larryjob的個人專頁

自己食嘢都鍾意清淡少油，呢類型嘅生滾湯飯 就啱曬，目測廿幾款餸有菜有肉任揀，仲有啖湯飲下，如果天時暑熱冇胃口又可以整湯飯，想豪華一啲可以食個海蝦或者蠔，加埋枝獅威飲飽食醉都只係七八十蚊喺邊度搵。#開瓶費見得多，開罐費第一次見。#啲食客阿叔成日R水吹。…查看更多

一開始係比一對龍鳳木雕吸引，今時今日連酒樓都難得一見嘅龍鳳呈祥居然可以喺元朗嘅雲吞麵店見到。跑完步十點幾冇乜胃口又想食少少嘢，最好嘅選擇就係食碗牛腩麵。食物方面選擇都幾多，有 一般嘅牛腩牛雜雲吞水餃炸醬四寶，冷門一啲嘅有豆卜肥牛竹笙等等 嘅 素食選擇 我叫咗崩沙腩紫菜河粉，崩沙腩淋得泥唔會散，有咬口而且仲有Q彈嘅膠原感覺，相當好食， 價錢亦都唔貴。 紫菜就分散咗少少如果可以 凝聚力高返一啲相信口感會更爽脆實在。 …查看更多

呢間舖 其中一樣 特色系提供生酮飲食，為咗取代澱粉質嘅飯，佢哋就用咗椰菜花飯，初初仲以為好似上海菜飯嗰種做法，其實係用一啲碎粒椰菜花整到佢乾身去扮飯口感幾煙韌乾爽味道亦都好低調內斂，唔會影響咗餸菜嘅味道。飯上面嘅和牛牛扒唔會太厚軟熟有油香又唔會話太油膩，絕對對得著個價錢(個飯80幾蚊另外仲有隻太陽蛋蛋)。仲加咗一啲串燒: 雞頸肉日式年糕(煙韌嗰種唔係油炸圓形嗰種)無激素雞皮翠玉瓜，價錢都係廿幾三十蚊咁上下，每一款都好食唯獨是嗰一碟附加嘅醬汁太過辣要小心。今次冇飲酒但係見到 stella 生啤68蚊買一送一，其他嗰啲麒麟asahi都係十幾廿蚊都係抵飲，如果有alcohol free 啤酒咁就更好。香口惹味嘅食物多數都唔係幾健康，但係呢間小店嘗試兼顧曬兩樣都算係有抱負而且唔常見，將來會再去幫襯。…查看更多

去飲野之前喺附近食個快飯，行行下見到架篤篤車原來開左間泰潮，之前食過深水埗分店所以都知道穩陣，所以一行4人就入去食。叫左泰式沙律芒果糯米飯鳳爪海南雞飯炸脆咸肉咖哩豬頸肉椰汁糕炒河，整體都好食。最鐘意就係炸咸肉，其他餐廳都係咸肉拼炒菜，得幾塊而且又整到濕立立唔夠脆，呢度肥瘦適中又脆又多(好似有十塊)又唔貴真係要俾credit。另外芒果糯米飯加左脆脆都好有清邁style，口感有層次，唔係度度有得食。#有象啤就perfect#兩個老闆娘幾靚…查看更多

個汁好味, 不過千祈唔好自行去"忽"佢D汁, 佢會鬧人的.…查看更多

法包即做, 很香, 落果D辣椒以為好辣, 點知食左都唔覺, 老闆幾cool, 不過好好人, 嗌左枝啤酒, 原來無酒精又好甜, 似汽水多D.…查看更多

第一次食熱狗加波羅, 意想不到的配合, 很清新.…查看更多

粿種類夠多, 好味! 粿既潮州話係"gwair"綠豆邊白果清心圓就甜左少少.…查看更多

十分有heart的一間店舖, 老闆很好客, 令人很快樂, 累積果百幾個好評係應得的.應承post的: http://www.dogbonbon.com…查看更多

雞蛋糕質地仿佛好似百潔布一樣~齋合桃露收$18, 頗貴囉...…查看更多

午餐的海南雞飯非常好食!…查看更多

誤以為駌鴦冰係紅豆加蓮子,原來係紅豆加波羅,問你怕未.無加花奶,好似加左D罐頭波羅果D糖水,麻麻地,而且柸面上好多冰,好阻(見圖),要食晒D冰先可以開始食紅豆、波羅,唔掂.閣樓就真係經典喇,行上去果陣,我覺得好似方中信係旺角黑夜中搵林雪講數咁,好有張力架...襯市建局未拆野,快D去食一食個feel啦.…查看更多

望穿秋水, openrice卒之都加入曉林廚房, 我四年前已經想俾comment佢地o架喇~佢地標榜無味精o既食物,比較健康, 無乜油, 又無炸野, 好似o係屋企食飯咁, 清D, 但係又唔會淡貿貿, 係咪好弔詭呢...枕著食都OK, 選擇有十幾廿款, 湯都有幾樣, 日日都有D唔同, 誠意可嘉, 牆上面仲貼左好多健康訊息添, 真係warm.價錢都係區區廿零三十蚊.我曾經有考慮過因此而搬去大角咀住的, 希望佢地會開分店啦.…查看更多

腸粉係好食o既, 但係點好食都只不過係腸粉, 幾皮o野唔好期望太高.…查看更多

o黎得呢度, 其中最大o既原因梗係食環境啦, 如果想食又地道又抵o既泰國o野, 可以去九龍城, 唔駛黎呢度了.環境真係好似泰國, 相信o黎呢度搞「香江大舞台」會比華富村適合, 睇完show行過隔離食泰國o野, 一站式服務, 叫旅發局考慮o下.食物好有水準, 有室內室外, 溫馨提示-大家夏天最好唔好坐室外, 盞食左都唔生肉, 香港o既夏天分分鐘熱過泰國(泰國通爽空氣好), 想同大自然接觸都唔好搵自己苯.價錢合理, 係唯一果個燒大蝦比較貴, 成舊幾水一隻, 其實同自己去街市買D蝦o黎燒分別唔大, 不如食燒魔鬼魚仲好, 反正個汁一樣.免費泊車, 如果買左架新車好恨"渣", 布袋澳流浮山都去到悶, 不妨去試試呢間.…查看更多