懶恩的个人专页

友人生日飯局, 選址愉景新城新開日本菜, 呢個商場平日真係無乜人, 可以慢慢食, 慢慢飲, 都唔會比人趕, 相信周末就完全唔同.餐廳主打四季時令海鮮, 咁當然就由海鮮開始, 不過都先要照顧左小朋友先, 先唻一個蒜粒牛肉飯, 蒜香香氣四溢.先唻一支SAKE碰過杯, 再唻小食鹽焗日本銀杏, 好等個胃唔好空肚食野先...然後就一輪生冷野, 都係果句, 魚生刺身同日本酒始終都係好朋友, 一食呢D野就不自覺飲多幾杯.酒過三巡, 都要搵D肉填下肚, 燒粟米, 燒牛肉粒, 燒雞翼通通掃清光, 估不到日本餐廳有個燒黑毛豬, 而且仲要好軟好入味, 所以亦都要追加多支SAKE, 唔係實後悔.最後食埋甜品拿破崙酥(唔記得影相), 真係大滿足…查看更多

兩星期內已經食左兩三次, $38三餸有飯有湯, 係紅米飯, 湯就每日不同, 仲有檸檬水熱茶供應, 算係咁, 試過脆炸秀珍菇, 香脆而唔油膩, 炆于頭炆得好林, 而且好粉, D菜心又會切到細片咁易食D, 不過1:45左右就開始無乜選擇啦, 2:15左右就熄燈落場, 要食就要早少少.…查看更多

是日想吃素, 之前都係去D2 CAFE O, 不過好快已經執左, 可惜~~ 再唔係就對面有間素食外賣, 不過又想堂食, 另一選擇就係商場內1樓, 不過呢度新開無耐所以唻試試.素食意粉餐只有一款選擇, 意式芝士焗雜菜千層麵, 係現焗, 算有誠意, 不過原來雜菜係用上翠肉瓜矮瓜及蘑菇等做成, 蘑菇還適合, 但翠肉瓜矮瓜水份較多, 食落一PAT PAT咁好古怪. 可能簡單D蘑菇或雜菌意粉已經足夠.其實呢編食評係想比少少意見, 希望佢地睇到可以有所改善, 因為荔枝角需要呢類小店P.S.另配西瓜汁P.S.其實宜家素食文化好流行, 如果可以多一款素食餐供選擇更好…查看更多

係荔枝角食晏, 主要有兩種選擇, 第一係茶餐廳或連鎖快餐店, 只求快靚正, 人均消費都係$40左右, 如果想食好少少坐得舒服少少, 可以揀樓上CAFE, 其實主要都係長沙灣廣場隔離, 不過保證係銅鑼灣價錢.最近行經見到新食店, 即刻去試試, 午餐有四款選擇, 價錢就$80-$100, 有湯有餐茶, 點左炭燒牛扒同野菌意大利飯, 牛扒七成熟, 可跟飯/意粉/薯條, 不過塊扒同最近天氣一樣都幾乾下, 可能有八九成熟, 而且份量唔大, OL可能足夠, 男仕就未必啦...而盛載意大利飯個器皿就幾骨子, 類似西式瓦煲咁, 味道OK, 偏淡少少, 食完唔會感覺好漏, 如果d飯再煮熟多少少更好.餐茶點左熱朱古力同cappuccino, 都係咁囉, 唔會唔好飲, 亦唔會難飲.食完睇到報紙先知原來這間店係兩個年輕人所開, 而該位置原本租比連鎖式餐廳.年輕人有夢想當然要支持, 畢竟係香港有夢想係一件幾咁奢侈嘅事, 而且呢度唔會好似長沙灣廣場隔離d Cafe咁"hur", 可以好休閒咁係工業區中嘆個lunch, 飲杯咖啡, 當然, 要留住顧客, 就先要留住顧客個肚, 食品方面仍有進步空間.…查看更多

好耐無唻食晏, 掛住佢D燒雞翼, 就走唻開飯.燒雞翼 - 依然係外脆內軟, 不過用左D比較粗身0既鹽, 有D食沙0既感覺.燒銀雪魚餐 - 端上檯時我真係嚇左一跳, 係細舊到嚇左一跳, 個SIZE只有半部I PHONE咁大, 我諗細左有之前一半, 雖然都係好味道, 不過收60大洋喎.一直都好欣賞嵐川能夠保持水準, 不過...遜了…查看更多

原本打算去食泰國野點知無開, 唯有搵間最有人氣0既算囉, 點知就出事...三個餸, 兩碗飯, 一支青島菠蘿咕嚕肉 - d咕嚕肉好明顯係返炸過三千次, 食落比起豬肉乾更加豬肉乾, 差d假牙都飛埋出唻.豉椒炒蜆 - 其實都唔係蜆, 類似花甲, 食唔到豆豉味, 亦食唔到辣椒味.乾偏四季豆 - 反而喱個夠辣, 因為真係用左辣椒炒, 但係又少左d肉碎.…查看更多

係石糖咀工作超過8年, 亦都知道波記超過8年, 但係一直都無機會食到, 原因係佢開夜晚6點.尋日放工無飯開, 突然叮一聲想試下波記, 之前都有睇過其他食評, 話有人事變動, 什麼什麼不再咁, 帶住無乜祈望0既心情去試一試.叫左燒鴨瀨, 雖然鴨皮唔係脆, 不過d鴨都好味, 鴨汁再撈埋d湯又好味, d瀨粉都幾滑, 又好味.一碗唔係好夠, 再試試"波記牛腩麵", 吾...呢個唔係我杯茶, d牛腩斬得一大舊咁上, 而且齋瘦, 所以都幾有哎口. 我諗"九記"會適合我d.所以比分都係純比碗鴨瀨…查看更多

唔係第一次排, 不過友人就好想食, 大約有十個人, 就排一排囉.一點半開始排, 排左大約九個字到我地第一, 諗住就快啦, 點知其間分別有兩組女人入去同D STAFF傾左兩句, 聽到佢分別同兩個女人講係出面等一陣.見到有檯走啦, 到我地啦掛, 點知個STAFF叫其中一個女人入去, 算, 橫豎我地第一, 應該都好快, 又有檯走, 點知又比左另外一個女人, 有冇搞錯呀? 我好肯定佢地係無訂位囉, 同埋係同一時間比人打兩次尖啊, 排係預左, 但係仲要加埋呢D野真係慶囉.係, 佢D野係好味, 但係要預左食埋D"氣"囉.就算將來唔使排都唔會再去…查看更多

兩個人, 見到無乜人就入去食囉.蟹柳/吞拿魚腩/三文魚等等... - 正正常常海膽 - 放入口有一種味係想即刻嘔蟹榚 - 一條條好似便便型態0既蟹榚, 食落又係一種好古怪0既味道食左$194, 比左$200, 除非我話唔使找姐, 唔係都應該要找錢掛, 你D野好好味又唔同...…查看更多

星期六下午, 人山人海, 成條侯王道都係唻買蟹0既人, 本來我地打算去新三陽, 話晒都字號, 應該無甩拖, 但係行左成條街一轉觀察左一輪, 好似肥仔號d人氣最旺, 既然係咁咪試一次囉.問店員陽澄湖和太湖有什麼分別, 佢就好含糊咁話呢幾年都係太湖靚d, 陽澄湖就放落去浸一浸就話係陽澄湖咁囉, 佢咁講唔知係咪即係佢d陽澄湖係咪真係陽澄湖, 當時都無咁諗, 最後兩樣都想試下, 就買左9隻太湖9隻陽澄湖.返到去分三輪蒸, 雖然未至於話每隻都爆膏, 但係都叫做食得過啦, 但呢個時候竟然發現到一隻係又黑又臭0既, 肯定已經死左好耐, d蟹明明係佢揀0既, 咁死左就唔應該賣啦, 話晒都成$60隻啊, 再一睇, 原來係陽澄湖0既, 因為佢係用繩, 太湖係用水草, 所以分得出, 呢個時候諗返店員0既一番說話, 就有d明白啦...雖然18隻裡面有一隻係壞0既係可以接受0既事, 但係我買咁多次蟹都未試過買到死0既, 第一次幫襯佢就買到, 所以下次都係去返新三陽應該穩陣d.…查看更多

某個星期天中午諗住去食SUBWAY, 經過左板長, 見到新開又無乜人咪去試下囉, 雖然無乜人, 但係都竟然排左30分鐘先安排入坐, 不過最奇係裡面唔係全滿.好耐之前試過板前, 不過對D師傅印象唔係幾好, 所以之後都無再食過, 今次唻到板長, 除左個名唔同之外, 其實所有野都係一樣.當日被安排坐在BAR檯, 係我食0既半個鐘裡面, 師傅之間都不斷傾偈, 將D口水噴晒落D食物上, 其中一個師傅對一個女侍應的態度非常差, 那個女侍應催了他兩三次漏單, 佢就好悔氣咁話"得啦", 整左出唻仲要整錯, 但係我明明聽到個女侍應講咩囉, 仲要整錯兩次.而有D WAITER條頭巾凸晒D頭髮出唻, 感覺都好唔衛生, 而D碟大部份都好油, 其實D壽司都OK0既, 不過人0既素質可能有待改善.…查看更多

食過兩次, 頭一次食晏, 排隊指數食物同服務都唔錯, 不過第二次夜晚食就唔同啦, 其實都係好味0既, 不過要乾排個半鐘以上, 就唔係人人做得到.係現今咁文明0既社會, 其實唔一定要侷限左客人排隊, 其實可以派飛仔, 但係既然要人排隊, 咁就唔好接受訂位, 一路排隊一路見到d訂左位0既人入坐, 呢種感覺唔好受, 一係你就只接受訂位, 我相信排過隊0既朋友都會有同感, 一間用心做食物0既餐廳, 除左食物, 同時亦都應該考慮到客人0既感受...(抵食分要扣...)…查看更多

星期日晚突然想鋸扒, 咁就上OR搵食啦, 像樣少少0既就只係扒王之王, 不過都係唔甘心, 係因為我覺得佢D野麻麻地, 又突然諗起上星期同屋企人都去過阿牛, 覺得都唔錯, 如是一於返兜.雖然佢0既位置對我講唔算方便, 不過落香港仔轉車都好快到. 佢係深灣軒唯一一間餐廳(CLUB HOUSE裡面有冇就唔知), 都算係獨市, 但係咁樣唔代表佢0既水準可以唔高.點左咖喱大蝦配飯同牛肋骨皇餐, 先唻生菜沙律同凱撒沙律, 仲有番茄洋蔥湯, 佢D沙律就真係一般啦, 而個湯就似勝香園個番茄湯.跟住就唻咖喱大蝦配飯, 咖喱香而不辛辣, 大蝦雖然就唔係鮮蝦, 不過夠粗身同有蝦膏, 成牒連汁比我地掃清晒. 再上牛肋骨皇, 佢叫得做牛肋骨皇係因為佢SIZE真係好大, 差不多有一盒375ml飲品咁大, 外層燒得乾脆, 封鎖左裡頭0既肉汁, 又有牛味, 又唔會太"林"無咬口, 以$120講算係好抵.甜品試左杯唔知咩mousse(因為真係食唔出咩味), blueberry cheesecake就比較實,而最出色都係燉蛋, 好重蛋香又唔甜.其實成餐飯都好滿意, service又ok, 不過如果要挑剔d, 將沙律同desert再改善下就非常好.p.s. 佢0既落地玻璃海境都好靚架, 如果有深灣軒同海怡住客卡仲有discount...…查看更多

是夜有D事到左九龍城, 本來諗住去試下清真, 不過實在太多人, 所以就唻左呢度開飯.哨牙老闆話如果無訂位都要等廿分鐘左右, 都好過清真果邊啦, 照等啦, 等0既期間仲見到林一峰添, 最後都等左成半個鐘有多, 因為見入面好多人食完都吹返輪水唔願走.點左晚餐羊膝天使麵($128)同焗豬扒配蘋果($108), 先唻麵包餐湯, 味道都OK, 跟住就豬扒, 將兩塊豬扒夾住D磨菇, D磨菇同蘋果都幾好味, 不過豬扒就好乾.跟住就羊膝啦, 我都算食得羶0既, 不過佢個羊真係唔止羶, 仲好咸, 食左一半都唔食啦.哨牙老闆0既招呼的確好欣賞, 不過我覺得食物質素先係首要.PS.隔離檯點左生蠔, 拎到埋唻我都聞到好大魚腥味, 不過都見佢地食晒, 好野!…查看更多

通常食西餐都會上歌賦街, 但係今日落雨, 所以都係唔好去咁遠. 之前都食過佢d麵包都覺得幾好味, 所以今次就唻試下d餐.友人點左鴨胸肉南瓜薯仔沙律, 我就要韓式牛肉天使麵, 鴨胸肉非常嫩, 之前係歌賦街食過鴨胸靭到呢..., 而南瓜薯仔沙律都好清新又夠飽肚, 至於韓式牛肉就比較靭左少少, 不過味道都唔錯, 天使麵亦都煮得剛好.至於不得不讚0既就係waitresses0既service真係幾唔錯.…查看更多