杜麗莎的个人专页

喺旺角行到攰，想搵個地方抖吓，好多手搖飲品店都冇堂食，好彩喺家樂坊見到湊湊。一問之下，除了吃火鍋，還可以order飲品在店內坐。Order了一杯大紅袍奶茶 (大杯)還有綠茶拿鐵。大杯裝真係好大杯 (細杯份量似以前仙跡岩嗰種杯)！$29好抵！大紅袍珍珠奶茶係招牌，不過我一向不吃珍珠，所以只order奶茶。奶茶唔會大半杯係冰，而且大熱天時飲，真係好解渴！個茶底很冇台灣味道。另外綠茶拿鐵味道比較清新，有厚厚奶泡，我比較推薦。下次行過旺角想坐吓，我會再光顧。:)…查看更多

鴻興近來易手，不過招牌，裝修沒有改變，所以店內陳舊桌椅依舊污糟，牆壁依舊發霉鋪塵。外賣自取由8折變成9折。早餐很抵食，粥餐$28，包一碗粥，一大碟炒粉麵或腸粉，一杯中國茶。炒粉麵有頗多配料，即場新鮮炒，所以比一般粥店好味。扒餐$35，扒餐包括一塊扒，腸仔，蛋，火腿，薯餅/薯條/多士，份量足夠，味道都係一般茶餐廳的質素。可惜今日買了早餐外賣，一打開就見到陰毛一條，大佬點食得落呀？希望餐廳由內到外改善衛生情況！…查看更多

小朋友想喺企鵝隔離食飯，所以我一入園便上山，但餐廳12點才開會，11時已有人在烈日當空下排隊 (餐廳門口冇簷蓬，排隊真係要暴曬)，我唔想小朋友曬咁耐，所以行吓企鵝館和北極館，未夠12點派老公去排隊攞籌。過了一會，行到餐廳門口嚇了一跳，好長龍！小朋友開始話肚餓，唯有食住零食等。人龍其後開始鼓燥，原來攞籌不是排隊，而是用the Gulu app，試想想暴曬了一小時的人的感受！我即刻用app攞籌，叫埋朋友攞埋海龍王的籌，然後去其他地方玩住先。其實餐廳可貼告示，未開門已可提醒d人唔洗排，上網攞籌，咁就唔洗大家燥底。等了4小時，4pm我們才有位，真係好癲！但令人氣憤的是，餐廳內其實仲有枱 (不計social distance的隔離枱), 但staff沒有盡快安排食客入座。等了4小時，我盡快落單，2個低碳餐，2個兒童餐。小朋友見到兒童餐的海洋列車，立即開心晒。大人低碳餐的意粉，跟小童餐是一樣的冇味！意粉又淋咗，調味欠奉，我哋咁肚餓都覺得難食，一定係好難食！最後真係食唔到一半。低碳餐還有餐湯，沙律，cake和餐飲。Cake都係好難食，我只吃了一啖！當日的服務認真麻麻，水都冇俾！2大2小，成千幾蚊，水都冇俾杯，service欠奉，食物難食，真係靠企鵝先引到人入去進食。下次去OP不會再幫襯！…查看更多

老公book左平夜夜食SKY726, 不過精打細算的我覺得節日出街食太貴, 所以建議提早慶祝，趁老公收早食Lunch。用eatigo book枱, 不同時段有不同折扣, 我選12點, 有50% off。本以為set lunch冇半價 (但like facebook都有7折), 點知有喎, 又慳了一筆!12點得幾枱客, 好清靜。waitress只得一個，不過做事都好有效率。老公本來想晚餐食晚煮法國菜, 望住這景色, 夜景一定更靚。午餐都有慢煮菜式, 我地order 慢煮西冷，lunch set lunch set 跟餐湯, 沙律, 主菜, 飲品。我覺得這個湯好好味! 幼滑creamy! 沙律也是中上, 醋不多也不少。這個慢煮西冷冇得揀幾多成熟, 我不時食牛肉食5成熟, 所以覺得這西冷太熟，個汁不夠鹹。令我意外的是配菜, 法邊豆好味呀! 我地加$15 order 是日甜品，唔記得問係咩, 味道似 chocolate brownie + cake。 埋單見lunch set都有半價很驚喜。 lunch time上菜很快, 走時一點幾, 全餐廳滿座了。…查看更多

冇乜人介紹這裡的lunch buffet, 等我寫個食評先。査詢過父親節正日都冇加價，$98加一，抵食！可惜我哋父親節約唔齊人，所以提早食慶祝。Lunch buffet時間12-2pm, 我哋一行8大人2小，11:45就到，等一陣才可入座，不過安排了3張2人枱拼埋，感覺有d逼，出入都要隔離位讓位，明明隔離仲有一張2人枱吉咗，唔知點解唔俾埋我哋。未到12點未食得，咁我有機會影吓相。飲品ok的，不會淡而無味。海南雞是新鮮雞，正！青口很肥美，吃了很多回！牛腩都炆得夠淋！三款都即炸，唔怕熱氣可以食多d，尤其春卷，真係好味。即灼湯河，自選餸菜，阿姐好識做，知我哋吃自助餐的人愛每款吃少少，所以只俾少少麵。肥牛入口即溶冇渣，好吃！雖然沙律和甜品麻麻地，但熱食絶對值回票價。因為吃熱食多，所以一小時後，大家就飽，停晒手。咁平的價錢，有這樣的質素，我哋收貨了！希望將來有其他主題，會再來光顧。…查看更多

香港大學附近西餐選擇很多，高街舉目皆是，但價錢越來越唔抵食，閒閒地食個午餐都$120，仲要冇嘢飲。發掘到cafe 2之後，一試愛上。lunch set好抵食，幾十元已包湯 / 沙律，仲有嘢食，又唔收加一！沙律個汁好酸，所以今日飲湯主食西冷配薯菜。西冷牛扒沒有將貨就價，好大塊。薯格脆口，就算凍咗都好脆。而且仲有好多西蘭花做菜，感覺冇咁大罪惡感。牛扒切開，生熟度剛好，juicy! 以$89的價錢，食到充滿肉汁的牛扒，飲埋凍檸茶，好滿足！P.S. Lunch time有限時一個鐘交枱，但這裡上菜很快，一個鐘已可悠閒的吃。…查看更多

每日限量20碗的真叉燒拉麵，配以濃湯。叉燒好咸，好似食西班牙火腿，不過份量好多！湯佈滿油脂，但我覺得配埋拉麵，味道很好。麵質爽口。可能客人不多，服務很好，waitress會主動refill水 (d肉太咸，我飲了很多水)。環境也很乾淨。下次再來，會試吓普通叉燒拉麵。…查看更多

點了一個二人餐，有炸蠔，炸蝦，炸蟹餅和炸豬排。如果一心想吃炸豬排，可能會令你失望，因為其中一面是淋的，另一面是酥脆。豬排又冇乜味，只靠豬扒汁提味。我問waitress一面淋是否正常，她說炸豬排保留了肉汁，以致底那面淋。但我食落，又唔覺咁juicy, 肉質甚至有d鞋。我覺得炸豬排係幾難食。 其餘炸蠔，炸蝦，和炸蟹餅，外脆內軟，好味。建議餐廳唔好再用炸豬排做招牌菜了！至於服務，認真麻麻，侍應們好似好趕，帶位匆忙放低menu, 匆忙落單，匆忙放低d餸，未食晒都匆忙收碟。…查看更多

深水埗多食肆，多好野食，但通常都係快食，好少可以悠閒慢食。呢間cafe就可以俾你慢慢坐，慢慢嘆，食物質素很不錯。下午茶被鄰桌的多士賣相吸引，照order，估不到連味道都很好，所有食物都即整，熱騰騰，芝之溶溶地，多士夠脆，下次會再幫襯！…查看更多

經過見到呢間食肆的吉列豬扒配上大量椰菜，想起日本吃的吉列豬扒定食，食炸物時吃椰菜，可去除油膩感，所以入到試下。叫左炸蝦吉列豬扒定食，主角吉列豬扒炸得鬆脆，配上豬扒醬，好味。炸蝦的蝦雖然細隻，但都炸得不錯。跟餐的雜菜豚肉湯很足料，意料之外的好。…查看更多

:(每次經過永年都係好多人排，今日下午茶時間經過，見到人龍不太長，就試下啦！叫左雞翼，紅腸，墨魚丸幼麵，除了雞翼入味，其他都是普通貨色，幼麵不太熟，很硬，真不明白為何要大排長龍去試。…查看更多

食物賣相吸引，但質素十分麻麻。炸魚有酸味，怕變壞唔敢食。白汁是微辣的！我本身唔食辣先揀白汁，真係無諗過白汁會辣！反而咖喱汁就一d都唔辣。呢度勝在少客仔，你可以慢慢食，吹下水都唔會趕你走。…查看更多