taomanonline的个人专页

一心想去食大細腳手黑油撈，去到見餐牌無，唔通今日無做？都叫左叉燒蛋撈烏冬同牛肉撈烏冬。叉燒好食，豬肉肉香，偏瘦，啱我口味。牛肉烏冬正常無咩好平價。正式份量偏少，我個小朋友都唔飽，不過佢係可以叫多麵，因為我本身唔知佢有幾大份所以叫正常份量。最後比錢時問點解無大細腳個啲，侍應話已經無做... 唉... …查看更多

因為唔係食家，原本無寫評o既打算，所以無相。但係呢間店比我感覺唔錯，老闆好人又建談，所以想上黎比個笑佢。一家人食飯，去到食客唔多，一入去就有位。環境光光猛猛好幾好，坐得都算舒服。叫左炒粉絲、架哩牛筋、蒜蓉包、薄餅、牛肉湯金邊粉、粉包、牛油雞翼可能個時客唔多，食物好快就到，仲好熱添。牛油雞翼皮脆唔油，炒粉絲干身無痴埋一舊，而且份量都算大。最尾食埋個栗米西米霑，呢個甜品對我本身唔鍾意食西米露o既人黎講係一個驚喜，佢少甜唔膩，栗米個味加埋落去食落好清爽，雖然呢個可以係好普通o既野，不過我覺得值得推介。以上可能睇落唔算好吸引，不過呢... 呢間店我會再幫襯。…查看更多