BYJM的个人专页

由於男朋友又要OT，所以翻咗屋企剪完頭髮再出去同佢食宵夜，夜晚十點幾灣仔大部分都關門，平時食金記都唔錯，就入咗金記。入面裝修就一貫舒服😌黑椒牛肉炒意粉 $52 加凍檸茶 $15雖然加野飲係貴咗啲，不過男朋友話個凍檸茶好正，仲想叫多杯，我反咗個白眼。。。FYR 男朋友話好飲。講翻個麵，炒就預咗佢油，不過上到嚟就咁睇就唔見太多油浮面，食落去都唔會太油膩，乾身唔油，幾好！牛肉都俾得多，亦都唔太老，整體唔錯！夜媽媽唔多選擇嘅情況下，係金記食到個大份好味嘅炒意粉係小確辛！…查看更多

去銅鑼灣搵翻舊同事食飯，本身諗住食乜都得，點知佢零舍要求要中午飯食雪菜肉絲米，咁都好啲，起碼叫唔使諗食咩餐廳，不過銅鑼灣午餐真係好少常餐有雪菜肉絲米，為咗佢嘅要寸，我行咗五六間終於有呢間樓上有啦！坐咗最入嘅卡位，對住出面等咗陣，終於見到約咗好耐嘅舊同事！佢一早決定食常餐，我就見到雞脾好心動，就叫咗皇胞雞脾飯！好可惜冇餐。。。原來日日午餐係唔一樣㗎~常餐 雪菜肉絲米配火腿奄列加牛油多士 $46其實我覺得雪菜肉絲好難零捨出眾，不過我朋友就話個米粉好好味，唔知係咪佢朝思暮想，佢好快清哂仲好讚，我就幫佢食咗個飽，好多牛油嘅方包咁xD皇袍雞脾飯 $60其實就係一隻油脾擺係滑蛋飯上面，我係超鐘意食雞脾，呢隻脾又大隻又滑，重點個汁個味入到肉！ 同埋啲蛋咁香，超好送飯超好味！我清哂成碗飯，好飽不過好開心！總括而言食咗個好入味嘅雞脾好滿足！同我朋友終於晏就食到雪菜肉絲哈哈…查看更多

約咗好朋友食晏晝飯，一個係金鐘返工，一個係灣仔返工，所以就搵左呢間係中間點嘅餐廳，平時happy hour 見到佢好多人喺出邊，今次就試吓食佢嘅午餐。第一次入到裏面，地方唔大，但係坐得幾舒服。佢係有lunch set menu，不過今次我哋就散叫，因為普通Menu嘅嘢食好多選擇，可能係普通嘅意粉定係特色菜，都有唔同類型可以揀。一上菜就俾佢嘅分量嚇到，兩樣菜都超大份。第一份係Slims’s  Gai $100舊雞超級入味，有兩塊好大嘅包夾住舊雞，仲有超多芝士係舊好足味嘅雞上面，好正！又有芝士又有honey mustard又有醃過，足味，仲有兩舊好大塊嘅蕃茄，好新鮮嘅生菜！重點係份量好大，加埋啲薯條，好飽好飽！第二份Mandarin Dressed Chicken Salad $100我覺得夠雞有啲偏鹹，但係啲菜好新鮮，同個好fresh嘅橙味dressing，好清爽！總括嚟睇，喺度食午餐好舒服，嘢食又唔錯，食完仲係吹左半個鐘頭水先走，感恩~…查看更多

幾年前已經喺呢間餐廳嘅忠實粉絲，最近同事同我講，佢10月8號灣仔分店就會關閉，呢排就食咗幾次，一次過同大家介紹，希望大家係關閉之前都食翻一次兩次，因為真係好好味！午餐其實有好多款可以揀，每一款真係好好味㗎！$78 再另外+1，咁嘅質素好抵！海南雞飯 $78個飯唔會太油，但有浸浸香味，啲雞好滑，不過啲皮好肥所以我會唔食啲皮，但啲雞真係好正，果醬好特別！青咖喱雞配油鬆餅 $78同事推薦我食個鬆餅，好鬆軟好好味！依家見到都好想再食返，重點係唔會太油，個雞都好滑好入味肉骨茶米線 $78係openrice見到佢話係蔡瀾推薦，果然名不虛傳，感覺冇用到味精，個味好濃，我係飲晒成碗湯，啲米線就正正常常，啲料超好味！推！海鮮喇沙米線 $88我鍾意個肉骨茶，朋友就鍾意呢個海鮮喇沙，佢覺得個喇沙味好入味，唔太鹹仲要有浸海鮮味，佢係我食到一半嗰時已經食晒一碗！嘢飲就通常叫凍拉茶同拉啡，兩杯都唔會太甜，食完咁好味嘅飯就有個好好味嘅飲，好爽！好得意嘅佢仲會送兩粒日式和果子做飯後甜品，好可愛啊！總括依然係一間好好味嘅餐廳，好可惜佢10月8號就係最後一日，我諗我都會食咗一兩次嘅…查看更多

星期日好熱，中環附近好多鋪頭冇開到，行到好熱就決定去食冰，平時韓國冰就食得多，今次試下日本冰同日式甜品。鋪面好舒服，木製傢俬令人感覺好悠閒。Menu 簡單清楚一行四人叫咗好多四樣甜品。第一個冰係抹茶忌廉焦糖味 $88一上冰就覺得好大，食落去好棉，茶味好濃。食到中間有驚喜，有好多焦糖，又有餅乾，口感好足。第二個冰就係伯爵奶茶味 $90一樣好綿，茶味好濃，個奶同茶比例好正！今次個驚喜係裡面有奶凍！下一樣野就係北海道忌廉芝士、朱古力疏乎厘、抹茶套餐 $79(熱）忌廉芝士超好味！！！大家都極度推薦！朱古力就好濃好紮實，推！！蕨餅 、抹茶套餐 $75(凍)喺日本不嬲都好鍾意食蕨餅 ，不過係香港好難搵到嗰種唔係死甜，個口感亦都搵唔到嗰種彈牙煙un，呢度嘅蕨餅就超級好味超級似日本！個抹茶都好傳統日式，推！總括而言過咗一個超級滿足嘅下午！…查看更多

星期日專登去咗大圍搵我最好姐妹食早餐，搭咗成個鐘車就費時食連鎖店麥當勞呀美心呀嗰啲，附近幾間小店都有早餐供應，姐妹話想食公仔麵，呢間餐牌大大個出前一丁樣，就揀咗呢間。環境就正常茶餐廳咁，揀咗兩個餐。一個雪菜肉絲煎雙蛋、飲餐走 $31一個沙嗲牛肉公仔麵、飲凍檸茶 $32嘢食就正正常常冇乜特別，不過要極度讚佢嘅速度，落單之後1分鐘，雪菜肉絲米就上咗，重點其實餐廳唔係冇人，上菜速度咁快，極度讚賞！我姐妹住喺附近，都話下次如果趕時間，但又想坐低食早餐，會絕對揀返呢間餐廳！最讚嘅都係佢嘅上菜快！…查看更多

好耐都唔嚟一次愉景灣，難得嚟到梗係食埋晚餐先走啦，夜晚兜左幾個圈，搵咗好耐，終於決定咗試呢間西班牙菜。由於出邊好好天，所以我哋都係坐咗户外嘅位置，可惜啲侍應唔係太好服務，冇幫我地擺好餐具，都冇幫我地倒水。其實個環境唔錯，不過可能我哋期望太大，啲嘢食其實一般般。我哋帶咗一個湯一個前菜一個面同一條魚，其實個味道唔係話特別好味，不過不失。左上角個蘑菇湯 $60以為西班牙風味嘅湯有咩特別，就好似普通西餐咁，不過就多咗啲料Cheese Board $168由於我好鍾意食芝士，見到Menu有芝士拼盤就即刻叫咗個，亦都係不過不失，冇話特別好味但係又唔差。Greek Fried Rice $168諗住試吓新野，雖然個味道唔錯，但亦都唔係啲特別新嘅味道，都叫一個平平無奇嘅飯。Salt Baked Bream $318見到鹽焗好似好特別，一上菜果下我同男朋友都嘩咗出聲，幾得意，不過食落去個味道就正常，冇乜特別嘅味道，啲魚肉都幾滑。總括而言唔係一間特別有期待嘅餐廳，不過係愉景灣嘅餐廳有限，都叫一個正常嘅選擇。…查看更多

男朋友之前好忙，已經好耐冇一齊放工食晚飯，不過既然係七夕，就算係OT好耐，都要等埋佢食飯，不過就近近地搵間近Office嘅餐廳，就係呢間係中環嘅Hunter and Chase入到去環境幾好，好典型嘅西餐廳，燈光音樂都唔錯，坐低之後服務亦都好好，枱同枱之間距離都啱啱好，簡單來講係一個好浪漫嘅環境。我哋未揀嘢食之前已經上咗一籃包，熱辣辣好好味，我哋就食住等嘢食個Menu正正常常，有意粉又有肉，但係唔肚餓我哋就淨係揀咗兩個主菜。Tagliatelle $90由於唔肚餓嘅關係揀咗半份嘅意粉，用咗紅酒去整，加埋好多芝士，成個意粉好好味，好似半份都唔夠喉。Suckling Pig $218我哋仲揀咗隻豬，啲肉好鬆軟，一切啲肉就會散，個口感好正，不過我嫌佢有少少鹹，但總括來講都叫幾惹味。食完野之後再睇睇個 drink menu揀咗兩杯cocktail Catch me if you can & the chase 個調酒就一般般啦，不過配合個環境都幾正嘅總括而言係一間幾適合約會嘅地方，環境同嘢食都唔差…查看更多

今日要同大學同學過生日，諗住俾驚喜佢，所以要搵間蛋糕寫到字嘅餐廳，見OpenRice 呢間有做主菜買一送一，就book咗。間餐廳其實係casa hotel 樓上二樓，C出口一出好快就到，去到餐廳發現好chill，早到諗住叫定甜品，原來餐廳本來生日就送蛋糕，但係唔可以同買一送一同時用，我就選咗要蛋糕。俾咗個窗口位我地，都好舒服星期六都有Set lunch，包一杯34蚊飲品，幾扺食。餐包湯同蒜蓉包，正常水準水牛芝士蕃茄黑醋沙律 $58黑醋好味，啲菜都新鮮，其實份量好夠巴馬火腿早餐 $98個蛋好滑！個all day breakfast 真係好飽野飲就兩杯咖啡重頭戲嚟啦！就係tiramisu，我個朋友好開心總括嚟講，唔錯嘅餐廳，不過感覺好多staff同無精打采不過明嘅～…查看更多

之前篇食評用咗真名，希望用返呢個帳號分享我食過嘅餐廳星期五夜晚臨時約咗舊同事食飯，我地搵下搵下啲優惠餐廳，咁啱之後都想去飲嘢，係諾士佛臺樓上嘅呢間餐廳就最好啦～ 位置真係好易搵，真係啲酒吧樓上，一入到餐廳就覺得好chill，極度適合Friday night chill~我地兩個人，多啲人仲可以Beer Pong!佢有Dinner Set，包沙律、餐湯、主菜、飯品 加$38就可以要紅或白酒我朋友遲嚟，我就預早叫咗兩個Set，轉紅白酒各一杯蘑菇湯濃又唔會太鹹藍青口意粉 $238 好多隻青口，個麵唔太硬太軟，但附個飽好乾慢煮西班牙黑毛豬鞍配鵝肝 $318 好多配料！有焗薯、紫薯蓉、蕃薯乾、好多蔬菜，個豬有少少過熟，不過鵝肝好正，我地清哂！最後食完都傾咗好耐先走，好chill嘅dinner!…查看更多