傻耕耕的个人专页

呢間連鎖兩餸飯，聽講質素幾好，放lunch就行去試下, 果然真系幾乾淨企理，仲有薯仔牛仔骨喎，就叫埋黑醋骨，一開盒就有見有3塊牛仔骨，6-7舊黑醋骨，個飯都爽身，整體味道都有85分喎，下次要再幫襯先…查看更多

今次睇左“飲食男女”嘅報導，先發現開左新舖以往呢間舖，做食嘅都做唔長佢嘅“乜都有格仔餅”，系即叫即整，但價錢較貴雖然等嘅時間系耐啲，但個廚都好比心機整 ，查醬落料，一啲都無馬虎👍🏻👍🏻新鮮同即時食，系外脆內軟嘅😁😁我身為螞蟻會繼續支持架，希望可以維持水準同質素…查看更多

星期一心思思想買外賣番公司，行行下見到有易拉架寫主標榜全港十大好食雲吞麵，就要試試佢我好鍾意食撈麵，所以見2點後有下午茶叫，就叫牛腩撈麵+茶走，外賣多1蚊，總數盛惠$44! 等餐都比一般茶記耐，心諗唔系漏單嘛，終於15分鐘後攞得! 番到公司一打開:香味: 啲柱侯香即湧上黎，香氣真系同潮州麵檔唔一樣，香味好濃郁有深度!麵底:食左住麵更加不得了，每條真系撈好掛上腩汁，同一般蠔油撈差太遠，下次必定加底牛腩: 共有6塊有根有大腩肉，部位似牛肉與肉之間有根，牛根林滑肉身咬後齊口，煙韌有膠質，仲要無渣不痴牙，一流湯底: 濃濃嘅大地魚蝦子香氣，加上韮黃入口清爽不咸不涸喉，沒有口渴感不覺有味精唯一失色茶走，茶膽餘韻較薄，不夠回甘另見食評，鮮魷魚面，豬手撈不錯，總之必定回購…查看更多

本身是螞蟻嘅我，有朱古力嘅食物對眼實發光!今日見到糧友賣”三重朱古力流心包”，即俾錢面: 朱古力脆皮包: 黑炆炆嘅朱古力包餡: 流心朱古力醬三個字……無得輸，必定回購…查看更多

今晚睇戲前同老公去food court醫肚，早前已做資料搜集，這間 “北正宗” 湯底真材實料，正宗北越菜，仲要食評不錯，就會一會佢:手切鮮牛肉湯河（$39碗散叫）必食湯底用極多雞殼及手骨餚出黎，鮮甜不突止不確口，鮮牛肉香軟有肉味，河粉細緻滑溜，配香葉芽菜層次豐富……正燒豬腩肉撈蒙+兩條細春卷+少許焯生菜（$58套餐）醃好的豬腩片燒烤過，有焦香有油香煙韌不柴口，加上蒙粉不是坊間一般呈半透明，而是質地似天使麵一樣幼的米線，煙韌彈牙特脆牛油雞翼（套餐+$18有兩隻）必食特脆的外層配炸蒜粒，香脆無比，咬開香氣四溢，因分了一隻給老公每，真後侮只叫了兩翼咁少:(呢間餐廳真系禾稈冚珍珠，各位食友真系行過路過唔好錯過…查看更多

今日屋企人同2個囡囡去完青衣跳完彈床，就黎左我之前買定團購放題地點：深水埗唯一的日式放題，地點不起眼，似主力做街坊生意餐廳環境：場面較闊落，可能平日只有4成滿食品質素：買左團購先知勁多劣評，“伏味”濃，但實際食品質素中規中矩，驚喜有一次性的貝類拼盤，提供爐上蒸，質素鮮甜無沙，另一驚喜是火炙壽司，不馬虎，入口仍是溫暖有焦香，熱食味道不錯，能感覺大廚是用心製作但刺身確實是較細較薄，不及外間的放題厚切大堆頭，另有供應火鍋，配料到角落自取，非常普通的肥牛、雜丸、腸仔，雜菜，粉麵等等）但菜款有皇帝菜，有加分也有不起眼的熟食區, 有咖喱角，春卷，三文魚頭湯，娃娃菜，可能給極肚餓的食客先頂頂肚，但我覺得可以省掉這區，加強甜品款式及質素甜品：腐竹糖水（雖然較稀但夠熱，而且有大量腐竹碎，微甜味道不錯)，4款雪糕(質地很軟是明顯是雪櫃不夠凍，味道非常普通，可加朱古力釘/粒)服務：職員都很友善，每次回應都是正面積極，明顯是人手不足，但眼見每位馬不停蹄，不停為食客落力奔走出菜，沒有待慢的態度及漏單，有加分總括而言，200蚊連加一的放題，大家必須要有心理準備，質素不能以大滿喜，大瀛喜等坊間的高質放題相比，這是不切實際及不公道的比較，建議大家在平日一至四用餐，避開最繁忙的日子及時段較好，出菜質素會較有水準…查看更多

為了應節，家人聖誕節訂了枱食聖誕套餐，3百幾/位，價錢合理前菜：火雞什果沙律，每位杯上餐湯：黑松露磨菇湯（味道香濃) 南瓜忌廉湯(幼滑香濃郁）+ 熱餐飽主菜：1) 肉眼排，5-7成熟肉味濃，質地柔軟，肉汁豐富2）勁厚豬鞍架配蜜糖芥末汁，肉質出奇柔軟兼多汁，不柴口痴牙，水準之上甜品：焦糖燉蛋(如大杯點更好)餐茶：包1餐茶：咖啡/奶茶/檸茶/檸水/橙汁飽餐後，我地仍高興地長談聚會，但餐廳職員沒有趕人，服務有禮貌餐廳另一招牌菜：香煎斧頭排（要再約腳會一會佢先得）…查看更多

$22/個, 看以有點貴, 正想買祼麥合桃包, 但爭扎一翻後, 最終還是買下歐陸雜果法包試試當店員分切時, 鬆脆的表皮卡吱卡吱地迴響, 急不及待的撕下頂角品嚐深啡色的法國面包, 外掛了少許看似焦糖點綴, 餡料飽滿得沖出表皮, 甘甘脆脆的合桃和瓜子仁, 配合甜絲絲的紅梅及提子乾果, 外脆的表層加柔軟的反包心!!一試難忘, 定會再買…查看更多

嫁左入深水步之後, 成日想試下 傳說中深水步隱世餐廳-----------星河, 終於早排去試左地點: 深水埗大南街, 有大量收賣舖頭 及一眾南亞裔男士人氣: 大收旺場, 舖外最少有3-5人等位環境: 一般舊式餐廳, 播著杜德偉, 葉倩文等陳年歌曲, 食物: 多數以套餐為主, 跟餐湯, 餐包, 餐茶, 特別套餐甚且有前菜小食:**老公叫左欖菜辣肉碎炒反, 等左一陣, 就黎:餐湯: 老公唔要餐茶, 改為中湯, 個湯係赤小豆鱆魚, 好夠火喉, 炒飯: 好乾身, 粒粒分明, 每粉飯都沾上欖茶及肉碎, 好咸香好野味**我叫左焗豬反套餐, 焗飯需時, 等了幾個字先黎:餐包: 先係半片厚多士餐湯: 紅湯, 勁多料, 食哂都半飽焗飯: 未食已聞到茄汁香, 醬汁收到濃倜0岩哂撈飯, 切件豬件好多有成7-8條而且好鬆軟, 個飯底炒到好乾身粒粒分明總括:1) 邊食邊看其他食客, 碟碟都夠份量, 真係物超所值2) 地點偏僻及不見眼, 但食客不絕, 相信食物質量確實有保証3) 去深水步覓食之餘, 都不妨去星河試試吧…查看更多

上年尾買左團購, 己見之前食友惡評如潮, 心知不紗, 唯有在死期前儘快用:地點: 位置偏僻, 時間: 卜左食6:30-8:30座位: 同老公兩人被安排坐門口位, 招呼: 食客紛紛入位, 但待仔久久沒有敞好厚厚的玻璃門, 令熱氣攻哂入黎, 另外兩位坐正門口位的食客, 很友善地自動幫忙敞門 (令待仔一臉尷尬)但待仔都幾有禮貌點菜: 坐好位後, 待仔派order紙, 但叮囑每次只可劃5款, 要黎齊哂所有野先至再俾另一張order紙每人送1串牛粒好韌:(, 1隻燒蝦好爽:), 1隻勁多蒜燒帆立貝:), 1隻勁多蒜勁腥燒蠔睇完任食order 紙就火都黎肉類: 只得燒豬頸肉(7點落第2轉, 竟然話買哂!!), 雞軟骨, 雞柳(真係得手指尾咁細), 雞翼, 點解普通0既牛柳同牛舌都無!!) 海鮮: 得魷魚鬚, 墨魚咀,小食: 3款菜沙律, 1款炸雞翼, 1款來貨炸餃子麵食: 冰 or 熱烏冬, 蒜蓉包 (都幾脆), 燒粉絲 (勁咸), 燒芝士年糕, 雖然無味但煙韌蔬菜: 成十幾款 (菇, 四季豆, 韭菜, 娃娃菜, 粟米, 南瓜, 豆卜, 菠蘿.......)**茄子之前食友話有原條燒, 但佢黎得兩片!**** 最奇係有玉子, 真係壽司用果隻, 佢都羅黎燒!!總括:1) 只落得4次order, 等多過食, 好掃興2) 仲要原價$380另收加一, 即每人額外再俾$38, 總計: 每人$1763) 若每人要$176, 我真係去普通日式放題好過, 起碼都有刺身食呀搵笨只會一次!!…查看更多

8月1日係未婚夫0既牛一大日子, 為左隆重其事, 我早一個月就BOOK左JW's California0既晚餐自助餐!!重特別要求坐窗口位我地準時6.30半到, 當時已有幾圍食客羅緊野食, 一入門右邊放滿一支支任飲0既白酒, 兩支入左container 0既紅酒, 再黎就係長長0既刺身櫃, 好多橙色膏0既冰鎮開邊龍蝦, 翡翠螺, 青口, 細細0既卷物, 漬物, 左邊擺4-5新鮮果汁, 好精緻0既前菜, 各種任切0既芝士, 長腳蟹, 皇帝蟹, 新鮮沙律, dressing除左大路0既傑tart tart 0既沙律醬, 仲有一支支0既檻欖油同醋任你溝入直路左右邊擺滿細細又好精緻0既甜品, 睇到都好高興, 之後我地安排到要求0既口去到我地0既窗口位置, 雖然只係望到酒店正大門, 唔係海景園景, 但係感覺舒服d無咁焗速, 地方雖然唔係好大, 但氣氛好幽靜唔會好嘈, 0岩哂我地鍾意靜靜地傾計0既人, 由於呢度除左凍海鮮, 卷物, 果汁, 白紅酒, 卷物, 漬物, 前菜, 沙律, 芝士, 甜品之後, 全部熱野都係剔紙, 直接落單入廚房即叫即整, 所以少左油煙味, 正ROUND 1開邊龍蝦: 好爽甜, 好多橙色膏, 好新鮮, 翡翠螺: 好大隻, 好爽, 好甜, 但小心尾部有沙長腳蟹: 好新鮮, 唔知係咪同龍蝦比較, 佢有D咸, 唔夠龍蝦咁好食皇帝蟹: 好新鮮, 唔知係咪同龍蝦比較, 好食過長腳蟹, 但唔夠龍蝦咁好食(因為出面無工具, 記得問WAITER羅剪拑, 唔係咬唔開長腳蟹0既殼)ROUND 2剔紙刺身: 三文魚, 吞拿魚, 油甘魚, 帶子, 赤貝, 甜蝦(點解無之前POST0既相咁大0既, 好似普通牙籤SIZE咋) 錭魚, 鮑魚(真係新鮑魚片薄, 唔係出面假果隻) 鰻魚, 樣樣都好新鮮, 好鮮甜蟹拑前菜: 一個SHOOTER杯放左一隻已去殼0既蟹拑(有整隻手指公咁長) 底有綠+紅既醬, 好味軟殼蟹手卷: 雖然紫菜林左, 但軟殼蟹好食黎多轉凍龍蝦: 好味ROUND 3和牛: RARE + MEDIUM (黑松露汁(咸) + 辣根蘋果醬(辣帶甜)), RARE林D中間粉紅色, MEDIUM可能連埋筋, 好韌! 建議叫RARE 羊排: 叫左MEDIUM, 又係少少韌, 少少SO, 我個人唔食羊, 覺得麻麻鵝肝: 表面煎得唔夠脆, 入口即溶, 真係成口油, 仲有鵝D味, 我個人唔鍾意呢個口感, 覺得好怪鱸魚: 個魚皮煎得好脆, 魚肉好嫩滑, 正! 要ENCORE荷蘭汁煎帶子: 個汁好香牛油味帶子又唔韌, 好味牛舌: 薄薄一片好淋, 好味焗龍蝦: 雖然都係咁爽口同野味, 但先入為主都係凍龍蝦有多一份0既鮮甜ROUND 4 (開始飽飽地, 繼續進攻甜品)由於全都都細細件, 可以每樣試一粒: 原味芝士餅: 因為怕漏, 所以片左薄薄地試, 質地好結實, 充滿芝士味Passion fruit tart: 手指公咁細0既正方形撻, 頂有舊水滴型棉花糖, 裏面有酸酸地0既餡, 特別係個撻放左咁耐都好脆, 好好食! 抵讚金寶蘋果撻: 金寶蘋果餡有玉桂味, 但個撻小小林左, 但都脆....好味杯裝黑森林: 朱古力旦糕內有車里子, 面有白色cream+碎朱古力, 普通d但好味杯裝綠茶毛士: 好濃0既綠菜味, 甜得黎甘甘地, 唔係出面果0既化學料, 超好食綠茶焦糖布甸: 又係好濃0既綠菜味, 雖然表面無脆糖, 但整體唔係好甜, 好好食吉士拿破侖: 雖然唔係cut zi 果隻脆, 但都有脆都口感, 佢個so皮有麥香, 吉士好香甜.......好好食雙料白朱古力曲奇: 餅身超黑, 外圍脆中間煙韌, 黑朱古力0既甘甜+白古力片, 嘩真係好好食 紅莓毛士旦糕: 紅莓毛士+ 榛子旦糕, 食完甜野食呢個酸酸地中和番, ok好味tiramu: 淡淡0既芝士同咖啡味......好味Chocolate praline cake: 濃濃0既朱古力毛士+朱古力旦糕, 好味食到咁上下, 本來想叫剔紙雪糕, 叫齊紅豆, 綠茶, 朱古力, 咖啡, 雲里拿, 突然有個外籍waiter送上一片0即左"happy birthday" 切餅俾我個Honey! 我honey不知幾咁驚喜! 當然呢個神秘驚喜係我一早安排好! 個餅係咖啡味0既毛士旦糕, 軟滑0既毛士浸出淡淡0既咖啡味, 好好食, 由於我地已經非常飽, 所以食左一半就停手lu, 最後連聽聞好好食0既雪糕都無叫本來任飲白酒 紅酒係好吸引, 但不勝酒力0既我們, 都係鍾情鮮渣果汁: 西瓜汁, 西柚汗, 橙汁, 甘筍汁, 蘋果梨蘇打, 提子蘇打, 都試哂, 都好飲西瓜汁!!其實每位hkd 550再加一, 真係好貴, 好彩citi bank信用卡有85折, 當係幫補下啦!! 多謝該餐廳同員工0既時間配合同好安排! 令我地有一個咁完美0既驚喜同豐富滿足0既晚餐, 我會再黎架…查看更多

上星期日同男友出街, 係唔知想去邊之下, 就諗左上山頂, 特登上黎梗係要試下burger king啦! 唔知係咪星期日入面0的位坐滿哂, 以為好彩我地霸到露天兩人位啦, 點知越坐越凍好似得15度咁凍到震, 但係都可以望到山下風景, 都幾好feel0既之後男友買左個55蚊套餐, 係一個兩塊牛肉0個個, 個包有成隻手掌mark開咁大架, 同triple o差不多, 我地兩個都夠食!! 但呢度漢堡排雖然有炭燒味但就乾0的, triple o就多肉汁0的.....薯條就香脆過麥記多多聲, 真係叫外脆內軟架! 入埋仲有一大片似新鮮蕃茄, 大堆生菜+一條脆煙肉, 都幾驚喜! 不過男友就覺得triple o 係好食0的…查看更多

呢擋野0既煎饟三寶好多人慕名而來架, 見佢0的魚旦係用魚漿一更更畢落去炸, 新鮮熱辣!! 唔似得外面0的現成魚旦炸番熱!!佢0的除左魚旦外皮夠脆, 魚肉軟熟之餘, 入面仲有0的洋蔥吊味, 好好食架!! 仲有佢0的蘿白餅同炸餃子都好好食架, 有0的人仲買佢0的生餃子番去打邊爐添! 我試過去第度都食唔度咁0既質地, 不過佢價錢就比出面貴少少10蚊8舊, 6蚊4舊, 但物有所值…查看更多

十一月係芝士月, 好多芝士包都有特惠價..........本來對芝士都麻麻地, 見到個服務小姐拎左盤芝士肉鬆包出黎, 見包個樣幾好就買啦, 始絡包係熱辣辣先好食咁嘛......... 因為11蚊兩個. 就唔執輸夾多個啦, 排隊等俾錢0個陣, 見到將印仔coupon就免費送多袋13.5以下方包, 嘩! 老虎蟹去拎袋啦, 因為佢連袋裝包都有7-8種, 所以揀左個好似幾好食0既厚切香脆包!揪住一大袋包都係五蚊雞咋..........嘩0架架 之後帶住高興0既心情, 撘靚仔番歸......排隊0個陣第一時間GEL下個芝士內鬆包, 因為包要襯熱食嘛........嘩原來幾好食架喎, 面頭0既肉鬆甜甜地+埋半凝固芝士, 好似GEL緊PIZZA咁可以拉長唔斷架. 真係好好食.…查看更多