king.edward1030的个人专页

因為團購左餐廳的二人餐，所以放假那天去左將軍澳。門面好令，logo係白色的，感覺應該係一間乾淨企理嘅歐陸式餐廳。待應問我地願唔願意搭枱不，我地唔介意，所以唔使等就有位。同另外的兩位客人share 4人枱。它嘅椅好舒服，係細細嘅梳化。 看左餐牌後，女友好快就選好左邊一set。 點左一紅一白湯，因為就算白湯唔好食都仲有紅湯，哈哈。 上桌時，見到碟子沾左湯汁，師傅盛湯時無留意吧。 原來紅湯嘅材料有唔少，有大量雜菜 ^^ 唔係主角嘅小食併盤都好出色。近鏡頭嘅法包抺左混有香草嘅蒜頭粒，很有心思。中間嘅凱撒沙律好清新。而薯條比快餐嘅大條，而且有好多好多醬汁! 餐牌寫係美式狂牛肉醬。 拿波里肉醬簿餅嘅底好簿，未端好脆，質感如薯片。簿餅用左好多料，我最鍾意有好多芝士~ 三文魚菠菜意粉很濕，口感差了一點。最後我地吃得超飽。以團購價黎講，兩人才$80超值!!! 原價好似係$138 or $168。都可以接受。…查看更多

戶井北海道米比薩 Toi Hokkaido Rice Pizza幾個月前第一次去食。叫左鰻魚米比薩。料很足，鰻魚味濃郁。但係個底D米好焦、好硬。有幾粒米仲攝左係牙齒到~!有d麻煩。米比薩幾特別，但要控制好d米嘅質感先得。至少唔可以太硬、攝牙。我們仲叫左個大阪燒(唔記得叫咪名)。用鐵板盛住，保留温度。D料都好足，雖然大部分係菜，但有好多醬汁(燒汁、沙律醬等等)，好好味。下次去唔會叫米比薩，大阪燒好味d。…查看更多

星期日和女朋友去行街。行到累就食下野。女朋友話下午茶時間元氣有下午茶餐，所以又俾佢帶去吃日本野。我唔太食得生肉，同佢一齊算係食多左好多凍食，因為佢鍾意食日本菜、雪糕等等。叫左兩份”午後自選三食”。仲加叫其他壽司，真係叫左好多，雖然最後食晒。佢食壽司，我食熟食。玉子壽司幾好，甜甜地。日式炖蛋好熱，蛋好滑。烏冬無麥味，加左醬油好味好多。加$9叫了加州手卷，幾好味，有我鍾意嘅蟹柳。食左咁多好飽。其實一個女仔食唔到咁多件壽司(約十幾廿件~!!)。原來佢特登叫的，想我幫佢食埋d壽司…最後我食左辣味三文魚軍艦，燒三文魚壽司，牛油果軟蟹卷，蟹子軍艦。第三次食蟹子，雖然唔太鐘意，但已接受到。環境唔錯，好乾淨。下午茶時間好適合傾計慢慢食。(最好唔好叫我食刺身)走時，我問女朋友點解成日同我食元氣，佢話元氣個樣似我。@@! 哈，雖然我鍾意食飯多d，但見到佢咁鍾意日本菜，次次食完壽司都好開心。…查看更多