eatwithmag的个人专页

同朋友係希慎行街行到食飯時間都想食啲野叉下電抖下再血拼過😂今次就揀咗一風堂😋🔺白丸元味拉麵🍜佢好貼心有細碗size 啱哂細食嘅女仔👍🏻但我今次就叫咗正常size 嘅。食拉麵第一樣當然要試下個湯啦，個湯底都算濃郁啱哂重口味嘅我，但又唔會就係得死鹹嘅味精味👍🏻而且又唔會飲到成口油，食到最尾我認唔住飲哂成碗湯😹😹麵嘅軟硬度都適中嘅，但塊叉燒就有點失望，佢雖然幾大塊但佢好瘦柴柴的😿成碗拉麵最加分位就係隻流心蛋😻我係唔捨得食係留到食哂成碗拉麵先捨得食隻蛋😹有個完美嘅句號😻…查看更多

同事見上網eatitgo有做半價優惠，大家見放假悶悶地就約埋一齊上去整蛋糕啦！今次係我第一次整蛋糕所以都好期待，仲一早諗定整咩款添！開頭上網見佢減價款只有幾款，點知上到去竟然有超過10幾種蛋糕或者餅乾款式都有優惠就即刻好興奮諗吓轉整邊款好，諗咗好耐之後就決定整草莓拿破崙🍰喱間bake your own顧名思義係靠自己去做一個蛋糕而唔係普遍市面上上堂去教你整蛋糕。揀好整咩蛋糕後就會比部iPad你，裏面已經係你揀嗰款蛋糕嘅食譜。佢每一張slide都係排好咗次序嘅跟住做就得。首先就係去材料區執齊你所需要嘅材料同份量，之後就開始製作過程。由於我第一次整蛋糕連電子磅都唔識用😂但在場都有導師在旁所以都可以問佢哋。我整拿破崙第一個步驟就係製作吉士醬，然後就要去焗製酥皮最後裝飾蛋糕就完成。過程睇落好簡單但冇乜煮食經驗嘅我就搞到好狼狽，但好在都有導師可以問，最終都能夠完成個蛋糕😍整個烹飪過程雖然好狼狽但都幾好玩，呢度啱晒屋企冇設備但又想整吓蛋糕消磨時間嘅人嚟，最好嘅係所有用過污糟咗嘅儀器都有人幫我哋清潔😍而且逐步跟着食譜整好個蛋糕出嚟好有成功感，嗰日眨吓眼就整咗大半日時間用嚟消磨時間一流！如果下次我有朋友生日或者得閒冇嘢做都會再次上嚟整蛋糕！而且佢有一度玫瑰花牆用嚟幫你嘅蛋糕製成品打卡一流，啱晒你上網呃Like！…查看更多

放假同朋友嚟咗葵廣掃街shopping，放假咁開心梗係比自己放縱一下食啲邪惡野啦😋🔺炸薯條配安格斯牛柳粒🐄佢有幾種醬汁俾你揀例如芝士，蜜糖芥茉，千島醬茄汁，沙律醬。一定有一種啱你！作為芝士愛好者嘅我梗係揀芝士醬啦！首先個賣相好吸引見到啲芝士半溶喺薯條都已經令我食慾大增🥰而且佢一啲都唔吝嗇俾咗好多芝士醬👍🏻但可惜佢嘅芝士味唔夠濃感覺溝咗忌廉😭其次我好鍾意食粗薯條，因為咁先食到多啲薯仔肉😋呢間舖頭就啱晒我👍🏻佢嘅牛柳粒味道普通但價錢咁平就算！佢嘅份量都幾大份自己一個食晒就食唔到其他嘢😭所以同朋友仔一齊share就啱晒🥰…查看更多

香港嘅天氣好潮濕，加上每日喺有冷氣嘅辦公室內工作又成日食生冷野，身體積積埋埋好多濕氣對身體好唔好！所以成日都想飲啲去濕嘅湯水排走濕氣。但煲個湯咁麻煩就懶得去煲😂好在宜家鴻福堂好方便有現成湯包啱哂我喱啲懶人👍🏻佢好方便攞到番屋企用熱水座熱佢or好似我咁放係電飯煲座熱佢就飲得！但小心個包裝袋會好熱，用毛巾包住會好啲小心燙傷！今次叫咗個赤小豆薏仁響螺湯☺️一包倒出嚟有2碗，個湯嘅顏色係好深色而且入口有溶溶地嘅豆渣應該係因為啲赤小豆，感覺好足料👍🏻我係重口味人士就略嬚個湯唔太夠味，可能係因為鴻福堂崇尚健康天然嘅美食，所以就少鹽，不過健康啲都好嘅！收工之後用10分鐘到就飲倒碗足料嘅熱湯好滿！而且鴻福堂多款湯包選擇一定有款啱你！…查看更多

今日同朋友去咗迪士尼玩，去到晏晝就想食返啲嘢補充一下體力再去玩過💪🏻🙊迪士尼樂園有好多間餐廳亦都有唔同類型嘅，例如中式飲茶嘅，西式自助餐or快餐等等。有眾多嘅選擇真係令人花多眼亂😍而且可能我想食西式但我嘅朋友又會想食中式嘅😖所以我每一次嚟迪士尼都會揀皇室宴會廳😍因為皇室宴會廳就好似商場嘅food court咁，一間餐廳但係有唔同主題食物可以揀，呢度分咗四個主題分別係和風，廣東，燒烤和環球。和環球。啱晒一大班朋友各人有唔同口味但又唔使就嚟就去可以解決眾人所需👍🏻🔺環球-皇室肉丸意粉套餐($132)首先一讚係佢嘅份量👍🏻主題樂園食物嘅份量不嬲俾人認為會好細係唔夠食嘅，但我嗌呢個意粉套餐份量好足料👍🏻而且仲有成七粒肉丸咁多俾咗幾粒朋友食我食到最後都食唔晒！排隊等攞意粉嘅時候，見到佢會落芝士碎我已經好興奮因為我係芝士愛好者😍所以見到佢俾咗好多而且好大塊嘅芝士片我好開心😍可惜嘅係佢嘅芝士係羊奶芝士片唔係我喜愛果種😭整體比我感覺好好👍🏻因為食得飽而且味道又好感覺好滿足！而且佢嘅價錢同份量成正比，同樣價錢喺火箭餐廳只係食到一個漢堡包同一份薯條唔會有呢種滿足感😭食飽充滿晒能量去玩啦！我下次嚟迪士尼樂園都會揀返呢間餐廳🥰…查看更多

今日個人唔舒服而且喉嚨好痛同乾，個人冇咩胃口所以求其去咗屋企附近嘅一粥麵買咗碗粟米瘦肉粥濕下喉嚨😖🔺粟米瘦肉粥🍴一粥麵有好多款粥選擇，但我唔鍾意食內臟又唔鍾意食牛肉就揀咗呢款清清地有正氣嘅！一打開個蓋見到個粥咩餸都冇就諗：「搞錯啊咩都冇嘅！」點知用匙羹搞下個粥底就見到好多瘦肉絲同粟米粒！啲瘦肉絲係多到一團團咁！可能我係重口味人士食唔慣粥就略嫌個粥味道唔太夠，要自己落返啲雞粉調味😖而且個粟米粒唔太甜😖不過生病食到咁足料嘅粥同埋而家係冬天食啖粥個人即刻暖哂☺️希望可以快啲好返啦！…查看更多

今日返工做嘢好唔順利仲要比老細鬧😿就想比自己食杯甜野同自己打打氣😘Yo mama嘅乳酪雪糕好為女士設想，有低卡路里版本俾人選擇，啱晒又想食雪糕又怕肥嘅女士👍🏻而且佢唔係得原味乳酪雪糕可以揀，佢會定期出一至兩款新口味乳酪雪糕，令客人有新鮮感👍🏻Yo mama嘅乳酪雪糕一個價錢包左一款配料，如果想加多兩款或以上嘅配料就要另外加錢㗎啦！我今次就試咗低卡路里原味乳酪雪糕加M&M😋個低卡路里乳酪雪糕食落同口感其實同平時冇乜分別，只係冇咁甜🦄但其實冇咁甜仲健康！所以我下次都會揀呢款嚟食咁食得冇咁有罪惡咁🙊…查看更多

放假同朋友睇完戲先三點幾，大家又未食就午餐嚟咗Oliver’s SuperSandwich食個下午茶啦😋餐廳座位有兩款有坐喺商場中央開放式座位亦都有室內入鋪嘅座位。🔺公司三文治🥪好足料都幾大份，細食嘅朋友可以叫一份同朋友share食😋佢有少許芝士同火腿，仲有生菜同厚切蕃茄，菜同肉嘅比例好平衡，感覺好健康同營養均衡🥬而且佢係用麥包係一個好健康嘅下午茶！🔺熱香餅。蜜糖雞翼。雙層沙律三文治🥪我哋好貪心咩都想食啲所以就叫咗呢款下午茶☺️開頭見佢有咁多款食物就以為每樣得好少，點知都幾足料👍🏻每款食物都幾好味係預期內嘅味道，但隻蜜糖雞翼有啲細隻同好瘦，就冇咩肉🤨…查看更多

我未食過刺身丼飯朋友見我咁孤陋寡聞就帶咗我嚟旺角-爆丼屋見識下😂一去到店舖門口就大排長龍，我哋都等咗半個鐘入倒去🤨佢嘅餐牌上有好多款刺身丼俾人選擇，實有一款啱你！🔺三文魚火山盛丼🍱-$138一上枱比佢個份量嚇親，啲刺身係堆到成座山咁高！呢款刺身井嘅中央有一座山仔嘅吞拿魚腩蓉🥰外圍就圍咗好多三文魚粒🥰成座山咁高嘅刺身食起上嚟真係無從入手😂啲吞拿魚腩蓉撈飯好正👍🏻而且佢好幼滑，仲冇我唔鍾意食吞拿魚嘅腥味，令我對吞拿魚改觀👍🏻啲三文魚切得好大粒，而且食入口好重魚油油脂味，好正😍但啲吞拿魚蓉實在太足料，我食到一半已經頂唔順太飽食唔落了😭真係好晒！所以我建議女仔可以同朋友share一個刺身丼食，咁就可以是一個貴價嘅刺身丼但只用一半價錢🤣😏…查看更多

如果突然想食韓國嘢，我第一時間會諗起旺角嘅Outdark!呢間餐廳我係中意到食完想帶晒所有朋友嚟食！首先我好鍾意呢度嘅裝修！佢掛滿左星形嘅燈飾，感覺好浪漫好特！而且門口掛滿鎖，就好似韓國嘅首爾塔咁令我有種去咗韓國嘅感覺！🔺香蒜蜜糖炸雞🍗頭先一上碟已經嚇親因為份量都算多，我哋得2個女仔食🤦🏻‍♀️但幾有驚喜因為除咗有炸雞仲有薯條同炸薯格，感覺上好豐富🥰個薯茄同薯條仲要好好食添炸得好香脆！喱間餐廳好貼心炸雞有得揀有骨定無骨！如果嗌全隻雞仲有得揀2個口味添！個香蒜味唔太出比蜜糖味蓋過，食落偏甜個人就比較鍾意食鹹魚嘅炸雞，所以下次會試吓其他口味！🔺辣炒雞扒🐔一上枱見到個賣相已經好吸引，就即刻相機食先😂佢入邊係鋪滿芝士俾你點辣雞扒食嘅，旁邊仲有爐邊蛋，醃蘿蔔，紫菜飯比你伴住食，感覺好豐富！我唔太食得辣就覺得個雞扒好辣🔥唯有捲埋啲芝士一齊食就冇咁辣！佢啲雞肉好嬾滑下次嚟都會再叫！…查看更多

喺Office做嘢做到頭昏腦脹就去咗瑞士咖啡室食個靚下午茶叉一叉電！🔺芝士火腿西多士🍞坊間茶餐廳嘅西多士嘅餡多數係花生醬嘅，但呢度就有好邪惡嘅芝士火腿做餡所以就想試吓！個西多士熱辣辣一切開個芝士有少少流心嘅🤤芝士愛好者嘅我一見到就心心眼😍我覺得個芝士火腿西多士都幾創新而成功，我下次食西多士都唔會想食傳統嗰種。其實食晒成份係會有啲膩嘅，但我又唔捨得食淨因為實在太好食啦！下次叫埋朋友仔Share一齊食會好好多！…查看更多

而家疫情下夜晚冇得出街食飯又唔想成日食屋企飯唯有買外賣返屋企啦！🔺Set A-燒餅拼炒麵🍝$34個燒餅本身係冇乜味嘅佢全靠燒餅上滿滿嘅燒汁同沙律醬仲有少許柴魚嚟吊味👍🏻燒餅裏面唔係全部都係麵粉中夾雜左蔬菜所以唔會好膩👍🏻個燒餅面嘅中間仲有塊豬肉喺度添!個炒麵就好普通冇乜味要我自己加啲沙律醬先食得晒👎🏻🔺熱狗棒🌭佢係有薄薄嘅炸醬包住一條熱狗腸，佢附有茄汁加芥辣。由於攞返嚟已經一段時間所以唔會好香脆但亦都唔會有陣油益味，都算係一個唔錯嘅小食👍🏻…查看更多

而家疫情下收咗工冇得坐喺元氣回轉吧枱食壽司😭唯有買外賣返屋企食啦!🔺灸燒帶子壽司🍣佢粒帶子好大粒，而且味道幾新鮮唔會有腥味，再撈埋面上嘅沙律醬一齊食好正！ 🔺炙燒黑椒三文魚壽司🍣個三文魚燒得勁過帶子個款，食起上嚟唔會食到好勁黑椒味所以怕辣人士都可以食。好鍾意個沙律醬撈埋一齊食令個壽司生色不少！🔺三文魚腩壽司🍣佢$10件咋好抵食！每次都會必叫的！一入口佢嘅油脂味就爆出嚟成口都係好正😍🔺花之戀壽司🍣佢價錢比較貴要$22得一件😭但佢有2大塊都切得厚嘅三文魚，我最鍾意係佢裏面有好大pat沙律醬一啖食入口好滿足！…查看更多

星期六日放假瞓到兩點幾先醒，就落咗樓下大家樂買個下午茶食，平平哋又可以解決一餐👍🏻🔺魚介豚骨讚岐湯烏冬🍜首先飲咗啖湯，佢個湯好鮮甜好似落咗好多魚落去煲咁，我最後係飲晒成碗湯先罷休😂佢有一大條嘅豚肉，豚肉係燒過，個豚肉係一層肥膏一層瘦肉，入口肥膏滲出好香嘅油脂味味再加埋瘦肉一齊食好正！就算食晒成條豚肉都唔會膩，因為佢有少量椰菜絲做伴菜🥗我就鍾意將烏冬麵+豚肉再加少量椰菜一啖放入口感覺一流🍜👍🏻👍🏻冬天食飽碗暖笠笠嘅烏冬麵感覺好滿足🔥…查看更多

放假同朋友係希慎行街行到食飯時間行到又攰又肚餓，但又糧尾了😭所以就直上food court 諗住平平地就可以解決一餐🍜行咗一圈之後感覺梨花園快餐嘅賣相幾好就試下喱間啦！🔺泡菜豬肉炒粉絲🌶佢係個套餐嚟有3款前菜加湯or野飲，我自己好中意喱啲套餐感覺好完整咩都有咁👍🏻一食個粉絲係好辣！🔥其實佢個味道係調教得好好，好香麻油味都幾惹味！但最衰自己唔太食得辣🥺佢啲泡菜對我嚟講係勁辣🔥但醃得好夠味👍🏻最後我比哂啲泡菜朋友仔😂但我都有清哂啲粉絲🙆🏻‍♀️同埋啲豬肉片味道普通但個份量都幾多，對於師奶仔嘅我覺得好抵！…查看更多