EllenWong2754的个人专页

冇諗過喺IFC食間海景餐廳，樓面光鮮，竟然會有米奇陪食飯…首先聽後面枱食客大叫，之後就見到地下有個黑影跑過，個個抬起晒腳。最後隻老鼠就喺個櫃後面伸咗個頭出嚟… 但佢縮得太快，影得唔係好清侍應淨係同我哋講咗句唔好意思，埋單嗰時仲要收埋服務費…唔計衛生程度同服務，淨係睇嘢食都一般，叫咗個小金杯，要自己放材料入去，味道、口感都一般。另外仲叫咗串燒同埋雞翼，串燒有啲乾，雞翼係正常嘅，但唔太特別。總之，我地唔會再幫襯…查看更多

本身睇咗IG嘅post介紹，見啲相好靚，所以去咗食lunch。但係原來間Cafe真係純打卡就好，食物質素同埋飲品都麻麻。我哋叫咗一個All day breakfast 同beef burger，唔係好明點解佢係要用紙盒上，明明喺餐廳入面食，完全唔presentable，兼唔環保。All day breakfast （$118）都幾油，份量偏少同埋冇乜肉，個toast都幾燶（後面），個 yoghurt味道都怪怪地。Beef burger ($98)都係偏油，連薯條都冇，平時呢個價錢都已經包埋薯條。嘢飲方面，因為叫咗hazelnut latte（$50），有hazelnut 糖醬飲落都正常，不過就偏貴。令另一杯係 earl grey latte（$50），勁淡，冇茶味亦冇奶味，唔知自己飲緊乜。揸車去諗住可以有免泊， 點知佢淨係收現金同fps，所以泊車都要另外俾錢。用餐時間得70分鐘，明明冇人等緊位，都十分鐘前催我地走....成個體驗好差，本身都諗住帶隻狗去食下佢啲狗食物，但都係不了，打過下卡就算🙄…查看更多