aufwiederhören的个人专页

有晚想搵啲輕食，經過呢間未試過嘅小店，就叫咗一份苦瓜湯餃個湯好好飲，足料，無味精但啲餃真係唔多ok，淡而無味，但有好大陣蒜味走健康路線，大隻，唔代表可以無味🙈附近仲有好多餃子選擇，又有一間就快開張，希望店主可以改善下，見到佢地好有心做，唔想佢地做唔住…查看更多

有日去完附近搵朋友，見個名幾得意就睇下。門口貼滿明星相和傳媒報導，心想應該差極有個譜掛，就入去試下。店內環境麻麻，其實食碗幾十蚊嘅車仔麵我唔要求要坐得舒服，但地下明顯污糟，呢點需要改善，其實搵掃把掃一掃就ok。我本身鐘意番茄湯，所以就點咗番茄薯仔湯。呢度啲車仔麵要至少三個餸，女仔細食的話又要叫番茄薯仔湯的話我建議要菜底，因為佢個分量係好多好多!!!湯底食得出係足料新鮮煲出來(雖然食得出係有加雞湯，但$40碗麵唔通俾原隻雞燉俾你咩?)，有大量薯仔。蘿白炆得好淋，無渣，好大件，好甜，係新鮮靚蘿白。微辣的香茅魚餅好醒胃， 無魚腥味。滷水豆腐炆得好入味, 絕非外面有層啡色就算。生菜底的份量亦都好多。總括嚟講物有所值。…查看更多

今日做完yoga想食齋lunch，係openrice搵到呢間就試下。呢間係一間傳統佛教中式齋菜館，食客大多是上了年紀的熟客。內裡環境普通，就咁望門面唔會容易吸引到生客，但都算乾淨企理。店內不停播住淨空法師的video。lunch都有幾多抵食選擇，2餸飯32蚊，6餸米線35蚊，係旺角嚟講算係好平。由於今日2餸飯唔多啱我，我就叫咗聽落幾特別嘅香菜葉牛油果炒飯。材料有白紅米飯，牛油果，青瓜，栗米，紅蘿蔔，感覺幾健康。呢個炒飯竟然好好味喎少油，味道適中，配料配撘得宜有口感，食哂碟都不覺得油膩。我成日覺得一間中餐廳個廚房得唔得，睇炒粉麵飯便知一二，下次我會再嚟。…查看更多

呢間雖然係尖沙咀但真係隱世，好少人留意到，因為佢係喺一間service apartment 嘅其中一層我以前係附近返工就好鐘意嚟食lunch，都係同事介紹先知道食過好多好多次，湯同主菜都好好味，啲staff好熱情服務又好，每次來都食得開心最衰係佢收下午6點，如果唔係我夜晚會帶朋友嚟食據聞呢度嘅waffle好出名，今日下午剛巧喺尖沙咀，終於試到啦$38香蕉waffle包飲品 (求其影所以影得唔好:()waffle好大份，夠厚夠鬆軟唔會太乾，食落好有口感，滿足…查看更多

雖然位於旺角，但點解好似無咩人留意到呢間咁有心做健康食物嘅小店嘅?:( 番茄湯唔駛講，必食，食得出無雞湯同味精，好清甜，唔似得出面啲番茄湯食完會口渴。我叫咗湯飯，份量好大，湯同飯會分開上，啲湯嘅份量可以啱啱好令每啖飯都有濃郁嘅湯送到。原來番茄湯無加肉煲架，啱哂素食人士。雞翼同豬扒都係好入味但又係無加味精仲有店員嘅服務十分周到用呢個價錢喺旺角甚至喺香港食到好味，健康，足料，服務又好嘅餐廳實在太難得，必定會返嚟再食同介紹俾朋友…查看更多

我最鐘意係A3叫外賣老闆和送外賣的人超有禮貌其他好多外賣一講完地址同order就cup你線佢地每日會係facebook update menu, 超方便講返食物質素，所有食物水準都係尤其是各式炒飯同炒麵，有鑊氣又少油，好食過好多大酒樓架!強烈推介水煮魚，勁抵食又惹味各式湯飯亦都好正架…查看更多

我住喺附近但依家先發現呢家餐廳真係好後知後覺叫咗個豬扒拼菜肉雲吞麵 ($38)豬扒薄到紙咁但又啖啖肉，唔會好油呢種口感真係好正最好係無骨同切好哂俾你我最怕食到啲又厚又實又咇油既豬扒菜肉雲吞好清，無肥豬肉係住家味道，夠健康但個上海麵好重鹼水味下次嚟我會叫米粉…查看更多

嗰日趕時間去睇中醫見呢間無人食就衝咗係去點知中哂伏:(:(:(叫咗 痴心小麵+蕎麥茶 (共$38)個麵得啲肉碎+豆，男仔食未必會飽重點係好味精 好味精 好味精很重要所以要說三次$38 想喺附近食到好食嘅麵太多選擇可以去文記食個4餸車仔麵可以去三哥食個3餸米線可以去軟橋食個2餸米苔目可以去蘇媽食喇沙加杯桔仔冰出街食野度度都有加增味劑，但味精到呢間咁又貴又唔好食實在經典仲有， 啲店員真係好hea我3點幾去食應該係下午茶， 我叫痴心小麵+茶其實可以係一個餐有小食送 (都係$38)但店員係我落單時完全無提及過又無俾過下午茶紙我我出門口見到個牌先知有下午茶:(…查看更多

睇住呢間店越來越進步(以前真係無咩特別, 講平唔輪到佢, 講好食都唔輪到佢)喜見長沙灣住宅區多了一個好選擇今日嚟試咗呢個招牌芋圓丸, 真係好得最鐘意個芋泥底, 夠健康, 清清淡淡的甜味同芋圓好夾黑芝麻湯圓裡面的芝麻好香濃芋圓好有口感, 白色個粒裡面真係有芋頭(跟康瑞比是另一種口感)三姐請繼續努力…查看更多

鐘意呢度既冬陰功粉, 好夠香料, 有大量香茅香葉係碗入面價錢係同區唔係最平, 但真係好味過同區其他泰國餐廳環境較差, 但食到好野無所謂啦,如果一班人傾計就唔適合啦老闆娘係泰國華僑, 真係會記得啲客…查看更多

嚟咗幾次, 呢間已經成為我的新飯堂。價錢合理, 環境舒適, 食物又足料。以下係我食過既:午餐番茄芝士豬扒飯 - 個汁好好味, 芝士又夠多, 正!檸水 - 次次比足4塊檸檬, 夠哂味!下午茶 (估唔到下午茶都咁大份, 好抵食呀)忌廉芝士火腿焗長通粉-好creamy, 好多菇同洋蔥係裡面, 口感好好蕃茄湯雜菌扁意粉- $26連野飲有咁既質素真係無得彈, 好大碗, 真係堅多菇, 扁意粉軟硬適中, 個湯淡淡的蕃茄味, 唔會死咸薯條 - 加$6就有得食, 強列推介, 新鮮炸起, 條條都脆卜卜入口即溶希望唔會係新開張先至做得好啦! …查看更多

見呢度咁多好評, 所以去咗試叫咗豬扒餐跟薯角, 平平無奇, 唔明點解咁多笑臉呢個價錢論食物質素, 環境, 同區大把更好選擇一入到去仲聞到冷氣有廁所個種香芬味:(但欣賞佢杯野飲隻匙羹, 好易篤爛啲檸檬…查看更多

呢間我已經食過好多次, 初初去既原因係因為知道佢地係太子旦王酸辣粉既分店夜晚去成日都有條大約10人既人龍係門口排隊, 食過就知點解福華街既車仔麵店係佢地最多人幫襯餸試過白菜雲吞, 雞翼, 豆卜, 蘿白, 全部味道都OK蘿白夠哂稔, 無渣...白菜雲吞很好吃車仔麵既自製辣醬好味, 夠辣我覺得呢間既酸辣粉好食過傷心酸辣粉要彈既係麵底細左啲, 三個餸都唔會好夠飽:(…查看更多

呢間絕對係滄海遺珠每樣小食都係高質素，絕非旺區唔憂做街邊鋪可以媲美首先要講我既至愛燒賣佢既燒賣好特別，到目前為止我未搵到第二度有得食佢地賣既燒賣佢地既燒賣個texture係比較有彈性，唔會好似食緊一個粉糰亦唔會有怪怪既腥味和肥豬肉味，加埋佢地特製既甜豉油真係好正第二樣係大菜糕，平靚正其實佢地最出名應該係炸嘢，成日都排哂隊架放學時或星期六會見到有一堆人圍住間鋪老闆和老闆娘都好好人，會記得熟客鐘意食乜…查看更多

其實當日並非一心一意去食呢間，只係附近一家店剛巧休息，懶得再去搵就試下呢間，我見ok多人咁應該唔會難食掛?我同阿媽嗌咗一個龍蝦汁海蝦意粉，海鮮烏冬，一個菠蘿火腿pizza。蝦汁海蝦意粉-份量幾啖食哂，味太濃，勁咸海鮮烏冬-份量都係幾啖食哂，海鮮幾粒(只能用粒嚟形容)菠蘿火腿pizza-只得菠蘿四舊，約十條火腿絲，最騎尼用肉醬嚟焗，又係偏咸，個pizza某些部份仲要焗燶咗只能講句，可能新開張，所有野仲係測試階段…查看更多