misscho33的个人专页

一早在OpenRice訂咗位，去到差唔多7:00 ，但係已經好多人！想叫換位，佢哋都盡量幫我換咗一個比較歡堂嘅位置！冇特別去影相，因為冇諗住要寫食評，但係因為個蟹湯底嘅蟹係臭嘅！希望餐廳注意❗️可能叫其他湯底會比較安全啲！睇返之前嘅食評，好似每次叫蟹湯都出事。因為有這樣的經驗，所以冇再繼續叫嘢食，同朋友要去下場才能食飽！當日人太多, 所以都冇乜嘢服務可言！希望餐廳可以注意，但係個烤魷魚乾真係好好食！佢其他小食都好特別，其他嘅火鍋餐廳未必有！…查看更多

第一次去鯉魚門食海鮮，總括嚟講感覺良好。其中服務員黃秀娟值得一讚！除咗海鮮，其他小菜都值得一試。時鐘佢哋推介嘅咕嚕肉，美極炒飯，同埋佢哋最後送嘅甜品南瓜薏米水都10分出色！因為南大門在條街墜入嘅位置，所以要行晒成條海鮮街，中間就有好多餐廳同海鮮檔喺度兜客，感覺實在唔係太良好。南大門標榜自己冇同任何海鮮檔掛鉤，但係你一出門口就有人馬上帶你去自己相熟嘅海鮮檔！而且仲不停踩其他海鮮檔嘅不是！所以你哋如果去買海鮮的話，可以隨着自己心水，又或者聽佢哋建議都可以！最後我哋幫襯威記，都係佢哋門口嘅男人介紹，但係價錢同質素都唔錯！買咗奄仔蟹，一條瓜子斑，帶子四隻，椒鹽鮑魚，仲有辣酒煮螺！其中我哋四個人叫咗呢啲飯前小食！不得不提椒鹽鮑魚勁好食！同埋南大門都算明碼實價，每位人頭煮海鮮價錢係$140一位，包煮四個餸，超過四種海鮮就每個+100！最後記得要叫海鮮當送海鮮湯俾你地! 仲有每間海鮮檔送嘅水果都唔一樣！…查看更多

一行六人約咗1:15去飲茶，同老公早到咗差不多7分鐘，帶位員叫我哋等我夠鐘才入座，之後家姐和媽媽1:10左右度，酒樓都冇安排入座，到到差不多1:16 ，門口帶位員Zoe才俾我哋入去坐，發覺全部都係空枱，我哋就覺得奇怪有空枱都唔俾我哋坐低，跟住服務員話佢哋通常係準時才會比坐低！感覺有點兒不良好，因為我相信酒樓都係有位就俾你先坐低，而且我哋都只係早咗幾分鐘！這種尚算高級嘅酒樓， 一D彈性都沒有，而且帶位員處理得唔好，一開始就令到客人有少少唔高興！而且因為我哋一行六人，佢安排我哋坐c區，c區就係一間房，坐低後一直都冇人招呼。要跑出房叫人才有人幫你落單！但係講老實，東西大部份都真係好好食，埋單$2100左右，嘢食好精緻，極力推介鹹水角和叉燒酥！…查看更多

一行七人山長水遠去食燒鵝，換來一肚子火！訂了6點，家姐同姐夫在荃灣飛的趕來，因為裕記有明文規定，唔齊人吾比入！我跟前台説，已在途中，叫佢先比我們入去等，因為咁早裏面都好多空枱，那個女服務員要求我打電話確認，我也在她面前照做了。但是我在入去的時候，她竟然說我會催你埋單的！真係好難想像呢啲咁嘅服務都咁多人去！😡😡😡😡因為阿姨好鍾意食裕記燒鵝，我就冇同佢計較！但係已經極度影響食飯心情！我地七個人，叫咗以下：一隻燒鵝：$530 全枱人都覺得難食，醃得唔夠入味，而且好鞋。阿姨常常幫襯，都說現在的水準好差！😰😰😡😡😡😡酸菜炒鵝什：完全冇酸菜，腸也有沒有清潔好！西洋菜陳腎湯：普通滷水拼盤：唯一一樣合格嘅😳椒鹽鮮魷：普通但粉漿太厚椒鹽鴨舌：本來是我的摯愛但我都冇食太多，粉漿厚，鹹到嘔😱😱金銀蛋莧菜：算最好食！因為冇難度😔😔相信去過裕記的人，都知道裏便好嘈，而且常常叫mic介紹餸菜！我們都很有心理準備！但是當你旁邊坐住一台大陸人＋勁多小朋友，而且又碰着咁難食的東西，真的很難頂！我哋總共食咗一個小時左右就離開了，大部份食物都沒有吃完，因為實在太難食，好浪費！這種服務差、東西又難食的食店，真的不明白為何仲可以生存！我哋叫嘅餸，幾乎冇一碟可以覺得好食！可能多內地人幫襯，裕記就將貨就價，對水準也就冇要求了！希望佢哋快啲改善，或者快啲執笠！😡😡😡😡😡…查看更多

同朋友一行11人去晚飯.首先有個肥胖的Manager 不停推介一些極貴的所為special, 其中我們有朋友傻傻地的被'推介'點了$250一隻的生蠔.手掌咁大隻,無蠔味.又唔creamy...有好強烈比人欺騙的感覺.之後叫下普通串燒,很多都又貴又貨不對版,連最普通的雞串都又乾又''鞋', 之後我地問佢有冇普通汁燒雞串，個肥經理話：因為佢哋係正宗日本串燒店，所以冇汁燒。之後我地仲叫咗，串燒蘆筍80蚊。串燒雞翼一隻55蚊。串燒牛脷好似55蚊。串燒白果一串80蚊。味道和手勢都好普通,仲有叫，佢哋既魚生拼盤，有兩片三文魚，兩片螺 ，兩隻蝦仔，兩塊帶子，加兩片魚。盛為550蚊。最過分嘅係最後，我哋叫埋單，佢哋帳單竟然有一道寫5600佰幾蚊，我問佢係乜嘢，佢哋話係手寫單，所以無講係啲乜嘢。之後我叫佢地，逐樣寫番俾我。但係甜品就一直都冇攞比我哋。仲好唔滿意咁表示，十點鐘last order ,已經拿緊咩手袋等放工。我從來未遇過服務感咁差，嘅日本食肆。全程個幾多女侍應，加埋經理，都係黑面嘅,有錯又吾認,一味話他們係正宗所以無XX, 無XX。雖然，佢哋嘅軟骨，真係好食，同埋好特别，但係，永遠都唔會再幫襯。最後張單係$11,000.....無錯,係5位數,仲比人黑面,趕客…查看更多