rachel11的个人专页

螺獅粉即食麵裝就食得多，但從未試過係餐廳食螺獅粉。想試好耐！！咁啱嚟開葵芳見到有想試試。果然好食，味道同我期待嘅一樣！而且更符合香港人口味（對於唔係太食得辣嘅我嚟講叫BB辣啱啱好！）辣度、咸度同酸度啱啱好，個湯勁好味，啲配菜都好好食😋 比起即食麵裝感覺係新鮮同埋冇嗰種化學味精口感爭好遠。第一次食炸蛋，係出乎意料地好食，但食完應該會瞻固醇爆炸😂。小試一次就夠！好想再食多次！唯一美中不足係鋪面太細，無乜座位，可以大間啲就好了。…查看更多

叫外賣嘅，個燒鵝竟然完全一塊皮都無，好嬲！咁樣仲係食燒鵝咩？新開張就咁求其，個叉燒就好硬，仲有寫住會送湯但是7點就話湯賣曬，失望。好嬲，好過份。希望可以好好改善下啦。…查看更多

第二次嚟食！佢嘅德國咸豬依然好好味！最愛佢個皮整得好脆，脆得嚟又唔會太硬！而且整個豬手都yip得好香。份量又大！一碟夠已四個人食！仲有佢嘅mixed sausages, 有好多款唔同嘅德國腸，夠曬經典！…查看更多

嗰日周圍都勁多人排隊，同朋友見到哩間有勁多位就是旦入去。入到去先知死火，啲嘢食又貴，選擇又少。就是旦叫左兩碗拉面同一客日式凍豆腐。凍豆腐即刻就上左，係一磚你喺街市都買到嘅一磚凍豆腐上面加幾粒蔥，半點調味都無，完全係無味道無口感可言，哩磚嘢竟然賣$24！我同朋友即刻cancel order，係五分鐘內嘅事，等多五分鐘都無人答復，我地企起身想埋單走，總之唔可以再食佢啲嘢。點知個店長勁惡唔俾我地兩個女仔走，迫我地話就算唔食都要埋單先走。…查看更多