Tsoi723's Profile

我尼個美食家又出動啦，知道ICC開咗新嘅火鍋店，梗係二話不說約朋友過嚟食啦，因為係101樓嘅關係，所以我選擇中午過嚟，可以順便欣賞海景景色，我哋就叫咗個二人套餐「午市雙人A套餐」每人每鴛鴦鍋底2份（口味4選2）火鍋小料2份f4純血和牛1份小海鮮拼盤1份竹蓀河豚滑雙拼1份鮮毛肚1份冰川鵝腸1份肉多多午餐肉1份冷鍋鴨血1份田園蔬菜拼盤1份椒香酥肉1份重慶擔擔麵2份二人套餐入邊都好多嘢食，佢係每人一個鍋係面前，入邊可以選兩份湯底，我選咗辣味同蕃茄味，食得出係新鮮的食材，和牛我覺得係最好食，鮮毛肚都不錯，喺最高101大廈入邊一邊食火鍋，一邊欣賞海景渡過一個中午也不錯…Read More

約咗朋友真係咁啱行過，原來呢度開咗間雞蛋仔，我見到入邊勁多人，出於好奇心之下就梗係入去望吓啦，有乜咁特別入邊係自助嘅，有部機俾你自己買嘢食，我見到第一版最特別嘅係佢嘅Q版菠蘿包雞蛋仔，雖然價錢唔平，但係我都決定要買一個試吓，因為人多嘅關係，佢話要等半個鐘先至有Q版菠蘿包雞蛋仔佢每一粒上面都有菠蘿包個皮，好可愛，睇得出個雞蛋仔好考功夫，因為為新鮮製造，口感酥脆，淡淡菠蘿包味道，雞蛋仔口感，真係幾特別，等半個鐘都值得我見佢仲有鹹味嘅雞蛋仔，下次經過要試埋其他款先，臨走經過廚房，見啲職員大大隻幾靚仔，唔知係咪都係人多之一尼😆仲有場內係有座位可以坐喺度食㗎…Read More

一間餐廳，集合晒我想食嘅食物，包括魚生，壽司，壽喜燒，燒肉，天婦羅🍤一坐低，首先會有一盤有10款魚生嘅刺身拼盤，牡丹蝦勁大隻，唔係揸流攤架，重有叫左海膽壽司，味道新鮮，仲有一口鵝肝，自己就鍾意比較食蝦多啲，所以就叫咗個蝦天婦羅，炸皮鬆脆，冇油膱味👍🏻任食安格斯牛肉質量不錯，都食咗幾轉，自助區仲有好多食物選擇，出邊仲有個雪櫃有好多雪糕款任揀，總括嚟講你想食嘅日本嘢，呢度係可以滿足晒你咁多個願望…Read More

炮台山話近唔近，話遠又唔算遠，如果唔係特登過來食，都未必會走過來呢區。不過「Antidote」呢間韓國菜呢排真係好hit，除左裝修上行文青風，坐得舒服之餘，食物質素比傳統韓國餐廳更勝一籌，味道調整到比較岩飲食健康清淡的朋友，食過都會想再來。本身朋友附近返工，見佢成日邊食邊打卡，已經好想試，今次襯佢地有新menu就真係來試曬比較signature既菜式：前菜傳統韓國餐廳必備5小碟，口味上幾適合香港人，唔會太濃味，接近西餐前菜既濃淡度，作為開胃菜岩岩好，食多幾啖唔會厭，全程食住來清下味蕾都唔錯Goblet of Fire打卡之選，情人節飲呢個會好有氣氛，味道偏甜，酒精濃度較高，飲少少已經有微醉既感覺，記住食d野打個底先。烤牛肉拼盤有得睇有得食，靚仔肌肉OPPA親手剪肉，再逐塊煎，估唔到好JUICY，應該用既係靚牛先做到，本身睇到咁多以為咁多食唔曬，但食食下都食曬，一味兩食，除左啖啖肉咁食，仲可以配生菜+特製醬包住食，建議3-4人點呢個會比較岩份量。醬油蝦真係超大隻蝦，鮮甜得來仲有咬感，一食就知新鮮度滿分，平時去食生蝦生蟹最驚唔新鮮，呢到絕對可以安心食用，必點菜式之選。蠔鼓香菇釜飯一打開已經聞到香噴噴，食落去個味都好夾，口味偏淡，主要食佢既香味，配上面食既海鮮同肉，相對來講平衡返，同埋配返個牛肉食都好襯。…Read More

其實好多人都唔知，唔使入會都可以入去個餐廳食嘢，之前都有同朋友喺度食過lunch，之後職員話廚房轉左，餐單都轉左，所以今次我又嚟食吓新嘢鴨髀，擺盤幾靚，食落去肉質滑溜煙肉田雞髀，最欣賞呢個，底下配咗個芝士菠菜蓉，田雞多汁滑溜口感煎鵝肝伊麵，鵝肝香而不流，上面仲有啲金箔㗎，兩個人食一碟都夠晒啦，魚子醬海膽意粉，絕對冇偷工減料，上面好多魚子醬，配搭海膽一流，一定要叫小食帶子，配搭蕃茄碎，食完可以清一清個口腔，總括嚟講轉咗廚房新食物幾有驚喜…Read More

嘩，諗住求其搵一間食魚嘅順便打邊爐，估唔到咁好食，既然嚟到，梗係叫咗一條沙巴龍躉烤魚食，佢有幾隻味揀嘅我哋就揀咗金銀蒜香味，條魚食得出好新鮮同埋好滑口，配菜就揀咗薯粉，金菇，土豆，萵筍，薯粉一碟都好多份量，叫左各一份雞翼，燒魷魚鬚同埋雞腎，我哋叫咗小辣，但係都覺得有啲辣，可能本人本身唔食辣卜卜蜆同埋麻辣鴨血好好食，麻辣鴨血唔係好辣，好惹味我就叫咗碗白飯送魚，好好食飯後仲可以自助式令食冰粉食添三個女孩子係食唔晒嘅…Read More

知道icc 101樓上開咗新餐廳，梗係叫d朋友陪我去食啦我哋今次就食呢一款Menu，有我最鍾意嘅魚子醬🤩Menu有9道菜式（$2888）頭盤就有三款-俄羅斯十年黑魚籽醬Russian Classic 10yrs Black Caviar係人都知俄羅斯入口嘅魚子醬係最好食，佢呢一款係10年，入口味道唔係好鹹，味道帶有少少鮮海水味，不錯，包裝盒上面係有貼上雷射標籤防偽-琥珀玻璃蝦球Snowy King Prawn, Caviar, Lobster Broth 蝦身爽脆，size都頗為大隻，上面配上少量海膽同澎湃嘅龍蝦汁，d汁多到我以為係湯，不過係可以飲埋-脆蔥南非鮑魚Braised Abalones with Shallot鮑魚扎實有口感，鮮美清甜，可以配上旁邊嘅香蔥一齊食，佢已經切開四份，唔使自己動手切-菜膽燉鮑翅Double Boiled Shark's Fin Soup withSeasonal Vegetables清清地嘅一碗湯，魚翅份量適中，食落有爽滑彈牙的口感輪到主食-清蒸海红瓜子斑Steamed Red Spotted Garoupa好新鮮的一條魚，蒸煮時間啱啱好，食得出好有鮮味-蟹粉魚籽脆皮花膠Deep-fried Fish Maw with Caviar and Hairy Crab Coral尼個好食到不得了，佢嘅炸粉吾係好厚，配上蟹粉汁一齊食，完全冇膩口既感覺-瑤柱扒時蔬Dried Scallops with Vegetable-和牛抄飯抄飯抄到粒粒分明，有口感，我地個個都話好食輪到甜品啦就係時令生果同埋燕窩…Read More

臨近生日，堂妹特登搵咗間餐廳同我食午餐，喺上環附近，地鐵站行一條街就到，我哋就坐喺吧枱位食，叫咗個set lunch omakase ,右：枝豆豆腐、無花果（口感味道幾特別，唔似一般豆腐）中：冲繩水雲、帶子（最鍾意食呢個，酸味味好開胃）左：燒合鴨胸（呢個係日本鴨）第二款係茶椀蒸蛋，入邊有大蜆，櫻花蝦（好足料嘅一碗蒸蛋）刺身有北海道白象拔蚌（口感爽口 ），鮫鰈魚卷酸汁啫喱 茗荷（又係食完好開胃）再嚟有刺身三款，魚生好新鮮前：深海黪魚左：鯖魚姜葱蓉右：梭子魚 花穗呢一款食物係地鷄 ，我覺得醬汁同埋雞嘅口感非常之配合之後仲有幾款壽司有伊佐木，帆立貝，牡丹蝦 （蝦頭膏），中鮪toro，赤鯥同埋三文魚子之後仲有個味噌汁麵豉湯甜品就係紫薯雪糕成個午餐食得好滿足好推介場內仲有個打卡位添…Read More

今日放假，知道山林道開咗間新餐廳，就約埋朋友喺呢間食嘢，見好多人都過去打卡，環境佈置全藍色好靚，係我最鍾意嘅深藍色，影相之前我哋都叫咗幾樣食物醫下肚先，先至有力氣繼續影相。我哋叫咗一碟藍青口，係用蕃茄忌廉汁同埋有辣肉腸喺入邊，炸紫菜日本雞腿肉，肉質好鬆軟，我就最鍾意食鬆軟嘅肉，配芝麻醬一流，甜品就叫咗個香蕉窩夫，係用新鮮香蕉整個醬，窩夫口感煙煙韌韌好好食，之後我就叫咗一杯蝶豆花乳酪飲，唔太甜既乳酪味，周圍環境都係個打卡位…Read More

好耐都冇出過嚟行街啦，好多餐廳都未食過，又因為疫情所以出唔到國，所以就周圍試吓未食過嘅餐廳，因為喺附近行街朋友話想食天婦羅，就搵到呢一間我就叫咗連續七年日本金獎既天吉井，入邊有黑虎蝦，佢嘅虎蝦真係足料，好大條，魷魚好大粒，食落去好似魷魚魚蛋，石斑魚，茄子，南瓜，四季豆，炸紫菜，同埋溫泉蛋，所有嘢加埋一齊已經係個碗嘅三分之二，口感炸得好鬆脆，同埋佢嘅炸粉係好薄，完全只係點綴食物，唔係好厚嘅炸粉食落口最重要餐前佢哋會送個沙律，沙律菜好Flash朋友就叫咗個天幕御膳，真係好豐富嘅一餐，佢係有三種食法，員工會拎個介紹牌出嚟俾你，跟住點樣食，呢個餐就多咗個軟殼蟹，唔夠食仲可以白飯任添食得出很用心製作…Read More

本身對三送飯都唔會話有太高要求，但自從搬咗喺附近之後，搵到呢間，d餸菜質素唔錯，食得出係幾用心整，$28 有兩個餸，都幾足料㗎，最重要係食完之後唔會口渴，應該就冇味精，但係上次揀咗雞髀略嫌唔夠入味…Read More

同朋友行街，竟然喺附近搵到一間新開嘅餐廳，餐單上嘅酒類選擇好多，每一款都好有特色因為我哋有幾個人，所以每人都叫咗唔同款式試吓我就叫咗呢一款Cocktail因為賣相好靚Garden in the sky飲落去甜甜地有花香味左：iconic life 佢係有咖啡味嘅Cocktail中：mango hot呢一款係Orange era，佢係用綠寶橙汁製造嘅Cocktail，中間有粒話梅，酸酸甜甜好開胃頭盤小食就叫咗松露薯條配松露醬，薯條炸得好香脆，配上松露醬食到停唔到口，黑松露多士內有乾坤，中間有松露醬之餘仲有一小片ham，吞拿魚他他配西瓜味道很合配，主菜就叫咗脆炸德國咸豬手配酸椰菜同埋黑松露pizza，豬手個豬皮好香脆，肉質很滑，唔會好鞋口，鮮蝦肉龍蝦汁意大利飯個龍蝦汁味重，但唔會好滯，我最鍾意食嘅就係鮮海膽汁意粉，意粉口感彈牙，極力推介澳洲M5和牛肉眼扒好香牛味，肉質都好滑，黑松露牛油焗法國黄油春雞佢連雞胸肉都唔鞋口，切開仲有好多汁鎖係雞肉入邊最重要嘅佢係好多款自家酒廠啤酒選擇下次真係要慢慢試晒佢咁多款啤酒丫…Read More

天氣凍冰冰，男朋友話想食雞煲，就諗住近近地，係佢公司附近食啦，其實成日經過呢間餐廳，但係都冇入過去食，門口見到餐牌有雞煲食，二話不說就行咗入去，我哋就叫左越式香茅雞煲餐，係二人份量，包括有有一份生菜，牛肩胛肉片，黑椒牛丸同牛柏葉，仲包埋兩罐汽水添，但係我哋怕唔夠食，叫多份鮮冬菇同響鈴，初時見到個雞煲個顏色咁紅，以為好辣啦，點知食落口個辣係接受到，佢係嗰隻吊癮辣，我覺得送飯係一流因為我本身都食唔到辣，啲雞肉好滑口，唔會鞋十十，佢嘅牛肩胛肉片好有咬口，我覺得黑椒牛丸最好食，牛柏葉份量都多嘅，地方都坐得幾舒服，下次會過嚟試埋佢嘅湯河…Read More

知道置樂開左間新既泰國菜 同朋友住屯門近近地不妨試下 店員安排左卡位比我地坐 一坐低竟然見到有usb叉電位好貼心呀 仲要有4個 就算幾個朋友都可以同時用唔洗爭😂我地叫左5樣野 香蔥蒜蓉包 泰式馬拉盞炒通菜 炭燒豬頸肉 泰式麻辣多春魚 泰式菠蘿炒飯首先講下個蒜蓉包 一上枱已經好香蒜蓉味 因為係厚切麵包 所以外脆內軟入面又唔會烘到乾晒 / 我同朋友都好鐘意食菜 連我地都覺得個馬拉盞炒通菜食極都仲有就知份量有幾多 岩晒我地呢啲菜精食👍🏻不過可能我地重口味 覺得再濃味會更惹味 / 炭燒豬頸肉用炭爐上 遲啲食都吾怕會凍晒 / 多春魚係店員推介 話當值廚師最拿手 本身都已經好鐘意食 忍吾住嗌埋 上枱即食 外邊炸粉薄 多春魚又吾會太乾身 咬落仲有啲魚汁係入面 真係炸得啱啱好 / 最後仲有個菠蘿炒飯 份量足用料足 口感好 價錢又平真係好抵食😋另外，加左2杯飲品 泰國餐廳必點椰青 椰青水好清甜 而且飲得出好新鮮 啲椰肉好容易就刮到出泥 另一杯係百香芒芒 朋友好鐘意 話夠甜同好足料 好濃郁新鮮芒果味 入面仲加左啲大大舊既果肉 成杯都好有口感邊食邊飲 到我地食完餐飯 仲有得嘆下杯野飲 總括泥講 食物份量大 全部都好足料 相對價錢又唔貴 埋單食左咁多野都只係$404 而且地方夠大 我地食果陣都有一枱十幾人係到食飯 好適合家庭/多人聚會…Read More

餐廳嘅tea set每次都帶比我驚喜，今次已經第三次去啦，除咗影相靚之外，嘢食都好食，今次我哋就試下「幸福樂園」，呢個係獨特黑松露主題既下午茶，今次成個都係以鹿為主，鹹點就有幾款，包括：煙燻三文魚帶子馬鈴薯，最上面係煙熏三文魚，中間帶子都大大粒，下邊嗰層馬鈴薯混合其他材料整，好食之後係法國蝸牛，佢口感比螺肉仲淋少少，再嚟就係濃香沙樂美腸及兩款芝士，沙樂美腸加芝士食一流，重有保鮮蔬菜和水果脆片配黑松露粉，老闆娘話係自己配搭出嚟架。仲有一杯黑松露牛肝菌湯，食完個口已經充滿黑松露的味道😃當然仲有一系列馴鹿甜品啦，黑松露法式奶凍上面有幾片黑松露，估唔到個味道又幾夾woo，星空柚子朱古力甜品杯最呃like，靚到我唔捨得食甘濟😂星空入邊係奶凍，會比一杯熱朱古力你之後倒入去，佢哋就會溶埋一齊，咁就可以食㗎啦，仲有馴鹿白朱古力，初時以為係餅乾估唔到係朱古力，再慢慢地品嚐薰衣草伯爵茶，不經不覺間同朋友已經傾左幾個鐘，relax …Read More