捐窿捐罅的个人专页

淨係睇餐廳門面完全諗唔到呢間係一間無五辛、無蛋奶嘅素食cafe！因為呢間cafe充滿童真，入到去會俾不同種類嘅模型玩具包圍，首個映入眼簾嘅就係1:1嘅路飛模型！Cafe四邊牆上都佈滿玩具模型，好震撼啊！小朋友嚟到一定好鍾意！連廁所都佈置了玩具掛飾，幾surprise！加分👍🏻好啦講返食物先～如果想食西餐又想要純素，無五辛、無蛋奶，我會推介你嚟呢度 ，佢哋堅持所有出品都係純素，無五辛、無蛋奶，好適合食素嘅人士，就算唔係食素嘅都十分建議你嚟試試，會令你對素食改觀，原來純素都可以咁好味！Cafe有全日餐、午餐、下午茶等選擇，有意粉🍝、意大利飯、漢堡包🍔薯條🍟、沙律🥗等主食，另有甜品🍰咖啡☕️⭐️蘑菇忌廉意飯👍🏻👍🏻👍🏻👍🏻 睇落平平無奇嘅意大利飯，以為係同普通嘅意大飯差唔多，竟然令我好surprise，一喺入口已經覺得好鮮甜，忌廉嘅味道同其他餐廳唔同，有種好清新嘅感覺，令人一啖接一啖，又唔會有種好膩嘅感覺。平時食忌廉意粉、意飯，食食下好快會覺得膩，要飲啖水清吓口腔先可以繼續食，甚至乎會食到一半就唔想食:(我竟然可以不停咁食晒呢個蘑菇忌廉意飯，而且一粒飯都冇淨低！真係太好食啦後來主廚好nice過嚟問我啲食物如何，我都忍唔住大讚個意飯好好食，同我出面食嘅好唔同！主廚好細心講解呢個蘑菇忌廉意飯係用燕麥奶、海帶湯等材料煮成，中間嘅材料我聽唔晒，因為仲回味緊剛才食完嘅意飯😂😂😂sorry呀難怪個意飯鮮甜得來又有種清香，但又食唔出係咩味，好在迷團解開！原來用燕麥奶都可以煮意飯，效果仲出奇地好味讚⭐️美式炸薯條👍🏻👍🏻👍🏻新鮮炸出嚟嘅薯條真係不一樣，熱辣辣好好味再加呢個自家調配嘅冇蜜糖嘅蜜糖芥茉醬，呢個蜜糖芥末醬雖然冇蜜糖，但都做到好似有蜜糖嘅芥末醬一樣⭐️熱鮮奶咖啡👍🏻👍🏻👍🏻呢杯咖啡飲得出有陣陣燕麥香，令咖啡味更濃郁，口感更豐富店員好nice同我介紹呢度嘅咖啡同食物都係堅持用純素，無五辛、無蛋奶製造，咖啡用燕麥奶沖成，同出面嘅咖啡唔同。所有食物都係佢哋精心製造，包括蜜糖芥末醬、素肉丸、豆乳甜品等，都係自己手打、自己發酵。好欣賞佢哋對純素嘅堅持同認真，而且無論廚師抑或店員都好用心去透過講解食物去推廣純素食文化，打破傳統素食觀念，原來純素、無五辛、無蛋奶嘅食物都可以做到咁好味，值得更加多人來體驗純素、無五辛、無蛋奶嘅生活下次我一定要再嚟試埋其他食物！…查看更多

嚟到深水埗，又想食牛扒，於是乎搵到呢間任食薯條嘅扒房，但係薯條不是重點，牛扒先係重點！賣點係90分鐘任食薯條！叫套餐包汽水/熱咖啡。但我係為咗牛扒而來牛扒有3款，另有魚、豬、羊、和牛漢堡同意粉，都可以滿足到唔食牛又好鍾意食薯條嘅人。封門柳比較少食到，一定要試吓。安格斯級封門柳5成熟：⭐️⭐️⭐️⭐️肉質非常之濃，切開嘅時候好多肉汁流出嚟，五成嚟講有少少生，所以見到肉汁流出嚟都係鮮紅色。M7 和牛里脊5成熟：⭐️⭐️⭐️⭐️因為牛扒比較薄，五成熟嚟講啱啱好，肉汁多。鹽燒牛舌：⭐️⭐️⭐️呢個係厚牛舌，夠爽口，略嫌有少少臊味。個醬汁係牛扒嘅醬汁。薯條可以refill，食完叫侍應refill就可以薯條沾牛扒汁食都好好食。呢度雖然主打任食薯條，但我覺得主角係牛扒，牛扒比薯條好味…查看更多

呢度環境好chill，播住英文歌，有啲酒吧嘅feel，好適合同朋友吹水一邊食嘢一邊飲酒傾吓偈。除咗單點食物外，仲有2人set餐可以選擇。最後都係選擇叫set B二人餐。坐低侍應會先上頭盤沙律，是日沙律係原個生蕃茄，如果唔想要嘅話可以同侍應講，會取消，因為我哋叫set餐已經有沙律，所以取消頭盤嘅沙律。沖繩風沙律🥗：⭐️⭐️⭐️有海葡萄、同埋比較少有嘅生苦瓜，海葡萄脆卜卜，咬落有浸浸好咸嘅海水味，撈埋沙律食，可以增添風味，單食就會過咸，苦瓜就好苦但好爽脆，唔怕苦嘅人都覺得OK嘅。蟹膏豆腐：⭐️⭐️⭐️⭐️⭐️一定要趁熱食，入口即溶，軟綿綿嘅豆腐加上脆卜卜嘅飛魚籽，一脆一軟嘅衝擊加上鮮味嘅蟹膏，令人一試難忘辣酒凍東風螺：⭐️⭐️⭐️⭐️東風螺非常之爽脆，醬汁加咗八角調味，略嫌有少少鹹。餐廳都有唔少貼心位，會附上一次性手套方便食東風螺嘅時候唔會整污糟隻手。明太子廣島蠔⭐️⭐️⭐️⭐️廣島蠔夠Creamy ，明太子有少少搶咗廣島蠔嘅味。香蔥牛肉薄燒：⭐️⭐️⭐️⭐️⭐️牛肉肉汁超多，入邊包住香蔥，完全唔覺食咗咁多香蔥，略嫌比較大嚿，如果要一口過入口會覺得比較難咬。波士頓龍蝦：⭐️⭐️⭐️⭐️⭐️龍蝦新鮮游水，廚師由魚缸攞出嚟即劏即整，肉質爽口彈牙全餐飯嘅焦點所在。A5和牛坑腩炒飯：⭐️⭐️⭐️⭐️炒飯都炒得好出色，粒粒分明，每粒都充滿和牛嘅香味，啲飯有少少硬，扣少少分。鐵板疏乎厘：⭐️⭐️疏乎厘唔夠挺身，空氣感不足，醬汁較少。單購疏乎厘需$98，跟餐附上還可以接受，如果要購買的話一定唔會選擇。左：冰雜果燒酎$68:⭐️⭐️除咗冰雜果燒酎外，另有西柚燒酎、鮮橙燒酎、檸檬燒酎，所以以為雜果會係士多啤梨、藍莓、蘋果等比較甜嘅生果，但呢杯燒酎係將其餘幾款燒酎嘅生果放埋一齊，即係橙、西柚、檸檬入同一杯燒酎入面。味道比較爽、清新，如果鍾意比較甜嘅生果就唔太適合。右：三得利生啤酒🍻$58總括而言，食物都出色，有驚喜，有機會會再嚟。…查看更多

很耐冇食呢間cupcake，突然好想食返，即刻衝去買返啲返屋企同屋企人分享最鍾意佢哋嘅cupcake夠濕潤，唔會乾淨淨，又唔會太淋，唔會太甜，啲cream又唔會太油膩🧁6個有盒$178，平均$29.6一個。太心急，食完一個先記得影相📸由左至右、上至下：🍫Chocolate Chocolate：經典款，亦係好多人鍾意嘅口味，朱古力味濃郁，我都好鍾意🌹Rose Lychee (Available 16 to 31 Dec)：限定款，玫瑰味會比較出，荔枝味反而唔係好覺☕️Espresso (Available 16 Dec to 15 Jan)：限定款，咖啡味雖然唔算太濃郁，但都好夠咖啡味，近都聞到浸咖啡味🍫Mudslide (Available 16 to 31 Dec)：限定款，有朱古力軟心、朱古力醬同棉花糖，比普通朱古力款甜🍪Cookies & Cream：經典款，亦都係其中一個比較多人揀嘅款，鍾意忌廉曲奇嘅唔好錯過因為聖誕節比較多限量款，所以唔想錯過限量款就要早啲買啦，仲有其他款可選，當然經典款好似Red Velvet都值得一試…查看更多

見到呢間拉麵舖用鯛魚做湯底，幾特別，決定試吓。呢間要去收銀落單，QR code冇得落單，需要係舖頭吧枱食，當然你想坐其他枱，同朋友一齊坐都可以的，同店員講聲，自行將麵搬去搵好嘅位就可以。只賣三種拉麵🍜，亦有三款小食可加配，飲品有汽水同手工啤🍻當日中午時段，鯛白湯、鯛魚湯已賣晒，只剩下鯛清湯，建議早點過嚟食。都幾貼心，附送一張卡仔教你點享用。先試吓個湯頭先🥄湯如眼見，比較清爽，但又唔會好淡，好鮮甜，有魚味。試完湯，就要試下加上手工製嘅牡蠣油🦪唔好睇少兜細細兜嘅牡蠣油，將佢加入湯度，將湯嘅鮮甜味升華到更高層次，亦有陣陣海鮮香味，令人食慾大增🍜鯛清湯拉麵🍜鯛魚肉碎：更突出湯嘅鮮味，配上紫洋蔥🧅、芽蔥清爽、清甜嘅味道，平衡湯中油膩感。又薄又嫰滑嘅叉燒，唔會乾爭爭，得一塊叉燒有啲少，唔係好夠喉:(兩塊炸得卜卜脆嘅魚皮，魚皮嘅一半沐浴喺湯入面，吸收晒湯嘅日月精華，另一半保持乾爽脆口，可以同享受兩種魚皮嘅食法荀切有圓形⭕️、三角形🔺，夠爽脆。麵亦夠彈牙，掛汁，連湯一齊食，令人欲罷不能。另外加咗個櫻木煙薰蛋，食落有陣陣煙薰味，夠晒糖心，好味呢個拉麵睇落平平無奇，原來咁驚人，唔太好拉麵嘅我都食到停唔到口下次一定要嚟試埋其餘兩款拉麵…查看更多

終於食到啦！終於食到啦！一直都有follow開佢哋嘅ig，想試好耐，對佢念念不忘，但因為地點比較遠，平時比較少去元朗、中環，所以一直未試到，難得今日經過中環，即刻把握呢個機會試一試！中環中午放飯時間比較多人，需要啲時間搵位，一有位就即刻坐低，掃枱上面嘅QR code，呢個QR code同時可以落到多間店舖嘅單，同朋友嚟就最啱，大家可以叫不同店舖嘅嘢食，又可以坐埋一齊一共有5款刈包，款款都想試仲可加套餐。倆口小吃嘅刈包係佢哋自己自家研發個比例，同市面上嘅刈包唔同，鬆軟得嚟好煙靭，撳落去會回彈！🍴韓式泡菜炸雞刈包🍴個包好大個，根本唔可以一啖咬晒，有啲唔知點入手，咬咗啖刈包試吓佢係咪咁特別，刈包真係鬆軟、煙靭冇呃人！佢哋嘅雞用buttermilk 去醃、用地瓜粉炸，雞扒大大件，好juicy，外層炸得好脆，加埋辣椒粉，冇咗炸物嘅油膩感，內層爆汁，泡菜爽口，酸酸辣辣，加上超fresh嘅生蔥，口感豐富，惹味十足食完個包都飽飽地😂🍵抹茶忌廉芝士壓餅🍵又一癡線傑作用上小山園若竹抹茶粉，外層內層都用上，用料十足、料又靚外層抹茶壓餅超煙靭，入面係流心抹茶忌廉芝士，小心流到四圍係抹茶味濃郁、甘香，有回甘。身為抹茶控嘅我表示好滿意！怕試完之後念念不忘，可以買生壓餅返屋企止口癮:)希望刈包都可以有生刈包買返屋企啦，個刈包真係好正，淨食刈包都好好食…查看更多

呢度環境好靚，用木、石裝修嘅日式風格，令人好放鬆，仲可以聽住流水聲chill住食早餐🥞全部員工都好nice，服務態度良好👍🏻有流水有竹林嘆住個靚環境同靚早餐，開始新嘅一日☀️充滿正能量～早餐好抵食，價錢同茶記差唔多，但有靚境、食物質素都好好👍🏻抵食到爛啦😆<西冷牛扒早餐>⭐️西冷牛扒：煎得好香脆，個醬汁酸酸甜甜，有啲似糖醋排骨嘅醬汁，原來配牛扒係咁夾咁好食⭐️太陽蛋：蛋香煎得脆有燶邊，又保持到蛋黃流心，放係麵包上面，麵包吸收晒啲蛋汁！⭐️酸種麵包：麵包兩面煎過，脆得嚟又唔似得法國麵包咁硬⭐️沙律菜：普通沙律菜，冇乜特別⭐️隨餐嘅美式咖啡☕️可跟自己喜好揀奶、糖多少<魚柳早餐>⭐️魚柳：香脆，配酸瓜沙律醬可以中和油膩感⭐️鬆餅：我以為係m記早餐嘅鬆餅，原來係豬柳蛋啲麵包😂搽牛油🧈士多啤梨醬都唔差，個人鍾意配蛋，可以吸收晒啲蛋汁😋🥖酸種麵包好食啲⭐️蘑菇：唔小心撳咗加$10多一份，所以呢度係兩份蘑菇，絕對冇後悔嘅，因為最好食係雜菇😆🥤凍榛子mocha：唔係好飲到榛子味，但cream好足料❗️有加一服務費❗️…查看更多

由佢開舖起已經好想試，奈何每次經過都見到好多人排緊隊。今日竟然俾我見到得三、四個人排隊，因為係平日即係衝去排埋一份仲未開舖㗎～太多嘢想試啦心大心細唔知試邊款好，最後揀咗花雕麻油醉雞湯套餐有一大碗花雕麻油雞湯，花雕麻油嘅香味飛撲入鼻，雞肉嫩滑，冬天食一定好補，暖胃暖身飲完雞湯都有啲飽好彩肉燥飯細細碗啱啱好。肉燥肥瘦適中，撈埋珍珠米一齊食，大滿足鹽酥雞炸得酥脆可口，肉質嫩滑多汁，仲有陣陣九層塔嘅香味叫咗少甜少冰，甜度適中，解解油膩感。台灣嘅感覺返晒嚟…查看更多

燒肉我嚟啦第一次嚟到，試下中間C course啦，唔好睇少佢，其實都好夠食㗎啦，時間所限，好多款式都未能食到。飲品除咗有罐裝飲品外，仲有幾款自家製果汁，茶包、花茶包。沙律、 多款日本雪條，雪條款式多到唔晒，好多款市面少見，不妨target 呢啲款式試下記得留返時間食甜品！坐低埋位，侍應自動送上盛盒，淨係食呢幾個盛盒都飽到試唔到其他menu上面嘅款式😭其他款式可以用手機落單，再經輸送帶送到。薄身和牛肉眼，油脂同肉比例啱啱好，入口即溶呢盒盛盒好正，各種肉類都肉味十足，有啲仲有金薄呢個桶同船係特選牛、豬肉、雞肉同海鮮，比較普通。豬肉比較遜色。薄牛舌好好食輕輕一燒即食就唔會靭。有薄牛舌，當然有厚牛舌啦，但已經食到好飽，無緣試，留返下次啦唯有呢個鰻魚完全冇味，食唔落。最正嘅一定係生牛肉唔怕食生牛肉嘅朋友一定要試！生牛肉溝埋蛋黃，瞬間令牛肉順滑，更易入口，牛肉味鮮甜我返到屋企都對佢念念不忘除左呢款生牛肉外，仲有兩三款生牛肉可點。附送牛脂肪抹鐵網呢餐係令人感到好滿足嘅一餐，最驚喜嘅地方竟然有生牛肉提供，而且仲好好食😋唯一缺點係送上嚟啲盛盒已經佔咗個胃好多空間，難以再試其他最後用燒棉花糖作結尾，你冇睇錯！飲品區係有燒棉花糖可以攞七點半前離座有8折！…查看更多

接近收舖時間過嚟，好多甜品已經賣晒要買記得要趁早！門面有大大個雪糕🍦好易認號角有九款不同口味，不同味道價錢不一樣，即叫即做，夠新鮮開心果味號角：號角脆卜卜，又唔油膩，開心果味十足雲呢拿吉士忌廉號角：細心睇會見到一粒粒雲呢拿籽，證明用料十足，唔係用雲呢拿油，清甜好味😋個人覺得比開心果味好食店員好細心，會用膠紙將號角貼實係西餅盒。我係想試芒果拿破崙，可惜已經賣晒，唯有試吓士多啤梨拿破崙：因為呢度嘅甜品俾市面一般甜品少甜，加上士多啤梨嘅酸度，反而顯得更酸都係號角系列比較好啲。除咗拿破崙同號角，店入邊仲有其他甜品：火焰🔥雪山蛋糕好似好好食生日要買一個試下！其他甜品都好吸引！仲有曲奇同其他急凍甜品、急凍威靈頓牛柳。…查看更多

期待咗好耐一直都好想食，好想試，地點又方便，係朗豪坊附近。門面、店內環境、吧枱都好有日本居酒屋感覺。今次坐吧枱，可以邊食邊欣賞師傅處理食材，仲可以同師傅吹下水，一個人嚟嘅話坐吧枱絕對唔會悶頭盤嚟個🍇海葡萄蕃茄沙律醒醒胃先🍇海葡萄好爽脆，一啖咬落去，海水味爆出，猶如置身於海洋中配埋酸酸地嘅蕃茄，即刻胃口大增再來店員介紹嘅日本生白粟米🌽入口爽甜，甜到有種食糖嘅感覺，份量略嫌較少。然後就到主菜爐端燒啦本來目標係燒鳥盛盒，可惜當日所有盛盒都停售盤內有：🐮牛舌：牛舌厚薄適中🐮牛肋肉：不過不失🦪👎🏻煙肉廣島蠔：唔太鍾意呢個組合，煙肉太搶味🐔雞胸軟骨：脆！🐔日本雞腎：唔太特別🐔👍🏻七里香：超正呀真係好好食可惜已經last order，唔係真係想encore！🐔👍🏻提燈：我係衝住提燈同雞肉棒而嚟，一上枱見到盞燈提唔起有少少失望，最好玩嘅提燈爛咗好彩味道搭救到，蛋黃一咬即爆，濃濃嘅蛋汁流出，加上雞的輸卵管、卵巢。不錯🐔👍🏻免治雞肉棒：呢個真係要襯熱食，唔夠熱食會爭少少，個蛋黃加上袐製醬汁，配上雞肉，令肉味提升另一層次，個醬真係好岩配雞肉我哋order咗油甘魚鮫，但上咗三文魚鮫，因為已經last order，師傅都開始清洗中就照要啦，好彩味都唔錯。日本槍烏賊🦑呢個送啤酒一流最後梗係唔少得啤酒啦…查看更多

估唔到平日嘅夜晚八點幾都幾多人排隊，一出lift已經逼到冇乜位企，拿拿淋撳張飛仔等位先。唔知人多嘅關係定係門口位冷氣不足，感覺又熱又焗促，等咗一陣已經開始流汗，好彩都唔使等好耐，大概15分鐘到就可以入座。有新menu喎，不過初來報到嘅我梗係試咗普通menu先就要個A3 Double up加A7 豪州射和牛，另外再散嗌叫厚牛舌、雞三角。拉開櫃桶應有盡有。A7 豪州射和牛：有配菜、味噌湯、生雞蛋、橫膈膜肉、里脊肉。里脊肉好軟身，唔使剪就散，入口都係偏軟。橫膈膜肉較硬身，有咬口啲。溝埋生雞蛋🥚，可以幫牛肉降溫之溫之餘，仲可以提升肉嘅香味另加嘅厚牛舌，燒牛舌火喉要較得啱啱好，牛舌先唔會太韌太難咬，燒到中間粉紅色就啱啱好，咬落軟熟A3 double up:有牛胸花同豬五花、另外散叫雞軟骨豬五花同雞竟然比牛好食豬五花燒到兩面金黃，咬落脆卜卜，夠香口。雞肉嫩滑，食得出係來自日本嘅雞肉雞係最好食嚟到一定要食雞食燒肉點少得啤酒🍻一邊食燒肉一邊飲啤酒，人生一樂也…查看更多

尖沙咀有小韓國🇰🇷九龍城有小泰國🇹🇭一場來到九龍城冇理由唔食返餐泰國菜呀見到呢間咁多食評梗係要一試啦最後揀咗豬頸肉配海南雞飯同咖喱炒蝦配薄餅。每個餐都個送一個冬瓜湯，個湯細細碗、望落去平平無奇，以為一般茶記餐湯貨色啦，點知一入口就停唔到口，冬瓜嘅清甜配埋辣辣哋嘅胡椒，即時醒胃有啲似胡椒豬肚湯嘅味道，估唔到一個送嘅餐湯都咁surprise。令人想再飲多碗我哋另外加咗鳳爪同串燒。鳳爪辣度十足，但酸度略嫌唔夠，作為前菜開胃都唔錯嘅。串燒加上袐製沙嗲汁，豬串燒比雞串燒好食。呢個咖喱蝦超正好有喺泰國先食到嘅味道！個咖喱食到停唔到口，又甜又辣，大蝦夠彈牙，無論配薄餅定飯都係一流薄餅熱辣辣，煎到好香脆，配埋咖喱食到舔舔脷配油飯反而爭啲，配返普通白飯就更加索汁，真係咖喱汁都撈埋。果然食泰國菜唔可以唔食咖喱！因為個咖喱實在太出色，豬頸肉海南雞飯被比下去，但個豬頸肉都唔弱呀，煎到香脆可口，配埋個汁送飯一流海南雞就普普通通，唔太突出。奶茶、龍眼冰中規中矩，都係普通泰國餐廳嘅味道。食緊飯途中已經盤算緊下次一定要再嚟，希望可以多啲人一齊嚟叫多啲餸試多啲啦…查看更多

係度苦惱緊食咩早餐🥣嘅時候，見到有人攞住有牛油果🥑嘅早餐，馬上俾佢吸引住，抬頭一望，原來係地獄廚神Gordon Ramsay開嘅，沒有不試的理由環觀四周，呢間餐廳算多人排隊，即刻望望個餐牌先，我嘅目標係牛油果🥑得3號餐有牛油果🥑，但我想食1號餐於是乎我就叫咗個1號餐再加$18牛油果🥑飲品方面就要個Americano ~第一樣要食蛋，一入口，係半熱半凍嘅啲蛋汁漏晒出黎，即刻切個大啡菇點蛋汁～大啡菇反而幾好，咬落有汁，唔會乾爭爭多士配果醬，呢個果醬有驚喜食落淡淡柚子香，甜度適中，同多士好夾好想食多件蕃茄、腸仔煙肉都係一般，菠菜煮得夠入味，不過不失。最後到萬眾期待嘅牛油果出場一入口.....好酸😵檸檬🍋落重手咗，雖然有黑椒粒但都補救唔到😢好失望....總括然而，可以一試，係機場黎講算係一個好選擇。…查看更多

很久沒來這裡了，起碼都有一年以上，很想念這裡的鬆餅🥞星期日排隊的人不多，只有5位，等了10分鐘左右就可以進去，但是店裡面有很多空位呢為什麼要等呢？坐下先點了飲品冰鮮果茶，杯子裡的檸檬弄成冰塊，保持冰冷狀態，鮮果有青檸、杏脯乾、蘋果、百香果、話梅、橙汁。比較怕甜的我覺得不夠甜，有啲酸酸的，但可以接受，因為接下來吃的東西都比較膩茉香蜜桃冰茶，蜜桃有點怪怪的酒味茶味不夠，甜度適中這個三文治辣度適中，配上三文治恰到好處，好吃反而沙律醬料偏酸，有種會酸掉牙的感覺。最期待的鬆餅來了，不知是否太期待，反而有點失望了鬆餅不是兩面都脆的，但配上忌廉雪糕還可以接受，鮮果不鮮，橙有點乾沒有橙味，其他水果除了菠蘿外，都沒有甚麼味道，菠蘿是罐頭菠蘿，甜度還好。那個熱情果芒果醬很酸，試過味後就原封不動了一段時間沒來，感覺質素有點下降了…查看更多