為食tine的个人专页

多年沒有寫食評，呢間激到我要再執筆 選左西環蓮香居的12人餐吃晚飯。之前訂位訂餐時，店方要求落訂HK$500作實。晚飯未齊人時仲有個待應問有無帶訂餐的訂金單。吃到接近尾聲，待應才告知沒有套餐上的瑤柱鮮蝦荷葉飯，話因為今天荷葉唔靚...... 廚房整不到…… 要用楊州炒飯取代……我們是預訂的，若是處理不到，是否應一早告知。最令我們不滿的, 是同時間隔鄰枱，正在吃荷葉飯 。這時經理過來游說轉楊州炒飯或福建炒飯，我們當然不會接受，說服不了便態度惡劣的對我們拋下一句「你哋自己搞掂佢啦!] 轉身離開 。之後幾個待應輪流走過來，一時說可在套餐上照扣荷葉飯的差額… 一時又說不可扣差額…. 一時又說廚房現在可以整….這時我們真係忍無可忍鬧左佢哋 。最後接受店方安排，結帳時只扣除荷葉飯的差額。回到家裡睇番晚飯時影的食物相，先記起套餐的金錢雞伴鴨腳包，金錢雞就有，唔見有鴨腳包，只係比左類似燒味拼盤果類的 叉燒拼燒鴨。 呢間野甘唔老實，服務態度差，已經將佢blacklist。…查看更多

7月初試了Mushroom Burger Combo, 當時已覺得塊牛肉并非大家所講咁無敵, 咁juicy, 不過d mushroom 都幾香同幾多汁, 夾埋麵包都幾好味. 而加$20的Blueberry Milkshake就好fresh, 好好飲.上星期想試真d塊牛肉, 要了Original Burger Combo,點知出事. 嘩, 麵包同牛肉都係乾淨淨, 麵包乾到好似隔夜咁, 塊牛肉就又乾又鞋. 食的時候要食一啖burger, 再飲一啖汽水至食到, 真係好乾好難食, 食到一半想放棄, 但朋友話$49個set咁貴, 唔食晒唔抵. 真係唔明點解同上次差咁遠. 以今次的質素, 大家都覺得M記的Cheese Burger 又平又抵食.題外話, 如果大家都鍾意食burger而又去開日本, 小妹誠意推介Fresher Burger, 折算港幣後同Triple’s O的價錢差不多, 但塊牛肉好juicy, 真係好味好多.…查看更多

平常大多會去海港城和九龍灣的分店, 食物質素均尚可, 今次為了遷就在香港區工作的朋友, 所以選了銅鑼灣世貿, 真想不到同一集團但質素相差甚遠. 我們一行3人選了(1) 燒魷魚–ok, 與平常的一樣, 但我覺得和民的燒魷魚更美味(2) 一丁拉麵沙律–好味, 與平常的一樣, 拉麵夠爽身, 放在拉麵上的蕃茄粒很清甜及爽口, 配上香滑的芝麻醬, 很美味(3) 大蝦天婦羅–比平常的差, 天婦羅雖是熱的, 大蝦亦爽口,但包著大蝦外層的炸脆’醬’卻很, 像是’翻炸’(4) 吉列炸蠔–ok, 蠔的size雖是少了一點, 但仍算甜(5) 鷄肉土豆芝士燒–應改名為炸麵粉土豆芝士燒, 待應送上時我見炸鷄件的份量比平常的大還暗自歡喜, 原來只是外面的炸脆’醬’比平常的大和厚了很多, 還幸食物味道尚可, 我們只好把鷄肉和大大件炸脆’醬’分開才進食, 非常失敗下次我會去海港城和九龍灣, 不會再挑選此分店了. …查看更多

一向食避風塘炒蟹都係去呢間,都食咗有6-7年,水準一向好穩定,不過佢個門口不起眼,又無裝修,但d食物好味. 我建議坐樓上好d.一行四人, 叫咗(1) 炒辣蟹(大辣) –好味, 叫咗一隻大的，啖啖肉. 如果食開辣的人, 建議叫大辣,因我覺得大辣都不是太辣.(2) 辣酒煮東風螺–ok,本來是叫花螺的, 賣晒, 所以要東風螺, 辣汁好味, 但都係煮花螺好味d. (3) 椒鹽瀨尿蝦–十分美味, 由於大家食開都覺得呢樣最好味, 所以叫咗一人一大隻, 隻瀨尿蝦約10吋長, 一開3, 有好多膏,又多肉, 瀨尿蝦用椒鹽煮真是最佳配搭.(4) 蒜蓉炒韮菜花(小辣) –ok, 我本來不食韮菜花的, 但蒜蓉加小辣又好好味.記得叫小辣就足夠, d菜會好‘索’汁(5) 豉油王炒麵–ok, d 麵炒得夠乾身 可樂5支,埋單一仟零幾拾. …查看更多