PN3288的个人专页

是晚一行6人book 位試呢間火鍋放題，需要$500 訂位按金唔緊要。因為我哋6pm 開始, 所以嚟到見到會場都滿意的，唯獨是6人枱太小細，佢哋都放咗兩張圓櫈仔放袋，但對我哋嚟講唔太足夠。因為佢地方唔大，所以盡量要我哋唔好阻住通道。1. 飲品及火鍋醬料要到出面攞，大家開開心心攞飲料及醬料，每人的前面都放滿一杯杯一罐罐的飲料及撈醬，最初的頭盤，多士、皮蛋、炸物 都有幾款，唔錯。2. 食到咁上下，伙記就開始移動我哋枱上面的杯杯碟碟啦！ 開頭都唔太明白，原來跟著落的魚生船是超大隻，對比我哋張細枱，隻船唔啱比例🥲 得個樣😅魚生船不太多魚生，每人一件，鮑魚每人得半隻（略嫌小氣），提提大家，魚生豉油及Wasabi 需自己出邊攞。3. 好啦！到雞煲因為唔知佢的辣度，所以我哋選小辣，雞煲嚟到，光睇顏色已發覺唔太似麻辣雞煲，似炆雞煲，完全唔覺辣。奉勸各位，出面醬料有家嫂醬料及麻辣醬料，倒埋落去爆少就好食😋。另外雞肉都是嫩滑的。4. 有朋友食過柴灣分鋪，大讚，所以今次有期待，但有失望🥲。另外，雞煲後應該有蒸扇貝，但尖沙咀是沒有的，佢哋解釋….午市先有，廚房無就無..等等 好失望！5. 入正題火鍋湯底是預訂的花膠雞煲，好有師傅味。海鮮、火鍋配料都可以，都係略嫌枱面太細，到我們要再點喜歡吃的火鍋料時，原來無QR CODE點菜，需要同伙記落單，、但每次都要催促，給客人有些小氣的感覺。另外，一早嚟的牛肉，聽講唔可以叫豬肉，，呢間就要先食牛，再可以落order 叫豬😅其實每位收費都要$438， 未免覺得太計較。仲有…. 海鮮類… 鮑魚及貝類洗得唔乾淨，有沙。是晚好食的是蝦，食到一半被通知有蟹，好奇怪，莫非咁夜先送貨🤔🤔6. 值得讚賞的有飲料各式飲品都算ok有支裝可樂鹹檸七 👍🏼（要落 order)西瓜汁 👍🏼竹蔗茅根精支裝水 👍🏼罐裝/盒裝烏龍茶熱水雪條醬料都可以不過性價比較低，試一次就得啦！我哋唔會再幫襯。…查看更多

每年的10月主題是「蟹」， 無論冷盤、熱食都是蟹，花蟹、長腳蟹、麵包蟹、仲有龍蝦🦞、蝦都在冷盤埋，熱食有重殼蟹（至愛之一）、釀蟹蓋蟹蓋、花雕蒸長腳蟹（好香花雕酒味）底下有河粉（精粹在此 😋）、避風塘炒蟹（大大隻），海參鮑魚、花膠唔少得，海南雞同叉燒都是我的至愛之一，片皮鴨，種種咖喱，羊扒、牛扒唔少得（不過我已飽飽😅。甜品都有多種，豆腐花我鍾意😅星期五晚 $998/位今期是恒生白金信用卡 最多優惠，6位有8折 +1(正價）。…查看更多

由於臨時决定，當日中午致電預約，電話無人接聽，於是我留言預約，估唔到3點左右有回覆，因為我哋早飯，所以店主提議7:30交檯，可享8折，所以我們5點開始，都有2.5 鐘，時間足夠暢談及享用美食。材料新鮮，即點即到（用QR CODE點選，容易操作）窩心的飲品區提供，有雪櫃的凍飲，台灣特色飲品，可能冬天關係，竟然有熱飲提供，仲有啲係室溫的。醬料區有支黑醋我最欣賞。好欣賞每款叫的食材都是少少，啱食的可以再叫，唔會浪費，另外，算是多項選擇。肉類，頭盤，炸物，菜類，海鮮，丸類都好多。7:30前埋單仲有8折，底食。…查看更多

是晚預約7點晚飯，聽講只得90分鐘用膳，覺得唔夠喉，成班朋友吹水應該盡興，石硤尾A出口（不用行太多樓材）經石硤尾村行到南山村。餐廳在舊屋村的鋪位，分兩邊有四個鋪位，有鑊，野味！少有餐廳咁好食，價錢唔費。南山村越夜越精彩，晚上更有小檔口。…查看更多

2018.06.22 晚餐朋友之前食過介紹，他們有點失望，覺得水準較之前差，首先我們被安排到另一邊的餐廳，都是大枱，開頭無咩點，後來人多左，那裡簡直是一個街市，噪音超標，我哋都聽唔到對方說話，好在昨晚不太熱，冷氣都不足，後來我們支持不了，埋單走人，噪到頭痛。離開時過到正鋪嗰邊，完全是兩個世界。食物方面，好壞參半。柚子沙津🙈👎🏽炸雞翼👍🏾冬陰公湯👍🏾 馬拉盞通菜👍🏾炸魚餅 🙈青咖喱豬👎🏽飲品 👎🏽…查看更多

昨晚與朋友們食生日飯，之前一晚先預約，總算容易book位。食物質數良好，海鮮新鮮，整潔。$198/位 7,5,3,7樣海鮮：有掩仔蟹半隻，新鮮蝦兩隻，鮑魚一隻，多寶魚一條(共享， 不知道5個人同兩個人是否都一條魚？), 扇貝一隻，貝殼類一碟； 5樣自選我哋選左，豬豚肉，淮山，黑木耳，豆腐制品，花膠(唔錯)3樣 設定栗米，芋頭粒，南瓜粒改善地方： 可加菜作打邊爐。之前所謂的沙律太少。粥水底，最後先比軟飯煮粥。食物質數新鮮，唯獨是沒飲品，水都沒有，其實可選擇加多$30 任飲，相信飲品不太貴。另外，環境真係一般，地方太迫，空氣不流通。啲位置set得太迫。服務有待改善，門口叫位的小姐，竟然大聲朗讀客人電話，佢唔知私穩條例，要再培訓。其他的都不太懂得招待客人，但有善的。…查看更多

泰式冬陰公豬扒酸辣米粉 + 咖啡紅豆冰 係我至愛。豬扒會分開上，夠細心。咖啡加左紅豆冰不太甜，正。不經不覺係工廠大廈樓下，通常我下午茶時間去食，$32 已經包熱飲品，如果要特飲加$6, 所以我會選特飲。…查看更多