BEnLAi2681的个人专页

呢間之前已經聽咗好多次，有好多網媒都報道過，但係因為好少去油麻地，每次去都係一大班人去Cafe，所以到咗今日先第一次有機會食喺門口等左三個字位，去到差唔多叫到嘅時候，侍應就會幫你落單，因為我第一次黎睇咗好耐，佢仲介紹咗一次個菜單俾我聽，其實黎到都係為咗試有龍蝦嘅龍蝦湯飯，所以都揀咗呢一個有真龍蝦配豬什嘅set,店員仲話啲豬什係新鮮嘅新唔新鮮呢我就唔識分啦，但係豬心係爽嘅，滾出嚟嘅湯係有豬潤味，同埋豬什嘅份量好多，亦都洗得好乾淨，冇異味湯底真係食得出有龍蝦嘅鮮味，不過由於豬膶都係好濃味，下次再嚟我應該會配一樣冇咁濃味嘅，咁會更加食得出龍蝦湯嘅味道，龍蝦份量都唔少$88有半隻龍蝦性價比高 值得再戰…查看更多

又係寶林lunch嘅時間,呢間泰國菜我轉工之後第二日就有同事介紹,食過一次 今日有frd黎陪我又諗起呢間性價比高嘅泰式lunchLunch menu好多選擇 岩晒我呢啲眼闊肚窄嘅人，仲要免加一，我上次黎食過白咖喱豬扒配蝦丸呢度最開心係平時飲冬蔭功要專登叫一煲，但呢度係例湯咁包埋，仲要水準唔係求其，好多草菇，味偏酸，好開胃蝦膏炒飯配料都唔姑寒，啲蝦大大隻有五六隻，但炒得偏濕，同埋蝦膏味唔算好出，但味道都有中上，份量夠一個男仔食飽下次會繼續回頭試埋其他…查看更多

今日幫渣馬派選手包 黎左天后 朋友想食日本菜 見到呢間價錢都幾大眾化就走左入去試本身想食定食 但今日定食嘅小食炸餃子無晒 所以老細提議散叫會抵啲 咁就叫左雞扒飯 然後加5蚊將飲品轉做沙律同麵豉湯沙律係用類似柚子醋 唔係沙律醬 幾岩唔食沙律醬嘅減肥人士 麵豉湯麵豉味一般 正常味道 燒雞扒有驚喜 微燶 有焦香味 皮脆 但肉就稍為乾啲 不過前面嘅優點彌補到乾身左嘅不足 肉嘅份量亦都唔少 呢個價位算性價比ok 下次有機會再黎會試埋其他燒嘅野睇下水準係咪都保持到…查看更多

最近黎左寶林開工，想係到搵下唔同嘅野食，有個住寶林嘅朋友就介紹呢間嘅海南雞飯，所以lunch就黎試試午餐選擇唔多 有海南雞飯，口水雞飯，越式河粉，咖哩牛腩飯 同一個每日唔同嘅款式但係黎到當然要試下雞，又想食辣，就叫左口水雞飯，連飲品 60蚊肉嘅份量都幾慷慨，唔會得幾舊就算，雞味濃，肉質嫩滑，最驚喜係個辣汁真係好帶勁，怕辣嘅朋友就唔好試，入口果下以為係普通辣油，慢慢滲啲麻辣味出黎，好快成口都係麻辣味但又未至於死辣到令人好唔舒服，個汁送飯非常惹味不過午餐定價60蚊一個飯餐，都要等出糧先再黎…查看更多

黎到杏花邨想醫肚都係得一啲連鎖店 朋友提議想食韓國菜就黎左呢間試試加芝士加$15,芝士份量幾多，味唔算好濃，但個辣醬唔錯幾惹味牛舌份量偏少牛味亦唔算濃 一般雖然揀辣嘅石頭飯 但落左好多甜辣醬都唔算辣 鐘意甜辣醬嘅甜味嘅人應該會鐘意牛肉一上就係鍋入面有啲搞笑 好快咪熟晒要食，但湯底有驚喜，無味精，菇味幾濃，好多菜，share食不錯可能新年 人手唔多 成日舉手都無人應 本身想叫一個韓式豬手 朋友話唔錯 不過無貨無得食 下次有機會再試…查看更多

兩年前黎過一次，對呢到嘅斧頭扒念念不忘，生日梗係要黎食多次我地三個人叫左兩個前菜，兩樣都好得，炭燒海鮮拼盤有大蝦，魷魚，螺，帶子，每樣嘅生熟都掌握得岩岩好，入口嫩滑鮮味，帶淡淡炭燒香，唔會話啲燒烤味搶晒其他味道，雞翼已經起肉，食落啖啖肉，非常貼心，蜜糖芥末醬香而不辣，唔食辣嘅都可以入口另外叫左個手捲粉，黑松露味香濃，意粉al dante, 配埋cheese無得輸主角斧頭扒我地要五成熟，肉嘅厚度同西餐飯匙高度一樣高，食落一啲都唔會老，未至於話肉汁好多但一啲都唔乾，肉味十足，但硬係好似無上次食澳洲果塊好食，可能回憶入面嘅味道永遠都好啲lol…查看更多

一話要黎新蒲崗，呀哥就介紹呢度嘅粢飯門面無招牌，得兩個menu係外面，打開門口就係間舖除左粢飯仲有早餐menu，不過無影低，有上海湯面包括豬扒雲吞另外粢飯無跟飲品，要單點，下面個價錢其實就係單點嘅價粢飯有細膠袋方便揸住黎食，加多左油條，所以有兩條，上到黎粢飯熱辣辣，油條食得出即炸，脆口，肉鬆榨菜份量充足，每啖都食到有材料，整體而言值得回頭加左個熱豆漿，係原味用碗上，要甜可以自己加糖，豆味不錯，份量大24蚊以早餐黎講算正常價錢，下次過開黎都會再黎…查看更多

今日係荃灣放工，想搵一啲地道小店，本身想食米線，但老闆娘無開，結果朋友介紹呢間有聽過無試過嘅雲南米線七點鐘到黎到見門面有人排隊，以為係外賣，原來都係等入座，同埋有姐姐出黎幫大家落單，入到去兩三分鐘就有麵食一碗2餸米線45蚊，本來都覺得有啲貴，食落先發現真係足料到值回票價每一啖都係炸醬，腩肉份量亦好慷慨，甚至有餸多過麵嘅感覺味道方面，我叫左少辣，第一啖湯已經係濃濃嘅咸酸菜加上惹味辣味，少辣雖然第一啖無乜野，但係係會累積嘅辣，愈食愈過癮，米線口感煙軔滑溜，炸醬味濃，腩肉一啲都唔老，亦唔算好肥，怕肥嘅朋友都可以一戰，美中不足係慢慢食落會有愈來愈咸嘅感覺，應該好岩重口味嘅朋友，如果下次黎荃灣一定要試埋老闆娘睇下邊間更出色…查看更多

朋友生日想黎呢到食，兩點鐘黎到唔洗等位就有得入去Set lunch加28蚊可以點一份小食，我地揀左蟹肉薯餅，28蚊黎講份量偏少，蟹肉唔多，單論薯餅味道不錯，但唔算抵食想食risotto，又想食燒雞，結果叫左呢個望落配搭好特別嘅蜂蜜紫薯燒雞意大利飯，單睇顏色有啲伏，食落去似甜品，蜂蜜加紫薯嘅sauce食落好甜無咩咸味，食左一半飲返檸蜜都變左無味，不過味道上除左出乎預料嘅甜其實可以接受，未至於伏，燒雞嫩滑肉味香，risotto飯粒半熟口感岩岩好，鐘意挑戰特別菜式嘅可以一戰成餐嘅亮點係waffle, 樣似donut，食落濕潤綿密好似雞蛋糕咁，焦糖做得好薄舖滿蕉面，雪糕雲呢嗱味濃，仲有cream cheese, cream, syrup同奶可以配搭，值得一試…查看更多

呢間西餐雖然開左一段短時間，但已經成為左屋企飯店，尋晚無飯開就同老母落左黎開餐餐牌不定時轉變呢到最吸引嘅地方係除左主菜之外，前菜亦一啲都唔求其，唔洗加一嘅set dinner 仲有焗蠔做appetizer, cp值高周打魚湯入口creamy順滑，自家製麵包麥味香有嚼口烘得香脆，焗蠔做前菜非常有誠意鴨胸肉味濃郁，鴨皮油香充足，配上朱古力砵酒汁甜甜地苦苦地嘅朱古力味襯鴨肉出奇地夾，美中不足係慢煮但肉質有啲鞋口，煎鵝肝有焦香不過唔算好厚，但呢個價錢有得食下鵝肝頂下癮已經非常唔錯另外侍應姐姐仲話遲啲二至日都有晚餐供應，唔係得五六日，有happy  hour可以約埋啲同事收工一齊黎總體來講 係一間非常唔錯嘅西餐廳 值得更加多人黎試…查看更多