salinalauhk的个人专页

今日同朋友下午2:24分去左呢度。諗住靜靜整地傾吓計，食下午茶。叫左個下午茶蝦沙律。叫得沙律其實都係想食得健康啲，已經問定個沙律有冇醬，侍應有禮貌咁話都有醬嘅，叫佢另上，點知嚟到原來係天婦羅炸蝦🍤（未食過，唔知有炸蝦，個menu 只寫蝦），都算。佢啲菜上面啲蘋果提子勁大pat沙律醬，好似唔駛錢咁。落單嘅時候已經同侍應講醬另上，但係侍應又無提我哋就算醬另上都好，蘋果提子其實都已經一早有醬。一句講晒即係醬另上都冇用。😅然後我就拎咗一杯水洗走晒啲沙律醬。太肚餓冇到影相。第二個位失望係，叫咗個下午茶餐——牛油果多士。唔講啦，睇相啦。呢個咁嘅牛油果「醬」多士，加一杯熱檸茶42蚊。真係「直升機」——即係「伏伏伏伏伏伏」。不如食普通茶記算。仲要食到3點幾，侍應係咁收我哋啲碟，去到3:30侍應直接同我哋講因為出便有八人等位，所以介唔介意我哋埋單。其實只係坐左一小時十分鐘，就要被人趕走。星期日出街食，其實都係想悠閒啲，但最後唔能夠坐耐啲傾計，真係食個M 記都好過佢。呢度環境尚算企理乾淨，侍應尚算有禮，但係食物咁樣同趕我地走真係唔會有下次。🥲真係唔好問點解港人鐘意北上消費。🙏🏻🙏🏻凡事必有因。…查看更多

在麥記美食搬店後，這是我第一次和朋友去嚐嚐。我們叫了一個餐，有生煎包、鍋貼、酸辣湯和一杯飲品。生煎包一如以往底部是脆脆的，但感覺好像放了一段時間不是熱辣辣的。比起搬舖錢食物溫度可以再好一點。整體而言，如果未食過的可以嚐嚐。…查看更多

很久沒有見朋友，突然約出來。他說想嘗試一些北角的特色小店，於是帶他來太元樓常常這裏的上海菜。我們點了兩個午餐，咕嚕肉和家鄉豆腐。因為午市的關係，他們送粟米魚肚羹或豆漿，我們選了湯。上菜速度正常，食物質素非常高。咕嚕肉是新鮮熱辣做好的，吃下去頗脆口。而家鄉豆腐也是熱辣辣的茨汁有麻油味，咸度適中，十分開胃。而且清清地適合炎炎夏天進食。可能份量有點少，男生未必會夠飽，我們轉戰下一食店。整體而言他們的午餐十分好吃。…查看更多

起初原定光顧隔離的半X冰室，但是原來他們很早都沒有做晚市了，所以轉去隔離的遇見花蓮上一嘗台灣菜。未入門口看見裝潢新穎，室內非常光猛，環境不錯應該是一個很好的聊天餐廳，於是走入去嘗一嘗。我們點了一個豬軟骨麵、台式醉雞飯和焗蟹蓋加了兩杯飲品，質素不錯👍🏻。豬軟骨面的豬軟骨非常入味，有少少甜酸， 十分開胃。配合麵線，在炎炎夏天簡直一流。另外，台式醉雞飯的醉雞容易入口，涼涼的也很開胃。蟹蓋焗得不錯。加埋兩杯飲品，二人埋單的價錢總共$202。這裏的確是一個和朋友敘舊嘅好地方。…查看更多

昨晚去了鐵花村第一次試試他們的台灣菜，結果一切都非常好吃。整體而言他們的上菜速度很快，而每一碟的食物份量也適中，價錢也十分合理。首先吃了酥炸雞，這是熱辣辣的，感受到他們是新鮮炸的。然後是蒜泥白肉，他們的蒜泥十分好味，我們還叫了煎腸和蛋卷，一切也很有水準。我們還叫了蚵仔煎、綜合麵和台式滷肉飯，最後叫了芒果冰和九份芋圓。芒果冰上鋪了芝士奶蓋芒果也是啖啖肉的，不是太甜，一切也有水準。我最欣賞九份芋圓不是太甜，我們總共一行五人吃每人也吃飽飽。因為是生日飯，朋友準備了蛋糕，職員還幫我們在切蛋糕的時候主動播放生日歌和幫忙拍照，這是連鎖店未必能做的，而且他們有沒有收切餅費。整體而言這是很不錯的經歷，我們在這小店過了一個難忘的晚上。😊…查看更多