nutmui的个人专页

近來越來越多人注意環保，餐飲上漸漸出現不同的素食自助餐，今天就是了位於德寶商場的齊齊素自助餐。依間自助餐是有分時段限制，分別是中午11:45及1:10；晚上6:00及7:45，每場限時90分鐘。黎之前記得提早電話預約！今天晚上和老公吃7:45場次，我們於7:30到達，門外已經出現一條長長地的尾，入座前先付款，提提大家，現時只接受現金支付。入座黎就可自動開餐，由於店內食客屬於同一場次，所以大家都同一時間湧出來取食物，所以都需要排隊同埋部份食物好容易被清空，不過建議大家唔使心急一次過領取太多食物，食店refill 食物速度都算快手，8:00左右取食物就唔洗點排隊🤣講下食物質素，分吃有熱食、冷盤、甜點同湯，以$128黎講總類都算多，而且味道都不錯👍🏻喜歡素食嘅朋友值得去試下…查看更多

觀塘工廠區內有好多特色食店，今日同老公黎試下「人間世茶會館」一入到店說感受到好寧靜的感覺，唔講都唔知原來係餐廳，裝潢放置左不同的茶具，好有特色，入到店內發現原來座位有分2種，一款是要脫鞋坐的塌塌米，另一款係一般長枱，溫馨提提您：想坐塌塌米的朋友仔需要盡早電話預約。由於我同老公係walkin 入黎，所以今日只係坐一般長枱，雖然係咁但仍然係好舒服同清靜，係一個好適合傾計嘅地方。講完環境返黎講下食物，食物款食不算太多，主要係日式西餐，我地點左一客龍蝦汁蟹肉意粉同埋廣島蠔意大利飯，食物質素好好，先講龍蝦汁蟹肉意粉，龍蝦汁配埋蟹子係好爽脆的口感，一點都不膩！至於廣島蠔意大利飯，廣島蠔煎到好甘香，而且幾大隻一點都唔腥，如果再juice 啲就更加好了，意大利飯好適合我地胃口，係軟硬適中，飯底有一片青瓜，即時提升清新感。整體餐廳環境同食物質素都令人好滿意，放假黎依度食個悠閒午餐，確係不錯的假日活動…查看更多

晚餐點了招牌豬扒酸辣米湯、麻香海蜇雞絲。份量要用大件夾抵食形容，一碗米線足足有3塊豬扒，配菜有花生、芫茜、蔥，啱晒食肉獸！不過如過唔想太多肉可以考慮下叫雙併。我平日唔食得太辣，小小地點左小辣，味道剛剛好，唔會辣到流晒口水鼻涕米線口感爽爽地，很特別！小食方面今日點左海蜇雞絲，食食下佢個麻味會愈來愈強，包圍成個嘴唇，麻味好突出，海蜇好爽口，不錯不錯。店內除症米線仲有水晶粉同薯粉，另外仲有泡飯食，都有幾多選擇，重點係價格好相宜，真心抵食…查看更多

三多炸肶一向出名，今日就揀左佢做下午茶，雞肶皮脆肉嫩，果然不負所望，而且都算大隻，$30一隻都算合理，有興趣朋友都可以一試👍🏻另外tea set 仲可以加配白飯/ 沙律或卡西西意粉，今日我地就選擇左卡西西意粉，意粉醬汁帶有番茄醬酸酸甜甜好開胃，仲有好香嘅蒜味，配埋炸肶突顯意粉清新的感覺，令人食指大動，真心推介😋食左炸物當然要配杯冰凍飲品先叫完美，由於佢冇凍檸茶，所以加$12叫左杯特飲-爆珠其實爆珠就係凍檸茶加上乳酪味爆珠，個人覺得爆珠味同杯檸茶係完全唔夾🙈試一次就夠了…查看更多