喊包的个人专页

我地一行六人去食晚飯,叫左五個餐同兩客焗田螺. 環境唔得,d牆身同天花有燻黑及裂縫出現. 羅宋湯一般,塊蒜蓉多士見佢即焗所以好脆都幾好味,我叫了橙汁雞排意粉,意粉同汁都唔錯,雞排有塊半,但唔好食,我自己只係食左半塊啫,d意粉我就食晒. 我其中一個家人叫了白汁雞皇飯,都係話唔好食. 凍檸茶無茶味,個芒果布甸有果肉,但好淺色,亦好甜,賣相唔得.…查看更多

我鍾意個湯底,味算濃而且帶少少辣. 豬腸係我推介,滷得入味又唔過濃,蘿蔔亦入味都ok,米粉夠幼又唔"鞋". 最近搬左去後面街,裝修靚左,坐位仲舒適左同闊落左添. 而且加多左甜品賣,不過無試過.但車仔麵同飯就加左價.…查看更多

呢度0既薄餅係我食過正宗得來最好味架. 我唔係太食得辣而且亦唔鍾意食辣,但我都鍾意來食.…查看更多

我好多年前已幫襯開食午餐,通常會食龍脷柳意粉,記憶中好味,除餐飲外還有雞骨草送. 事隔多年,近期去過幾次食下午茶,都幾抵. 仍然保持住之前0既水準,焗肉醬意粉,廈門炒米,陽洲炒飯都好味,只係杯餐飲太細杯. 唔知係因為我食0既係下午茶定係事隔太多年,唔見左杯雞骨草.…查看更多

我係好鍾意舊式冰室的,睇左呢度既食評所以今日就尊登去試. 佢雖然係舊,但就唔係我心目中果種舊0既feel,而且比較細,有d失望. 我地叫左一個大家推介的茄牛意,另外一個雞意加腸,還有兩杯凍奶茶添. 我眼見來幫襯的都似乎係街坊或者熟客. 而且大部份人都會叫加蛋加底(連瘦削女性都叫). 我們兩人都認為牛意係優勝過雞意,d牛肉真係好味,茄汁同意粉都好味. 只係d奶茶比較淡,唔夠茶味. 老闆招呼有禮貌.…查看更多

我之前一向在這樓上返工,我同d同事好多時都叫你度0既腿蛋包($8)做早餐(唔係腿蛋治喎),佢地係即刻整俾你架. d蛋好滑好厚,個包甜甜地,同火腿,蛋加埋就好襯好味,但就多油左d. 蛋糕仔都幾好食. 另外我個同事話鴛鴦都好飲,不過我無試過,但就覺得d奶茶唔好飲,太多奶. …查看更多