lazyszeman的个人专页

為咗芭菲慕名而來嘅餐廳！呢到除咗主打日式甜品之外，另外仲有多款糅合咗和風同埋洋風嘅特色美食同飲品！店內環境以簡約嘅木系風格為主，座位闊落舒適～✨海老蕃茄豆乳烏冬有好多粒蝦仁同埋菇類！烏冬口感煙靭，最特別嘅就係個醬汁，整體食落去好Creamy，啖啖都有拉絲芝士，不愧為呢到嘅人氣主食之一～✨嫩雞肉明太子茶漬飯雞胸肉嫩滑唔會柴！加入鰹魚湯，連同紫菜、明太子等撈埋一齊食，係經典嘅日式風味！仲可以按照個人口味，加埋酸菜同埋海鹽昆布添～✨抹茶草莓忌廉芝士芭菲期間限定嘅芭菲，充滿聖誕氣氛，賣相超澎湃😍忌廉芝士、濃厚嘅抹茶雪糕同埋士多啤梨呢個配搭估唔到係咁夾㗎！中間嘅口感亦好豐富，有粟米片同埋海綿蛋糕！士多啤梨醬配搭牛奶雪糕同埋抹茶凍，令到成件事更加Fresh，好有驚喜～✨焙茶白玉芭菲表層有焦糖忌廉、焙茶雪糕球同埋軟糯白玉，中間有粟米片同牛奶雪糕，最底層就係黑蜜果凍！層次分明～✨凍 抹茶牛奶雲呢拿軟雪糕叫咗無糖，奶味比抹茶茶香更出眾！加咗雪糕又係另一種風味～✨凍 焙茶牛奶雲呢拿軟雪糕同樣都叫咗無糖，可以品嚐到焙茶茶底嘅原汁原味！同牛奶雲呢拿軟雪糕嘅味道相得益彰～值得一提，餐廳食物有水準，擺盤用心精緻！店員亦親切有禮，下次必定會再訪～…查看更多

聽聞呢間係一間不一樣嘅日式居酒屋，有串燒Omakase ，所以抱住好奇嘅心情同朋友一齊來到呢到食晚餐！環境充滿日式元素！師傅仲好親切，好有耐心咁介紹每道菜！聽得出餐廳對食材同埋調味都十分講究，係一間有誠意嘅居酒屋啊～✨銀鱈魚刺身銀鱈魚刺身經輕輕火炙過！味道鮮美，配搭昆布同埋黑松露，滋味十足～✨白子白子非常新鮮，入口有一種柔滑細膩嘅感覺～✨黃金蟹籽沙律選用咗爽口嘅黃金蟹籽加切片嘅青瓜整成嘅沙律，口感與別不同～✨燒牛舌芯牛舌芯用碳鹽醃過，肉味香濃，柔軟多汁～✨黑毛豚肉五花腩五花腩用岩鹽醃過，口感微脆，比人一種油而不膩嘅感覺～✨雞胸脆骨口感充滿層次感！而且用檸檬醃過，味道清新～✨雞頸肉雞頸肉同樣用檸檬醃過，肉質緊實，帶有嚼勁～✨阿波尾雞翼雞全翼燒到外脆內嫩～✨免治雞肉串免治雞肉口感豐富，點埋蛋黃汁，味道一流～✨鰻魚串鰻魚燒到皮脆肉嫩，用咗蝦鹽去調味，令到鰻魚嘅海鮮風味更為突出～✨黑草羊係用咗自家本地農場養嘅黑草羊！肉質柔嫩，重點係完全冇臊味，好有驚喜～✨自家製鮮魚湯呢碗湯係完全冇落過一粒鹽，但魚嘅鮮甜味依然濃郁，正～…查看更多

鑽石山站一出就見到呢間主打日式手作麵包嘅麵包店！呢到嘅麵包口味創新，款式眾多，而且與別不同！作為麵包控，真係會忍唔住買一堆返屋企啊～✨吉士爆漿三角蜜瓜包三角形嘅蜜瓜包！外層微脆，一咬落去啲吉士忌廉就有爆漿嘅效果，好澎湃！不愧為呢到嘅招牌產品～✨抹茶爆漿三角蜜瓜包同樣都係外層微脆有爆漿效果！中間就變咗係香濃嘅抹茶忌廉！又係別有另一番風味啊～✨抹茶烏龜公仔包烏龜造型勁可愛！麵包濕潤鬆軟，帶有淡淡嘅抹茶味，中間係流心朱古力餡～✨法式布丁包簡咗紫薯芋泥同埋開心果味！外層嘅麵包柔軟，表面有紫薯粉同埋嫩滑嘅布丁，咬落去仲食到芋泥！開心果味都好濃厚～✨開心果仁乳酪包啖啖都食到粒粒嘅開心果果仁，中間有乳酪餡，味道充滿層次感～✨大甲芋泥麻糬包綿密嘅芋泥同埋軟糯Q彈嘅麻糬相得益彰！呢個配搭超正～✨旋風芝士法蘭克福腸包法蘭克福腸包表面充滿沙律醬同埋芝士，真係令人越食越滋味～除咗個裝麵包，仲有袋裝麵包同吐司等等～✨提子餐包餐包加入咗香甜嘅提子乾，係好經典嘅味道～…查看更多

呢間元氣家聽講餐廳前身係餃舍 ，最近由彩虹屋村商場闖入旺角，搖身一變變成主打餃子、拉麵同埋丼飯嘅日式小店！餐廳而家仲做緊新張限定優惠，逢星期一8:30pm後拉麵仲有半價優惠，最平用$29就食到一碗啦！價錢超貼地～✨日式叉燒拉麵湯底揀咗原味豬骨湯，呢個湯底係用咗5小時慢煮熬製出來嘅豬白湯，飲落去有種骨膠原滿滿嘅感覺！小店對日式叉燒亦好講究，每片叉燒都火炙過，味道帶有微微焦香，而且肥瘦均勻，口感極佳！仲有一片吸收哂湯底精華嘅日式腐皮～✨滑蛋牛丼飯滑蛋份量足，而且因加入了日式高湯嘅關係，所以入口更香濃更嫩滑！滑蛋配牛丼呢個組合，估唔到都好夾，令人忍唔住想吃哂成碗丼飯～✨炭燒雞串即叫即整熱辣辣，肉質仲好juicy添～✨吉列豬扒吉列豬扒香脆可口，肉質唔會柴，配搭燒汁更滋味～✨餃子係呢個星期新推出嘅產品！韭菜豬肉餃子併粟米豬肉餃子，皮薄餡靚大大粒，超足料～✨低糖豆漿豆味香濃，甜度剛剛好～值得一提，小店環境乾淨企理！店長同店員嘅服務亦都好親切！下次經過一定會再幫襯～…查看更多

呢間Chef's Stage Kitchen一向都係元朗人氣嘅西餐廳之一，喺呢到可以食到各式各樣嘅多國菜！最特別嘅就餐廳環境舒適，氣氛十足！以柔和嘅燈光同埋獨特嘅工業風裝修，營造出一種非常之有格調嘅氛圍～✨餐包✨香煎雞胸沙律雞胸微焦內嫩，配搭黑醋汁沙律，清新又開胃～✨巴馬火腿布拉塔芝士沙律布拉塔芝士外層光滑，內裡係柔軟嘅奶油狀！配搭埋巴馬火腿嘅鹹香同埋脆嫩嘅沙律菜，令到成道菜嘅層次感有所提升～✨酥皮法式龍蝦濃湯龍蝦濃湯入口順滑細膩，仲飲到粒粒龍蝦肉！表面嘅酥皮喺熱湯嘅衝擊之下，亦變到令人難以抗拒～✨鵝肝多士鵝肝口感好幼滑好creamy，連埋底層嗰塊香脆多士一齊食，感覺油而不膩～✨墨魚汁鮮帶子海蝦扁意粉鮮帶子同埋海蝦都爽口彈牙！每一條扁意粉都沾滿咗墨魚汁，散發住濃厚嘅海鮮風味～✨開心果仁香烤三文魚三文魚份量十足，肉質柔軟，帶有檸檬香氣！旁邊嘅薯蓉都好creamy，味道好出色～✨Tiramisu 一開始仲有咖啡味泡泡可以打卡🫧無論係口感定係味道都相當之有水準，絕對係成餐飯嘅MVP😋～✨Beauty and the Beast係進店必叫嘅Cocktail ！帶有仙氣，又有花瓣做點綴，非常之打卡able！味道容易入口，帶帶淡淡嘅花香～食完飯仲有兩個代幣送，用來玩餐廳內嘅夾公仔機！如果夾中，仲可以獲得意外禮物嘅機會添啊🤣～…查看更多

天水圍嘅街坊商場裡面原來都開咗呢間別忘了！餐廳提供多種台式料理、台式小食同埋任食火鍋，食物種類繁多！仲可以將寫好嘅許願卡掛到櫻花樹上面添，真係別具意義啊～🌟Set B 120分鐘任食火鍋套餐✨鴛鴦鍋昆布湯味道鮮甜！沙茶鍋係其中之一款經典嘅台式滋味～✨肉類有多款高質肉類可以任食！M7大米龍同埋M7牛胸腹都係必食，牛味濃郁，入口即溶！配埋富士日本蛋一齊食，口感超嫩滑！茶美豚梅肉肥瘦均勻，帶有豬肉嘅香甜味！另外仲有精選牛板腱、澳洲250日穀飼卡樂Beef等，連羊肉都有～✨台式小食多款台式小食可以任叫，有麻辣鴨血、紹興醉雞、鹽酥雞同台灣腸等等！味道正宗～✨自助吧熱食有多款炸物可供選擇！火鍋配料款式應有盡有，有各種菜類、丸類同麵食等～✨台式飲品台式飲品同樣都好多款式，可以任叫任飲！個人最中意爆打雷萌四季春同埋白桃烏龍～✨甜品可以任叫餐廳招牌嘅甜品，有雲呢拿雪糕、綿綿冰、窩夫等等！另外每位仲可以享有一客Movenpick雪糕/森永牛奶布甸添～✨鳳梨沙冰套餐仲會送一人一杯鳳梨沙冰，清新又解膩～…查看更多

如果想食Omakase，呢間鮨政x大湖可以話係CP值極高嘅選擇！第一次見用$398就可以食到嘅Omakase，仲要足足有成18品添啊，真係好值得一試！餐廳位於銅鑼灣站附近，地點方便～✨茶碗蒸蛋香濃郁，口感嫩滑，味道比平時嘅更香濃～✨招牌飄雪鵝肝吞拿魚壽司將紅酒煮鵝肝化為飄雪，然後灑滿喺吞拿魚壽司上！賣相吸睛，味道出色～✨海膽甜筒係餐廳嘅招牌創意料理 ！用香脆嘅腐皮整成嘅海膽吞拿魚蓉小手卷 ，散發住鮮甜嘅海鮮風味～✨北海道油甘魚刺身配八爪魚油甘魚經輕輕火炙過，魚嘅油脂香更突出！八爪魚亦非常爽口～✨吉列帶子伴他他醬香脆嘅紫菜包住熱辣辣嘅吉列帶子，仲有他他醬同埋三文魚籽做點綴，口感多元化～✨豚角煮配青椒仔豚角煮肥瘦均勻，表面仲有蘋果醬提味～✨時令壽司6貫有鰈魚、真鯛、深海池魚、帆立貝、金目鯛同埋赤蝦，味道各具特色～✨清酒煮鮑魚爽口彈牙，帶有淡淡嘅清酒香～✨沙錐魚天婦羅沙錐魚外脆內嫩，一啲油膩感都冇～✨切魚生卷一啖放入口，大滿足～✨魚湯魚香四溢，湯料仲有豆腐同昆布～✨哈密瓜最後用香甜嘅哈密瓜作結，清新解膩～…查看更多

尖沙咀寶勒巷入面有呢間隱世嘅港日風味串燒店！餐廳除咗有串燒之外，仲有好多新鮮嘅海鮮提供～✨燒瀨尿蝦乾瀨尿蝦乾嘅海鮮味好突出，表面帶有微微焦香，風味獨特～✨蒜蓉燒珍寶大扇貝表層嘅粉絲吸收哂扇貝嘅海鮮香味～✨芝士燒廣島生蠔肥美嘅生蠔充滿邪惡嘅芝士，正～✨燒沙嗲雞肉串沙嗲雞肉串嘅沙嗲味好濃厚，越食越惹味～✨燒玉子玉子帶有淡淡嘅甜味，充滿蛋香～✨日本霜降和牛串肉質鮮美，帶有濃郁嘅牛肉香味同埋豐富嘅肉汁～✨燒新鮮脆皮白鱔白鱔肉質彈牙冇碎骨，魚皮燒到好脆～✨燒金菇肥牛卷金菇肥牛卷呢個配搭十分經典，口感豐富～✨燒蜜糖胡椒豬肚丸燒過之後依然保持到爽口彈牙，胡椒味突出～✨燒蜜糖牛油粟米真係完整嘅一條粟米！香甜可口～✨燒香辣雞全翼辣雞全翼燒到外皮香脆，內裡嫩滑多汁，味道香香辣辣好過癮～✨蒜蓉牛油焗娃娃菜娃娃菜充分地吸收咗蒜蓉同埋牛油嘅香味～✨巨峰提子梳打充滿提子嘅果香，清爽解渴～…查看更多

想食蒸氣海鮮好耐！來呢間蟹仙海鮮私房．蒸氣石碢就可以食到各種新鮮嘅野生海鮮啦！店員會好有耐心咁介紹每款海鮮，又會全程都幫手蒸啲海鮮，服務好到位👍🏻～✨秘製原隻南非乾鮑爽口彈牙，好入味～✨野生菲律賓奄仔蟹奄仔蟹又叫處女蟹，蟹膏嘅顏色雖然冇咁橙色，但口感再幼滑啲，味道更加鮮～✨野生琵琶龍蝦琵琶龍蝦係比較稀有嘅品種！第一次食覺得好有驚喜！味道好清甜，口感同龍蝦差唔多，但肉質再緊實少少～✨韓國釜山野生鰻魚加咗薑絲一齊蒸，味道完全唔腥！肉質嫩滑冇碎骨，冇諗過就咁蒸都可以咁好味～✨韓國釜山蠔有澎湃嘅爆汁效果，充滿蠔嘅鮮味～✨大西洋野生青口青口同樣都有爆汁效果～✨加拿大野生虎蝦虎蝦嘅味道特別鮮甜，唔使點醬油食都可以食到虎蝦嘅原汁原味～✨加拿大黃金翡翠螺螺肉超爽口～✨蟹黃大元貝表面加咗蟹膏炒過嘅蟹黄醬，令到元貝嘅風味更佳～✨有機蔬菜籃有焦糖粟米、生菜同埋娃娃菜，估唔到蒸嘅菜都咁好味～✨粥底吸收晒蒸海鮮嘅精華，仲加入咗豬骨同粟米去煮，健康又美味～✨椰汁燉雪燕食埋呢碗糖水就大滿足啦～…查看更多

呢間樂酒場 がくさかば係一間位於尖沙咀嘅居酒屋，呢到有多款自家製特色日式料理及飲品，裝修充滿懷舊嘅日式風情！仲設有榻榻米座位！又播放住輕快嘅日文歌，氣氛滿滿～✨三文魚籽海膽杯表層有大量海膽、三文魚肉同埋三文魚魚籽！全部食材都好新鮮，味道鮮甜，連埋底層嘅飯一齊食，勁滋味～✨海之幸TACO & 國產和牛他他 TACO賣相超澎湃！海之幸TACO 用咗紫菜天婦羅包住海膽、吞拿魚魚蓉同埋三文魚魚籽等，風味十足！而國產和牛他他 TACO就將餡料變咗做國產和牛他他，配搭自家製醬汁，味道好有驚喜～✨吉列童星蝦(2隻)兒時回憶用童星點心麵炸出來嘅吉列蝦，保留咗蝦肉嘅鮮味同埋童星點心麵嘅特式風味，口感特別酥脆，係進店必食啊～✨明太子醬厚燒玉子厚燒玉子配搭大量明太子醬，令香甜嘅玉子充滿咗海鮮嘅咸香，越食越惹味～✨串燒盛合超豐盛嘅串燒！有燒牛油粟米、燒蒜蓉翠玉瓜、燒雞皮、鹽燒雞翼、豚肉生菜卷同埋自家製免治雞肉棒！個人最鍾意就係自家製免治雞肉棒，本身已經口感豐富，配搭月見汁，味道更香更滑～✨白桃梳打口感清爽，帶有白桃嘅清香！底層仲有日本桃肉～✨冰菠蘿梳打真係有大大塊即切嘅冰菠蘿，賣相吸睛，真材實料，係餐廳的招牌飲品～另外，店員亦熱情好客，服務態度超級好，值得一讚👍🏻～…查看更多

呢間位於亞士厘道嘅烏蠅館係一間主打四川成都菜嘅餐廳！食物款式多元化，提供烤魚、冒菜同串燒等等！今次就決定來食下呢到嘅招牌烤魚先😋～🌟烤魚自選組合係食烤魚必叫嘅超值套餐！包含咗烤魚、一款小食同埋三款火鍋配料～✨招牌香辣烤魚 烤魚簡咗餐廳推薦嘅清江魚！清江魚味道鮮甜，肉質結實而肥美！配搭招牌香辣湯底，令人越食越滋味！底層仲有芋絲、金菇同埋木耳等等～✨四川傳統酥肉酥肉炸到金黃酥脆！表面灑滿咗孜然粉！香口又惹味，令人停唔到口啊～✨精選牛板腱牛板腱肉質柔嫩，牛味濃郁～✨豆腐入口嫩滑，香香辣辣好入味～✨鵪鶉蛋鵪鶉蛋充分地吸收哂湯底嘅精華，味道有驚喜～✨鮮蝦滑蝦滑味道鮮甜，爽口彈牙～✨雞肉串雞肉串味道鮮美，保持咗豐富嘅肉汁！仲加咗孜然粉去增添風味添～✨牛肉串牛肉串嘅味道就再濃厚啲，肉香四溢！同樣都加咗孜然粉去提味～另外，每位只需+HK$28，仲可以享受到無限暢飲多款無限酒精飲品添啊～…查看更多

來到YAKINIKU KAKURA嘅元朗分店食晚餐！餐廳唔單止食物高質有水準，座位亦闊落舒適！而且抽風系統亦做得好好，食完燒肉之後都完全唔會有油煙味～✨大判燒！黑毛和牛西冷呢塊黑毛和牛西冷可以叫店員幫手燒！肉質本身已經入口即溶超軟腍，配埋温泉蛋一齊食，口感更加嫩滑，味道超正！不愧為餐廳嘅招牌必食～✨麻辣黑毛和牛上肋骨中肉黑毛和牛上肋骨中肉呢個部位食落口比較肥美！經麻辣醬醃製過，味道微辣更滋味～✨黑毛和牛裏腹牛柳牛柳大大塊！足足有120g！單單用肉眼睇就已經覺得油脂分布得非常平均！燒完之後肉質嫩滑細膩，簡單嘅調味已經十分足夠，可以食到牛柳嘅原汁原味～✨黑毛和牛腹柳小排肥美多汁，味道嘅層次感更加豐富，肉香四溢～✨腹前小排肉質比較緊實，牛味濃郁～✨佐賀紫菜飯呢個飯有秘製醬汁、溫泉蛋同紫菜碎撈埋一齊，食落去微微辣，配搭燒肉一流～✨白桃乳酸梳打白桃同乳酸嘅味道係一如既往咁夾～✨甜品有雲呢拿雪米糍同埋杏仁豆腐～…查看更多

上環嘅冒喜分店搬咗去新鋪啦，店內設有90個座位，空間比之前更大更寬敞！裝修亦有著冒喜嘅一貫特色！另外仲有一部低層專屬嘅電梯添，喺繁忙時段都完全唔洗驚等唔到𨋢同埋冇𨋢用啊～✨八寶套餐呢碗叫咗潮汕手搥牛肉丸、蒜香墨魚丸、滑雞片、豆皮、金菇、娃娃菜、滑牛肉同埋貴州丁家脆哨！每款餸都各具特色，其中貴州丁家脆哨最特別，個口感有小小似食緊豬油渣嘅感覺，入口香脆，估唔到同冒菜都咁夾！養生白胡椒湯超正，充滿胡椒嘅香味！土豆粉晶瑩剔透得來又口感Q彈～✨八寶套餐而朋友呢碗就叫咗魚腐、芝士腸、蟹柳、豬大腸、黑毛肚、鴨血同埋娃娃菜！推薦魚腐同黑毛肚！重慶麻辣湯味道辣辣哋好過癮！如果鍾意芫荽可以叫多芫荽！叫完多芫荽之後，真係成碗都係，多到見唔到啲餸，勁澎湃🤩啲芫荽仲要好新鮮，中意食芫荽嘅一定唔可以錯過啊～✨凍 洛神花山楂蘋果味道酸酸甜甜，清爽解膩～✨凍 豆漿依家冒喜已經有五間分店啦！📍紅磡總店║紅磡蕪湖街83號Y83地下G05A號舖📍 觀塘分店║觀塘觀塘道348號宏利廣場地下G02號舖 📍上環分店║上環文咸東街22-26號柏廷坊3樓📍灣仔分店║灣仔謝斐道250-274號杜智臺地下6號舖📍北角分店║北角和富道和富薈B50號美食廣場A1號舖…查看更多

觀塘呢間一本食堂除咗可以食到日本料理，原來提供無限時任食火鍋啊！每人$298就可以嘆到滋補嘅花膠雞鍋啦！性價比超高～🌟無限時任食火鍋 (A餐)✨花膠雞湯先飲湯食花膠同雞，品嘗個湯底嘅原汁原味！湯底好鮮甜！花膠同雞件都好嫩滑！之後就可以加湯打邊爐～✨刺身拼盤有三文魚、帶子同埋阿根廷赤蝦！每款都味道鮮美～✨頂級牛盛盤有頂級牛小排、頂級牛肩胛同埋安格斯牛板腱同埋雪花一口牛粒！全部都好重牛味，肉質軟嫩～✨時令海鮮盤有生蠔、基圍蝦、白鱔片、鮑魚同埋蜆！款款都新鮮又大隻～✨荔枝蝦球酥脆又彈牙！點埋千島醬味道超正～餐廳仲設有自助吧！前菜同熱食通通都有！有各款沙律，炸物同台灣腸等等！肉類、海鮮、丸煩菜類同樣好多款式，可以任拎任食！真係大滿足～甜品方面，泡芙同埋布朗尼都係必食～雪糕有多款口味！個人最鍾意豆腐味同埋沖繩鹽味～飲品同樣多選擇！有多款來自韓國嘅飲品，又有餐廳自家嘅烏龍茶、冬瓜仙草等～…查看更多

來到了這家環境雅緻舒適的日料跟朋友慶祝！餐廳主打廚師發辦及特色日式料理，選料上乘，每一道菜餚都盡顯誠意！店員及師傅的服務亦很到位，態度非常親切～🌟雅套餐(升級了太卷及刨冰)✨前菜2款磯粒貝、高甜蕃茄、北海道白粟米真鯛刺身、海葡萄、酸汁啫喱✨鰈魚海膽刺身鰈魚刺身包著海膽，表面還灑滿櫻花蝦！味道鮮美～✨煙燻鰹魚鰹魚充滿了獨特的煙燻香味，還有泡沫可以打卡～✨彩羽太卷是餐廳的招牌菜！吃法一定要一口吃下去，才能感受到這個太卷味道和口感上的層次感～✨壽司6貫有秋刀魚磯邊魚壽司、深海池魚壽司、魷魚竹炭魚壽司、貝柱壽司、拖羅壽司及昆布海膽壽司，味道各有千秋～✨串燒5串非常豐富！有燒雞全翼、帆立貝、日本小番薯等等～✨和牛壽喜燒和牛柔軟多汁，沾上蛋汁更嫩滑！其他配料亦亳不遜色，完全地吸收了壽喜燒汁的鮮甜味～✨鮟鱇魚肝泡芙自家烘焙的泡芙內裡蘊含着豐富的北海道鮟鱇魚乾，風味獨特～✨味噌湯✨江戶前玉子燒蛋味濃郁，味道香甜～✨甜品日本雪花刨冰是用了日本地下水製作，有多款口味可以選擇！這次吃了黑糖味，綿密的雪花刨冰灑上了黑糖糖漿、煉奶及黃豆粉，最頂層還有忌廉，是經典的日式風味～水果伴雪糕同樣吸引！有香甜的青提配搭着幼滑的牛乳雪糕～總括來說，餐廳對食物十分講究，性價比高，是一家有誠意的Omakase～…查看更多