mijong的个人专页

大隻佬就是先前於附近的龍記，好吃，可惜不敵租金。去到叫左牛雙併撈河，賣相麻麻，牛腩有點韌，辣牛筋就腍滑，加上香辣口感，不錯。河粉就好散，好難用筷子夾起，呢點真係好失望。另外朋友叫左個豬手撈，皮多而肉少，麻麻地。好彩既係爽滑肉，不過就鹹，膠質有，不過就無乜油香。味道差了點，回不到以往的目的。…查看更多

歷來的傳統食店身處異地後，味道都會改變，今次不敢評論，只是感到有點好吃。叫了豆乳湯底的拉麵，湯蓋過了麵及配料的，賣相麻麻。豆乳豬骨湯底，濃郁甜美，加上因為豆乳既關係， 湯身較稠。麵為直身，掛湯一流，加上咬十足的，時間岩岩好。叉燒半肥，用過火槍輕輕燒過，焦香的表面也令其更惹味。最後飲哂所有湯，完。…查看更多

呢到只有淨爽腩，因為呢個部份少，加上唔會混埋其他牛腩，所以限量供應。叫左碗爽腩，清湯濃郁鮮味，不過就無乜火喉，爽腩中有埋瘦腩，軟滑而有肉味，油脂甘腴，絕頂好吃。不過價錢就比普通既牛腩貴，是另外點左碗牛骨湯米，牛骨湯帶牛腩碎，爽身彈牙的米粉唔會太淋，實在也好吃。…查看更多

華輝最出名就係酥皮蘋果批，加上我平時唔多鐘意食牛油曲奇皮，但係華輝既係做到酥皮，有厚度又滿有牛油香，至於蘋果餡軟滑，加上上面有粒類似提子乾，好特別，蘋果入面除左甜味吏仲有蘋果香，再唔係普通罐頭餡，口感酥化真係一流，再加多杯奶茶，坐下閒下，盛惠30有找，正！…查看更多

來到梗係要點杯「愛美神」，點解，因為紅豆冰上面既尖尖地咪就係愛美神胸口個兩枝，用長羹將碎冰混入奶，冰夠碎，甜度我就覺得麻麻，不過紅豆煮到起沙，一流。另外叫左個牛肉通粉，湯用牛肉即滾的，熱辣辣牛肉又嫩滑，最正係佢D通粉煮得有小小糊，個湯只有小小鹹味，但牛肉鮮味多多，正！…查看更多

位置太偏，真係唔係過來搵人都唔會特登來。點左個四色丼，三文魚魚生碎吞拿，海膽、三文魚籽及帶子。份量不大，做lunch岩岩好，海膽麻麻地，有點兒腥，三文魚籽就算大粒，不過都無乜鮮味。壽司飯方面就OK。加上碎吞拿仍然不錯，猶如油雞飯既薑蓉，唔錯。整體上來講，午市日本料理有咁既質素。唔錯！…查看更多

呢間都係第一次同朋友來，點左個牛肉丼，感覺上有了蔬菜同少左醬汁，比吉野家既更健康。同樣做法，我都係將溫泉蛋刺開再混和牛肉飯一齊食吃，：加上不是肥牛，感覺上更正宗同清新，無左油膩之感。另外點左個薯仔沙律，感覺非常健康，不過太乾身，如果加點汁佐食就一流了。價錢方面都相宜，不錯不錯，結論，就係可以一戰。…查看更多

之前吃過一碗麵，都已經是北角個陣，今次搬左去鰂魚涌，決定去試下。點左炸豆腐，淋上麻醬，外層脆口，加埋D肉絲好好食，不過份量就好似街市買一磚磚既咁，好大份。 叫左個紅撈粗麵，係個寬麵條黎，我估起碼有1 CM，好特別又有咬口。另外叫左一味鹹香雞，雞肉係用水就咁煮成的，雞肉嫩滑，配上的蔥油，好鬼死惹味。鋪頭既裝潢都好有設計感唔錯！…查看更多

自小喜歡綠茶，入口溫和吞後乾澀的味道令人難以忘懷。身邊有不少同事都是綠茶精，放工去便相約到CWB的VIA TOKYO獎錢勵下自己。我自己叫左杯牛奶綠茶紅豆丸子雪糕，拎到既時候，見到雪糕好挺身，而且表面無溶雪既感覺，姐係水較少，但奶既比例幾多下，覺得幾真材實料。食落去雪糕不太滑，可能太稠，不過牛奶同抹茶既味道好濃，好岩我口味。至於紅豆餡，普通沙狀，而且不太甜，畫龍點睛而已。糯米丸其實都普通，好痴牙，有點難咬，加上表面太溫，普通糯米滋而已。但所以醉翁之意不在酒，我最CARE既雪糕，十分入面都有6.5分。敗在畫蛇添足既額外配料…查看更多

今日帶完狗狗去睇醫生之後，覺得太熱就自己一去吃碗豆腐花。第一次來陳記，先知原來有黑豆豆腐花，之前就曾經食過黑芝麻既豆腐花，覺得好特別，今次就只點一個黑豆的。黑豆食上去個豆味比平時既黃豆味較重，但係有種怪怪的感覺，就係有D生生地既味道。至於吃上去就無散，容易一舀就變變豆腐碎，可能佢落石膏粉個比例岩岩好，不過我唔太鐘意佢自己幫我加糖水落去，因為一落糖水個酸味好快出來，今次就出現左咁既情況。但大致上個黑豆豆腐花都ok，因為雖然佢係現成，夠冰凍，但吃落去好滑，無普通街市買番黎平豆腐花既"鞋"感。第一次食，正評！…查看更多

放學行過天后，口痕想食小小野，見到呢間蛋餅店，是台灣野來的，不幸既係去過幾次台灣都未曾試過，今次就點左個培根芝士，佢係即刻整既，不過佢個蛋餅皮有d似q餅"淋"左既時間起佢整既個一刻我都有d驚唔好吃。不過佢最尾用培根同埋d芝士，做左個內餡，個芝士做得唔錯，是流心的，而且煙肉果D都煎到出油，好香，最後就一卷切成左六小舊。較上去雖然個皮不是脆，但個個內餡襯番軟軟地都好好吃，最緊要係個芝士流心。煙肉就麻麻地，因為食到有小小雪味。總體來講，小食既質素唔錯，不過價錢就有d偏貴，可能起港島啦。…查看更多

早前到過逢甲夜市，也一嚐過雞腿捲，不過著重汁多過脆，表面猶如滑嫩既雞腿肉。今次經過深水埗既呢間雞腿捲店，主打是雞翅包飯同雞腿捲。我當然點了雞腿捲，而加芝士粉，看看兩者的有甚差分別。灑上芝士粉後離雞腿明顯變得乾身，我深怕內裏的肉亦是如此。但之後第一口咬下去時，油汁已由嘴角徐徐留下，內裏肉汁四溢。表面的雞腿皮亦弄得香脆，呈格啦格啦的脆皮聲音。而芝士粉偏鹹，但又呈小小甜味，不錯。回頭機會甚高，因為我較喜歡雞皮的香脆可口，加上灑上芝士粉，十分惹味，可惜$18的定價有點高，台灣6元就吃到了。…查看更多

起街出面既擔擔麵少之有少，愛上它原因在於易入口而且麵質較腍，非常好吃。作為小籠包愛好者，來到這店，當然叫到，而且另點一個麻油海蜇。擔擔麵選左花生湯底，擔擔麵由於較難入味，加上麵身容易腍軟。但湯底仍然濃厚，花生味不太好，反而吃到花生的碎粒。味道頗濃而稠身，十分好吃。小籠包以為普通之作，但皮做到軟身的效果，表面乾身但內裏做到肉汁飛溢的效果，內餡含薑粒，味道一流。麻油海蜇可能來人鍾情於海蜇，對其要求甚高，但此只屬小吃一類，作罷了。但口感頗爽，油份十足。整體上十分好吃，因為做到中等要求的上海菜小店十分少有，回頭機會甚高。…查看更多

點心店開到成行成市，不過質素參差。住左元朗附近，又想吃點心，又不想到茶樓等位，此店為上佳選擇。進店後才發現，點心種類包羅萬有，有舊式之餘，也有創意的。話明缽仔飯，自自然然就點了排骨缽仔飯，墨魚子燒賣，響鈴腸。排骨缽仔飯:7/10唯一我覺得點心店好食既排骨飯，以往起其他點心店甚或大排檔既時候，飯太濕，太黏，而且排骨往往都黏上飯粒。而呢間既缽仔飯，夾上排骨的時候，飯粒分明，加上甜豉油便一流。墨魚子燒賣:8/10內餡為豬肉，上面以幾粒墨魚子做襯托， 豬肉結實，味道不錯，由於個人喜歡吃燒賣，而且味道適合，自然就好評。響鈴腸:6/10店鋪推介之物，我也是第一次吃，不過感覺甚怪，響鈴還有點偏硬，麻麻地。大體上來講，環境一流，食物既水準也不錯，奈何要對得起價錢的話，還是酒樓的便宜。…查看更多

食粉仔，心目中既第一位，就係屯門置樂既橋底粉仔，酸辣菜甫的味道提昇了粉仔既米香。而18座狗仔粉，食完之後，我大概會排佢起3，4位。大排檔既座位方式，不錯。點左碗細既粉仔，加一火鴨脾。粉仔:可惜的是這兒沒有醋，否則的話就可以試真一點，粉仔還未煮很通透熟稔，米味還不足，可幸的是有菜甫，才稱得上好味。火鴨脾是我到店鋪上看到別人吃，我又想吃的其一菜式，火鴨脾的皮不算太脆，不過咬上撕開時卻容易得很，沒有凍了皮就像橡筋的感覺。佐孰多野食都係人都知，不過特別的卻寥寥可數，此店頗為特別，尤其香港沒有太多店有得食，回頭機會甚高。…查看更多