momozen的个人专页

呢間係荔枝角工廈既餐廳好多人都話唔錯，難得今日來呢邊就去試下先。牛舌芯同雲吞麵都係必試既，牛舌芯配少少甜多多咸蛋黃飯，飯既份量超多，但就有少少乾，但配合厚切牛舌芯食用，非常美味。雲吞麵睇落平平無期，但食落外皮超脆，入面既餡好juicy,,意粉酸酸甜甜，好惹味又開胃。黑糖奶蓋阿薩母紅茶，唔太甜茶味濃，黑杞子桑椹蜜，甜甜地，補眼之選。呢度既甜品都好出色，焙茶金莎巴斯克芝士蛋糕，甜度岩岩好，濃濃芝士香滲出淡淡茶香，一定要試。…查看更多

又轉天氣啦，一涼就好想去打邊爐啦，旺角創興廣場有好多間打邊爐，樓下見到馬辣台式火鍋，打卡就送乳鴿，仲有自費海鮮拼盤，份量好大仲好新鮮。有多款湯底可以揀，我地揀左酸菜白肉同芫茜皮蛋，唔使甘燥，清清地。有多款肉類可以揀，安格斯牛，牛小排，牛五花，豬肉都有齊，而且出面4個大雪櫃，有齊蔬菜，丸類，豆制品，自制餃子，好正。飲品櫃都有幾個，睇到眼都花，仲有啤酒任食，仲要係1664同sapporo, 絕對回本之選。除左甜品櫃同雪糕櫃，仲有手工甜品都不能錯過，有專人整既法式焦糖燉蛋同朱古力香蕉pancake, 亦有中式甜品。…查看更多

係荔枝角香工附近有間懷舊冰室，門口裝修好似人地睇大戲既戲棚，入面就有龍鳳牆。冰室必定要叫沙爹牛麵，牛肉份量巨多，味道偏甜，有少少麻辣味同花生碎。除此之外，碟頭飯都不能錯過，叉燒滑蛋飯，叉燒好大塊，炒蛋滑捋捋，好吸引。酸辣豬扒米線，豬扒勁大塊，酸辣湯底好惹味。西多士都係冰室必食，今次就食升級版金沙朱古力流心西多士，西多士炸到好金黃，切開就見到流心既朱古力醬，而表面就佈滿金莎脆脆，朱古力控必試。熱香餅漢堡都不能錯過，超厚午餐肉，鬆軟熱香餅，蛋味濃，配糖漿更好食，咸甜滋味真心唔錯。椰汁紅豆冰同阿華田脆脆火山一定要試，前者紅豆腍，配椰汁一流。…查看更多

幾個月前食過呢間意大利餐廳，對佢印象唔差，適合朋友聚餐，情侶撐檯腳。餐廳最新轉左新餐牌，有多款經典美食。西班牙乳豬搭配薯蓉是一道經典的美食組合！西班牙乳豬的肉質嫩滑，帶有豐富的香氣和濃郁的味道，配上鬆軟綿滑的薯蓉，給人一種溫暖和滿足的感覺。主食方面就叫左炸軟殼蟹搭配香辣蒜炒天使麵，是一道美味的菜餚！炸軟殼蟹外脆內嫩，搭配上香辣的蒜炒天使麵，口感豐富多樣，給人帶來不同的層次享受。捧捧雞作為小食，外皮被調味過後油炸至香乳，再配上惹味醬汁，口感非常滿足。…查看更多

呢間餐廳如果唔係朋友帶我來，都唔知尖東有一間甘秘密既泰國餐廳。而呢間餐廳非餐廳甘簡單，仲係一個bar, 現場仲有唱k, 掟鏢機可以玩。必食泰式明爐烏頭，香辣酸甜的味道，配著鮮美的魚肉，風味獨特且美味的。辣椒膏炒花甲是一道美味的海鮮料理，融合了辣椒膏特有的辛香和花甲的鮮美。花甲本身味道鮮美，口感細膩，吸收了辣椒膏的調味后，更加誘人。仲有每次必食既生蝦刺身，蒜片辣椒苦瓜，一入口非常開胃。泰式串燒都不能錯過，燒茄子同燒雞全翼，茄子經過燒烤後更加香甜。燒雞翼外脆內嫩。香芒沙冰同椰肉沙冰，解膩消暑一流。…查看更多

朋友一直好想去呢間燒肉的殿堂，同朋友慶祝就決定去食吓啦~必食大阪城牛五點盛合，可以一次過食晒5種不同部位，有厚切牛舌、牛五花、牛肋肉、牛三角、牛肉粒。果然牛舌就係要食厚切，口感勁正，牛五花同牛肋肉超濃牛味，油脂豐富，好惹味。主食方面就叫左甲羅燒拌飯同殿1玉子拌飯，前者混合了烤螃蟹膏和飯，加上蛋黃，蟹味濃得來又鮮。後者溫泉蛋同白飯混合在一起調味而成。這道菜味道柔和，蛋香四溢。古早冰菠蘿柚子梳打，口感清爽，好岩食燒肉時飲，非常解膩。熱情的沙漠，酸酸甜甜既百香果，好開胃。…查看更多

呢間貓貓cafe好出名而且仲有幾間分店，真係好方便鐘意貓貓既朋友去呢。入去之前要消毒雙手同著一次性鞋套。餐廳地方好大好舒服，方便貓貓跑來跑去。簡簡單單揀左個2人餐，清新沙律同餐湯令食慾大增。揀左最愛既溫泉蛋野菌煙肉卡邦尼意粉，汁醬濃郁掛汁高勁，而且每啖都有煙肉同野菌香味，勁好食。西班牙黑毛豬肋骨又係另一個必食既菜，份量超大份，肉質嫩滑又多肉，加上開胃醬汁，味道不錯。飲品就叫左四季春鮮奶同oreo脆脆特濃朱古力。前者入口鮮奶味，之後淡淡既茶味再慢慢滲出來。鐘意朱古力既朋友，呢杯必試，勁香濃朱古力，好香好滿足。甜品既法式焦糖布甸是必食，脆脆既焦糖加上creamy既布甸，唔太甜既口感，真係好正。…查看更多

踏入6月，慶祝生日既月份來啦。呢間位於加連威老道既日本餐廳，被佢地下既無臉男同日本風既打卡吸引。 餐廳設有榻榻米座位，氣氛環境感覺身處日本一樣。今日同朋友就揀左90分鐘半自助和牛放題，獎賞一下近排辛苦工作既我地。刺身非常新鮮，加上清新既沙律，既可以清口腔之餘仲可以提升食慾。多款串燒料理，任選5款。 鹽燒雞翼燒得好香脆，雞腎爽口又大粒，虎蝦天婦羅大隻得來肉質彈牙，海膽天婦羅非常creamy~燒牡蠣鮮甜。多款壽司任食，必食火炙三文魚同左口魚邊，魚油燒到勁香，size唔大，一口吞落去，口感勁豐富。終於食我最愛既壽喜燒，日本a4和牛，北海道米豚同廣島牡蠣任食。 真的食呢個已經回本啦！ 和牛牛味濃，油花勁靚，入口即溶既口感，encore左勁多次。 廣島牡蠣好大隻，煮完都無縮水，蠔味勁濃，勁推。…查看更多

大角咀一向都多美食，今次揾到間正宗意大利餐廳，就同朋友去試試。餐廳都幾大，枱同枱之間有距離，坐得幾好~而且價格都唔貴。見到人地食白汁蜆肉意粉，賣相不錯，就叫來試呢。 蜆肉非常大隻又厚肉，仲好鮮甜。 扁意粉好彈牙，嗦汁一流，非常惹味。如果鐘意食薯條，一定唔好錯呢間既薯條，新鮮熱辣炸起，外脆內軟，而且呢度既茄汁會上一大碟，唔驚唔夠哦~茄汁控一定好喜歡。甜品就叫左tiramisu, 口感濕潤，微微酒香同咖啡香，但甜度岩岩好，唔會過甜。朋友話想食豬仔骨，一上來真係嚇親，份量超多。 豬仔骨肉質腍滑，超多肉。 薯條好香脆，沙律都好鮮，非常解膩。…查看更多

同朋友慶祝生，唔知去邊好，係網上見到呢間令令心心眼既餐廳。一推開餐廳門就被餐廳環境吸引住，滿滿既粉姐色花花，少女的心都出晒來，每個位都係打卡位~職員極力推介呢個前菜pami puri,平時都好鐘意食生菜包，呢個用簿脆球代替生菜，好特別。估唔到冬蔭同意大利雲吞會甘夾，冬蔭功既酸辣，雲吞既芝士，好好味~呢個意粉個名sakura好浪漫，粉紅既闊麵條係用紅菜頭整成，好靚。鮮甜帶子同青口，creamy既闊麵，加上靚靚擺盤，真係賞心悅目。食物出色，連飲品都非常好味亦係打卡重點。焦糖餅干奶昔，kinder朱古力奶昔唔只睇得，仲好好飲，而且味道唔太甜，大推。…查看更多

朋友介紹係灣仔有間串燒好抵食，串燒最平10蚊咋~啦啦聲約埋fd去食先~串燒好多都抵食，必食川香肉碎燒茄子，不同平時既燒茄子，呢度既茄子除左蒜蓉外，仲有肉碎，好惹味~燒蘇格蘭蟶子皇果然名不虛傳，非常大隻，海鮮同蒜蓉果然係靈魂伴侶，配埋一齊既味道，鮮度真是非筆墨難以形容。當日天氣有少少涼，見到有暖暖鍋就叫左牛肉壽喜燒來暖下。 有牛肉，豆腐，蔬菜，油豆腐，非常豐富~好多款串燒都好好食，厚牛舌，雞皮，雞腎，韭菜係每次食串燒必點既。食串燒當然要配酒啦，荔枝梳打酒和柚子酒。 前者真係有荔枝係入面架，配埋梳打，好清爽。 而後者甜甜既柚子，無咩酒精，反而似果汁。 2杯飲落都無咩酒味，好岩女仔飲。最後當然要食甜品啦，草莓窩夫，外皮微微燒過，脆脆哋又暖暖地，而入面係冰凍既雪糕，冰火二重天，好味~…查看更多

係太子既酒吧街有間同酒吧風格不同既cafe, 而呢間cafe主要係食西班牙菜既。 睇完餐牌，2人餐有晒想食既野而又非常抵食。前菜有4款小食，伊比利亞火腿忌廉薯餅，新鮮熱辣炸起非常香脆又creamy~西班牙青椒仔，口感爽口好清新~煙三文魚蕃田牛油果沙律，三文魚有3大片而且好有心思捲成花狀，真係未食見到都開心，最後一道係我既至愛蒜片欖油大蝦，大蝦爽口，仲有蒜香，正~身為明太子控，一定要試明太子忌廉煙肉大蝦意粉扁意粉。 大蝦爽口彈牙，明太子醬好足料，選用扁意粉寧舍掛汁~主菜有3款選擇，每款都好吸引。 我地謝揀左慢寫焦糖豬腩肉配燒飯團炸蓮藕片，豬腩嫩滑腍，入口帶有肉汁。而甜品就升級揀左自家製西班牙油炸鬼，因為即叫即做，等候加深美味。 churros口感非常香脆，配上朱古力醬同雪糕，冰火二重天，口感一絕~水果酒有sake同紅酒2款選擇，入口酸酸甜甜，而且酒精濃度唔高，幾岩女仔飲~…查看更多

閨蜜生日當然要同佢食餐好既~平時壽司版既omakase 就試過啦，今次就同佢來海港城既鮨央泰試下佢既料理版omakase~木系裝修比人一種好柔和既感覺。前菜一共有三款，春菊配輕微咸香既吞拿魚絲更加提起清香。 之後係鰻魚苗配自家醋，嫩滑口感加上酸酸地既醋令食慾大增，最後係岩手縣既令和の怪物，用麻油慢煮，口感爽脆。雖然係料理omakase,但點會無刺身呢~愛媛縣蜜柑鯛同青森縣吞拿魚赤身。 北海道短角赤牛他他配蘋果蘿蔔洋蔥蓉，加上京都九條葱，蘿莉苗，日本薑花蔬菜。 肉眼脂肪加上其他配料，反而減低油膩感。之後係師傅招牌既北海道軟煮八爪魚，經慢4小時慢煮，八爪魚肉質軟非常入味。到我最期待既菜式之一，A5赤牛。 湯底係用北海道利尻昆布，令到牛肉味道更提鮮，配上其他蔬菜口感更鮮。首次嚐試螢光魷魚茶碗蒸，2者非常夾又好鮮，而且底部係年糕，煙煙韌韌，非常特別。之後又期待既A5赤牛系列~吉列A5赤牛配北海道馬糞海膽，加上即磨芝麻吉列汁，視覺效果已經好吸晴。 牛肉脂肪豐富，外脆內軟，海膽鮮味加和牛香味，味覺一大沖激。燒A5赤牛肉眼，5成熟既和牛焦香，配上白飯真係令人食唔停口。最後係草莓紅豆大福，唔算太甜，令人非常滿足既一餐。…查看更多

燒鰻魚平時就好常見，但係鰻魚打邊爐就真係第一次啦，而且仲要係要任食，岩晒鐘意食鰻魚既人啦~鰻魚鍋分香辣同醬香二個味。因為怕辣就叫左醬香味，湯底好惹味。鰻魚就似烤魚甘，好香。鰻魚係即炸既，就甘食都好好食~打邊爐食物種類都好豐富，牛肉都有幾款，仲有海鮮，而且仲好新鮮。出面雪櫃仲有10多款既蔬菜選擇，超正。除左邊爐食物，仲有其他食物。刺身一定要食三文魚同帆立貝，厚切又新鮮。串燒款式太多，叫幾串想食的，燒得岩岩好~最後必食既甜品，朱古力火鍋，細細地點泡芙，水果食都好正~而家其他甜品全部細細杯，甘就可以試晒甘多款啦！…查看更多

最期待既太二酸菜魚，香港終於有啦。 12月連開4間分店，地點都好方便。必食酸菜比魚好吃的老壇酸菜魚，雖然只是叫了1-2份量，魚肉份量唔少，而且每片都勁厚肉仲好嫩滑。 酸菜爽脆，酸度同辣度都岩岩好~加左$20紅薯片，非常好吃又入味。每次見到小酥肉都會點，太二既小酥肉一定要趁熱食，因為超好食，炸得外脆內嫩，好香口。怕辣仲叫左馬蹄好椰清補涼解下辣~糯糯既馬蹄加上果凍，非常好飲外面既自助茶水亦好即試下架~係陳皮加洛神花，自己沖制，酸酸甜甜，生津解渴。而家經連結就可以訂位非常方便。…查看更多