chlai920的个人专页

冇得去日本住，都想食下日式串燒止止癮今次就搵埋男朋友一起去試下呢間新開既串燒小店:)小店位置較為隱蔽，但入到去絕對裝修乾淨企理，約埋班三五知己一起食下串燒吹下水都好舒適～望下個menu，真係咩種類都有～仲要價錢可愛，叫多少少一起食都唔洗就住就住，勁開心！見到個menu都流晒口水，樣樣都好似好好味，所以不知不覺就叫左好多……係等緊既過程中，店員仲好nice送左碟牛肉沙律既小食比我地個前菜都幾正，啖啖牛肉，青瓜絲爽脆，仲配埋鵪鶉蛋等左一陣，就好快有野食喇！驚喜地小店既食物份量都幾多，食到我地好飽火山丼呢款菜一見到已經覺得好精緻，係辣肉碎加蔥同生蛋撈埋一起，呢個價錢惹味可口得黎，仲要份量十足，可以分成兩個滿滿的碗仔，真是超值炸七味雞軟骨呢個菜都好正，雞軟骨炸得岩岩好，又金黃又脆口，調味岩岩好，是會令人食上癮的小食月見免治雞肉軟骨棒次次食日式串燒，一定要叫免治雞肉軟骨棒My favourite ~~~ 啖啖肉中間又有軟骨可以咬下，唔錯燒魷魚筒、豚肉露筍卷、芝士翠肉瓜、豬肉荔枝卷、燒雞胸軟骨呢幾款串燒都唔錯唔錯，其中我地最中意係豚肉露筍卷同豬肉荔枝卷～呢兩個配搭都好正～特別豬肉荔枝會有爆汁juicy既感覺！值得一讚係樣樣串卷都熱辣辣上菜，冬天串下串下好開心焦糖菠蘿🍍去到最後，我地就特登叫左焦糖菠蘿做結尾，非常perfect。個菠蘿係真係會見到啲焦糖片係上面～甜甜蜜蜜～Yummmmm總結一下，呢間小店絕對係回頭之選！以串燒店黎講，價錢可愛得黎質素都唔錯，兩個人食晒以上呢堆野都係$380，飽到上心口，真係叫多幾串都唔心痛，食得好爽～小店樓面雖然得一個人，但都好爽手，上菜速度都唔錯！…查看更多

今日可以放早，就同同事係太子覓食，食返個靚午先返屋企。聽聞最近太子個邊開左間新的日式食店，就與同事決定試一試。小店環境以木系為主，睇得出裝潢好有心，座位都好舒適，4-5人聚會都沒問題。一入到去店員就比杯暖笠笠既綠茶我地，好貼心。小店主要用QR點餐，望住個menu，價錢都好相宜，lunch食個壽喜燒set都係$128真係好ok。不過個日咁岩晚上會自製壽喜燒，所以先叫左一個午市定食、同事就叫左個千層吉列豚傳統赤麵。千層吉列豚傳統赤麵真係唔講唔知，原來赤麵就係代表蕎麥麵。而傳統就係日式清清地得黎又甜甜地個隻湯底，會附埋一舊腐皮、海帶、櫻花蝦，唔會好dry咁，不錯不錯。千層吉列豚送上黎真係😍～炸得岩岩好，好脆口，入面既豚肉真係做到層層分別，好juicy，不過就較為膩，但都好味的。如果女士們減肥中，小店都好貼心，有輕盈版吉豬，可能選個個會較適合。午市定食（包括青絲海蜇、主食、飲品）青絲海蜇呢個真係有驚喜，除左青瓜絲佢仲有d海蜇絲，兩個味道好夾，好爽好開胃，讚。而主食方面，我就選左京都炸雞配烏冬。湯底都係傳統清湯，就唔多講了。但個烏冬食得出係靚野，好滑，sirsir聲咁食，配搭清甜既湯底👍🏻👍🏻個京都炸雞，都唔錯，幾脆口，特別一提個沙律醬好有心，係wasibi沙律醬👍🏻，配炸雞好正！飲品方面，我地都覺得小店好用心，有好多日本來貨既野飲，又有波子汽水同蘋果汁👍🏻整體而言，店員有禮貼心，食物質素都唔錯，下次可以會再黎試下個壽喜燒…查看更多

今次呢間小店係朋友推薦既，門面後講真係平平無奇，係個種行過好容易miss左既小店。多得朋友大力推薦，我先冇miss左呢間特色小店，食到正宗印尼菜😚👍🏻好老實講，小店環境真係比較逼，座位唔多，一大班人約過黎gathering真係比較難，比較合適二至四人過黎品嘗。雖然環境未必好舒適，但平日非星五都吸引到人過黎，仲要座無虛席，一定有佢厲害之處～😆就黎試一試佢先！睇個menu真係咩都好新奇，咩都想試下🥲經過一番熱烈討論，最未就決定左叫個熱門既牛骨白鬚牛丸湯面、印尼四大天王飯（貪佢咩都可以試下）、印尼小食拼盤、椰汁冰同斑蘭沙冰。我個人認為呢個配搭都幾好，好似咩都可以試下佢啲特色菜😋😋😋印尼四大天王飯$78呢個飯最正既位，就係可以一碟試到晒四個味道，岩晒選擇困難症既人。有巴東牛肉、斑蘭雞同埋啲甜甜既花生碎碎，巴東牛肉軟淋，又入味，而斑蘭雞就偏向似海南雞咁，都滑嫩的。至於啲碎碎簡直係我朋友最愛，碎卜卜撈飯一流～😝牛骨白鬚牛丸湯面$88其實之前係西貢一間食店都有食過呢道餸，不過食完呢間真係返唔到轉頭，呢間好味好多！成碗面分別有幾粒小牛丸同一粒巨大牛丸，而呢粒巨大牛丸係內藏一個牛骨，將啲鮮味鎖晒係粒牛丸到👍🏻食食下真係嚇親我，牛丸好彈牙又好juicy，成個湯都好鮮味，我朋友食到lamlam利，話下次要為呢碗野encore! 😂👍🏻印尼小食拼盤$88小食拼盤真係包羅萬有，包括炸雞、炸豆腐、炸黃豆糕、雞翼同炸秋葵。雖然係咁多款小食到，我最中意都係炸雞，貪佢炸得都唔乾身，幾juicy，點下個酸甜醬幾好味，又啖啖肉！炸黃豆糕都好特別，不過食完會較為飽肚😂椰汁冰$48 斑蘭冰$42兩杯野飲都好夠凍，冰亦都唔易溶！不過相比下，椰汁冰就軟較為淡味。整體黎講，呢間小店絕非平平無奇，想試下印尼菜，價錢又實惠，真係要試一試呢間食店…查看更多

一直以黎都久仰天天海南雞飯大名，朋友每個食過都讚不絕口，話啲海南雞好出色，皮薄肉嫩，今日終於有機會試到啦，同男朋友都好興奮😆餐廳環境非常舒適，走高檔路線，餐具亦都幾精緻，就算話情侶約黎食雞飯都好幾有情調。黎到呢度真係花多眼亂，事關食物方面都有好多選擇。雖然餐廳價位設得比較高，不過晚市亦有抵食二人餐$499，包晒前菜、小食、燉湯、海南雞、菜、油飯、飲品，仲樣樣有得比你揀，咁計落又唔錯wo，配埋呢個環境，Cp值都幾唔錯！叫完野食，侍應都好快手，好快已經可以上菜，呢個位讚！蝦皮素肉鬆凍豆腐前菜方面，我地就選左呢道清清地健康既前菜，凍豆腐上面放左啲素肉鬆同蝦米，口感幾過癮，撈埋下面既醬汁，作為前菜都幾開胃refreshing! 斑蘭汁椰香鱈魚呢道菜好驚喜，絕對推薦朋友黎試下呢道菜，鱈魚粒炸得香酥可口，本身以為配斑蘭汁會痛啲奇怪，點知又出乎意料地夾，斑蘭同椰汁既甜味，點一點個鱈魚不但去除油膩感，仲甜甜地，帶出鱈魚既鮮味，好味得黎又幾過癮，絕對值得一試！鳳梨涼瓜干貝燉龍骨一送個燉湯黎真係wow一聲，擺盤好精緻，本身以為涼瓜會苦，點知好有驚喜地，個湯係甜甜地，應該係干貝同鳳梨🍍帶出既甜味，而且非常足料，飲到我都想搶埋男朋友個碗，出色！天天海南雞黎到重點上菜啦，雞肉真係皮薄肉嫩，食落非常清爽，食到啖啖停唔到口，配埋佢地店家提供既醬，好惹味。連埋個大大煲既雞油飯，雞油飯又好香，一啖雞一啖雞油飯，真係成個晚餐既亮點，好好味😋👍🏻海南雜菜煲由於食左太多正野，所以菜方面就叫左個清清地既雜菜煲，個海鮮煲都幾唔錯，好足料，有菇鏟田蘭花，粉絲，仲有大大粒蝦米吊下味，清清甜甜，都忍唔住環清晒跟餐仲配兩杯飲品總結，係一餐大滿足既晚餐，絕對會回頭…查看更多

想同朋友barbecue, 唔洗一定下下都要去到熱辣辣的bbq場既～今次同朋友就book左去觀塘工廠區一間新開的小店食串燒放題一於涼住冷氣都好可以嘆到燒烤風味小店座位都好寛躺，坐得好舒服。一入黎仲播好多懷舊金曲，令到我同朋友都忍唔住high起來跟著唱～嘻嘻哇～一入到去梗係衝去睇下有咩好燒啦小店都預備左好多種類，海鮮、肉類、蔬菜類都包晒，岩晒唔同口味既人～佢仲特別到有油炸鬼、棉花糖呢啲～真係好似去左燒烤咁！小店仲一早串好晒比你～好方便拎完串燒之後，當然拿拿臨拎番埋位慢慢燒首先，一定要讚下呢個爐，當啲串燒放上去佢就會自動轉，方便到極致，咁就唔洗怕同朋友傾傾下計，燒到燶晒一邊啦～Happy Happy溫馨提示！！大家燒野既時候記得可以係出面拎蜜糖汁/咖喱汁/酸辣汁查落啲野食去燒～除左呢啲汁之外，每張枱都會提供味粉比食客讓食客可以自己調配最中意既口味（而我….當然就係搽左好多蜜糖汁）小店除左提供串串燒比你enjoy燒野既樂趣外，佢仲預備了唔同既熟食比食客，種類都唔少，感覺好似食緊放題咁，超抵！等我地等緊製成品時都會有美食燒到咁上下，我地仲拎埋海鮮燒黎食海鮮都幾新鮮，啖啖肉，唔錯唔錯～最後，當然唔少得食番個甜品去圓滿～好滿足既一餐，又可以玩、又可以食、仲可以朋友暢所欲言！…查看更多

又黎觀塘工廈覓食記觀塘工廈絕對係食店雲集既武林之地🫶🏻今日遲左起身，所以一起身就同左男朋友去蕃茄18食個下午茶。雖然話就話下午茶，但太肚餓同咩都想食既關係，所以我地叫左唔同野食都試下。首先想講下呢度既裝修，都幾特別，係以懷舊港式設計為主，幾得意:)食物方面，款式又包羅萬有，不過見呢度最出名就係米線同蕃茄湯～咁當然要叫個招牌午餐蕃茄濃湯牛肉米線配丹麥多士$52店員一上菜真係嚇親我地～碗米線仲大過譚仔既煤線～米線軟硬度適中，唔會太淋太硬，而蕃茄湯亦好濃郁，面頭上既炒蛋亦都做得好香好滑，食到雪雪聲～😇唔好睇小跟餐包埋既丹麥多士，烘得又脆又香金黃色～甜甜地～再查少少牛油上去好好味！成個餐$52黎講真係超值，絕對係觀塘區上班族既飯堂！新鮮菠蘿冰（跟餐+$12）另外，我地都跟餐+$12要左杯特飲新鮮菠蘿冰～真係有好多菠蘿粒粒係入面，份量充足，甜度亦都恰度好處蔥花鹹牛肉炒蛋治$28呢個送上黎既時候都令到我好驚訝，個炒蛋厚到咁，實在非常足料蛋治入口，蛋又滑又香，牛肉鹹香熱辣辣，蔥花又增添咬口，正！美中不足係個包冇烘過，如果烘埋就更加不得了下午茶餐-瑞士雞翼配什果沙律$40呢個瑞士雞翼都係佢地既招牌菜，瑞士汁好入味，雞翼亦都啖啖肉，食完四隻都唔夠喉呀真係，好惹味好滿足。至於什果沙律就好清新，沙律醬甜甜地～都唔錯整體黎講，呢間位於觀塘既小店性價比極高！絕對係會回頭番黎再食過！…查看更多

HELLO THAI 今個long weekend 都想比自己抖一抖，雖然人在香港但都想扮下自己置身於泰國，所以黎開港島呢邊，就去左灣仔既新泰去品嘗下泰國🇹🇭食物食店既樓底都幾高，同埋裝修都偏向走泰式個種relax感覺假日都仲會有lunch set同二人套餐，睇落都好似幾抵食喎我地兩個人又想咩都試下，所以就揀左二人套餐了～泰式蝦米紙卷首先，我地以呢個米紙卷作為前菜～皮薄但同時都好煙煙韌韌，蝦肉🦐爽口彈牙，配上泰式醬汁，酸味味～幾開胃泰式青咖喱雞配印度烤餅呢個青咖喱雞有少少椰汁味，而雞肉非常嫩滑，而青咖喱幾惹味，亦都唔會好辣，就算唔太食得辣既人都可以一試熱辣辣的印度薄餅亦都唔會太油膩，點下青咖喱食，味道都幾唔錯馬拉盞炒通菜泰國菜點少得馬拉盞通菜，呢碟真係好惹味好推薦，通菜爽脆亦都吸收晒馬拉盞既，啖啖都好滋味，配飯簡直一絕！龍眼冰同椰汁冰食泰國野點少得龍眼冰同椰汁冰！呢2杯野都係跟餐+$3，兩杯野甜度都恰到好處，係炎夏下絕對可以消暑解渴！串燒沙爹（豬牛雞） $88雖然二人餐都好豐富，不過食泰國都想篤下幾條串燒食既呢度既串燒價錢都幾合理，$88有6條，有齊雞牛豬，配搭沙爹醬，好惹味～而當中我最喜歡就係豬肉串燒，一啲都唔鞋，正！…查看更多

有一排冇食日本野，心裡就會出現一個日本魂今次特登出荃灣去古今二食晚飯🫶🏻睇住古今二由一間餐廳，慢慢發展得愈黎愈好，開得愈黎愈多間分店，證明其食物都係有質素保證～佢地既特色就係把傳統壽司加入新元素，配搭出不同口味的創意壽司🍣所以一場黎到緊係主攻佢地既創意壽司啦種類真係多到眼花，款款都各有特色好好味咁，啲菜式名仲好頂癮好有趣架柚想蝦你 $98呢個沙律大大兜，材料豐富，有甜蝦、柚子、蟹子、牛油果、蘋果、沙律菜、車里茄，撈埋柚子汁，食完即刻開左個胃最特別既係個沙律底仲要有海草，增添口感得黎又配搭得宜，掂火山🌋嘩嘩嘩～呢個菜式真係人名如其，一送上黎店員就會為佢點火，形造好似火山咁既場面即刻拎晒相機出黎幫佢打卡～呢款壽司主要既材料包括蟹柳、帶子、青瓜同牛油果🥑～唔好以為淨係得上面個蟹柳山，入面都係滿滿既蟹柳，再加上醬汁同火灸香，惹味惹味忘不了你呢個係第二款既創新壽司，材料有面頭的芒果、炸牛肉、cream cheese，上面仲淋左芥末醬。呢個配搭好新鮮喎，邊會估到芥末醬同芒果既鮮甜咁夾而炸牛肉亦保持到脆身，呢個絕對係店家既功力！雖然牛肉味比芒果同芥末醬搶晒風頭，但味道清新都值得一叫日式炒烏冬其實食完兩款特色卷物已經好飽，但點知好戲在後頭呢個烏冬眼見平平無奇，但真係超級無敵勁爆好味🫶🏻佢個燒汁甜甜地，烏冬滑啷啷又好掛汁，配菜亦相當豐富，有菜同蟹柳，面頭再灑左木魚絲～簡簡單單但異常好吃！我好飽都成兜食晒…查看更多

觀塘區多美食就係人都知～最近東廣場有一間新開左一段時間既田園風餐廳～就約左朋友收工一起去試試佢估唔到東廣場呢度都有一間咁靚靚、空間感高既餐廳，對比東廣場其他餐廳都幾突出，裝潢以走田園文青風，一入到就好舒服好岩同朋友一起食下野chill下～食物種類真係多不勝數又有pizza, burger, pasta, riosotto, 仲有日式丼飯, 餐廳仲貼心到有分素食同純素素食對素食者既貼心芒果蟹肉牛油果沙律 $128睇相都見到蟹肉同牛油果有幾足料🫶🏻牛油果蓉細滑，中間啖啖蟹肉既清甜，再加下層既芒果都好甜，好好味～側邊既mango mayo都好驚喜～好有芒果味～個沙律掂下d mango mayo好夾～令到個沙律更加refreshing蜂蜜水果台灣阿里山金萱烏龍茶 $46玫瑰西柚台灣阿里山金萱烏龍茶 $46兩杯野飲一上黎既時候，我同朋友都忍唔住，勁打卡able，睇得出店員花左好多心機～茶味香～唔錯:)芝士茄汁焗素肉丸$68厚厚既芝士配上蕃茄汁，係無得輸既組合，肉肉粒粒都大大粒，唔講都唔知係素肉，個底亦配有其他蔬果，譬如翠肉瓜，配埋芝士蕃茄汁～heavy得黎又好似幾健康！燒美國安格斯牛腹柳、日本蘭王溫泉蛋飯（另配泡菜蘿蔔、牛蒡漬、麵豉湯）$148呢個菜式有surprise到我地～牛肉味濃又軟淋，食得出係靚野！個飯仲有飯素紫菜～再撈埋粒蛋～食到我同朋友lamlam利～記得食牛肉既時候再加埋wasabi ，配加惹味～試過番唔到轉頭呢間餐廳絕對係會回頭既一間好餐廳野食質素唔錯，地方舒適，岩晒收工約朋友出黎傾計食飯！…查看更多

今個星期成日心思思想食burger，今日收工一於約左男朋友去尖沙咀食burger以解相思之苦呢間Burgeroom位於美麗華二樓，地點方便，裝潢以美國工業風為主，成間餐廳都放左好多車呔、又用霓虹燈，別具特色，位置亦都寛躺～好岩happy friday 約埋班朋友過黎一起食下野、飲啤酒餐廳burger既款式好多好多，連素食都有，好貼心，總有一款適合到你睇到花多眼亂，最後選擇困難症既我地決定左揀鵝肝牛肉漢堡、大烤菇芝士牛肉漢堡鵝肝牛肉漢堡$168首先要一讚，餐廳真係好貼心，上菜時已經會把漢堡一分為二，方便食客進食和share！漢堡係非常足料同大個，由圖片中都睇到鵝肝同牛肉係幾厚～我男朋友個口出名大都唔能夠一齊啖食晒而且包亦都有特別烘過，牛肉亦都好juicy啖啖滿足，而餐廳所用既漢堡包亦係甜甜地，千島醬做base，成個配搭好夾～大烤菇芝士牛肉漢堡 $115呢個好好好好味，牛肉同大烤菇呢個配搭完全冇得輸，一哎個大烤菇，菇汁即刻湧出黎，而牛肉味又香濃，配合半溶芝士同千島醬，真係不得了黑松露芝士薯條薯條香脆，餐廳係新鮮整起，送到黎個陣時戰薯條仲熱辣辣～冒煙中～薯條偏向芝士味較濃～份量都唔少～我地兩個人都食唔完菠蘿梳打飲品不會過甜，配合美味既burger薯條，不錯的配搭值得一讚，餐廳既店員全部都非常有禮Helpful，令到成個用餐都非常愉快～…查看更多

大熱天時最岩就去啲有冷氣既地方同朋友gather下開心下，呢個時候去貓貓🐱cafe就最好不過，渡過一個療癒既下午小店位於係尖沙咀isquare附近，所以交通真係極為方便，一上到去就見到有好多貓貓既門口～開門時記得要小心～因為主子們都好中意訓係門口度迎接客人呢度啲貓貓都幾有個性架，有啲都好嗲人～餐廳亦都有好多玩具提供同貓貓玩～仲有board game添架呢間貓貓cafe既菜式好特別，唔係一般cafe西式料理，係有無骨口水雞、無骨花雕雞，仲有其他川菜野食～真係估你唔到！芒果乳酸梳打飲品味道有點酸味味，但又帶著乳酸的甜味，恰到好處蜂蜜紅茶蜂蜜紅茶清涼香甜，消暑不錯～風酥黑毛豬排骨估唔到cafe都有飯食仲要味道質素都幾好，排骨香酥可口，肉質juicy肥瘦亦適中，食落亦無油膩既感覺～Good! 最緊要仲要有軟骨可以咬～一啲都唔乾，配飯一流黑毛豬肉燥拌飯呢個都好味，肉燥肥瘦得宜，香濃既肉燥配合香菇，好岩拌飯仲要上面有隻蛋，成兜拌飯都無得輸！台式香腸花枝丸除左主食之外，我地仲叫左兩個小食都幾有質素，台式香腸多汁又香脆，炸花枝丸甘香可口，唔覺油膩。讚整體而言，呢間家庭式貓貓cafe真係好推介，一黎食物質素真係幾唔錯，又有貓貓玩同睇～絕對會再來呀…查看更多

雖然大熱天時，但打邊爐係無分季節夏天都一樣可以約朋友打邊爐架！今次就黎到尖沙咀出名美食雲集既H8試下出名花膠雞湯既鮮入圍煮先餐廳裝潢都係以街市為主題，連啲燈都特登用照雞蛋個啲燈～黎到就緊係要試馳名既花膠雞湯底，雖然我地得兩個人，但餐廳都好貼心地會有分$288半隻雞（2-4位人用）同$438全隻雞（5-7位人用），所以都唔洗怕可以照叫呢款湯底話咁快就有職員拎左盤雞湯過黎，仲會細心咁過黎幫你剪下隻雞，等食客容易食啲～店員建議一開頭先飲左啲湯，之後先開始打邊爐。個湯真係好鮮甜好濃雞湯，雞肉嫩滑，花膠煲到好重膠質仲好爽，湯底唔會過於油膩，而且湯底真係好足料，花膠同雞食極都未食完我地兩個人前前後後都差唔多每人飲左3-4碗～好足料！飲到個湯7788，我地就可以叫店員加豬骨湯底打邊爐。其實去到呢個時候，我地都6-7成飽:)叫左碟羊肉片、烏冬、生菜、牛骨汁濃湯牛丸，都已經食到我地捧住個肚走～羊肉片質地爽口，牛骨汁濃湯牛丸有驚喜，唔會一咬就爆汁，但內裡好juicy，牛味濃，不錯不錯呢度既醬油材料你任加唔嬲，成個盤放係你側邊、不過其實食花膠雞湯已經好夠味整體而言，鮮入圍煮食物質素不錯，店員亦都好有禮貌細心，不錯！…查看更多

早上就去饒宗頤文化館行市集搵朋友，緊係唔放過地去埋隔離好靚好有feel的coffeeflow嘆番個靚早餐先而家夏天咁熱，一間好既coffeeshop絕對需要具備強冷氣，呢間coffeeshop呢方面做得好好同樣，裝修又睇得別有用心，每一個corner都係打卡位，好似各有各空間早餐價錢大概$78-88，如果加flat white, latte 就好似再+$5-8，加埋飲品價錢亦算合理。三文魚堡壘包+甘蔗+南瓜+粟米沙律早餐黎講份量足夠，甘蔗清甜，三文魚同粟米沙律亦算還好，不過不失。香腸+炒蛋+牛角包🥐+沙律呢個配搭亦都係不過不失，冇咩特別驚喜，正常發揮～整體而言，呢間野食物質素一般，但勝在環境舒服，最岩三五之己閒時談天說地，係幾舒服既…查看更多

今日返晏，梗係食返個靚早餐先返工最近經過見到有呢間主打簡約裝修既輕食咖啡小店，仲要聽朋友推介呢度既咖啡唔錯，已經密謀搵日要過黎一試由於天氣真係太熱，我同朋友就揀左佢地推介既夏日凍飲🥤～PURPLE LEMONADE 一見到粉紅同紫色既漸層就已經，呢杯野其實係薰衣草味lemonade～飲落去酸酸甜甜，甜度適中，係熱辣辣既夏天飲，真係一個字爽到震！COCONUT BREW由於呢杯coconut brew既配搭真係太特別，所以我就叫左呢個試下！上層係自家製cold brew帶有獨有既酸味，下層係椰青水既清甜，兩樣味道出奇地夾，有驚喜，值得一試除左飲品之外，原來小店亦都有少量輕食供應～所以就叫左一份Toast同MuffinTraditional Toast (Ham+Cheese)火腿同芝士呢個係無得輸既組合，芝士既咸香同微微烘過既toast包早餐好選擇～藍莓芝士流心鬆餅呢個又好驚喜，鬆餅係屬於好鬆軟個款，好似蛋糕咁，中間filled with 一大舊blueberry cheesecake，甜甜地但絕對唔會覺得漏，有少少流心既狀態～好好味食完呢個咁滿足既早餐真係好開心，就算要返工都即刻元氣滿滿～一定會再來的！…查看更多

今日過到黎沙田新城市，想食下Brunch所以就過黎呢間餐廳，望一望menu價錢都好相宜$98-110，仲包埋餐飲，算係非常唔錯男朋友就揀左呢個勁量級all day佢同普通版既分別就在於 佢用雞扒代替薯餅塊包有驚喜！會有淡淡既麥味炒蛋都夠滑～$98過黎都算唔錯～份量足夠！而我呢個松露怪就叫左松露落天使面個樣係咪好吸引呢～食落都唔錯天使面好掛汁，松露菇醬好creamy唔錯唔錯！不過如果松露醬再出味啲，會更好！share埋比男朋友食，兩個都表示飽飽！除左套餐之外，仲可以+$20要松露薯條！脆卜卜，松露醬勁香，呢個$20好抵比，仲要有好多～…查看更多