CyrusTin222的个人专页

首先呢度嘅waiter and waitress 都非常好禮貌, 服務好好, 呢個值得一讚! 美國安格斯牛肉芝士漢堡超正~ 牛肉非常juicy~ 份量夠晒大~ 除咗有新鮮蔬果, 仲有煎蛋~煙肉~芝士~口感非常豐富仲要係$128咋一定要推介下👍🏻避風塘椒鹽魷魚酥, 果然好好味, 送酒談心都好正! 另外仲有個北海道帶子扁意粉, 估唔到意粉都可以配芥蘭苗, 雲耳同埋蒜片! 感覺好特別, 帶子都非常鮮甜~最後我哋仲叫咗個Creme brulee, 非常滿意嘅一晚 :)…查看更多

不錯嘅小店平時都比較少嚟石門呢一邊, 今日要過嚟做嘢, 就search下有咩好食, 搵到呢一間, 好似個pancake都幾出名喎, 一於試吓先!!呢間餐廳雖然唔係好大, 不過環境都幾舒適, 有自然光入到黎, 我哋喺度hea左好耐, 店員都冇面黑🙈🤪我地order左原味疏乎厘pancake, 見到已經好想食, 食落好鬆軟, 唔係嗰種食落去等於冇食個種感覺, 好香蛋味, 份量都唔少喎! 另外杯flat white都好唔錯, 夠香夠滑, 正!而且呢度價錢唔貴, 呢間我會encore, 推介!…查看更多

如果無記錯, 已經第6,7次食, 每一次都覺得好滿足, 今日我地walk-in, 諗住都應該食唔到, 可能因為仲早, 估唔到有位俾我哋食😍😍 雖然限時, 但係我哋都唔介意, 如果book唔到嘅朋友, 都可以試吓碰碰運氣! 好快就已經爆場啦~ 當然要order花膠雞煲湯底, 湯依然濃郁, 見到聞到已經好想飲, 侍應會幫手剪開雞, 雞肉仍然鮮嫩! 花膠份量唔少, 而且好入味, 食完花膠同雞其實已經一半飽, 好正! 個湯真係好好味, 夠濃夠香! 而且呢度嘅火鍋材料都好新鮮, 非常滿意👍🏻…查看更多

為了跟朋友慶祝生日, 諗住喺銅鑼灣搵間舒服一點嘅餐廳, 搵到呢間mamaday, 不過我地掛住傾, 唔係好記得影食物相🤣🤣 呢間餐廳除左名稱夠playful, 連menu 上嘅食物名一樣咁過癮, 呢個意粉叫”真心冇驚喜黑松露意大利扁面” haha 真係反而有驚喜喎, 第一次見金菇炸成咁, 放上意粉到, 估唔到又幾好味喎😁 意粉軟硬適中, 夠Creamy, 黑松露好濃味, 同炸金菇又出奇地襯👍🏻餐廳入邊仲有好多攪gag字句, 又有唔同嘅裝飾, 連枱上嘅碟都有mr bean個樣, 真心有心思!!…查看更多

黎到一間充滿花香嘅cafe, 心情都靚曬😌 無論餐廳嘅佈置, 定係食物, 飲品, 擺盤等, 都係美女店主用心設計及準備, 好有heart, 視覺味覺嗅覺都一次過滿足曬❤️而且呢度每一位員工都好有禮貌, 成日保持笑容, 抵讚👍🏻 餐湯係什菌忌廉湯, 夠creamy, 菌味好濃:)明太子海蝦扁意粉, 份量都幾大碟, 一樣擺得好靚, 香味撲鼻, 未食都流口水🤤 海蝦仲好爽身, 意粉也煮得剛剛好!!玫瑰忌廉汁鴨胸意大利飯, 上面放左好多玫瑰花瓣, 勁靚, 點知食落去仲每一啖飯都有花香, 估唔到!! 鴨胸大大塊, 厚肉, 有口感!原來呢度嘅玫瑰花pancake都好出名, 下次一於試下先🍴…查看更多

感覺不錯唔知幾時開始, 呢條街開咗好多間冰室, 今日就試吓呢間紅磡冰室啦!! 入到黎覺得好光猛, 周圍都好乾淨, 四四正正! 我哋四點幾嚟食下午茶餐, 叫咗XO醬乾炒豬頸肉公仔麵, 呢個炒得唔錯, 乾身, 又唔會太多油, 下午茶餐來講, 份量唔會太少, 非常惹味! 另外仲叫咗個柚子西多士, 柚子味嘅多士第一次食, 感覺新鮮, 而且配搭唔錯, 不過柚子醬略嫌多咗少少, 令到成個西多士酸左, 如果減返就啱啱好! 呢度嘅waiter 服務態度都唔錯, 不過我哋問佢拎糖漿嘅時候, 佢哋差唔多搵左超過5分鐘, 呢樣就爭小小啦, 西多士都凍埋🙈…查看更多

可以黎打卡影相Book左呢間餐廳同朋友慶生, 我地自己準備左蛋糕, 每位要收$20, 價錢可以接受, 自備蛋糕嘅朋友要留意了! 我地中午過黎, 客人都幾多呀, 都坐到八成滿, 而且waitress態度都好好, 感覺不錯! 環境都好舒適, 啱朋友黎傾計, 對住街外嘅高枱位置最適合影相, 可惜有客人坐左, 我地最後都無影到果個位! 講返食物質素, 我都好滿意, 牛肉飯煮得好好味, 醬汁好美味, 仲有幾款鮮製果汁!! 呢間我會encore! 👍🏻👍🏻…查看更多

假日好hea處放假諗住入烏溪沙行下沙灘, 去到迎海薈商場想食下野, 發現呢邊餐廳唔多, 但就有一間好特別嘅cafe! 就食<<屋子生活>>啦! 餐廳最入嘅一邊係好大嘅落地玻璃, 而且呢度樓底好高, 所以空間感十足, 感覺好舒服, 仲有幾張係榻榻米嘅枱!! 我地叫左lunch和風漢堡定食, 製作認真, 每一款食物都味道唔錯! 我哋仲叫左其他小食,特別欣賞章魚小丸子, 烤得剛好, 外脆內軟, 正!! 門口入嚟嘅位置, 仲有部份用嚟賣啲生活小品, 感覺休閒! 放假嚟坐下, hea下, 睇吓書, 真係唔錯, 不過我地離開時, 已經有好多人喺門口等緊喇~…查看更多

黎到馬鞍山喇一向被譽為美食沙漠嘅馬鞍山~茶狼都開咗入嚟啦! 今次係我第一次飲, 比佢個名同埋裝修吸引, 左好似幾得意! 返大陸飲得多台式茶, 真係會飲上癮, 尤其是係芝士奶蓋, 所以今次都要試返芝士奶蓋茶! 呢款係白露茉莉奶蓋茶, 奶蓋香濃芝味, 佢個茉莉茶好清香, 仲有少少甘香茶香, 唔錯啊! 我叫咗小冰少甜, 真係試到個清香味! 我見Menu仲有其他推介嘅飲品, 下次一於試吓先! 我仲見到店入邊有啲位俾你”挨”下, 又唔使排好耐隊, 唔錯唔錯! …查看更多

蒜迷至愛好似第一次食以蒜為主題嘅餐廳!! 我係名副其實嘅一個蒜迷, 一定要試啦❤️今晚係朋友幫我慶祝生日, 好在佢有預約到, 我見餐廳內好多位都reserved, 我見七點零都full曬lu~ 呢度環境都唔錯啊, 雖然座位有少少迫, 不過環境靜靜地, 好啱朋友傾吓計! 同埋一入坐嘅時候, 佢就話只可以坐兩小時, 不過我哋超過兩小時佢都冇趕我地走, 可能冇其他客人等啦! 我哋叫咗個蟹肉龍蝦意粉, 我覺得呢個好好味呀, 雖然蒜味唔係好重, 不過意粉軟硬適中, 蟹肉龍蝦肉都足夠, 又夠creamy, 正!!另外我哋叫咗個T骨扒, 呢個就真心有啲失望, 我哋叫咗六七成熟, 我諗佢煮到差唔多九成啦, 真係over左, 如果唔係應該幾好食, 配菜同埋意大利麵團都幾好食ge~ 朋友亦好好, 之前已經打電話嚟留咗呢款甜品, 上面寫咗Happy birthday, 不過就唔可以寫埋名, 如果可以就Perfect la!…查看更多

還可以吧今晚想吃傳統一點的葡國菜, 來到公雞葡國美食這家餐廳! 裝修設計有點怪怪的🙈 感覺像把不同的東西併在一起, 也可以說是特別的! 服務態度不錯的, 也有笑容! 不過最重要的食物質素, 我就覺得一般般吧! 乳豬太油, 吃完整個碟都是油, 而且不是烤得很香口那種, 味道也是普通! 馬介休球就不錯! 總括來說, 不會再來了😬…查看更多

來澳門見客一天, 見又未夠時間, 喺附近搵左間cafe坐下, 環境都幾靚, 幾舒服, 靜靜地, 啱朋友黎傾下計坐下, 員工又有禮貌, 幾推介^^不過今次好飽, 試唔到呢度嘅食物, 有機會再試下…查看更多

估唔到又幾好味喎喺中環做完野, 諗住搭船過尖沙咀, 發現有間賣fish & chips, 又心思思想試下! 不過附近outdoor只係有兩張枱, 幾張椅子, 不過就比較污糟, 似乎冇乜人清潔, 可能係公家用啦, 我都唔sure, 大家可以去第二個位食嘅~ 同埋staff似乎無乜笑容, 呢樣又扣左小小分~我哋叫咗個Garlic Prawn Boat, $48, 蝦肉都幾爽口彈牙, 有口感！ 我哋當然有叫埋fish & chips啦, 魚都算大份, 幾厚身, 結實嫩滑, 外脆內軟, 難怪成為招牌菜!…查看更多

不過不失本身plan左去另一間cafe慶祝生日, 但係同閨蜜shopping到好攰, 就想搵間就腳啲嘅食個lunch! 我哋落order嘅時候, waiter反應較冷淡, 問佢有冇咩甜品介紹都冇出聲! 我哋想食light d, 因為要留返胃口食蛋糕, 叫咗個三文魚刺身, 擺盤幾靚, 份量都唔少, 再配合埋蒜頭及醬料, 感覺清新! 另外既海鮮墨汁意粉, 就唔係好啱我口味啦, 西式材料, 泰式煮法, 感覺唔係好夾! 最後我地點左個朱古力窩夫, 放左支蠟燭影吓相, 不過佢哋就冇寫名服務, 不過個窩夫唔記得影相呀, 味道唔錯, 好重朱古力味!…查看更多

味道正宗大埔一向都唔多辣野選擇, 無意中發現有間正宗嘅四川菜, 仲要幾抵食喎! 同老闆傾開計, 佢地嘅辣椒油係餐廳親手整, 加入多種辣椒：指彈頭、二荊條、指天椒! 中辣以上仲會加上魔鬼椒🔥🔥🔥 我呢d無辣不歡嘅人聽到, 即刻心心眼😍 忍唔住點左好多款野食! 特別喜歡紅油抄手, 山城牛肉麵, 同埋麻辣手撕雞, 夠香夠辣, 夠風味! 最驚喜係呢度有正宗四川菜館先有嘅紅糖冰粉, 食落Q彈有口感, 清甜冰涼, 即時解辣!! 👍🏻總括來講, 覺得今餐好有特色, 非常滿意!!…查看更多