hhw126的个人专页

早排同事推介過尖東有間新開嘅omakase, 今日一於就同同事試試餐廳地點都唔算太遠, 係尖東站都係行10分鐘內嘅路程入到去環境好乾淨, 同埋大約只有10個位, 唔會太嘈太多人👍🏻我地揀左個12件試試, 前菜有水果蕃茄, 無花果天婦羅, 仲有水雲啫喱呢幾個配搭食口好fresh, 感覺好開胃😌之後最期待嘅主食分別有1.魷魚2.白蝦3.金目鯛4.油鯛5.目鯛6.甜蝦7.赤身醫油漬8.小肌9.銀鱈魚10.松葉蟹11.鰹魚12.拖羅肉蝦碎手卷每個魚刺身都鮮味十足, 鐘意食魚嘅朋友絕對值得一試👍🏻而最後仲有味噌湯, 蒸蛋同埋雪糕, 食完好满足😀…查看更多

之前同同事行過樓下，見到登龍街呢度有間日本餐廳已經心思思想試，今次行過，決定上去睇睇咩料👀入到去地方好寬敞，啱晒同同事可以靜靜地傾吓計食個lunch😌叫咗個午餐set，鵝肝牛小排丼飯，前菜有麵豉湯，沙律同埋蒸蛋。上菜速度好快，對於打工仔嚟講會拖慢你嘅lunch時間 🔥前菜嘅質素好好，到咗重點嘅鵝肝牛小排，鵝肝嘅鮮味十足，牛小排牛味亦都好重，而且肉質唔會太硬，非常抵食👍🏽建議大家去銅鑼灣食飯嘅時候，可以試試呢間隱世日本居酒屋😍…查看更多

之前行過幾次都好似同女朋友黎試下呢個大滾友，今晚端午節一於就黎試試入面環境私隱度高，同朋友傾偈完全唔會有阻礙，而且店員服務好好☺️今次我哋叫左木瓜片龍躉湯底，香味非常濃郁，仲有龍躉好厚肉，好入味🤤另外我哋叫咗一個大嘅海鮮拼盤同埋一個大牛肉拼盤，影相睇落已經非常靚😍超推薦海鮮拼盤，海鮮鮮味十足，包括蟶子皇，鮑魚，大海蝦等等，建議一定要點呢個另外牛肉方面，牛小排個牛味好足，唔洗淥太耐，啱啱變色就食得😍…查看更多

有次行過美孚站一出就見到大大個牌寫住大閘蟹任食，見咁近地鐵站，所以就book左同屋企人試試😻😻😻講明大閘蟹係主菜，咁最緊要一定係啲蟹嘅質素。不過首先呢個要提一提，侍應捧住勁大盤蟹入黎，佢勁有禮貌同我地講解要點食先至好味。呢個真係好少酒樓做得到。👍🏽見到勁大盤蟹熱辣辣，又大隻，望到都覺得好正🤤一打開見到講多膏，唔講我真係以為係海膽添！仲要香噴噴，入口肉質非常新鮮，質素絕對對得住呢個價錢。😎我地仲叫左片皮鴨，配埋京蔥，最傳統食法，爸爸媽媽都話非常好食☺️仲有燉湯，用料超足，仲有隻鮑魚仔係裡面，好夠火候。🔥當然唔少得仲有糯米飯任食！成晚整體黎講十分滿意，值得推薦俾大家試試😋😋😋…查看更多

同女朋友去尖沙咀行街，見到呢間門面裝飾好有特式，就揀左係呢間餐廳食晚飯，一打門就見到佢哋係度抽獎，中獎食客可以有唔同嘅海產，好有氣氛🇯🇵刺身拼盤（五款）👉🏾吞拿魚係呢個拼盤嘅重點，好厚肉，入口會溶，無腥味🤤👉🏾其次係帆立貝，鮮味十足！另外三款都係水準以上，值得一試🥰🇯🇵清酒煮蜆👉🏾酒味濃郁之餘最緊要係食到蜆嘅鮮味，蜆都幾大隻，份量都算足🇯🇵玉子燒壽司 + 蟹膏壽司👉🏾玉子大大舊，味道好甜🥰👉🏾蟹膏味道濃👍🏾🇯🇵蟹盛冷豆腐👉🏾每啖都有蟹肉，好足料，清清地，唔鐘意濃味嘅朋友最岩食🇯🇵柚子醋海草👉🏾呢個有驚喜，口感似海哲，值得一試…查看更多

同朋友去荃灣買嘢，喺荃灣廣場附近見到呢間幾別緻嘅扒房就入去食晚飯，入面個環境唔大，但都幾整齊乾淨👌🏾🐄牛橫膈膜肉👉🏾好少地方有得食，所以揀左呢個餐，有飯有湯，有小食，幾抵👌🏾👉🏾牛味重，肉質好嫩，其實唔洗點醫都好好食🐄上腰西冷👉🏾肉質結實爽口，咬入口啲牛汁流晒出黎🤤👉🏾醫汁有紅酒汁同青汁，兩個各有風味🐄A5和牛👉🏾好出色，入口即融，有驚喜，建議大家一試👉🏾另配醫油同wasabi，個人覺得點wasabi都幾好食😋…查看更多

早前朋友向我推介呢間餐廳打邊撈，雖然地點有啲偏僻，但整體算係唔錯，環境黎講地方都幾大，人唔算多，同朋友食飯傾計就啱哂我同朋友揀左美國安格斯極品牛小排放題，呢個套餐包括埋豚肉 / 雞肉，仲有牛肩胛。⭐️重點推介：牛小排⭐️肉質好厚，而且牛味濃郁，建議唔洗淥咁耐，啲肉質會爽口啲😆👉🏾另外牛肩胛同豚肉都唔差，只不過係牛小排實在太出色👉🏾既然係放題，食哂啲肉之後可以叫服務員幫你添肉，佢地好樂意為你服務👍🏾除左肉類之外，仲有好多配菜任你揀，而整體配菜質素都唔差！🍅蕃茄薯仔豚骨濃湯👉🏾蕃茄味道尚算突出，每款食物都可以沾上蕃茄味最後甜品方面仲有Haagen Dazs任食，而且仲有好多款韓式任品任飲🥰…查看更多

放工番屋企，想買燒味番屋企加餸，咁啱行過西九龍中心樓梯旁邊呢間餐廳，一於就買盒外賣燒味加餸😋⭐️燒腩骨👉🏾皮夠脆，啖啖都係肉！👉🏾本身肉味已經好足，不過加埋芥辣醬就另有一番風味⭐️乳豬👉🏾重點都係皮脆，夠新鮮🔥👉🏾等嘅時候老闆話附近好多鋪頭開張嘅時候都搵佢訂乳豬😂⭐️叉燒👉🏾半肥瘦，仲要切得細細舊，可以一啖一口👉🏾肉質唔硬，好容易入口—-總括黎講，呢間快靚正嘅燒味款式都算幾多，味道亦唔差，值得一試👌🏾…查看更多

成日行過銅鑼灣都見到呢間好多人排隊，今次咁啱行過無乜人，一於同女朋友去食！裡面鋪面唔算大，但相當整潔👌🏾⭐️特上北海道丼 - $198👉🏾呢個丼包括：帆立貝、海膽、三文魚籽、油甘魚同埋吞拿魚腩蓉，性價比超高！👉🏾五種食材各有特色，唔會話有一個食材蓋過其他食物嘅鮮味👉🏾最有驚喜嘅話，我會揀油甘魚，夠大啖肉，而且鮮美爽口⭐️三文魚親子丼 - $88👉🏾主力係三文魚搭三文魚籽👉🏾食得出係新鮮嘅肉質（呢點真係好重要！）而且魚籽唔會腥！總括黎講，係銅鑼灣好少搵到呢種中價魚生飯，按呢個價錢，呢個超級丼係抵食之選👌🏾…查看更多

同女朋友拍拖二年四個月，都要慶祝下，搵下新鮮感嘅👀，所以我揀左呢間omakase，因為大家都未試過😆呢間餐廳坐位唔多，所以最好book左先！而且個set有太多食物，所以我淨係可以重點介紹下，啲相超過左limit😣⭐️日式黑松露三文魚子蒸蛋👉🏾重點係個配搭，淡淡嘅蛋味配上黑松露嘅鮮味，個黑松露嘅味完全係襯哂出黎！👉🏾加上三文魚子，亦無搶走左主角黑松露嘅味道，係幸福嘅味道💕⭐️龍蝦 👉🏾呢隻本地嘅龍蝦真係好生猛，郁唔停👉🏾廚師話唔洗煮咁熟，如果唔係就會無左個鮮味😆👉🏾啲配菜似係啲海帶，我地都清左碟，因為實在太好味⭐️鮑魚👉🏾廚師用左個鮑魚膽做醬汁，配搭冷麵👉🏾鮑魚好厚肉，本身已經夠味，但沾膽汁醬風味更佳🤤⭐️鵝肝麵包配鮮菠蘿👉🏾鵝肝味超重！配搭有少少焊過嘅麵包，一濃一淡，高質！👉🏾食完麵包再食冰菠蘿，好fresh😍⭐️金鯛魚👉🏾最特別之處就係脆皮加上鮮嫩嘅肉🔥👉🏾廚師話係半炸半焗，再加埋南瓜忌廉醬🤤⭐️清酒煮蜆湯👉🏾六隻大蜆，加住廚師用錫紙煮熱啲酒，而湯嘅蜆味完全係靠蜆煮熟再滴哂啲汁落個湯𥚃面，好鮮美👍🏾⭐️焦糖多士👉🏾味道唔會太甜，甜度適中👉🏾見佢疊到層層疊咁就知係心機之作！呢樣絕對反映左一間餐廳有無用心經營🔥⭐️柚子雪葩👉🏾可以選擇綠茶味或者柚子味，但柚子味係出面比較罕有！👉🏾同雪糕唔同，呢隻無奶味，有雪嘅感覺，但入口又唔乾身，好特別👍🏾—————總括而言，要同女朋友要有一個開心嘅紀念日，吟絕對係高質精選，食物有質素，環境又舒適，最主要係無論服務員同廚員都好nice,你想知咩佢都會好友善咁話你知☺️…查看更多

深井燒鵝細細個就聽得多，但一齊以黎都未食過，今次父親節我就約埋女朋友同埋佢屋企人一齊食燒鵝😆雖然深井有啲隔涉，但陳記就係大馬路旁邊，有易搵！⭐️燒鵝皇（半隻）👉🏾燒鵝真係好入味！而且肥瘦分明，有膏有肉👉🏾份量非常足，四個人食絕對唔洗爭（絕對唔係因為佢地係女朋友屋企人😆）⭐️清蒸海斑👉🏾食魚最緊要係新鮮，呢條魚就真係好鮮味👉🏾最好叫多碗飯，因為啲魚汁好好味☺️⭐️薑蔥蟹肉煲👉🏾四人份量啱啱好，多啲人未必夠食👉🏾蟹肉味對於食蟹黎講真係好重要，呢隻蟹就真係夠哂味，重點係哂蟹腳度🤤個例湯真係要重點介紹！佢唔係普通嘅味精湯，係真係老！火！湯！，好高質😍⭐️聖子皇👉🏾大大啖肉，好有滿足感😍👉🏾食入口個味真係夠新鮮，唔會有雪味👍🏾⭐️椒絲腐乳通菜👉🏾純粹叫個菜吊下味，最緊要份量足👉🏾腐乳味濃—————總括黎講，對於同屋企人食飯黎講，呢間陳記真係出色，啱哂大家胃口，女朋友屋企人讚不絕口，價錢又唔係貴，係見家長最佳選址😎…查看更多

同女朋友去中環happy hour之後周圍睇下有咩食，無意間見到呢間好似唔錯，就決定揀呢間一起食堂，裡面裝飾都算整潔，仲播緊好多經典台灣歌😂原條浦燒鰻魚飯 - $138👉🏾鰻魚真係大條得好誇張，有前臂咁長！啖啖肉！🤤👉🏾個汁甜甜地，撈埋流心蛋送飯，無得輸😍👉🏾湯嘅味道偏淡，薑味比較出蔥油雞絲乾拌麵 - $78👉🏾麵質黏韌，食之前一定要整穿隻蛋，等啲蛋醬融入啲雞肉度，撈埋一齊食☺️👉🏾本身拌麵味道已經好高質，不過鰻魚飯真係搶哂風頭🤪烤台灣香腸 - $32👉🏾表皮脆卜卜，但肉質軟熟，而且充滿肉味👍🏾炸地瓜條 - $32👉🏾一出黎時熱辣辣，好脆口，非常新鮮👉🏾食得出清新嘅地瓜味👉🏾但切忌要快啲食，凍左嘅話就無左原來嘅質感肉燥燙青菜 - $28👉🏾菜嘅份量都算多，吸收到肉汁嘅味道，係健康嘅首選冷泡苿前毛尖茶 - $24👉🏾味道唔同，茶味適中👉🏾本身已經無冰，唔怕會太凍芋圓仙草凍 - $38👉🏾紫色同埋白色嘅芋丸裏面都有芋頭肉，黃色嘅應該係地瓜丸👉🏾多奶應該會再正啲🤤…查看更多

放工同女朋友去LKF hh, 飲兩杯之後肚餓就搵野食，呢間steak bar係老蘭街尾轉角位，好易搵，雖然鋪面有點細，但裝修都幾有風格👌🏾🐄頂級肉眼牛排（5成熟）- $258👉🏾肉質偏林，而本身嘅牛肉味好出🤤👉🏾牛味重，其實唔洗加醬汁都得🐮👉🏾唔需要加咁多鹽，如果唔係會太鹼👉🏾而醬油味道亦相當出色👉🏾肉眼最啱鐘意啖啖肉嘅朋友仔😋🐄澳洲黑毛安格斯西冷（5成熟）- $258👉🏾肉質硬身爽口少少，但依然容易入口👌🏾👉🏾扒邊有一層薄脂肪👉🏾同肉眼相比味道相約，只視乎你喜歡邊種肉質☺️🍠香芋地瓜丸 - $45👉🏾出色有驚喜，外脆內軟！👉🏾味道唔會太濃，就算你本身唔鐘意食香芋都覺得味道可口總括而言，雖然價錢較貴，但食物質素符合預期，即使地方有點窄，都係個約會好地方😎…查看更多

放工同女朋友去銅鑼灣搵野食，想食得平平地，就黎左呢間車仔麵。放工時段，呢度都幾多人下，如果唔係啱啱好有位，我哋都要等一陣先入得。豬皮、生腸、大腸 + 河粉👉🏾呢碗車仔麵嘅重點係佢個湯底，食得出係極之地道，好濃郁嘅嘅車仔麵味，👉🏾雖然食材都係內臟，但感覺都算乾淨👉🏾味道唔錯，呢個價錢極之合理腐乳通菜👉🏾份量足夠，而且腐乳味濃郁，好味總括來講，銅鑼灣食肆來講呢間新記算係非常之平，如果你想慳錢，新記係你嘅首選！…查看更多

今日OT到12點，好攰，自己一個去咗食一蘭。話晒一欄喺香港都開咗好幾年，作為「拉麵小神童」，都要去食下睇下水準有冇下降。喺尖沙咀鋪門口，佢哋整咗呢塊幕都已經覺得非常之本土化，好靚。而且12點真係完全唔駛等凌晨12點，一蘭依然好旺🔥若然要我再選，我認為：👉🏾口味可以選擇普通或淡，濃味稍為有點重👉🏾油膩度清淡係一個唔錯嘅選擇👉🏾1/2辣度最啱一啲唔太食得辣嘅朋友-總括來講，一蘭開咗幾年，水準依然喺度，食極都唔厭😋…查看更多