漿炸左，食落都幾特別，有淡淡地的玉米粉香味。¨Sweet Potato Fries with Truffle Mayo蕃薯條配黑松露蛋黃醬($78)🌟7.5/10佢既蕃薯條粗幼適中，全部都外脆內軟但係又唔會覺得好似食到一大舊蕃薯好粉咁既感覺。而且炸的火候都唔錯，佢既松露蛋黃醬好香松露味，亦都無加超級多芝士，食左好多都唔覺得好漏好油。個松露蛋黃醬都好好味，我地食點哂個醬餐廳都好好，幫我地refill左個蛋黃醬。¨Expresso Tonic Triple shot($50+5)🌟7/10又係試Expresso Tonic 既時候，今次+$5叫左triple shot，想咖啡味濃啲。聞落唔算超級香咖啡味，不過Tonic 同咖啡既比例都幾好。飲落就飲得出咖啡nutty既味道，整體算係唔錯。¨整餐飯都幾滿意，侍應都好Nice. 環境非常舒適，而且燈光好適合輕鬆咁傾計。上菜既速度亦都剛剛好，唔會好似趕你走咁出餐，亦唔會要你等超耐。雖然佢價錢唔係屬於抵食，但係食物既味道同環境令我覺得價錢絕對可以接受，而且佢有素食既菜式可以選擇，啱哂唔同人既飲食集慣。我地由7:30食到佢10:00關門都無趕我地，食哂啲食物重會主動幫我地加水比我地傾計，Service真係唔錯。如果三四個人，絕對係一個飯聚傾計既好地方！！¨Reaction Coffee Roasters (尖沙咀)尖沙咀麼地道32-48號麗東大廈地下A號舖‎٭ ‎٭ ‎٭ ‎٭ ‎٭✤環境 : 8.5/10✤服務 : 8.5/10✤價錢 : 7/10✤回頭：yes…查看更多

呢間常滿百家菜，晚市有任食點心同火鍋放題大食既你一定唔可以放過重點係佢無寫時限，你可以由6點食到佢收舖都無問題！.一黎到都幾多人不過都好快就入到去.我同朋友們叫左個椰子雞湯底，然後幾乎每樣點心都叫左啲來試。下面為大家推介幾款我覺得好食既點心！！首先係蘿蔔絲酥餅，外層好鬆化，裡面有好多蘿蔔絲，我好鍾意食啲又腍又甜既蘿蔔絲，真係超正。之後就到大大粒蝦餃同叉燒包蝦餃勁大隻，皮薄餡多！！足足有三隻蝦，而且啲豬肉一啲都唔肥，真係超大粒超抵食！！！叫左幾次！叉燒包超級新鮮熱辣辣，因為唔想咁飽先冇係咁狂食，朋友重食到辣親個咀然後就係點心必定會叫既燒賣皮超薄，又大粒，豬肉唔肥，食多粒都唔怕會滯最後就係重頭戲！小！籠！包！佢既小籠包每一隻都係爆湯汁，真係食到不斷encore!真係好正好正！食到咁上下就出左去飲品櫃拎野飲，我竟然係個櫃到見到樽裝維他奶！！！！而且重要任飲，然後當晚我飲左有史以黎一日最多維他奶！之後就一路食點心一路打邊爐一路傾計食到差不多10點。打邊爐的配料以咁平既價錢來說，都非常之唔錯，同埋呢度既重點係樽裝維他奶😂😂😂同埋點心😂😂😂，真係食到非常之滿足😀😀😀…查看更多

有效率！有一定水準。平時翻工要外勤，趕好多地方。荃新天地依間KFC我都食過唔少次。佢效率非常高，未試過要等好耐。而且佢啲食物通常都熱辣辣。今次又趕時間食KFC我見佢都好多人排隊，但係我落完單半分鐘就拎得。佢今次個巴辣雞腿包，塊雞熱辣辣，個蕃茄好新鮮好Juicy。唯一就係個包有啲乾，唔軟身擺得耐有啲啲有啲似法包。:(薯格是新鮮的，保持水準。:)平時我食$29好便宜的炸雞扒飯，又好味又飽肚，如果大家趕時間又想慳啲錢可以試下…查看更多

旺角高質甜品¨同朋友食完生日飯想再食甜品，雖然好多人，但咁啱唔洗等位入到黎見到好多Anson Lo 既poster，重有應援物品拎🤣又可以打卡佢最低消費每日$50或者叫一個雪奶加大¨韓式特級香滑醉人草莓雪奶加大($97)⭐️7.5/10真！係！好！大！兜！士多啤梨好甜，重有一球士多啤梨雪糕加左好多好多煉奶，好好味，食到底都唔會淡。而且佢既用奶做出來既綿綿冰好香牛奶味，撈埋士多啤梨雪糕同煉奶食一流！¨Nun Desserts Cafe (旺角)旺角通菜街119號地舖‎٭ ‎٭ ‎٭ ‎٭ ‎٭✤環境 : 7/10✤服務 : 7/10✤價錢 : 7/10✤回頭：yes!...#旺角美食 #旺角餐廳 #旺角必食 #旺角甜品#nundessertscafe…查看更多

旺角抵食高質西餐廳！！！¨朋友約食生日飯，最後揀左呢間餐廳。經Openrice 訂位，餐牌單點全單有8折！我BOOK左夜晚7點鐘，去到都唔算多人。當日朋友突然要OT，我係個度坐左個幾鐘，未叫野食，侍應都冇黑我面，都好好服務。最後我有啲餓叫左個小食同一杯cocktail。邊食邊等，等到朋友過黎，我就叫左牛扒，佢就叫左炸魚。¨椒麻脆炸魷魚鬚($78)⭐️8/10因為等朋友諗住叫個小食食住先，魷魚鬚黎到既時候比個份量嚇親，好大條，好大碟！而且一落枱佢椒麻既調味就沖緊埋黎，非常香口，又唔會咸。食到停唔到口。我一個人食哂成碟都飽飽地，好在彩我再等左半個鐘先再食主食。佢絕對係對得住呢個價錢！¨澳洲有骨肉眼扒（$198)⭐️8/10我叫左7成熟，牛扒來到都係煎得乎合我既心水。側邊既配菜都好出色，用香草炒過，車厘茄好Juicy，咬落去係爆汁出來，好甜好多汁。牛扒應該有成塊面咁大，肉味好濃，亦都唔會韌，連住骨既筋位有好香既牛脂味道，呢個價錢我覺得好滿意，無咩可以挑剔。¨英式脆炸深海鱈魚配香料薯條($198) ⭐️8/10朋友叫左魚，唔係咁鍾意食魚的我，就試左一舊。佢既肉質好實好有彈性而且好大塊！唔係用啲好cheap有雪味既魚柳，係真係魚味！連我都覺得好好食，同埋佢既脆漿都做得好好，調味都好適當。薯條調味都剛剛好，炸得外脆內軟，好香口，好好味！我下次再黎都會想叫魚食！！！¨＊Cocktail🍸＊Peach Magarita($68)⭐️6.5/10無特別之處，正正常常不特別介紹。¨＊Mocktail🍸＊Mango Day($58)⭐️7.5/10好香好濃芒果味，少許還有檸檬的酸味酸酸甜甜又好Fresh! 好好飲！¨Romanne Leisure Food Concept (旺角)旺角砵蘭街215號朗晴坊7樓‎٭ ‎٭ ‎٭ ‎٭ ‎٭✤環境 : 7/10✤服務 : 8/10✤價錢: 8/10✤回頭：yes!...#旺角美食 #旺角餐廳 #旺角必食 #旺角西餐廳 #romanneleisurefoodconcept…查看更多

水準穩定，服務好，坐得舒服¨係香港連鎖的漢堡包我通常都會食MOS，佢地的麵包同埋牛肉都有啲質素。下午2:00去食lunch，過了午市很多座位雖然剛完午市，但店面都幾乾淨。平時食開脆雞同和牛漢堡，今日試下之前有試過既板燒雞¨Grill Chicken Honey Mustar($32)⭐️5.5/10＊蜜糖芥末特級板燒雞漢堡＊雞肉食落都好滑，麵包好軟熟。不過味道比較淡，而且芥末味都唔突出。生菜不算好新鮮，蕃茄非常新鮮。如果係調味上做少少調整，惹味啲就好喇。¨Hokkaido Croquetto Set($23)⭐️7/10+ Iced Cafe Latte(+$6) ⭐️6.5/10＊北海道南瓜薯餅＊＊凍鮮奶咖啡＊即炸南瓜薯餅，非常香脆，而且都幾大件幾厚。保持到水準，一定唔會失望。咖啡正常發揮，不作評論。¨MOS Cafe (荃灣)荃灣楊屋道1號荃新天地一期地下78號舖‎٭ ‎٭ ‎٭ ‎٭ ‎٭✤環境 : 7/10✤服務 : 7/10✤價錢: 7/10...#荃灣美食 #荃灣餐廳 #MOSBURGER #BURGER #漢堡…查看更多

荃灣平價手撕雞飯!¨因為工作的關係，食飯都唔係咁定時有時下午茶時間先食午餐通常都有下午茶餐，就當係一個平Lunch如果唔係好大食量，都好夠飽我覺得呢間都幾抵食¨＊麻辣手撕雞飯＊($40)⭐️7/10雞肉睇落都覺得幾好食飯量正常，軟硬適中雞份量正常，係雞髀肉，食落都幾滑個麻辣汁非常香，都幾辣用黎餸飯真係一流！👍🏻跟餐送熱飲，叫左熱奶茶一杯正常港式奶茶，無特別好飲就唔特別講¨＊酸辣蒜香雲耳＊($20)⭐️7/10同行有一位同事，所以叫左個小食share小食份量都幾多，十分抵食個酸酸辣辣又有好香既蒜味，基本上食唔停口係幾好既開胃菜，十分推介¨炯記餐室 (沙咀道) (荃灣)荃灣沙咀道209號地舖‎٭ ‎٭ ‎٭ ‎٭ ‎٭✤環境 : 6.5/10✤服務 : 6.5/10✤價錢: 7/10✤回頭：Yes...#荃灣美食 #荃灣餐廳 #手撕雞 #炯記餐室…查看更多

荃灣西午餐之選¨荃灣西各商場平時午餐都唔平，基本上都$70以上，金不換算係比較平的商場餐廳。午市不收加一，凍飲不用加錢而且座位相對闊落，坐得幾舒服¨Hai Nam Chicken w. Ginger & Garlic Rice($60)⭐️6.5/10＊海南雞飯＊海南雞飯🐔原本配油飯，不過我自己個胃不太好轉左白飯個汁酸酸辣辣，好開胃飯量都幾多不過，偏硬身雞份量正常，已去⻣今次比雞胸位我，都未至於好鞋好乾，整體來講是唔錯的，個汁我幾鍾意👍🏻¨Iced Thai Milk Tea($0) ⭐️7/10＊泰國凍奶茶＊有泰式奶茶的香味，但甜度剛好好多舖頭的泰國奶茶甜到我不能接受不過佢既泰式奶茶味度剛剛好，沒有多餘的甜味，可以飲到茶香¨金不換泰國餐廳(荃灣)荃灣大壩街4-30號荃灣廣場地庫B111-113號舖‎٭ ‎٭ ‎٭ ‎٭ ‎٭✤環境 : 7/10✤服務 : 6.5/10✤價錢: 6/10✤回頭：平日午飯間中會去...#荃灣美食 #荃灣餐廳 #荃灣泰國菜 #金不換泰國餐廳…查看更多

朋友生日話想食泰國菜，之後睇到啲食物好吸引就揀左依間。 網上訂位只可以訂4人枱，所以兩個人碰碰運氣walk in好彩7:30 PM去到都還有位餐牌有標示食物🥬Vegetarian 可以要求素食版Gluten Free 沒有麩質的食物而且沒有 Service charge ❗️¨GAI YANG($158)⭐️8/10＊泰北香烤雞扒配特製酸辣醬汁＊必點推介主食🐔雞扒兩大塊超大塊，大過塊面，用對竹筷子夾住來燒，造型幾特別🤪外皮燒得好香脆，醃料非常惹味的！內層的肉保持嫩滑超多汁！！！唔點醬汁已經好好味了！！點埋個汁酸酸辣辣，好開胃而且一點都不膩¨PHAD THAI($148) ⭐️8/10＊泰式大蝦豆腐炒金邊粉＊係我食過最好味的金邊粉！味道適中，香得來又不會覺得非常重味啲粉唔會一大舊，所有野都好均勻。唔會太乾易唔會太濕，而且都唔覺得好多油！蛋絲好香口，炒得好好味大蝦沒有特別，不過處理得當好爽口煎香豆腐比平時的豆乾好食和特別。¨LARP MOO($118)⭐️8/10＊豬肉碎生菜包沙律＊暫時食過最合我口味的生菜包因為個胃比較差，平時少食多香料的食物，亦都好怕超重香茅味的食物。呢個生菜包的肉碎，好香但係無好重味好濃味佢除左有蔥頭、聖羅勒、番茜重有薄荷葉！令到香味提升左一個層次，食完都唔會因為好多香料而覺得好多胃氣。所以個人非常喜歡。¨＊CocoEspresso Martini🍸＊好香的咖啡味同椰子味飲落去有淡淡既冧酒香味非常啱我😋¨ROTI GLUAY($78)⭐️7.5/10＊香脆香蕉煎餅＊煎餅香脆熱辣辣，夾住香蕉片送到時候已經非常香的香蕉味和甜味混合好多煉奶，重甜超正！！！¨𝐂𝐡𝐚𝐜𝐡𝐚𝐰𝐚𝐧 (上環)上環荷里活道206號地舖‎٭ ‎٭ ‎٭ ‎٭ ‎٭✤環境 : 7/10✤服務 : 7/10✤價錢: 7/10✤回頭：Sure yes!…查看更多

我叫APP 外賣叫左兩款雞翼（5隻）韓式炸雞、炸蠔薯格。我叫左4樣野食，運費$40我就冇所謂。之後冇雞翼冇炸蠔得翻炸雞，運費$40我就覺得唔抵囉。$80食你幾舊雞，我想取消訂單好正常。雖然話$40運費唔係你地收。你話整左未必可以取消到冇問題。但你自己電話好細聲，我聽唔到，其實你唔洗大聲叫「喂」，其實你咁樣好冇禮貌。令我唔想再幫襯你，永久black list。我寫食評好少寫差評，唔好食既我唔寫就算。但係我絕對要比一個差評你。你收左錢我吹你唔脹，取消唔到唔係問題，但你態度真係好差:)唔會再食無圖，因為我收唔到我叫既野食。…查看更多

麵屋丸京.荃灣路德圍抵食高質拉麵呢間係其中一間我好鍾意的拉麵間中需要排隊今次叫左最普通的豬骨濃湯醬油拉麵 $63 🌟9/10午餐時段有追加 味筍/粟米/紫菜 送我就揀左紫菜，所以相片入面有一堆紫菜叉燒用慢煮烹調，腍得黎有咬口，亦唔會只有肥膏，食完一啲都唔膩我喜歡佢地京蔥同青蔥都有，而且非常新鮮為豬骨濃湯增加左唔少風味。雖然係濃湯，但亦都唔會係好咸而且有少少漿口，食得出都用左幾多豬骨去煲麵是中粗身的麵條，軟硬適中少少漿口既湯汁，非常掛湯店內有生蒜茸提供，可以加落湯增加香味不過蒜本身好濃味，加得太多會令湯變咸個人認為加少少增加香味就好.總結：座位唔多，有時要排隊，但不用等好耐味道係一流，份量算多，尤其係叉燒，若然叫真.叉燒拉麵/極上叉燒拉麵，會鋪滿全個碗，每次食完都拍住個肚出門口。已經食過非常多次，十分推介.麵屋丸京(荃灣)Maru KyouTsuen Wan, Cheong Tai St, 9號號地舖9819 7529…查看更多

😋荃灣多國菜 No Boundary可能因為疫情，平日中午都不太多人去到已經有位坐，環境亦都好舒適。叫左個Set Lunch挪威三文魚野菌意大利飯 $128 🌟8.5/10忌廉湯 🌟8/10加左香草🌿同黑椒 辣辣地幾惹味幾開胃飯嘅份量都算大碟，食完好飽肚材料好均勻，每啖飯都食到三文魚芝士同忌廉汁亦都剛剛好，唔會太膩飯入面又蕃茄粒、增加口感同味道fresh得嚟佢既蕃茄粒又唔會水汪汪破壞左個飯所以我覺得呢個價錢好合理。大家平日中午係附近可以去試下，平日夜晚同星期六、日就可能要排隊了總結：大份抵食，環境舒適，味道有一定水準…查看更多

Hari’s.店舖應該係新開不久在飲食平台都找不到位置係長洲碼頭落船向左行幾步就到.佢既Dinner Set超抵食，不過份量太多，又唔想飲酒就只係叫左兩樣野食，部分店員只識講英文，不過餐牌有中英文對照，好耐冇用過英文落Order，好彩都重識讀😂羅勒雜菜意粉Basil and vegetables pasta烤豬架配薯蓉Pork Rack With Mashed Potato冇錯又係Basil，我真係超鍾意食.店員知我地唔飲酒，就攞左枝有薄荷葉既凍水，比我地自己斟，每枱都有搓手液提供，非常貼心。.首先來既係法包同香草牛油估計應該香草牛油係自己調較。麵包外面脆，裡面煙韌，牛油唔會太膩，不過麵包再熱多少少就更好。.然後就係羅勒雜菜意粉，雜菜炒得非常之香，羅勒香草配上忌廉汁沾滿扁意粉食到停唔到。扁意粉較闊身，軟硬適中帶點煙韌。不過可以係忌廉汁，所以一個人食哂就有啲膩，兩個人食就剛剛好，亦都可以飲用有薄荷葉既清水解一解膩食下一道菜。.烤豬架大大份加薯蓉，配香草炒過既雜菜。薯蓉要整得好食就一定有牛油，不過如果加得太多牛油就會好膩好難食。店舖既薯蓉整得唔錯，食哂都唔覺膩易都夠滑。豬架上面既忌廉汁一點都唔膩，豬肉既味道亦都濃郁。可能因為烤既關係，肉都好厚，時間長左外面比較乾，但整體來講好好食。可能如果用慢煮既方式先將肉煮熟，再用火烤，效果就會非常好。.總括而言，服務唔錯，環境都舒適，燈光幾好，食物有質素，而且大大份。推介Dinner Set，價錢非常吸引。.味道 1.7 / 2.0環境 1.7 / 2.0服務 1.8 / 2.0衛生 1.7 / 2.0價錢 1.8 / 2.0總分 8.7 / 10.0.#長洲 #西式…查看更多

#是蛋.由於晚餐之後想食長洲車仔檔牛肉粥，就選了西式Coffee Shop類的，不吃太多。入到門口探完熱，重有搓手液提供，隻味好香，研究左好耐咩排子，好想買😂.餐牌有標明幾款素食的選擇，正好係想食既野，就叫了一個是日湯配麵包、黑醋田園沙律、蕃茄羅勒意粉。餐湯用蕃茄打成，點麵包食好開胃。田園沙律全部蔬菜都好Fresh，重有好多對面小姐好鍾意既火箭菜，佢食得好滿足。.然後到我超級推介的意粉。蕃茄同羅勒都係我最鍾意既食物，所以見到有呢個意粉就即刻決定好食咩。蕃茄加羅勒打成茸，再加上橄欖油，真係非常之香冇得輸。配埋我同對面位女士都好鍾意既扁意粉真係冇得輸。皆因我同佢都唔鍾意圓形既意粉，覺得普遍都硬骨骨乾爭爭，呢個扁意粉軟得尼重有啲煙韌，十分推介！.味道 1.7 / 2.0環境 1.7 / 2.0服務 1.8 / 2.0衛生 1.8 / 2.0價錢 1.6 / 2.0總分 8.6 / 10.0.#長洲 #咖啡店 …查看更多