hifi tang的個人專頁

朋友提起美孚有間豆鼓餐廳，我完全未見過! 食豆鼓菜式㗎? 我血壓偏高，減鹽喎，豆鼓咁咸唔使預我。朋友推薦下，姑且一試。原來位於美孚保龄球舊址，已改建為室內草地滾球場。豆鼓餐廳係駐場西餐廳。位置真係冷門唔起眼，餐枱位置濶落，不會迫，地方亦乾淨，侍應招呼好。午飯時間去，客人不多，叫咗個牛柳扒午餐，價錢$108再加一。同區餐廳中算貴。餐湯及前菜沙律都有啲水準，牛柳亦軟淋，惟牛的肉味一般，可能叫其他單點食物會更正。餐咖啡亦好。…查看更多

早前在大埔行過一條晚上比較少人行的街頭，見到好多後生仔女圍在一間小食店門前。這店看來是新開張不久，以前是吉舖。門口放咗一部日式飯券販賣機，店內坐滿人，雖然我都係找餐廳吃飯，咁多人等咪攪我，販賣機顯示主要賣牛。約一星期後，想去試吓，噢，一樣咁多人等，又放棄咕咗。終於weekday去，門口沒人排隊，買了票入內，店員告之飯、羅宋湯、沙律係自助。我幾欣常佢啲自助羅宋湯，非常真材實料，牛肉相當多。我點的牛肉原來用三成熟的牛肉放在燒熱的火山石上，端到我枱上由食客自行烹煮，決定幾成熟。有點似以前的 Stone Grill。牛肉頗冧，有牛肉味。但火山石溫度流失亦快，要盡快切開牛肉，快煎煮，否則尾後幾嚿就好生。…查看更多

佐敦的新森林焗飯專門店已經間食了很多年，原來從來未推薦過此門面平凡的餐廳。吸引我去的菜色不是焗飯，反而係奶茶同咖啡。佐敦區我吃過好多茶餐廳，沒有一間奶茶比得上新森林，奶茶濃但不會有澀味，茶底香不造作。普通餐茶都有高水準，有冇預過失手? 當然有，例如早上七時去一開舖就食早餐，太早會失手，估計奶茶師傅未上班。正餐不貴，食材都有水準，當然不是絕頂美食，魚柳不是稔魚，飯亦不是用下價米。以四十至五十元午餐計，性價比極高，加埋杯靚奶茶同咖啡真係正!…查看更多

位於港晶中心的翠華，原來已經變成富華冰室，餐廳外觀頗光猛潔淨，當時不用排隊等於是入去吃個晚餐。由於趕時間，叫咗個$88 羊肉晚餐，伙記頗禮貌，識得提我叫外賣，要分單否則不會有外賣扣扣。首先上枱係忌廉湯. 餐飽及奶茶。吓! 啲白湯看來同稀漿糊無乜分別，得幾粒粟米同一碗漿糊，另外附送好多味精。餐奶茶就老夾嚡颯颯。唔係呀，$88個餐都咁嘅質素? 中伏!好彩，主菜羊肉飯餐仲有啲質素，羊肉有2小片， 嫩滑唔羶，有肉味，伴的蔬菜亦幾好。…查看更多

在旺角的偏僻橫街，偶然行入一間普通 cafe 餐廳，舖內掛着廚師的獎牌，似乎老闆及廚師都係同一人。隨便叫咗個香煎葱油豬扒飯。奶茶先到，飲一口竟然有茶香味，即刻有點另眼相看及期待。飯終於到啦，賣相不錯，有拌碟菜及茄子。豬扒新鮮整出，入口 juice ，兼有肉香味，不會硬掘掘。飯粒香，軟硬適中，不是越南米。午市只收$52。相反現在好多餐廳連基本奶茶咖啡都沖不好，這閒小餐廳卻做到茶香豬扒正。下次再去試其他菜式。推!…查看更多

晚上八時相當多人在店外等候，排隊半小時才能有位。侍應勤快。點咗黯然消魂飯(叉烧蛋飯)及豬扒煎蛋飯，但廚房出得好慢。終於上菜，食得出係每碟新鮮做，可能需要等耐一點。黯然消魂飯的叉燒略太甜，食材有肉汁不硬，肥瘦適中。至於豬扒蛋飯，飯粒過冧有點濕，豬扒不似用坊間雪藏豬，有肉味，惟味精多得濟。餐奶茶失望，微微偏老而不香滑。平均碟頭套餐每位六十元，比普通餐廳略貴，故此期望亦較高，整體中中上，下次會再試其他。…查看更多

原本對香葉灣印象好一般，事緣食早餐時，味精極濃，樣樣都咸，奶茶又不熱，雖然價錢不貴，但太和站有好多選擇。但係中午後，這餐廳為何永遠都好多人攞飛等位，這個世界沒可能咁多冇味覺儍人，於是又去試吓。咦! 啲味道正常喎! 又試多咗幾次午餐及下午茶餐，質素平均，維持得好好，沒有早餐那種極咸的味精，無論炒河及炒飯，都不會油冧冧，味道適中，啲魚柳、雞豬牛扒亦新鮮。冬蔭公金邊粉等酸辣適中，不會死咸。惟一係奶茶始终沖得好普通。咖啡都合格。…查看更多

下午茶時段，等咗十多分鐘才有枱，大日子搬遷復開後從未來過。本來沒甚麼期望，但吃落味道適中，不太油膩，份量有性價比。新裝修(超過一年以上)，地方潔淨，比舊舖光猛得多。…查看更多