lofiyung的个人专页

經過開源道望到呢間餐廳嘅外觀非常之文青又帶點日系，比呢個外觀吸引咙入佐去食晚飯。入到去發現入面嘅座位格局分咗學生枱凳同埋梳化枱，遲咗入嚟嘅我注定要坐學生枱，環境同氣氛係好好，但係呢倜座位真係好唔舒服，食咗成程飯先唔講食物嘅情況，真係坐到腰酸骨痛，希望餐廳見到，睇吓會唔會係啲學生枱凳度加返啲咕𠱸峇。今次叫咗個山藥燒扇貝鳥冬，個餐一嚟到，感覺上好豐富，有兩個前菜同一碗湯，分別係醃蘿蔔同埋青菜，但兩個味道一般，青菜甚至乎有怪味，麵豉湯冇問題，而且蜆肉菲常大舊，喺度加返分。去到主菜山藥燒，上面配咗幾嚿細份嘅鰻魚，味道道正常，略嫌上面嘅鰻魚汁唔夠多，同埋鰻魚燒得比較乾身，下面嘅山藥燒反而好好食，末到冇一般大阪燒咁多蔬菜嘅口感，反而似係淋身薄撐嘅感覺，但係感覺幾特別。講埋最後個鳥冬真係令人非常失望，鳥冬嘅清湯完全有味，所以你食緊嘅烏冬都係有味，連舊扇貝都係布乜味，計埋價錢性價比嘅話，相當不推薦，以上。…查看更多

中午入到去發現成間餐廳嘅冷氣機都滴緊水，不過唔緊要，因為呢一日真係好想食越南野，是影都好好幫我安排一個冇受影響嘅座位。今次叫咗個下午茶滑雞河配菠蘿紅茶，湯底有少少椰子同雞味，個人略嫌比較鹹，配搭佢送嘅三種越南香料，分別有蒜蓉蝦油，辣椒同埋青檸，其實已經相當重口味，不過蒜蓉蝦油非常出色，所以都建議大家可以試吓。雞肉本體相當嫩滑，而且已經去晒骨，食落去相當舒服，成個套餐整體＄39加錢特飲另計，我覺得已經值回票價。…查看更多

見到平時呢間嘢排隊都好多人，今次打算比平時提早一個鐘五點入去食飯，已經就嚟坐滿晒，睇嚟香港人真係好鍾意打邊爐。呢間嘢嘅特色就係所有座位，你見到佢係想你一個人入嚟食飯多個一班朋友，今次叫咗一份最普通嘅五花肥牛套餐，入面有一個壽喜燒湯底同埋蔬菜，菜嘅種類竟然有好多，全部食落去都好新鮮唔會有怪味，今次嘅火鍋配菜蔬菜絕對係比到驚喜我。而牛肉就比較失望感覺上就喺超市買嘅肥牛差唔多質素，可能我揀咗最平嗰一隻肉，不過要輪呢間餐廳嘅評價，當然係性價比非常之高，＄68可以食到咁多嘢我就唔講究太多啦。…查看更多

旺角呢區附近都有唔少餃子店，傳統店舖同埋新興嘅都有，呢間算係一間比較特別嘅一間，一般餃子就有分湯餃同埋炸餃，但係湯底都有好多選擇，今次我就揀咗個比較特別嘅椰子湯韭菜餃，另一份就係炸墨魚餃，圖下個人係比較推薦湯餃，因為湯底真係幾清，但係又有好香椰子味，反而雞味就冇乜，但係都好足夠，唔會搶到餃子嘅味道，本身韭菜餃就一般，唔會有好驚喜嘅感覺。至於炸餃子就非常乾身，食落去即刻要生痱滋嘅感覺，因為本身炸得好勁嘅緣故，所以你唔會食到皮嘅味道，餃子嘅內涵係用墨魚肉碎同埋粟米，呢個配搭都係幾特別，推薦大家如果要試呢個就試吓湯餃嘅版本。講到咁耐，呢間餐廳最特別就係大家食耐咗餃子，仲可以點其他嘅串燒同埋甜品，呢一餐我仲叫咗以下咁多樣嘢:以上係蒜香茄子，焦糖香蕉，牛舌心，同埋明太子雞腿肉，以上小食都係偏重口味，建議食咗餃子先好試，上面攞非常推薦明太子雞腿肉，佢用嘅醬汁偏向類似蛋黃醬沙律撈埋明太子，非常邪惡但係又真係幾好食，算係一間餃子舖入邊比較特色嘅菜，其餘就中規中矩，唔會特別難食，至於焦糖香蕉，大家就唔好叫啦，食落去嘅感覺純粹所有野撈埋一齊，初頭以為個香蕉會燒過下。最後糖水嗌咗碗開心果糊，味道非常之甜，都係嗰句女士們要小心，除此之外佢嘅果仁味道唔係太重，但係飲落去又好傑，價錢一碗$42嘅話好似有啲貴，雖然佢嘅味道係比較特別，但係如果要食糖水都係去專門食糖水嘅店舖啦。總結就係呢間店舖嘅菜單非常之多元化，而且都係面向年青人一代口味多啲，如果係要帶長輩嚟食嘅話都係不建議，後生仔去食就啱晒啦。…查看更多

今日喺灣仔行街行內阻夜晚想搵間快餐食，咁啱就見到呢一間連鎖式嘅中式快餐，呢間中式快餐嘅菜單非常之簡單，菜式都係得幾款，勵德呢度當然係嗌返同舖頭名一樣嘅蘭州牛肉麵，即管睇吓佢有幾咁好食。叫咗一份蘭州牛肉麵套餐，有一份薯仔絲配菜，一杯酸梅湯，同埋蘭州牛肉麵一碗，賣相就同圖片一樣普通，同佢舖頭嘅宣傳圖係好唔同。配菜同個飲品到好普通，值得一題係酸梅湯非常甜，怕甜嘅女士們要避免吓啦，牛肉麵嘅湯底係清湯，原來如果你要加其他配料就可以係檯度攞唔同嘅醬料加落去，清湯同睇落去嘅唔一樣係非常濃烈，拉麵質地就同一般陽春面一樣，軟硬度適中，就咁食嘅話，我覺得味道係正正常常，但加咗黑醋同埋辣椒油之後我覺得好食咗，非常推薦大家跟住咁樣食。…查看更多

夜晚打算食拉麵，發現街市中間竟然有間唔使排隊嘅拉麵舖頭就直接入去，叫咗個醬油清湯拉麵，麵係用博多拉麵，麵質方面佢唔係嗰種好彈牙嘅面，而係好貼近日本傳統博多拉麵嘅質感，湯頭非常好，嗌嘅係醬油湯底，飲落去係非常清甜，同而家日本興緊嘅淡麗風格好似，有兩大塊叉燒，而且仲有蛋，不過隻糖心蛋唔係甜度重嗰種，呢到少少扣分。環境方面，空間比一般拉麵店大，坐得好舒服，仲有部機長播日本廣告，氣氛相當之好，我個人會再返黎食多次。…查看更多

本來對這間餐廳都沒有抱有任何期望，進店之前竟然發現需要排隊，絕對是預期之外。坐低後，會看到招牌顯示推薦鰻魚，所以就先叫了汁燒鰻魚taco及烤鰻魚串燒，汁燒鰻魚非常普通，而且魚肉比較有”嚼勁”，唯獨底部有一塊炸紫菜配壽司飯，賣相比較好，但整體味道非常一半，可以及得上X鮮。至於烤鰻魚串燒是我唯一推介的菜式，魚肉非常厚，燒烤溫度適中，調味比較濃烈，建議大家如果嚟食的話先點這個，其餘普通壽司非常不建議吃，全部壽司的醋飯都有怪味，絕對及不上壽司X或元X，最後，賣單價錢令你不想再來吃。…查看更多