ewmy的个人专页

之前見有青衣街坊介紹呢間新Cafe，bookmark咗。 今日有時間就同媽咪來試吓，我哋試咗明太子卡邦尼意粉同芫荽青醬粗管粉，平日lunch set免費送梳打水，我哋揀咗蘋果梳打同埋荔枝梳打，兩個都好味！蘋果梳打味道就較為突出！兩個意粉都好有誠意！ 賣相好靚！ 本人比較鍾意芫荽青醬粗管粉，因為上面有芝士更香，粗管粉係煮到煙煙韌韌嘅程度，好有咬口，perfect ! 下次會想試埋個泡菜意粉！青衣街坊值得一試💪🏻…查看更多

暫時未有機會試這裏出名的粉絲，先試左個涼拌魚皮先！ 嘩！ 個魚皮真係不得了，個醬味道十分複雜，十分惹味🤤🤤🤤 仲要好多，比得一D都唔吝嗇！魚皮仲要舊舊都好大好粗條，不是碎濕濕幼條那種，又爽脆！絕對有下次👍🏻😋 …查看更多

由於今次一個人，所以吃得主餐來， 已經吃不下疏乎厘pancake，呢間疏乎厘pancake暫時係吃過擺盤最靚， 同埋性價比最高嘅😍今次試咗個三文魚，牛油果醬pancake，pancake唔係疏乎厘個隻，只係普通pancake，但都唔錯！ 不過個牛油果醬可能檸檬落得多得滯就比較偏酸🤪份量望落去有啲細，不過如果一個女仔吃，連埋杯咖啡嘅話，就剛剛好，但感覺上性價比唔算高。之前兩次都係飲 tiramitsu咖啡，今次試吓豆腐咖啡, 打卡係靚，味道係OK嘅，其實就係牛奶咖啡加咗啲豆腐落去咁囉😂Tiramitsu 嘅咖啡感覺上比較有特色啲, 似吃甜品，呢杯豆腐咖啡就試過一次就夠😆 順帶一提，有個後生仔嘅侍應好有禮貌，值得一讚帶位、埋單同埋俾印花卡都有禮貌同埋講解清晰。 …查看更多

是日打算吃完午餐去賞櫻🥰所以就睇下東薈城有乜新餐廳試下，於是鎖定左呢間🤭午餐menu至17:30，望住個menu真係有選擇困難😆下午茶menu好像只有甜品）今次試左軟殼蟹 egg Benedict (下面是丹麥酥）軟殻蟹好香好脆，丹麥酥甜甜地好吃，份量剛剛好，不過凍cappuccino 要加$38，味道不過不失🤪另加$58可有signature 甜筒雪糕甜品，雖然好吸引，但實在吃不下； friendly & attentive staff 👍🏻👍🏻👍🏻 這點很重要😆 下次有機會想試方型蛋糕😋（同我對上一間到訪的cafe🫢差很遠，上次那間是見幾組人包括我在內，行到入餐廳中央都冇staff發現，呢度嘅staff 係一見到有人企門口， 就即刻急步走過來serve你👍🏻👍🏻👍🏻🥰）讃！…查看更多

之前見cafe群組有人介紹，專程去試下， 之後順道參觀下M+博物館👍🏻對食物是有期望的，可能點的不是較多人點的紫菜飯卷及炸雞…那個牛角包窩夫唔香又唔脆，質感略似麵包😔肉桂cappuccino 賣相好靚，真係做到同Menu個樣一樣，要打卡就快，因為個泡沫好快冧😂滿心期待的嚐一口，杯咖啡竟然係微暖，完全稱不上係熱🧐。全餐最好味係個隨咖啡附送嘅韓國花煎🤪沒有再到訪的衝動。（服務方面：又不能説是服務差，但是不夠attentive. 見幾組客人，包括我在內，都是自行走到入餐廳裏面找人才被安排入座，沒有人主動看看門口是否有客而主動接待，侍應亦經常企在收銀處附近背對客人，不會主動留意客人是否要點餐或者有其他需要。但強調不是沒有禮貌的，只是不夠attentive 😀) …查看更多

原來仲未有人寫， 咁就由我來寫第一篇嘅食評啦！喺銅鑼灣返工嘅關係， 所以so far 已經食過兩次早餐。早餐可以揀一款多士， 然後配兩個醬，啱晒貪心嘅我本身早餐一向唔好有粉面嘅早餐，所以呢款早餐就好啱我啦！仲可以揀我至愛嘅Latte ( +$5) 建議大家買早餐之前，最好諗定要咩醬， 唔係真係會有選擇困難症有成15 款咁多； 係呢度單買一片包，價錢着實有啲離地，但有時啲嘢就係越貴越有人買莫非係抱着一個虛榮嘅心態？講返食物， 其實之前喺尖沙咀新開嘅時候。 已經湊熱鬧買過一樽開心果醬回家滿心歡喜， 但係的而且確係有點失望，真係偏甜，同埋冇乜果仁碎，實在不是我杯茶:(兩次早餐，分別試咗（1）紅桑子玫瑰果醬（2）榛子醬（3）珊瑚紅豆同埋（4）伯爵奶茶 全部果醬都唔會食咗有叮一聲嘅感覺，但就係好像好特別，因為出邊好少見到呢d 味道嘅果醬，珊瑚紅豆有大大粒紅豆、玫瑰果醬就唔多玫瑰味，紅桑子味居多伯爵奶茶味係幾特別，可以一試。 榛子味就較普通。雖然味道未至於驚為天人， 但係偶爾早餐食下啲特別嘅果醬再加一件多士，再配埋個至愛嘅咖啡（咖啡好味）都係一件賞心樂事其實呢度除咗多士同果醬之外，都仲有其他熱食、三文治等，有機會會 lunch time 買黎試下！…查看更多

食左3次， 食物其實好OK， 但係服務就好一般啦！✅五彩繽紛， 每樣一件， 可以試多啲嘢，讚！✅鮑魚燒賣, 流沙包、豆苗餃， 蝦餃、黃金糕全部好味！ ✅紅棗糕, 少甜, 好香紅棗味! 熱辣辣, 柔軟✅蘿蔔絲腸粉， 裏面蘿蔔春卷好香脆 ✅$29.8 燒鵝米線抵吃，唔記得影相❎點左五樣點心，職員入機只係入咗四樣❎然後四樣裏面。 又有一樣係漏咗冇黎❎約25分鐘左右追第一位職員， 只係print 張電腦單我哋👀，hea 答話電腦入咗即係有❎再等15 分鐘左右， 再追第二位職員， 今次佢有認真追， 就發現原來真係漏咗單❎再等多15 分鐘左右，未來，再追第三位職員， 佢竟然唔該我哋耐心等候， 話蒸緊❎最後3:55 「五彩繽紛」終於上枱， （我睇返電腦單， 係2:55落單） ✅ 嚟呢度飲茶， 可以訓練你嘅耐性👍🏻…查看更多

第二次來這間餐廳， 有美麗開揚維景觀其實不用多想，睇完成本Menu， 最後都係揀最吸晴嘅雜錦魚生飯 阿媽就俾個特上刺身御膳吸引， 呢度嘅服務都幾貼心。 一坐低佢即刻會俾個籃你放你嘅袋啦， 仲會擺低口罩袋俾你放口罩論賣相來講我覺得我嗰個雜錦魚生飯係未食先興奮， 反觀阿媽嗰個刺身盤可能比較大， 望上去有啲空虛但其實份量一啲都唔少，因為每件刺身都有兩件！ 所有魚生都10分新鮮我嗰個刺身飯嘅蛋係一個疏乎蛋好好味， 蝦十分肥美，蔥吞拿魚腩正炙燒左口魚好香，海膽分量充足， 一啲都唔吝嗇全部刺身都十分美味啲飯有啲芝麻紫菜， 相對來講比我阿媽嘅白飯吸引好多！阿媽嘅刺身御膳，大致上都同我嘅刺身一樣， 不過就反而冇薑片、蟹籽、魚籽同蛋，唔計份量來講， 我覺得我嗰個雜錦魚生飯性價比都相對地高同埋吸引餐後仲有甜品厥餅為午餐畫上完美嘅句號！…查看更多

食咗午餐， 約左人又未夠時間， 少少肚餓， 忽然好想飲一杯咖啡+1個英式scone. 附近選擇着實不多，醒起有呢間Cafe， 之前行過好多次一直都冇機會試，今次終於有機會。 一進店， 店員都好有禮貌同你say Hello， 眼見雪櫃都有好多好吸引嘅蛋糕， 但係因為我嘅目標好明確， 所以都冇多諗scone 整熱了， 配了一個酸味嘅唔知道咩醬， 只是本人比較喜歡士多啤梨味Latte 不得了， 極對我口味本人不是 coffee 專家， 只係識用好好味形容 一定會為杯 Latte 再來！ …查看更多

數年前銅鑼灣曾經有呢間糖水， 後來結業， 終於近來開返！ 好掛住呢度嘅桑寄生蓮子茶，冬天來食無得彈開返後，試過兩次外賣，水準一如以往！正！但基本上就冇試過其他糖水， 因為兩次都係食同一款！ 粒粒蓮子好甜！糖水好香但又唔會過甜！ 題外話：呢度另一特色係姐姐好有性格的，第一次叫桑寄生蓮子茶（注意是沒有叫蛋）姐姐還是裝了，但付$時至知，其實裝左就算，但我都指正一下：其實我係無叫蛋嘅！亞姐即刻回應：吓！裝左喇喎！（即示意我唔好咁煩呢！）第二次，今次係我衰！ 係佢裝完之後，我望到個 menu 驚覺竟然加$5 有我至愛嘅芋丸，忍不住衝口而出問亞姐可否加芋丸亞姐又係回應句’吓？‘ 先！ 我要裝走 D 先加到，（即又示意我唔好咁煩啦！）跟住仲同另一位姐姐講：嘩！ 陣間又話加多樣，陣間又話加多樣，乜好唔掂:(另一位姐姐即刻打完場，咁呢度多謝你先啦！可能為我安全著想掛，知道另一亞姐要爆喇！示意我好離開喇雖然如此，但不要鬧我！我諗我還是會再來…查看更多

某日路過登龍街有人派單張， 開心share俾同事睇，結果就促成左今次呢個飯局， 嚟試新餐廳，碰巧是星期二，叫餐都有八五折，我哋剛好四人叫咗個四人餐， 平均每人$100都唔使，試到幾多野！ 前菜三小碟手拍青瓜、海蜇同雞絲粉皮質素都OK個碟好靚油淋雞- 同事個個都話好吃！ 酸菜魚比較鹹魚係好滑好味，但就得4塊，一人一塊有啲唔夠喉個娃娃菜有驚喜個個食到都覺得好甜好好味！北京炒麵就冇乜特別生煎包，個底都夠脆，咬入裏面仲有湯汁！雷沙湯丸都好味，要趁熱吃個個食到捧住個肚走…查看更多

阿媽話聽到早前電台有人介紹， 話好想來試，於是放假就搭車出嚟深水埗試！ 我揀咗個炸腐皮墨魚蝦條加粟米烏冬、阿媽就揀咗個牛脷帶子拉麵，呢度啲麵嘅名都幾有心思我喺出邊啲餐廳食嗰啲蕃茄面個味真係好濃！D 顏色係好鮮色！但呢度嘅蕃茄湯比較淡色，蕃茄味冇比我想像中濃！ 阿媽就話已經叫做好濃，我諗係因為佢比較天然，冇加一啲人工嘅嘢變相就好放心咁樣飲晒成碗湯我見隔離左右個個都成碗飲晒！（平時食麵我絕對係唔會飲啲湯）個腐皮墨魚蝦條好好味，好彈牙！好食過X記嘅腐皮卷！追加嘅粟米好多好正！我本身唔好拉麵所以一定係想烏冬，感覺同蕃茄湯底係最夾嘅阿媽對個牛脷讚口不絕我都試左，的而且確係好林好大件好好味估計佢個番茄牛脷飯都應該唔錯最正係午市餐飲可以加$6飲一啲比較健康嘅飲品!我揀咗個桑寄生茶阿媽揀咗個亞搭子柚子茶！兩杯都好足料好好味柚子茶已經好正。仲要有啲亞搭子咬下，阿媽表示10分滿意會再來試其他嘢！…查看更多

第一次行呢個新開嘅南昌商場， 睇過D 餐廳最想食就係呢間篤篤船麵、因為之前未試過同類型嘅餐廳對我呢啲貪心又有選擇困難症嘅人，最啱就係揀四款迷你船面！試咗嘅餸有鴨血、豬腩肉、肥牛同扎肉； 麵款試左全蛋麵薯粉同金邊粉；湯底就試咗牛湯、豬湯、豬辣湯同冬陰公湯店員建議食咗全蛋麵先！ 感覺真係好得意！總括而言，本人較喜歡牛湯（較濃味）鴨血、扎肉、全蛋麵及薯粉媽媽叫左一碗三餸薯粉（唔記得影相）比一般我哋食開嘅車仔麵嘅餸較少！咁似乎四碗船麵較抵吃另外叫咗個邪惡小吃炸豬皮，$8 好抵吃同埋一個樽裝椰子水，無特別…查看更多

呢度似係主打拉麵但係我同男朋友都冇揀到，兩個都食咗飯！見門口有個牌寫住鯖魚定食做特價$58即管試試！ 男朋友叫咗個蛋包牛肉飯！ 另外叫咗炸雞同炸蝦，冇影到相個炸雞好脆，幾好味！炸蝦我就不嬲都唔好，所以無食到原本$58冇乜期望, 但個鯖魚出奇地高質、同一般餐廳食百零蚊一個定食差不多質素，燒到剛剛好， 皮香口，肉亦唔會太乾附送嘅芥辣魷魚小食都好惹味！呢個定食性價比真心高！男朋友個飯我就完全冇試到，佢就話牛肉OK！ isquare 快食平價之選！…查看更多

去K11 Musea 朝聖, 行行吓口渴, 但係又唔想等喜茶， 見呢間唔需要等，又比佢店個陣濃烈嘅陪茶味吸引住，真係好香好香於是就試咗佢個焙茶啫喱， 無甜味嘅！似係便利店買嘅樽裝茶加左冰咁但唔代表我唔鍾意嘅! 因為都預咗係唔甜，要甜嘅我大可以揀黑糖或者牛奶嗰啲裏面加咗啲啫喱，慢慢咀嚼係真係咀嚼到一啲好香嘅焙茶味道，解渴嘅健康之選…查看更多