說回正題，7點半去到人不多，點了酸辣雲吞湯麵加豆漿，豆漿叫左先知有分大細，但店員唔會問你，直接俾大，爭d飲唔哂..:(酸辣湯，少辣味濃，麵係比上海粗麵幼一半左右既上海麵，都幾彈牙，雲吞好滑，餡係菜肉餡，好好食
如果行經果邊，我會再幫襯（但好難，基本上要特登去
）…查看更多
雖然都幾多餸揀，但初初我只係試最basic既魚蛋、蘿白油麵，後來又試左門口推介既甜酸齋、魷魚，之後又試佢既雞翼、冬菇、墨魚丸，所以依家好多時去到都已經有心水: 雞翼/墨魚丸/甜酸齋+生菜+油麵+辣 雞翼...佢d雞翼係滷水雞翼黎，仲要滷得好夠味，唔會一味死咸或唔夠味:) (不過有時雞皮上會有小小幼毛，要小心) 墨魚丸...佢d墨魚丸係有d墨魚粒響入面既，唔同平時車仔麵食開果d，所以好有墨魚味又有咬口，仲要大大粒，本人非常推荐 甜酸齋...雖然酸齋配車仔麵好似怪怪地，但佢d甜酸齋係仲有少少脆口，加上酸酸甜甜，配車仔麵上黎又幾夾 油麵...個人覺得車仔麵係要配油麵至夠地道，除非d油麵好難食我先會叫其他麵，而佢地既油麵就好正，唔太油之餘仲略帶煙un彈牙，所以我去到必點 辣醬...類似沙嗲醬既野黎，小小辣之餘帶有甜味，加入碗麵一齊食可以話係神來之筆 我唔係成日影相，所以呢幅相已經差唔多兩年前影落，但味道同上個月食既一樣好味，只係價錢已經加多左(相中呢碗2012年要 $22，2014年要 $28了)，不過今時今日黎到2014年仲可以響灣仔金鐘呢頭廿幾三十蚊就可以食到個飽飽lunch，夫復何求? 
(雖然呢幅相果pat醬有d 核突，但絕對係正野黎的，只係加太多既話食完會有小小口渴 :) )…查看更多
雖然只有大概8張枱，但lunch hour唔算逼又唔算貴又有電視睇，所以已經成為我lunch 飯堂~ 12點零去到，只有唔夠10個食客，咁我就私私然搵位坐~望一望餐牌，叫左個3號餐(皮蛋瘦肉粥配油炸鬼) P.S.大家千萬唔好同阿姐講"皮蛋瘦肉粥加多個油炸鬼"咁叫，阿姐會以為你散叫架 等左5分鐘左右就有得食，個皮蛋瘦肉粥都幾足料，雖然d皮蛋切開左，但我覺得應該差唔多有一隻皮蛋，而瘦肉雖然唔係手撕，但都好夠味，粥底d米係粒粒爆開的，食落無味精之餘，仲幾綿添 至於油炸鬼，本來我無乜期望，因為好多粥鋪既油炸鬼都會係淋的，但當我拎上手，就知新華既油炸鬼唔會淋，摵開仲好畢直添! 試咬一啖，雖然唔算得上好新鮮，但都算脆又唔un，我當合格架啦 食完之後，我拎住之前阿姐寫左價錢既紙仔去賣單，阿姐好有禮貌，就算收左錢都會笑住係咁同你講多謝! (今時今日好多食肆都係收左錢就算，唔黑住面收錢已經算好...)所以呢點幾抵讚，希望d阿姐努力keep住! …查看更多
因為已經唔係第一次幫襯hungry korean了，所以完全了解“排隊>take order>收銀員講坐位號碼>於該坐位等食”既流程 當日我12:15pm左右去到，店內有6、7成滿，而人龍唔算長，大概只有4,5個人響前面，所以只係排左5mins左右就到我買野食，收銀姨姨識講廣東話同英文，所以落order唔係問題 我叫左個之前未試過既辣豬肉鐵板燒就乖乖坐響收銀員安排既坐位上等，等左15mins左右終於有得食 (比我響tst叫既石頭飯、泡菜湯耐，唔知同鐵板燒有冇關係 :( )，見到眼前呢個鐵板燒，我有d 失望 :( ，雖然個樣同相show出黎既一樣 (基本上食過幾次都同相對版的)，眼見d油彈到成張餐紙都係，明顯真係放響鐵板燒過黎既，但黎到我面前已經無鐵板燒應有既滋滋聲了... :( ，好在碟野都夠熱...個鐵板燒上面除左辣豬肉，仲有椰菜，d椰菜d爽脆，應該係直接放上去燒的，唔錯 :) 至於主角辣豬肉，好明顯加左好多醬料調味，第一啖食落甜甜地少少辣咁，真係送飯一流架 :) 不過，食多幾啖就覺得甜左d同油左d，呢個時候我心諗:"好在有碗白飯送下者，如果唔係都幾搞掂佢... 
"之後再食多幾啖...心諗:"嘩!真係好甜好濃味....如果有碗清湯送下就好囉... :( ”唔係講笑...食食下真係有d似炸醬麵d炸醬咁濃味，所以一碗白飯已經唔夠送佢，起碼加多個清湯至得 :( (當然想像同現實係兩回事，可能你會話我"你估你真係食緊炸醬咩? 韓國野係咁上下架啦~)或者我無食過真正既韓國野，所以無預計咁甜咁濃味 :( 又或者我誤會左"辣豬肉鐵板燒"無寫個甜字，所以一心諗住唔會太甜...我錯...其實唔係唔好食，但只能說辣豬肉鐵板燒唔太岩我... :(…查看更多
人地個名叫龍鳳餃子館，其實我好應該叫餃子，但我又犯賤心思思叫酸辣湯麵，點知...就出事啦....:(個酸辣湯麵黎到，料唔算多, 只有d 豆腐, 筍，肉絲，但我見到d色咁深，應該ok掛?點知一入口...真係嘩左出黎...咁鬼難食既????雖然色水深，但無咩味，好似食緊有色既生粉水麵咁.........我食多兩啖...頂唔順...要加醋...食多兩啖...都係唔得, 又加醋...前前後後加左3次...之後又加d豆辨醬...先可以ko到半碗...之後我好後悔食左人生第一碗咁難食既酸辣湯麵....或者都係叫餃子穩陣d.........:(…查看更多我特登搭電車黎食lunch冇可能再返去架..所以就去蘭杜街搵食，見到出面d介紹好似幾吸引，價錢都ok貴，但今日平安夜就唔計咁多啦~:)由於一條友既關係，好快就有位了，但d位都ok逼...睇左一輪，要左個蝦肉片油麵，喇沙湯底$44估唔到叫完之後5mins左右就黎到個碗夠大，但d料好少......我食完都唔係好夠.....:(湯：有少少鮮味，係幾濃，但飲多幾啖覺得好heavy...飲唔落...餸：蝦同肉片都好少，配料都係幾舊仔豆卜、牙菜，估唔到肉片都幾正，好似燒肉果d味，其他野就一般啦冇咩特別麵：呢隻油麵同車仔麵之家既差唔多，但配喇沙湯底似乎唔太夾，或者配河粉式米粉會好d服務：一般啦，起碼夠快(你一入去佢即抹好張枱，擺張紙巾快子同茶)但又唔會催住哂衛生：還可以環境：燈光幾好，如果d位再鬆動d坐得舒服d會更好，可惜佢係食神果一套"d位有咁逼坐咁逼d人食完就拿拿聲好走"總結：呢間野果然主打個湯底，第一啖好好味，但我覺得好既湯底應該有令人一飲而盡既衝動，呢個冇，而且有d偏咸，而其他野就一般了，價錢方面我覺得唔值$44，$35就差唔多…查看更多本來想堂食，但一入去見到鋪面好細得4張枱左右，每枱坐左5、6個人，所以都費事入去逼..於是就改叫外賣算...雖然見到收銀處有3大袋外賣，心諗可能要等好耐，算，照叫~:)叫左個豬扒四川粉小辣，估唔到唔洗5mins就有我一度懷疑係咪俾錯，但當時外賣自取得我一個，真係估唔到快成咁拎到返公司打開個袋，有一碗湯(雲吞麵果d膠碗，但蛭面d湯只得一半，冇渣)一碗豬扒四川粉，先飲一啖湯，好夠熱，雖然飲得出係味精湯，但都飲到瘦肉味(唔知咩野湯黎)，都幾好飲再試下個粉，一打開見到有5、6舊已切好既豬扒，份量唔算少，ok既，一啖咬落去，幾淋喎都!而且幾香!又唔痴牙，都唔錯!再試下個粉，我第一次食四川粉，估唔到都幾多配料，有十幾粒脆花生、少量蔥段、大概一湯匙既豬肉碎(唔係好碎，有d大概有半cm咁大)、大量咸酸菜等，而d四川粉外面有少少油，半透明，外形有d似瀨粉，食落同瀨粉差唔多(其實可能真係食緊瀨粉)將配料同四川粉撈一撈就食得，以為係撈野就唔太熱啦，但估唔到第一啖食落都幾熱架播味道ok啦，又唔係好覺好特別，我本身係食得辣既人，但叫小辣都覺得ok了，怕太辣會遮哂所有味道食食下唔知係豬扒定四川粉既關係，覺得條脷有少少麻麻地既感覺(只係少少)總括黎講，味道方面：我覺得唔算好好食果d，普通啦，一試冇妨吧!:)價錢方面：$30(外賣單明明寫$31)，份量黎講叫ok，唔算好多(我平時食南記粉麵成日食淨少少，食呢個四川粉係食哂既)，包半碗都幾好飲既味精湯，唔算平，可能下午茶時段去會抵d(好似3:00pm-7:00pm，$22(冇睇清楚有咩揀))服務方面：幫我落單果位哥哥都ok，冇粗聲粗氣，雖然冇好熱情咁叫你入去坐/問你食咩野，但我覺得已經夠:)外賣自取好快手(可能咁岩冇咩人等)衛生方面：外賣尚可，堂食就唔知啦~我覺得試下都無妨既，但因為味道唔太特別，價錢都唔算平，所以未必吸引到我再encore。…查看更多
