知足美食的个人专页

之前都有食過green orange,好好食。今次經過上環，所以又再encore!今日天氣好熱，一坐低好想食d凍野，馬上點左兩隻生蠔$116，北愛爾蘭產，好大隻、好厚肉，具海水味兼且夠鮮甜。配埋杯白酒，perfect match!個餐包都唔錯忌廉白酒煮青口$128出乎意料，個汁超正，食每隻青口都刻意淋多啲汁，搭上肥厚既青口肉，一試難忘！香煎黑毛豬沙律伴士多啤梨$128好少見用士多啤梨配黑毛豬做主題嘅沙律，本著之前食過呢到既出品出色，一於試吓，真係無令我失望，黑毛豬故然煎得香脆juicy,沙律用上既醬汁酸甜度剛剛好，搭上士多啤梨清甜，必食！香煎鵝肝伴白松露烤菇意大利飯 $188鵝肝煎得外脆內軟，超水準！白松露汁很濃郁，連埋意大利飯同烤菇一啖咬落去，Long island ice tea酥脆香草碎果仁焗羊架 $288又一出色之作，外層酥脆，內裡肉汁豐富，肉嫩帶點騷香甜品我哋揀咗火焰香蕉配雪糕$88餐廳環境唔錯，氣氛優雅，座位好寬敞，好適合慶祝紀念日！…查看更多

這間泰國菜是朋友吃過之後介紹的。鋪面望落去已經好漂亮，而店名亦都好professional。甫一入內，已經差不多坐滿了，幸好有book位，馬上安排入坐。除了店面，店內裝修亦富有心思，枱面擺設漂亮。菠蘿炒飯$88菠蘿好鮮甜，應該選用了新鮮菠蘿，而其餘材料好豐富，腰果好脆，令到每一啖咬落去都富有層次感，口感極佳，好好味。大大碟，一個菠蘿裝唔晒，可能呢個就係冇用原隻菠蘿上碟嘅原因生菜包（鴨肉）$98生菜好新鮮，好翠綠，夠甜，當然呢個係基本條件啦。用咗唔同嘅香料去炒鴨肉，配搭出嚟嘅味道相當唔錯，好大碟，真係抵食又好味！木瓜沙律$68超多木瓜，花生夠脆，醬汁酸甜度恰到好處，又唔會太辣，食完真係醒胃，胃口大開芒果百香果沙冰$48超大杯，好味道，加番啲百香果肉，令到個沙冰別有一番風味泰式奶茶$28茶味好濃郁，唔錯！朋友真係無介紹錯，好味又性價比高！…查看更多

好耐無出街打邊爐了，趁天氣未係好熱，一於食返餐。上黎OpenRice search 下，見呢間環境幾寬敞，就揀咗，真係無揀錯門口大隻粉紅bear bear, 好吸睛！環境寬敞整潔，時間尚早，未開始多人。服務員態度十分好，值得一讚。一坐低用心解釋點餐細節，會告知餐桌旁有個小抽屜內有紙巾牙簽，甚至洗手間位置都會先告知。飲品我們點了無限添飲的竹蔗茅根及紫貝天葵洛神花茶，每次杯裏只剩下兩三成服務員就會好主動添飲。我們點了鴛鴦鍋，一邊是滋補養生香辣鍋，另一邊是清涼解熱雪耳鮮椰。我們點了小辣，覺得這個辣度不錯，而椰子湯亦很清甜。安格斯牛小排（半份）質素唔錯，有入口即溶嘅感覺。竹筍幾甜，無渣，值得一試響鈴是他們自家製的珍寶鮮蝦水餃，好大隻，一定要試吓，半份有四隻。自助醬料區，好整潔，亦多選擇。環境舒適，食物唔錯，性價比高…查看更多

一坐低，職員會先幫忙添滿蛋漿，一邊係芝士，另一邊係泡菜。亦預先準備好三小碟，生菜好新鮮醬料亦已準備真雪花牛肉 $208，這個比較餐牌其他牛肉項目較為厚片，油脂分布好均勻，真係真雪花，一入口，好香濃既牛味，好軟身，有入口即溶嘅感覺，無揀錯！喜來烤肉$138賣相好靚，份量唔少，相比起真雪花牛肉較為薄身，食落較有𡁻口，唔錯喜來五花肉配特製醬汁 $133除左牛，當然要試埋豬啦，食韓國燒烤，我尤其喜歡五花肉，一層肥一層瘦，分佈好平均，下次黎一定encore包埋生菜及配料一齊食，另有一番風味。呢杯係韓國紅酒，估唔到真係唔錯喎！呢個係新menu,忘記左個名，味道豐富，帶辣…查看更多

店內裝修好有風格，感覺好似去咗日本自家經營小店！我點了生燒鰻魚丼（汁燒）$168上枱時，熱辣辣，真係即叫即燒，超新鮮。外皮燒得好脆，咬落去卜卜聲響，而魚皮與魚肉之間嘅魚油亦保留得到，完全冇燒過龍，顯出廚師嘅功架。肉質鮮嫩多汁，真係好出色。朋友點了蒲燒鰻魚丼$68+set $30朋友話味道唔錯兼性價比高，溫泉蛋拿捏得剛剛好好在有教路，記得根據指示，真係有驚喜，必試！旁邊有紫菜絲，芝麻，記得加，香好多！另外，亦都要讚一讚店員，好有心機解釋，先會問下你係咪第一次嚟，跟住會介紹各種丼飯特色。…查看更多

午市有八折優惠，抵好多！食鐵板燒，我鐘意坐bar枱，可以欣賞到廚師即席揮毫！再加上每道菜式廚師都悉心介紹，令我哋更懂欣賞食材，加分！我地兩個人，一人點一個餐。點左set B & set C,share 食。首先一人一客沙律，賣相好靚，用咗柚子汁黎襯托，好清新～鴨肝蒸蛋，蛋香加上濃郁鴨肝，唔錯煙燻帆立貝呢個好出色，食落去，先食到外層濃郁嘅菊花香，之後嚐到帶子既鮮甜原來係用左白菊，胎菊、日本白梅菊，做煙燻膽，用上刺身帶子突出先甜，先至可以有咁出色既效果！香煎日本廣島蠔，配上脆煙肉、生熟蒜、蔥茸、櫻花蝦，夾雜一齊食，係出色配搭！用上加拿大銀鱈魚，魚皮煎得好脆，魚肉亦煎得剛剛好，咬落好juicy,個底用上鰹魚昆布洋蔥湯去襯托，更能展現獨特之處！大海虎蝦，採用沙巴海虎蝦，肉質結實彈牙，個醬汁好好味，叫山葵忌廉汁，好夾香煎法國鵝肝，煎得好出色！真係彰顯到廚師功架，底面好脆，鎖住中間超juicy,鵝肝味好濃郁！用焦糖檸檬伴碟，青蘋果墊底，記得食埋呢兩個配菜，有驚喜日本A5和牛薄燒用上熊本A5和牛，廚師教路，要連埋配菜一齊食！鴨肝炒飯呢個價錢係未八折，間中食餐貴少少，獎勵下自己…查看更多

係附近donki shopping完，走過黎食晚飯，門口好多人排隊等緊位。一入到去，已經留意到呢個火爐，，一定要食pizza。餐牌有classic holiday set,個價錢好吸引。不過我地睇中左紅酒燴羊膝，所以最後散叫，無食set。Carbonara pizza 11” $168呢種火爐出品既pizza，真係特別好食！個包邊好脆，芝士好濃郁，又有拉絲效果，食果時已經睇緊餐牌揀下次食邊個pizza喇龍蝦芝士焗通粉 $154個賣相已經好型，大大個龍蝦鉗。而龍蝦身，已經拆肉，埋藏係通粉裡。紅酒燴羊膝 $238個賣相好靚，炆得剛剛好，唔太淋又唔韌，配上紅酒汁，唔錯門口有部綿花糖機…查看更多

先點兩杯野飲Blu Bere $75，有酒精既，但感覺好清新Bitbtch $65，無酒精，主要係果汁，好好飲Spaghetti Bolognese $138好香濃既芝士加肉醬，意粉軟硬度剛剛好Chicken tenders $68脆醬厚度適中，雞肉夠juicySeafood, option C $318 剛好遇上星期一，Monday seafood night, 50%off有兩隻大元貝，好多青口，大大舊三文魚，底部仲有好多八爪魚，還有粟米、薯仔、香腸。好豐富除左seafood night, 仲有 steak nightPork knuckle 都係 $158，不過食完海鮮併盤已經好飽，留返下次先試。…查看更多

今日只係平日，晚飯時間都好多人等緊位。原來可以book位既，下次要記得。木瓜沙律 $58酸辣度剛剛好，木瓜好脆口，令人更加開胃。脆肉炒椰菜苗 $70食泰國菜，蔬菜類我特別鍾意揀呢個。睇落好似好細碟，但原來食落份量一啲都唔少。泰皇閣招牌炒飯 $90呢個係比隔離枱嘅賣相吸引左，見過實物，睇個樣都知一定好食，真係冇揀錯。芒果沙冰 $32好大杯，性價比高炸蝦餅 $76炸物係食泰國菜唔少得，而蝦餅係我嘅至愛，果然冇令我失望。大大個招牌好易認。…查看更多

今日兩個人，經過創興廣場，呢度出名多食肆，想食中菜，決定喺呢度揀一間。行得有啲攰，想搵間坐得舒適，又唔會太嘈嘅,上open rice search下，發現盈館唔錯，一於試吓。一出𨋢門，已經有大大個魚缸，有不同嘅生猛海鮮。座位好闊落，而枱與枱之間亦唔覺逼夾，值得加分。裝修亦都好整齊，地方整潔，感覺唔錯。前菜係花生，炆得好淋，幾好食即燒乳豬賣呢個價錢，超吸引，不過今次得兩個人，又唔係太肚餓，所以冇點到，下次有機會要試吓。松露珍菌扣花膠煲$138有好多花膠，而每舊花膠都好大舊， 又厚身，性價比高，松露加上珍菌更加帶出個菜式嘅鮮甜。脆皮安格斯牛坑腩$128熱辣辣，新鮮炸起，脆皮包住鮮嫩嘅牛坑腩…查看更多

今日行街經過灣仔，大概晚上九點幾，夜左食晚飯，平時晚餐的時間經過，都經常排隊要等，難得今次唔使排隊，好開心。出面天氣好熱，坐低已經有一壺冰水放喺枱度，涼透心。日本拉麵店，裝修都好有各自嘅風格，很具特色。Menu好有心思，介紹返店舖嘅自家製麵同埋湯底。好貼心，有教授點樣食沾麵。另外點左一份野菜。主角出場-豚骨鹵介阻玉沾麵湯仍然係翻滾，我揀左凍麵，口感較實，沾上滾湯，再加檸檬汁，正叉燒肥瘦比例剛剛好，溫泉蛋亦係流心的！…查看更多

今日喺銅鑼灣行完街，見到呢間餐廳，大大既落地玻璃，望一望餐牌，價錢好合理，一於試下。牆上掛住部單車作裝飾，好別緻。點左兩個晚餐，先上前菜。香煎蟹餅沙律配芥末蛋黃醬蟹餅煎得好脆，啖啖充滿蟹肉，沾上芥末蛋黃醬，好滋味。忌廉周打魚湯，用料好豐富，有層次感，好creamy!美國有骨肉眼配燒薯prime rib ,我地揀左medium rare,煮師拿捏得剛剛好，好出色！蜜味豬手配燒粟米首先值得一讚係上碟之後會有專人過嚟問使唔使幫手切開，真好豬手皮焗得脆卜卜，豬手肉好嫰滑。旁邊嗰碟沙律好好味，另一突出之處，佢配上嘅係番薯蓉，番薯蓉比起一般薯蓉更甜更香。Happy hour buy one get one free,好吸引，啤酒襯脆皮豬手，絕配！…查看更多

前陣子，天氣稍涼，馬上相約朋友相聚打邊爐，朋友們推介之下來到爺爺雞煲皇，真係無介紹錯。首先點個餐前小吃，椒鹽魷魚鬚 $48。剛剛新鮮炸起熱辣辣，外層脆卜卜，魷魚鬚好爽口～招牌花甲蟹鍋，先飲湯再打邊爐，好鮮甜，蟹好新鮮，花甲好大隻，手切肥牛，油脂分佈好平均，肉質好鮮嫩，口感極佳，必食！珊瑚蚌、桂花蚌，好爽口雞子，好大粒，好新鮮，鍾意食雞子既朋友必點！手打鮮滑釀冬菇$58，冬菇釀上墨魚膠，唔錯既配搭。萵筍，爽口清甜，唔錯。爺爺冰豆腐，放入湯淥一段時間，索曬湯汁，蟹花甲湯既鮮甜吸收晒，超好味！雪花啤酒 $15，超抵飲…查看更多

星期六晚飯很多人，幸好等了大概十五分鐘就有位，下次都係記得先book位。大堂裝修好具中國色彩。等候位置好寬敞。枱中間有金魚游來游去，好別緻！枱面，餐具襯色亦別出心裁，先加分！北京填鴨半隻 $218每逢食京菜都必點填鴨上枱時熱辣辣，皮脆肉嫩，包皮厚薄剛剛好京燒排骨架 $118排骨燘得剛剛好，唔韌，又唔會太淋。炸銀絲卷 $48外層脆卜卜，熱辣辣，正！小籠包 $78湯汁豐富，正拔絲士多啤梨 京滬菜式必點既甜品，好吸睛。士多啤梨被脆卜卜既糖醬外層包裹住，好味上湯浸豆苗 $88…查看更多

今次來到尖沙咀逛街，晚飯時候，再一次來光顧翠林辣蟹舫。黃金流沙蝦球-店員推介攞獎名菜，保持水準，跟上次一樣好味。大大隻蝦球，脆卜卜外層，鋪滿咸蛋黃，香辣醬油蟹今次點了香辣醬油蟹，相比上次避風塘炒蟹，又另有一番風味，各具特色，今次每啖都嘗到香濃辣汁，而避風塘則香脆可口。船家泡泡菜-浸菜嘅湯好濃郁，再配以艇仔粥嘅配料，超好食，必食推介！水煮牛肉-牛肉嫩滑，辣度剛剛好，好出色。酸菜煮龍躉，龍躉肉質素好高，厚厚嘅魚皮，骨膠原爆滿！配上酸菜煮，更顯魚肉鮮甜。蟹油炒麵，招牌菜式，香濃嘅蟹油醬配以炒麵，點可以唔encore。…查看更多