xx33的个人专页

其實食過好多次, 每次去親果度附近都會去食, 暫時係我覺得全香港咖哩之中, 我食過既舖頭最好食既...一定要食咖哩豬扒或者雞扒飯, 但奶茶我就有少少失望, 可能唔岩我口味, 我覺得有d難飲tim!!最估唔到一間噤普通既茶餐廳竟然有噤有水準既咖哩!…查看更多

我都幫襯過好幾次, 有時d野好好味, 有時又真係差d, 一問之吓, 原來係個廚有時會唔同!不過服務就次次都好好, 我推住架bb車, 佢都特登叫我座d放到車車既位, 唔會求其俾個位你!最好味係個大蝦, 正! 不過唔係時時有!另外焗飯都好好味, 款式又多, 唸唔到食咩就會去食!…查看更多

噙晚約10點唸住搵間野去食飯, 見呢間噤多種類咪入去攞! 點知入面個四眼姐姐係門口問我幾多位, 我咪答佢兩位, 同埋....我都未講完, 佢就話有人等緊喎! 跟住就"山"埋左度門....但係方圓十里都無人企係度喎!!!!!我即刻同老公講, 噤即係點呀?? 跟住佢又出嚟話係咪兩位呀? 俾左你先啦... 我其實之前係想同佢講有無個位可以放bb車, 我咪同佢講law, 佢唸都唔唸就同我講可唔可以收埋佢! 小姐呀, 我亞b瞓緊覺, 收得就唔駛問你啦! 同埋我抱住佢點食野呀?? 一d都唔considerate客人既需要, 服務差...差...差....d野都幾唔好食, 我叫左個飯, 加左碟油菜同埋湯圓, 佢竟然俾左碗湯圓我先.....唉!…查看更多

真係有D唔開心, 一個月前第一次去食, 我叫肉醬意粉, 老公叫左個焗豬扒飯, 個賣相已經好正, 一層CHEESE係面, end up我地兩個成碟食哂!! 勁好味, 跟住個星期再去已經拆裝修啦! 真係唔明點解要closed呀! 老闆娘, 你快d搵第度開過啦! 一定支持你呀!…查看更多

去深井食燒鵝, 真係估唔到酒樓都好味, 除裕記外, 呢間酒樓一定係首選!其他小菜都好好味, 值得一試!…查看更多

深井果個位有3間餐廳, kral個位最靚, 裝修又幾好, 所以就最多人去, 我去過2-3次左右, 最後果次勁唔惦, 唔知係咪轉左個廚, 搞到我以後唔敢去!d野真係難食, 我果日叫牛扒, 有d so味, 又硬.....…查看更多

我同朋友都成日去小店食野, 因為本人好鍾意食牛扒, 一般餐廳"淹"左既牛扒我就麻麻!小店有cafe deco既水準, 但山頂太遠啦, 一想食牛扒就會去小店!!佢d牛扒就算8成熟(而家大肚唔食得太生)都唔會硬, 仲好鬼好味, 有肉汁, 我次次都係落少少鹽就食, 原汁原味......一定要食! 有次老闆攞碟牛扒出嚟話太熟, 即刻係我面前掉左落垃圾筒, 話整過俾我, 佢要個廚知道個客係唔會接受架! 個老闆好pro!車厘蜆--又係好好食, 我本身唔食生蠔, 呢個蜆唔鯹,又大隻, 唔係度度都有得食, 正!鵝肝--煎得好好味, 加埋佢d栗米包一齊食, 好鬼正!焗大蘑姑--有cheese同d肉一齊焗, 都係果句, 好味!茄乾parma ham意粉--我每次去必食, 本身好鍾意食蕃茄, 但茄乾都幾濃幾酸, 我自己就好鍾意食, 佢會落d蒜片, oilver oil一齊整, 好香, 好好味!desert: 心太軟同香蕉船都好好味, 食心太軟唔好"duk"穿佢, 要慢慢介開個頂, 慢慢食落去!可以叫餐, 一個湯, 包包+main course, coffee/tea, 價錢係main course+$30就ok啦, 抵好多! …查看更多

我最鍾意食佢既牛扒, pizza, 同埋法式燉蛋(夠正宗)!牛扒又有肉汁, 燒得好正, 好滑....pizza又係正宗, 味道一流, 又唔貴法式燉蛋都幾大個, 幾平, 真係涷既同埋用火熗燒個糖面! 正!環境都好好, 唯一係張枱同seat位較細, 坐得唔太舒服!…查看更多

豆腐花勁滑, 次次都起碼食2碗....又有益....有豆味, 香港無其他豆花舖可以同佢比!…查看更多

我上次去around8個人坐係樓上近window位, 之後發覺有d一點點黑色野跌落張枱度, 原來係個冷氣槽d黑塵趺落嚟, 數量都唔少架, 跟住咪同waiter講, 佢唔好意思都無聲, 叫我地調位就算!跟住點菜啦, d waiter既態度好似唔休做噤, 叫佢推介下有咩好食, 佢就講埋d 9唔搭8既野, 又話你要講俾我聼幾多人先得架.....d態度奇差!!我淨係覺得佢個酸薑皮蛋同燒鵝係幾好味, 但係同深井d都差唔多啫, 至於酸薑皮蛋, 我唔駛花幾千蚊食飯嚟食呢味law!…查看更多

其實我去過好多次, 次次都係我老公想去, 我就覺得好一般, D麵唔係太好味, 又唔係好正中, 如果以噤既價錢食日本麵都OK既! 不過D位太窄, 又成日要等位!佢隻半生熟蛋係最好味既, 可能第度無啦!我覺得唔好抱好正既心情去食就得既!…查看更多

我上次去食係特大蝦同埋炸豬扒, 隻蝦有成8-9吋長, 又好大隻, 好鬼好味! 豬扒好味就一定架啦, 食埋佢d菜絲, 加埋佢d沙律汁, 真係好好味, 菜仲有得refill tim!waitress姐姐都好好, 唔知係咪見我大肚, 坐左無耐就換張卡位俾我, 而且佢地都好有禮貌! 問我地d野岩唔岩食! 飯後果係西瓜, 真係好sweet, 好正!唯一係佢地個地下好"跣", 唔知係咪我對鞋係皮底, 大家要小心d! 仲有, 成日都要等好耐, 如果係晚飯都唔知要等幾耐啦!…查看更多

成日都會掛住佢d牛肉通粉同埋午餐肉, 又大碗, d湯又好味....d餐肉厚薄適中, 仲有2塊tim! 總之就係正!…查看更多