ariepand的个人专页

標題已足夠。食馬仔，要求不多，沒有擺得耐的防腐劑及油「益」味，已經算數。低要求成咁，都無法子找得到一間合心意。但某日落大雨行過瑞和街，聞到鮮焗的蛋香，麥芽的甜及黏…久違了的有心之作品--馬仔。不是最特別，只是新鮮及用料的誠意，便足夠讓人掏錢包買來嘗一嘗。不好的是，多放兩日都會出油「益」味，但店東要求最少要買4舊（16蚊）惟有--貫徹始終的中國人習慣--買得好野，要分享才好味。…查看更多

食物+服務質素=長食長有既關鍵！呢間只開了2個月既餐廳，整體而言沒有超級驚喜既水準，但只要一個好好好食既菜，加上合適既服務，已足夠讓人回頭再食。我敢講（都做埋），我會再返呢間餐廳開飯！每次父母親節生日做節，去邊度食真係諗到頭大。姐姐同事介紹呢間餐廳，又試吓啦。去到，餐廳老細淨講韓文，經理淨係識韓文英文，部長淨識中文英文，仲有個韓國人唔識廣東話但識韓文同普通話，個個都差D，都唔知佢地點溝通。部長回一句：「識得傾出糧同人工就得啦」；想點個「米腸」，部長應句：「豬紅黎，味好淡架」，老實得可愛！食韓菜，前菜係「love in the first sight」。各式前菜之首--泡菜，味道唔太酸，唔太辣，總算新鮮；但與新羅寶相比，差一截。做唔到「一見鐘情」，又睇吓會唔會黎個「細水長流」式愛情。睇吓餐牌，價錢同一般韓式料理差唔多，但當中有一般韓式料理所沒有的菜式。多番D好感。第一度：湯年糕。味道不錯，略嫌胡椒粉味太濃，幸好沒有掩蓋了牛肉味。第二度：土豆餅。老實說，我喜歡前菜內的涷綠豆餅多於這個菜，味太淡，油太多。雖然如此，此菜熱度十足，煙韌，還可以。第三度：牛肉湯($90)。同樣問題：太淡。連喜歡淡的媽媽加完調味料都嫌淡。我嚐過最好的，是深圳漢陽館的雪濃湯（牛肉湯），牛味濃而入味，是老火湯。這個，像滾湯，有形而無實，喝後而無法留下印象。第四度：燒羊肉($90)及什錦牛肉拼盤($380)。開始漸入佳境。羊肉有調味，牛肉則為原味；兩者都非常出色，新鮮。羊薄切而細心調味，但爸爸及老公更喜歡牛肉，貪其鮮而不「蘇」，燒起來的肉汁加上洋蔥，菇切片，索了肉汁，令舍出色。第五度：炒粉絲。中規中矩。比明洞express出色，與莊園，草苑，韓松…等相比，都是一樣。惟一不同是這裡用上更多的菜，感覺上多了清新，少了油膩，不會被一個粉絲「K.O.」。進食途中，發現有水滴！新開張才兩個月，冷氣系統真的不濟！未投訴，部長及經理已即時處理。叫埋支米酒，阿經理唔識中文都不停用韓文及英文「有限公司」介紹，抵讚。老公又用韓文應兩句，讚吓D野好食。呢種有交流既餐廳，細心服務，又加了點分。至此，以為都是中等評級的菜館。部長一句：「試咗個海鮮鍋未呀？最正」反正覺得尤有餘「位」，$300大元，又試吓。原來寶物是最後才登場的！見到經埋在魚缸邊搞咗好耐，以為清潔進行中，原來是即時揀選游水海鮮做火鍋。$300大元，睇MENU相只有蜆仔，蝦。實物係（全部曉郁）：鮮鮑魚2隻，長過手臂八爪魚一隻，扇貝兩/ 三隻，青口2-3隻，大蝦兩隻（蝦頭超多膏！），被肢解蟹一隻，連芽菜金菇做底，以辣椒粉及胡椒粉作鍋，明爐上，超正！老實湯底對我而言太辣，又韓國人唔知點解鐘意成日滾住D海鮮搞到老晒，於是我地自行熄火，極速撈起所有海鮮，超級鮮美（都有隻扇貝老咗，浪費）；湯底鮮甜有韓式風味，久違了的水準！老爸話齋，俾6舊水食都抵！食食吓，普通話人對住我老公笑--拎多隻郁緊既鮮鮑魚加餸！（我叫老公下次講多兩句韓文，睇吓會唔會再多一隻）部長仲要勁體貼：「D人食親都要冰水，你地要唔要？」梗要！最後既薏米糖水，雖然只有單調的甜，但口味正宗。勁辣後來一個單調的甜以降火，原來就是韓菜糖水單調的含意，此刻比以往更能領略到其真意。原來，味道不一定要豐富，整頓菜配合得好才是重點。從此，我與這個韓式料理店結下不解緣。（後記：呢幢大廈是重建的，廁所，電梯理應新淨兼效能高；但實情…真是不像一幢重建的大廈，唉，敗筆）…查看更多

今日是第二次到大漁開飯。第一次在海岸城保利商場，環境舒適新淨，但食物質素一般。今次試海上世界呢間。一入店內，傢俬裝潢都比保利店舊及殘，摸在椅背上有油膩感，但見到燒烤桌及廚房尚算整齊乾淨。我們一行14人，3人先到‧在大堂坐下後，卻告知我們有客人訂了16人桌，希望我們轉到兩張7人桌用膳。考慮後都沒有問題便轉了。但到了桌附近，冷氣吹不到，用屏風間開形成房間的設計更將油煙「焗」在房內，立即叫服務員拿了兩杯熱水，將所有餐具洗過才敢食用。此方面保利店乾淨，抽風都好很多。當我們14人到齊，要開飯，又告知我要一邊房坐8人，一邊房坐6人，之後可能有兩個空位置有客人「搭枱」。當堂火起！失盡儀態罵人後，服務員才表示不好意思，不會有人「搭枱」。服務態度奇怪。廚師出場，即時取回分數。女廚師（021, 范小姐）十分有心，會記著那位客人不吃醬酒，那位客人不吃魚，預先告知份量，幫忙催菜（當日店坐不滿，但明顯服務員人手不足），告知我們快將下班，要儘快點菜，否則要等外面師父煮會更耐，又替服務員解釋是語言不通（雖然明知好假，但好過無），才發生誤會，又會推介菜式，十分貼心及有禮。其他服務員的態度亦不錯，只是好些時侯要等。此方面，保利店則黑口黑面，給予10%的服務費總覺得物非所值。食物方面，依然新鮮。是次點了希靈魚刺身，吞拿魚壽司，夠涷，味道好，美中不足是拿不到wasabi伴食。鐵板食物新鮮，好味與否則視乎廚師點煮。點了多款魚，牛肉（推介牛仔骨及牛扒）、羊排（推介）、菜、豬肉、我覺得初食時感覺不錯，繼續吃時則感到太鹹及太膩。家母則覺得非常好吃，其他人則覺得不錯。我相信若拌飯/ 小量烏冬，效果會非常良好。熟食以炸物為主，炸湯圓，吉列琵琶蝦，吉列蝦，蒲燒鰻魚等都水準不錯，惟獨牛尾湯則遲遲未見人，開始時點，差不多食完才到，朋友說味道不錯。飲品方面，雖然飲得出係鮮榨，以西瓜汁最好飲（時令嘛）！但杯杯都唔夠涷，飲品種類不夠保利店多。（但上次家父母在保利店飲椰子汁飲到肚痛，不宜）甜品方面有hargen-daz雪糕，款式比保利店多，亦隨你點。最後水果亦以西瓜最好味。綜觀此兩次經驗，大漁集團食物採購水準不錯，食物準備過程則一般，按店而異；食肆環境則需要良好抽風及清潔，但仍要視乎店舖新舊而定。而一個煮得好食既廚師及良好態度的服務員是滿意與否的關鍵。…查看更多