flora_hk的个人专页

九鳥砌一直在我家附近有一段時間，但每次經過總會見到一堆人等拎外賣，沒太大耐性的我看到都怕怕，今晚收工落車見到店外無人，就膽粗粗 Order 咗一個煙肉芝士漢堡 （額外多加一塊肉）再整多兩件九鳥仔餅買回家同好朋友分享！幸好早一步，我落單後就有五六個人相繼來到落單，我今次只等了唔洗十分鐘就拎到我份餐，回家後就馬上襯熱食！唔食由自可，一食真係返唔到轉頭，漢堡勁勁勁多汁 Juicy, 沙律醬好多，black pepper 好正！九鳥仔餅似軟身格仔餅，但不會太甜，當甜點食會令你立即心情靚靚。必會再幫襯！…查看更多

唔舒服無乜胃口就諗坐食粥，落外賣單：一個皮蛋肉片粥，肉丸粥，蒸蘿蔔糕，叉燒腸，炒米粉。首先，呢間粥家莊每樣嘢嘅價錢都幾平，又唔洗等好耐，但食物出來係好唔掂；1） 兩碗粥難食到嘔，杰過糊又無味，最慘係連材料都無味，究竟係點煮出來2）蒸蘿蔔糕好難食，無味，無任何餡，只係一舊完全純白色由蘿蔔絲堆出來的蘿蔔糕。最閉係啲蘿蔔絲仲要唔熟，又無蘿蔔甜味，完全唔知自己食緊咩3）叉燒腸又係無味，叉燒硬，腸粉皮又厚又硬4）炒米粉又係無味，完全無配料，真係用油只係炒米粉出來，成盒米粉白雪雪，想搵一條配料都無呢間粥家莊係第一次惠顧，已令我畢生難忘，間店啲嘢真係好難食，已經唔舒服仲要遇上劣食，為醫肚忍住食了一半，另一半難食到掉咗，真係絕對唔會有下次…查看更多

突然看到外賣app 新加盟一家素食店，並提供三餸飯，所以落單訂餐，兩個三餸飯加剩兩餸，店家還附送羅漢果茶。首先，價格優惠簡直無話可說，味道還意外地美味，餐點包裝很好，外賣來到也很工整企理！已收藏此良心素食小店，必定會再來訂餐！…查看更多

說實話，餐廳的日韓 tea buffet 食物水準一般，款式不多，這個價錢並沒有生蠔及刺身提供，但勝在地方寬敞，有涼快室內溫度，以及服務員的欣勤有禮服務態度絕對能讓這個 tea buffet 挽回不少分數。論食物質素，我個人覺的燒牛串和大啡菇，煎蘿蔔糕，桂花椰奶布甸和巨峰堤子啫喱可說是不錯選擇！這個價錢的 tea buffet 在外面確實會有不少餐廳可選擇，但餐飲享受都是看整體表現來評價。若要食得好，這裡的食物質素或許未能合乎預期；但若只想和朋友找個舒適餐廳食吓嘢傾吓計輕鬆一下，THE PLACE 絕對係其中一個好選擇。…查看更多

今晚聖誕想食好啲，上 Openrice search 到附近有間斧吧所做的串燒不錯，本身同朋友又好鍾意食串燒，所以決定 book 位！我地比原定早咗十五分鐘到，本身餐廳 prefer 做聖誕大餐，但經我們詢問之下，老闆好好人為我地預備串燒餐 (任食) + 一個主菜 (選了脆炸德國腳手) + 兩杯飲品 = 每人都係 $268 (抵到爆) 因環境暗暗地佈滿聖誕飾物，啲嘢又好好食，所以一直掛住食無影到相，老闆和老闆娘勁 nice 又細心。炸物完全唔油膩，煮法健康得嚟又好味，聽老闆老闆娘講佢地都有做午市扒餐，必定再嚟幫襯，到時一定會補番食物相！…查看更多

網上搜尋看到一致讚好，所以在 last day 前喺度預訂了散水餅，只希望同事老闆都食得開心，我也預留了一件俾自己呢首先，送蛋糕來的外藉職員很好，很 nice, 還細心提醒未食前須把蛋糕放進雪櫃打開正方形蛋糕盒，內有九個細盒獨立裝住每一件蛋糕，既方便又精緻因不想太花腦筋，這次每一款味道都有購買，並獲同事一致好評，我個人試咗抹茶芝麻蛋糕，簡直 Fantastic! 餅底好味鬆軟，整體不會過甜，材料幼滑，真係令人一食難忘。倘若日後行經該餅店，必定會再次光顧…查看更多

在今晚之前已來過富粥幾次，感覺粥和腸粉都很好吃，但經過今晚的遭遇後，不會再考慮幫襯。今晚外賣自取，叫了皮蛋肉碎粥和雞蛋蝦米腸，粥吃到最後階段卻給我看到有兩隻蟻在膠碗底，而腸份一整盒都有沙石，已不敢想像剛才吃下的東西會有甚麼後果…查看更多

見 Openrice 評分咁好，今晚不妨去試，睇下呢間餐廳跟韓國當地菜式會有差多少。到埗後，雖沒有預先訂位，但都即時能安排到入座，餐廳內的服務員都很有禮，點了部隊鍋，豬腳和兩款燒酒，這些都是出乎意外的好，豬腳肉質嫰滑，又有骨膠原，伴有紫酸瓜有助消滯，醬汁調較很好，份量很夠二人食用。部隊鍋，同樣的好食，材質充足，我很喜歡這家餐廳，因它的菜式都很富韓國傳統特色，豬腳，煎餅在香港不是很多韓國餐廳能食到。一定會再來的！…查看更多

仨和已成功被我訂為喜愛飯堂之一，宜家差不多每星期都會來一次，除了食物好吃，也很喜歡飲佢地的巨峰燒酌。希望好快會有白桃味燒酌啦！每次來到食嘢，都不難發現這間小小居酒屋做事好有 heart, 食物和服務都能反映出來，所以一向懶惰的我都要多啲出來推介一下這間充滿愛的小店。今次來到除了食我最愛的牛肉串，雞肉捧，炸蠔和櫻花蝦炒飯外，還有第一次品嚐的烏冬和本菇牛肉卷，好 yummy yummy! :)…查看更多

隔了一段時間再來仨和，食物仍然咁好味，我最愛的一口牛，蠔，雞軟骨，雞肉棒和加拿大海膽當然係必叫，YummyYummy!斯文有禮的靚仔哥哥還推介了鹽燒虎蝦，完全沒有燒過龍乾爭爭的感覺，隻虎蝦既多肉又有汁，正呀！朋友最愛吃仨和的櫻花蝦炒飯，所以我哋每次去都會點的，炒飯好香，而且炒得夠乾身，出來唔會一 patpat 的平時辛苦做嘢，但晚上能食到咁正的晚餐，真係乜怨氣都掃清晒，所以仨和在我心裡真的是一間好有愛的居酒屋最後，發現大驚喜，仨和在 Openrice 增加訂位服務，既食到好嘢又儲到分數，又唔洗怕嚟到無位，太好了…查看更多

原本跟友人想在家附近找地方飲兩杯吐吓苦水，行行下無意中發現到開咗間居酒屋，雖然該舖已開業一段時間，但我還真的沒留意到。開門進去看到，地方較小，只能擺放四張枱左右，卻坐滿人客。店主看到我們進來都立即安排坐位，我們看了看餐牌真的有點驚訝，因價錢都很平民化，但食物出來的水準卻高出預期很多，本人推介該店的牛肉和刺身，牛肉嫰口，肉汁鮮甜。刺身大件新鮮美味。另外也推介櫻花蝦炒飯，果味燒灼，雞軟骨串。😒😒因食物太美味都急著放入口，很多都忘了拍照。翌日跟朋友再到居酒屋，店主還親自調較及送了一杯荔枝燒灼給我，真心好味，果味酒味兩者平衡得很好，容易入口，啱晒女孩子飲😎😎😎  店主很友善和主動，整間店都充滿愛，難怪連續兩晚去都見到不少熟客到來光顧，店主也會跟客人傾計聊天。本來有點煩躁的心情都被這家充滿愛的居酒屋掃走 …查看更多