sammilala's Profile

知道荷里活廣場開新店，當然要試下。自從無咗小王牛肉麵，好味台灣牛肉麵又少咗一間。第一次嚟試，試咗👇台灣牛肉麵 湯底係唔錯，麵質都正常，牛肉係選用牛腩位置。但出品湯底夠熱會好一點。炸豬排 滷肉飯賣相幾得，但塊豬扒過度淋，應該係太多鬆肉粉，變相口感太淋，無咗豬扒應有嘅口感，而且過量嘅醃製都唔係健康。滷肉味道唔錯，唔太油也唔硬。鹽酥雞滷肉飯雞件味道唔錯，雞件嘅質感都唔差。紅抱仙草奶茶，茶味都香濃。烏龍仙草奶茶，都有茶味。百香果芒果茶，就沒有百香果味，只有芒果醬嘅甜。整體食物質素都唔錯，但出品食物唔夠熱，白飯及湯麵都唔夠熱。部分細節有待改善。希望此店注意。但會再光顧嘅😉…Read More

一個很不愉快的經歷😫朋友為我慶祝生日，預早訂咗文華酒店快船廊。扣分 1😣因酒店buffet分開兩個時段，6:00-8:00及8:30-10:30，因等齊人放工，所以訂了8:30那場，五星級酒店有咁嘅安排也少見🧐我們一行四人也是第一次到文華酒店食buffet,懷着滿心歡喜的心情到達。扣分 2😣安排入座後，感覺座位與座位之間非常密集。坐下發現餐枱上連基本的濕紙巾也沒有預先擺係枱上。要問侍應取才有。 扣分 3😣食物方面刺身堆到一大盤，但感覺好唔衛生，一望就想唔係呀。扣分4😣雪糕都係自助嘅一架雪糕車，有四個筒放住四個畢雪糕嘅雪糕殼，四個筒嘅雪糕水，望落去都幾唔衛生。我和朋友打趣說，會唔會肚痾？朋友回應我，佢先畢之後個雪糕殼給我，叫我再直接畢唔好點嗰啲水，可能減少你杯雪糕嘅細菌。但真估唔到😖扣分5😖食完buffet行去搭車唔夠10分鐘，開始肚痛。好彩MTR有洗手間，好肯定係buffet食物唔乾淨。因本人腸胃比較敏感，所以朋友無事，只有我一個人肚痾。經過今次，我唔敢再去文華酒店食buffet 😫😫😫…Read More

相信家鄉雞係好多人由細食到大嘅炸雞店，但可惜現在的家鄉雞和以前已經唔同晒。以往嘅家鄉雞外皮係薄薄一層不硬的炸粉，包住入面咬落juicy嘅雞肉。現在的家鄉雞和香辣脆雞一樣硬，硬硬實實，分別只是有辣味和沒有辣味。和從前的完全唔同，就算近期推出的三星蔥味，也只是加點三星蔥粉，又話變咗新口味，一樣係硬硬實實，太失望作為一間主打賣炸雞嘅舖頭出品如此，真好應該認真留意配方及監控品質。希望KFC咁大集團有所改善。…Read More

沙田牧羊少年餐廳自裝修後已不似以往的質數及文青風格，也少了去光顧。知道九龍灣開新店，又揾個機會去試試。侍應安排座位，初安排我們坐正餐廳中間位置，未坐下已經感覺中間位置很嘈吵，即提出轉其他位置，侍應安排比較入的位置，感覺好好多。食物order了帶子三文魚籽墨汁意粉，整碟意粉有兩粒帶子，如果兩個人吃都啱啱好，一人一粒。反而整碟意粉好多本菇，味道唔錯，都可讚另大阪燒汁煙三文魚pizza有驚喜，食落有少少wasabi味道，更帶出日式口味。另外最失望就是蒜香牛柳粒，要比差差差，3個差嚟形容。牛肉本身應用上平價牛肉切粒用梳打粉或食粉醃製過龍，口感係將一件好煙靭嘅牛肉夾硬醃到佢夠冧咁，但又有好多筋位，總知就係完全唔得👎🏻整體新開張嚟講都尚算唔錯，但某些食物有待過善。…Read More

新年朋友推介這間素食x貓cafe嘅餐廳，第一次去貓cafe嘅我，好興奮😊間餐廳外面係一扇大玻璃望入去已經感覺好舒適，我們一坐下就比緬因貓貓吸引🤩第一次接觸緬因貓，原來係咁純品可愛。主打Fusion素食西餐，我哋叫咗幾款小食及意粉都各有特色😋 食物款式唔算好多，但我哋order嗰幾款都有驚喜，未試過出面嘅素食餐廳有這種創新口味。我哋食食下又玩下貓和待應哥哥傾咗幾句，原來大廚來自五星級酒店，唔怪之得咁有水準。估唔到新年嗰幾日仲有85折，又一驚喜。應該好快下次我要帶屋企人去試下先得。…Read More

本人今天11月29大概5:00左右和2位朋友再次光臨NOC, 剛開業時去過，員工服務態度很好，有位中性打扮的侍應有禮專業。可惜今天再去，女侍應說話態度無禮，朋友用app下單後有問題想問，舉手示意她過來詢問，查問如果下單後才發現要加套餐，怎樣取消之前下單的飲品轉套餐時，女侍應用不友善的語氣問：先話無得取消，友人話剛下單飲品都未來，已即時舉手請侍應幫忙，她就回答：妳落左單幾耐？妳宜家想取消咩？我哋3人你眼望我眼，女侍應咩事咁態度🧐最後友人回答完女侍應問題，總算她肯幫忙取消之前下單而又未送到的其中一杯飲品。其實就算真係取消唔到都唔緊要，但唔應咁樣態度對客人，作為一間輕鬆舒適的cafe，好應讓顧客有輕鬆開心的飲食體驗。希望該公司走舒適輕鬆的路線，好應給員工提供培訓。…Read More

午飯時間和同事們一同試新開的知魚知樂，去到門口按機取票，稍等了一會兒，望入去見都不坐滿人，但又沒有店員出來安排入座，就走入去問是否有位，店員才發覺有客人，即是店員根本沒有留意取票機情況😣我們一行5位被安排坐在樓上，午市套餐選擇不多，但也有酸菜魚套餐，我選擇了小辣。酸菜魚肉質不錯還可以，但我點了那杯御前碧螺春就難飲到😖一點茶味沒有只有冰+水+怪味，飲咗兩啖成杯無飲，可以話未試過飲品難飲到飲唔落😅同事們點了其他飲品還可以，但一致認為沒有茶味，看來這間店飲品有待改善。…Read More

今日放假出深水埗，去咗添福小食支持小店。大約下午4:00大約有幾個人等緊外賣。去到點餐落單的妹妹好有禮貌，我哋點咗巨無霸、黑椒牛肉漢堡、炸雞髀、黑松露薯條和三款飲品。巨無霸和黑椒牛肉漢堡好有香港地道味道，手剁牛肉口感豐富。炸雞髀炸起熱辣辣🍗帶點兒時快餐店味道。薯條夠粗夠脆加埋個黑松露醬更加美味。飲品點了榛子咖啡、蜂蜜柚子茶、百香果梳打大大杯啱晒夏天飲，我哋三個人都覺得好好味，最緊要係又抵食又用心。支持下年青人，自己都開心😃未來都係年青人世界嘛💪🏻💪🏻👍🏻👍🏻…Read More

今日再來幫襯十六座，第一次寫十六座食評😚原因係今日有緣和老闆相見，難得有時間和我們閒談吓，我們發現他對車仔麵的要求原來係來自他多年大廚經驗，仲要曾經攞過奬，也曾稱叉燒王子的師傅😄我們知道下提議佢加埋叉燒係車仔麵餸🤣🤣總知就係水準甚高👍🏻👍🏻今日男友order了傳統的車仔麵餸魚蛋、豬紅、紅腸還有超好味的汁煮牛脷😋😋，而我order了滷水雞翼、豬大腸、魚蛋撈麵。佢個撈麵汁好好味食得出嘅甜豉油係自家炮製。估唔到一碗車仔麵老闆都咁用心去製作，真係要繼續支持小店😃…Read More

疫情嚴重，抗疫期間真甚少外出，4個人今天有事要辦，所以外出來一個午餐。四人一定要分二枱，就安排分開坐，環境好文青的，半自助形式，自己出去cashier叫餐，後會送上。因分開坐又掛住傾，所以只影咗我枱的食物。龍蝦🦞意粉 - 和之前的比較龍蝦份量少了一半有多😞只鋪隻龍蝦拑係中間，拆少少肉係意粉中。咁咁應該一隻龍蝦可分到4、5碟🤣🤣韓式燒雞漢堡 - 不錯，沙律菜新鮮🥗漢堡包外脆內香，韓式雞肉又不會太辣。沒有檸檬茶叫咗可樂另一杯Latte 跟餐各加$10 一送來放下都未飲，就唔小心倒瀉晒成杯，唔好意思係咁幫手抹枱，仲要無得飲😭😭記得有次去某餐廳都有咁經歷，那小店就好窩心送過一杯比我哋，今次就無咁窩心了…Read More

難得星期六放半天假，老闆車我們去午餐，揸車來火炭食個午餐。餐廳以工業風格，地方寬躺，自助形式叫餐，我們點了台式雞扒飯、牛肉麵、沙律，飲品也有不少選擇。我們忙著閑談，只影了2張相。…Read More

環境舒適，安排坐近窗邊，待應們有禮貌。頭盆沙律款式多，很多各類型的蔬菜，水果新鮮。熱盆食物一般，但選擇尚算多款式。甜品美味，尤其喜愛焦糖布甸。選擇OpenRice訂座有9折優惠…Read More

今次真係専誠黎食, 因為回味上一次好好味的魚湯......可惜, 嚇親我...差左咁多蕃茄肉碎米線+豬潤 -- d湯好"傑"肉碎太多一d魚湯味都冇, 仲有d豬潤...掩到滑得濟, 唔新鮮扮新鮮咁....口感其差。老公叫了雞件米線, 又出事, 成碗雞油咁, 點敢飲d魚湯。今次還試了咸菜烤魚, 味道都ok, 但都係香辣好味d。整體水準大跌.....好失望。…Read More

好耐都冇上黎ｆｒｉｄａｙ　ｌｕ～　今日約左２位好友係到聚舊，好開心～其實每次上ｆｒｉｄａｙ都係飲野多，這裡係好友相聚， 傾偈的好地方，睇我好友就知，一星期要黎幾晚～。　今晚我哋３個又係飲～飲～飲～飲左３杯ｒｕｍ酒加橙汁，已經ｗｉｎｇ　ｗｉｎｇ地。叫了一個雞肉凱撒沙律＆一個拼盤已經好飽，可能因為已經成肚水　個沙律好好味，雞肉仲暖。併盤有薯皮、炸磨菇、炸雞亦&新鮮爽脆西芹, 要比幾個good~~ 未埋單走先, 朋友S繼續飲。掛住3個自己影相, 忘記影底D美食~~…Read More

同老公去完TST 拎返條裙, 去左紅磡食野, 記得之前係openrice見到介紹都幾多個good~ 一心去試下......等車位都等左20分鐘....去到好彩唔洗等位。見到人地個個叫雞亦, 所以都必食.......香草雞亦..唔可以話難食, 但唔可以叫好味, 普通過普通, 我order 了豬潤、魚腐、腐竹清湯米線, 想住試下佢湯底....可惜, 湯底冇咩鮮味, 3款食物都一般。老公order 了雞肉、炸醬要小辣, 佢都話好普通, 下次一定唔會再去食。 耳聽個老闆娘不停話好多電話打來接order, 相信都係因為近附近d 居民, 所以多人去食。特登去者.......就免。 雖然一般不至於比喊樣....但我尊誠去食...攪到咁失望..咁就要比個喊樣佢…Read More