9515foodie's Profile

同事之間生日飯往往都會揀啲好坐既餐廳，今次試吓新餐廳，新開業期間每人除咗自己set lunch之外仲有串燒送！Menu上基本上任何你想到的基本日本菜都有(當然拖羅海膽嗰啲高級嘢就冇啦😛)今次揀咗佢嘅壽司及魚生拼盤🍴前菜沙律或者麵豉湯 (好生意得滯冇晒沙律- 麵豉湯3/5分吧)主菜 壽司及魚生雖然都係只係三文魚或者吞拿魚等普通食材但係非常新鮮👍🏻👍🏻👍🏻5/5!串燒 冇影相但係款式都多包括秋葵牛舌雞軟骨蕃茄等等 4/5!甜品同飲品都有總括而言我覺得非常適合香港人鍾意食日本嘢嘅口味非常多選擇 亦都非常好坐 經過會再食！😛推薦給大家的餐廳！…Read More

灣仔性價比扒房🍱Mundi 滿地餐廳地址: 灣仔天樂里3-5A有冇人好似我一樣 間唔中會想鋸個扒 又唔係西餐個種 係我地港式既平靚正精神 今次推介大家試下依間集絕對可以做到！！！ 又係灣仔午餐精選，平時鋸扒好似係晚餐食比較多 但見到個門口放左個Anson Lo就行入黎試下啦 入到黎幾有food hall feel 🤓 唔需要排隊直入 一坐低餐廳職員幫手點餐 一睇個Menu好豐富 午餐已經包括前菜或湯 選擇非常多 之後就係點各類型嘅扒 之後仲有主菜(咖喱飯肉醬意粉薯條等等) 加埋飲品 非常適合啲貪心既食客🤓舖面坐嘅位置都算寬躺 今次點左羅宋湯，鴛鴦扒加腸，熊本咖哩飯，凍奶茶 🥤$83羅宋湯比較普通，見到人叫沙律好似比較好食🫢鴛鴦扒加腸本身睇佢個價錢沒有太大嘅期望，但係嗰豬扒同雞扒嘅質素對面超出我所想，係好有肉味juicy的🤗熊本咖哩飯無肉的咖喱飯，中規中矩凍奶茶 🥤外賣杯上，如果鍾意多奶嘅朋友一定Like值得一題係鐵板醬汁係自取的，有食自助餐嘅feel🥳整體嚟講呢個價錢，呢個質素，呢個食物品種，同埋多樣性，推介大家黎一試。5分滿分💛味道 3.5環境 4服務 4性價比 5…Read More

有冇人好似我一樣 好中意去泰國旅行 周圍掃街又鍾意坐係啲環境一般般但係食物質素好高既街邊檔呢 推介大家試下依間係銅鑼灣嘅水門雞飯🍗今次終於係銅鑼灣精選，星期日既夜晚八點黎食排隊堂食都等左差唔多10分鐘🥸舖面坐嘅位置都算寬躺 無泰國嗰啲咁地踎叫左食物大概需要等大概5分鐘時間就上菜✊🏻牛肉湯牛丸生牛肉湯米$50首先講佢似唔似泰國我食過嘅船面先，係唔似既，不過佢就無咁重口味，我覺得這個湯底是比較適合香港人嘅口味！水門雞飯$54可能我本身期望太高，真係唔知泰國食到嘅綠色衫同粉紅色衫雞飯(去過既朋友仔就會明)，佢係一個好食嘅雞飯，雞味非常夠，醬汁方面就欠缺泰式風味，但總括然而，都係一個合格嘅雞飯。整體嚟講我想想食返泰國口味，就不太建議大家去試，但係性價比極高，適合銅鑼灣嘅上班族去一試！5分滿分💛味道 4環境 3.5服務 3性價比 4.5…Read More

灣仔性價比日本餐🍱鮨賀日本料理地址: 灣仔普樂里2號有冇人好似我咁 食親日本嘢 又鍾意食刺身又鍾意食壽司你又鍾意食熱食 總之就係貪心😬性價比嚟講我推介大家依間，如果係中午時分一定要打電話預約！又係灣仔精選，灣仔返工揮手區😛舖面坐嘅位置都算寬躺 食物選擇非常豐富 午餐定食大概有25種！叫左食物大概需要等大概10分鐘時間左右就上菜✊🏻首先佢會上一個沙律，叫任何套餐都會有。今次我嘗試咗香蔥吞拿魚丼同埋牛肉烏冬定食加壽司，份量非常大，食日本嘢最重要係新鮮依樣佢地做到 佢係烏冬味精多咗少少。香蔥吞拿魚丼定食有買蒸蛋同埋麵豉湯，新鮮！睇睇隔離大部份都係同小編一樣嘅上班旅 係忙碌嘅工作裏面 同同事或者朋友食一餐灣仔比較少的高質日本菜。整體嚟講，推介！5分滿分💛味道 4環境 4服務 4性價比 4…Read More

灣仔綜合譚仔同南記於一身既米線舖🍱九頭鳥米線地址: 灣仔莊士敦道191號有冇人好似我一樣 又鍾意食譚仔嘅酸辣湯底又鍾意食南記既魚肉春卷？！ 我強烈推介大家試下依間集兩樣嘢於一身！！！ 中環都有分店👍🏻又係灣仔精選，終於都有返堂食，平時午餐時間一定排隊堂食和外賣既九頭鳥終於係放工時間比我食到依間 🥸舖面坐嘅位置都算寬躺 比起譚同南舒服少少手機落單✊🏻叫左食物大概需要等大概3分鐘時間就上菜✊🏻豬大腸竹笙魚肉春卷雲南米線3小辣 $61首先講佢嘅雲南3小辣湯底，作為譚仔常客，我覺得這個湯底是比較辣但好過癮！但已經係雲南湯底最少辣，上次喺呢度都食過湖辣會比較啱唔係好食得辣嘅朋友🥵豬大腸滷得非常入味，竹笙非常𣺉身，魚肉春卷就拍得上南記個signature😬整體嚟講湯底比譚仔出色少少，配料方面正常發揮，推介魚肉春卷，適合貪心嘅米線控！5分滿分💛味道 4環境 3.5服務 3性價比 45分: 必食同會再食！4分: 可試，經開可能會再食3分: 要真係係公司或者屋企隔離先食2分: 不了吧1分: 回水唔該！…Read More

低調日本長浜No.1拉麵🍜唔打唔撞喺中環行黎行去搵餐廳，行到入小巷發現有間日本🇯🇵過江龍！拉麵師傅係日本黎 對食物既執著不用懷疑😛 No. 1 拉麵服務員非常細心問我地需不需要芽菜，湯底係好濃好多骨膠原😏 豚肉肥瘦適中，本身已經有流心蛋同紫菜木耳，非常豐富每啖都有唔同嘅餸，適合貪心嘅小編！芥辣八爪魚 🐙 如果中意芥辣味同海鮮既朋友係一定一定要叫，可以唔食拉麵依個必食！又鮮又辣😛5分滿分💛味道 4.5環境 4.5服務 4.5性價比 4.5…Read More

今日介紹嘅係1星期最少食1次最強記錄連續食3日既餐廳🍴原因有3個:1) 燉湯真材實料 2) 燒味飯黎講坐得舒服 3) 份量大味道非常穩定推介黎得呢到好飲佢嘅例湯，一定要加錢飲燉湯，屋企邊有咁多時間煲😜燉湯推介: 黑蒜螺頭湯 🖤蟲草花燉雞 🐔 主食推介:叉燒燒鴨飯 🐖 魚香茄子斑腩飯 🐟 疫情期間基本上中午時分與晚上時分都不會太滿，如果喜歡食燒味飯，推薦給大家的餐廳！5分滿分💛味道 4.5環境 3.5服務 3.5性價比 4.5…Read More

🇫🇷 仙后餐廳Junon地址: 灣仔皇后大道東胡忠大廈依間剛開要排好耐先食到先見到張敬軒既法國菜餐廳🍴 lunch set 選擇非常之多 基本上就最小就有1. 前菜 2. 湯 3. 主菜 4. 咖啡或茶 可以外加 5. 甜品 🍮前菜之前既PastryPetit French Rolls 🥯 crispy crust but light and fluffy inside 前菜Chicken Caesar salad, croutons, bacon Parmesan cheese 🥗fried chicken is crispy and juicy And salad is refreshing Eggs mimosa, hummus, salad, cherry tomatoes, homemade mayonnaise the sauce has dominated the dishes a little disappointed 湯Corn SoupVery creamy and thick soup主菜Slow cooked cod fish, fennel and onion confit, salmon roe, beurre blanc sauce 🐟 The cod is so super fresh and the sauce mixes the dish perfectly Seafood and Lobster Sauce, Fettuccine 🦞 Fresh seafood with Handmade fettuccine super tasty! 甜品 Earl grey tea crème brûléeOverall 食物質素係有水準的 環境都非常古色古香 適合鍾意影相同懷疑氣息既食客 食物既份量都好夠 絕對唔係食唔飽既法國菜 想去靚餐廳喺灣仔的話可以試吓呢間餐廳仲有機會見到駐場歌手/老闆！5分滿分💛味道 4環境 4.5服務 4性價比 4…Read More

灣仔尾金鐘頭既文青台灣食店🍱尚青商號地址: 灣仔蘭杜街4號今次介紹比較簡單啲 有冇人好似我一樣 未有疫情前一年最少去一次台灣飲飲食食？ 如果中意台灣食物的 我絕對強烈推介大家試下依間！！！ 荃灣都有分店👍🏻又係灣仔精選，依家6點後就無堂食，今次5點鐘趕到依間小店 如果唔熟悉灣仔/金鐘既朋友建議要開google map搵路🥸舖面坐嘅位置都算寬躺 有係台灣去小店既感覺💛手機落單✊🏻叫左食物大概需要等大概15分鐘時間才上菜✊🏻香菇雞魯飯 $56同魯肉飯最大個分別就係個啲香菇令到成個飯既味道都升華左，絕對台灣街市口味！鹽酥排骨雞湯麵 $62個排骨非常之脆 皮簿豬肉油份夠得黎 湯麵加左麻油 都幾有台灣風味！Last but not least 茶香滷大腸 $52滷大腸上面有唔少蒜蓉 底下既滷水汁唔係一般香港個種 亦都非常之熱 感覺係特別調製 小食一流之選！掛住去台灣同埋想去靚靚地好坐既餐廳喺灣仔/金鐘的話可以試吓呢間餐廳！5分滿分💛味道 5環境 4服務 4性價比 5…Read More

牛霸小麵店灣仔隱世台灣美食薯仔豬軟骨便當 $62大家知唔知邊到係灣仔安樂里呢？今次介紹又係灣仔午餐精選，依家有唔少餐廳都無堂食，牛霸小麵係呢條街唯一有堂食既午餐😮‍💨 不過呢條街非常之難搵 就算灣仔既上班族都未必識黎🤐有少少隱世餐廳既感覺 仲有隻貓不定時行黎行去😸舖面坐嘅位置都算寬躺 亦都有非常多人叫外賣 環境都算坐得舒適💛手機落單✊🏻叫左食物大概需要等大概10分鐘時間才上菜 但個便當非常熱 岩岩整起 薯仔係好脆同好入味 豬軟骨肉都吸曬啲肉汁 送飯可以話係絕配 話明便當當然仲有小小配菜 半隻滷蛋加小小菜上面有滷肉 雜豆做配菜就見人見智啦🥲 overall 味道係好食但係就有少少咸 適合重口味少少既朋友 之前黎食過台灣牛肉麵同佢地既珍珠奶茶 都幾有台灣風味！掛住去台灣食牛肉麵既同埋想去少人啲既隱世餐廳喺灣仔的話可以試吓呢間餐廳！地址:牛霸小麵店 (灣仔)灣仔安樂里1號利昌大廈地下低層D號舖5分滿分💛味道 4環境 4服務 3.5性價比 4…Read More

商場內的驚喜水準🙋🏻‍♂️Greenhouse經常聽朋友介紹係一間集合東南亞加西餐的餐廳 本身我對於食物既接受程度都非常之高 但試完之後呢間餐廳嘅質素同埋佢哋對於菜式嘅選擇一定係有試過好多次確保佢嘅口味適合大眾香港人🤩今次只係試咗兩款食品黑胡椒醬烤雞炒面($138) 烤雞有少少似平時日本嘅照燒雞肉 份量好大 這款食物本身用鐵盆上 所以食物上枱好耐之後都能夠保持夠熱 炒面方面有啲似日本街頭食到的熱炒底下仲連住蛋 感覺是一個炒麵奄列👍🏻👍🏻👍🏻酥炸富貴鴨伴森巴醬配黑松露炒飯 ($198)依個非常有驚喜的菜式 黑松露炒飯我個人感覺就硬左小小 同埋加咗粟米個炒飯味道比較一般 但係個炸鴨如果大家有食過duck&waffle 又或者係貴價法國餐既炸鴨 我可以話依個係有過之而無不及！！！鴨外面個皮口感非常脆 個肉汁都非常多層次 另外有一個類似茶餐廳嘅辣椒油 鍾意食辣嘅朋友一定會覺得好過癮😋另外餐廳份量夠曬大 一男一女的話男士肯定可以食多半份🤭非常推介喺銅鑼灣的話可以試吓呢間餐廳！5分滿分💛味道 4.5環境 4服務 4性價比 4.5…Read More

Kokoro Mazesoba 灣仔首間東京過江龍撈麵 🇯🇵 叉燒撈麵Niku Mazesoba $99 (L) 今次專登係中午時間係公司行10分鐘過黎試吓呢間東京過江龍撈麵 排隊時間大概10分鐘 舖面坐嘅位置唔多 亦都有非常多人叫外賣 環境都算坐得舒適💛叫左食物之後都需要等大概10分鐘時間才上菜 比一般的拉麵🍜店來說算長了少少 但個撈麵非常熱 令到個麵係食既時間內都可以keep住溫度 食法方面依個撈麵係有3個階段嘅味道1. 撈完後即食 食1/3份量 本身的肉汁和湯底和叉燒及其他配料撈完後 面質非常煙靭係用小麥粉製造 非常掛汁 適合重口味嘅朋友2. 加黑椒 食1/3分量 我個人認為加咗黑椒之後分別並不算非常大 可以按個人喜好選擇3. 加招牌秘製香醋 呢個好適合鍾意食酸嘅朋友 非常非常好食頓時變咗個湯麵 🍜餐廳建議食完之後可以加一碗白飯送埋嗰啲醬汁，個人感覺應該會好食的但由於太飽的關係今次沒有試 但係呢間餐廳回頭率咁高 一定會再食🇯🇵😋 非常推介喺灣仔的話可以試吓呢間餐廳！5分滿分💛味道 5環境 4服務 4性價比 5…Read More

潮州人係咁多文青cafe既太子同界限街有一間細細間既花膠米粉小店💛零味精湯底係依間小店既主打廣島蠔米粉$53清酒大蜆$56兩個菜式都好重酒味，嗰個廣島蠔嘅質感一啲都唔似平時係屋企食個啲冰鮮，食得出去用比較新鮮嘅蠔。另外米粉都非常有口感，蔥油炸得非常之好，湯底完全冇味精，食完都唔會口乾。清酒大蜆非常新鮮，每一粒大顯度充斥着酒味同鮮味，個湯係絕對會唔小心飲晒個種，大蜆都無沙，喺吐沙方面必定落左功夫非常細心。如果經過附近不妨坐低支持下依間小店💛5分滿分💛味道 4環境 3.5服務 4性價比 4.5…Read More

Foodie西貢一日遊必食人氣餐廳 - Little Cove Expresso因為疫情既關係只係排左15分鐘就食到💛 (平時每次去西貢見到條人龍都走左)難得另一半主動話食甜野🙆🏻‍♀️ 1. French Toast $98 VG (素) Artisan Brioche, Pistachio, Mascarpone, Rose, Cinnamon HoneyToast夠熱個包既質感好鬆脆，個cream一食就知係premium cream🍦 其他配料睇落以為只係做啲點綴，不過絕對唔係，杏仁同其他配料係令到每一口既toast都更有口感👍🏻2. Pulled Pork Benedict $128 With Poached Egg, Spinach, Apple Cider Hollandaise, Green Apple and Mint on Sourdough 一個看似簡單嘅菜式，Sourdough上既豬肉絲應該係手撕既，重點係個秘製醬料加埋流心蛋係個包上面令到你想不斷食落去，份量適中，女仔食做lunch/brunch岩岩好，味道絕對有澳洲風情 🇦🇺 5分滿分💛味道 5環境 3.5服務 4.5性價比 4.5…Read More