Kayei的个人专页

見佢新年後加價後，入嚟食碟頭飯，坐低枱面仲有啲咖哩跡，店員隨便抹幾吓就由佢😵加價後平均每碟差唔多加價8-11蚊，最後叫咗避風塘金蒜炒飯同怪味雞，味道其實無點變，都係一般般，蟹柳乾蒜炒個飯咁，怪味雞就係甜汁嘅海南雞飯，唔想用78蚊食呢個廚餘飯嘅質素，以前都有食過佢啲四人餐二人餐，有啲食係幾好食，但價錢都係略貴。加成十幾蚊，街坊愈來愈難支持你哋啦，已經無咩服務，全部電子化，都收咁貴，真係搵鬼幫襯囉。以前佢開得夜，收工會去幫襯，個陣都多客人，而家成日提早收檔又成日唔夠樓面，次次去親啲伙記都被老闆娘問候，客人都食得唔安落…查看更多

我諗係香港比較正宗越南菜,老許係其中一家雖然佢唔係最好但係都可以試試佢既生牛肉湯檬+豬頸肉撈檬+水晶卷同佢自家製既魚露好多人話佢魚露淡但係老許既魚露真係我食過咁多間香港既越南菜做得最好個間因為味道岩岩好老闆亦教我地食撈檬更唔好好似普遍香港人咁落咁多魚露浸到d檬好似湯檬咁or分開個碗裝魚露夾面上黎食因為一碗都只需落4匙魚露就好足夠,只係剛剛好浸濕少少個面。食檬唔係食魚露,好多廣東式越南菜都好濃呢個可能係廣東人既習慣啦試埋佢既生牛肉同生獅堪生牛肉都幾唔錯,有少少黑椒係面,但係一定要即到即食,到佢暖晒個陣,血水都走出黎完全係唔食得架啦獅堪係我覺得最難食個樣,食左咁多次老許,最唔想食返呢樣可能係我唔慣啦.好腥,同埋又係要即叫即食,遲左都係出晒血水就唔食得同埋一定推介春卷同水晶卷,兩種都係地道+自家製既越南食品如果去過越南一定食過水晶卷!!必食!如果大家出去食地道野,咩都好,最好係開餐前問下老闆點食先係最好我地又唔係越南人梗係唔會同佢地食法一樣啦!!問清楚,食落都唔同d!…查看更多