hkfoodninja的个人专页

快要移民加拿大，將與家人道別！今天細佬選擇了我最喜愛的大閘蟹餐，跟我餞行。特意寫上這篇食評表揚阿翁小館，性價比同味道都十分超然！生拆大閘蟹粉翅翅與蟹粉份量十足，每一啖都有魚翅及蟹粉的味道互相輝映28頭吉品鮑阿翁主理的餐廳，吉品鮑當然係信心保證。雖然我不是經常吃吉品包，但是以我的經驗，這是頂級的烹調技巧，入味、元糯但保留一定咬口，利害。原隻江蘇大閘蟹六両金毛、白肚，蟹肉實淨，而且飽滿。蟹膏呈現黃橙色而且白膏份量非常多，可見大閘蟹是廚師們的細心挑選蟹粉蟹肉炒飯更加顯得廚師的功架，粒粒乾身，這個炒飯令我印象非常深刻！啖啖蟹肉香，份量拿捏得剛剛好！這個炒飯是細心之作!薑蔥生煎鹽香雞雞皮煎至金黃色，雞肉極juicy，外脆內軟，加上薑蔥配搭，如不是最後有炒飯，我會用白飯配這道菜，哈哈…查看更多

見到銅鑼灣又有新嘅燒肉，擺盤幾靚仔。最鍾意食燒肉嘅我收工當然去試吓。刺生生牛肉他他：食法創新又特別，可以自己選擇落咩配料朋友唔食蔥就啱晒。生牛肉他他上邊有日本蛋、三文魚籽、京蔥，青松青檸、岩鹽同埋Wasabi😍我嘅食法係全部溝埋一齊。店員教我地首先要將紫菜喺火上面燒一燒，咁樣會更加脆口好味。我最期待嘅大阪城五點，入邊有幾款唔同嘅和牛超抵食三百幾蚊兩個人分享，另外仲有超大件牛舌，厚厚切yummy 和牛肋條勁有驚喜，再加埋超爆油脂既A4鹿兒島牛肉。蔥月見燒和牛薄切，用上日本和牛三筋位置。燒完之後點埋蔥好好味。另外點左薄切蔥山牛舌，發覺我哋真係超級鍾意食牛舌鹽蒜小牛排、牛味勁濃而且醬汁配搭得唔錯，蒜頭同埋鹽既配搭令到牛嘅味道更加昇華。…查看更多

一人燒肉岩曬放lunch💮勁鍾意食吉列牛嘅我一知道西營盤開咗間石燒牛當然拉埋同事過去試吓🥰難得係唯一一間。定食餐好抵食+$48 已經會有清酒蜆湯，蕃茄粟米沙律，同埋蛋汁燒肉飯😝另外仲送埋汽水。和牛牛小排外皮酥脆、入口軟林，但又好滿和牛油香。同事叫咗牛舌兩食☺️都係百幾蚊有交易，朋友因為唔識生蛋所以加$38一樣有白飯，沙律同埋湯。又真係唔錯喎，厚牛juice又爽。薄牛舌經過石燒之後有少少脆口，very good 👍 最緊要望住靚靚打卡牆，即刻賞心悅目。…查看更多

尖沙咀食水產，梗係要揀間老字號亦都好信譽的。炎丸水產一定係我嘅首選，無論味道，品牌都有保證。先來啲小食，枝豆同埋我最鍾意嘅薯仔沙律，味道好夾，又開胃。然後有兩隻超大隻嘅生蠔，creamy又好食.重頭戲當然係食佢甲羅燒，叫咗兩款口味一個係海膽味道一個係蟹膏味道。兩款都帶出佢嘅鮮味同埋好夾。炎丸號啱晒最貪心想食晒唔同款式嘅刺身尤其是有我最鍾意嘅海膽同埋吞拿魚蓉，同埋有三文魚子😉而且超級大份下邊有啲飯，超級鍾意。…查看更多

提早了一星期訂位終於訂到星期六的位置，已成為我必食的燒肉餐廳，環境及抽氣都很乾淨，而且座位很寬敞，用餐後也不會有油煙味，而且牛肉的質素很高，店員介紹剛剛換了餐牌，還在修理改善中，出了多款和牛的新item，所以今次也主力想試。先點了和牛九宮格，款式多樣性。主要是用手機點餐，亦有詳盡介紹內容包括A5和牛貝肉、A5和牛封門柳、A4和牛腩、A4和牛西冷、A4和牛上蓋、A4和牛頸脊、A4和牛友三角、A4和牛肋條、M9和牛內裙肉。另外還有雞肉山，非常好味。還有超激安大份的產品，A4和牛和尚頭壽喜燒，價錢優惠，而且有專人在面前立即炙燒，有淡淡的黑松露味，加上餐廳介紹特別的燒肉汁和和牛的油脂，激安激安。另一款必點的就是厚切牛舌，juice,厚,香及油。…查看更多

臨近聖誕節，同朋友去AIA玩之前黎左encore我覺得好正宗既韓國餐廳～入到黎都見到好有聖誕氣氛，加左好多燈飾係店入面。首先我一定會嗌我次次黎都食既炸雞啦～之前都有食過醬油味，今日就想食原味無骨炸雞，懶呀～一如以往都係好嫩滑既雞肉，有個辣醬同芝士醬比我地點，點埋個醬食感覺無咁熱氣！發現出左新menu，有得嗌粉絲鍋，所以我地都揀左個牛肉鍋食，入面都好足料，勁大堆牛肉，仲有d菇同菜，仲有粉絲，唔使驚食唔飽。兩個人share食一定夠！想飲啖酒，都嗌左個米酒飲，用碗飲夠哂正宗！食飽就去AIA玩啦～…查看更多

繁忙的工作加上社會沉重的氣氛，確實令人缺乏胃口！過去2-3個月都只會收工後在家附近的小店消費，只為生存而吃飯，而不是追求什麼佳餚美酒。好不容易碰上了一個契機，好朋友要結婚了，實在要搵一間高質餐廳賀一賀，當然我朋友亦非善男信女，對餐廳有嚴謹要求，口中的無所謂，當然是謊話，我深信一般餐廳都不能令她滿意。小弟有丁點運氣(多謝食神眷顧) ，碰上了水準什高的Omakase。日系和式裝修，柔和的感覺，久違了這種朋友飯局，無所不談的歡欣。當日亦有幾位女士慶祝生日，加上我祝賀好朋友結婚，仲唔係好事成雙，香港人，開心，香港人，沖喜！開心要飲酒，唔開心都係要飲酒，我地叫左一枝梵Gold Sake，比較易入口，米味不重反而果香較濃，比較清新。飲Sake當然要選擇一隻襯自己的清酒杯，彩虹正是我今日的心情。頭盤有芋頭蓉+燒凡立具+炸蟹仔，賣相無得頂，有高有低，有紅有黃，層次感豐富，日本人的食物味道賣相同樣重要。芋頭蓉當然不似台飲的那一種死甜，而是純天然芋頭香那種。我當日選了「和」的餐單，前菜後有5款刺身，幾款都令我相當滿意。這個日本馬糞海膽當然非常新鮮，沒有半點腥臭，我有理由相信佢係剛過身的，非常挺身而且並未有任何出水的狀態。另一款刺身是秋刀魚，意外地戀上了，因為小弟比較怕腥，今次不但沒有，而且口感奇特，十分Q彈。鰤魚當然有點腥，但絕對可接受，時令食材真係無得輸，又肥厚又嫩滑，差D以為食緊大拖羅。食完冰冷嘅刺身，有熱食當然最好，鵝肝釀雞翼有驚喜的，鵝肝肥美但不太多油，似是經過一番處理，燒雞翼用上秘製醬汁，這似是居酒屋的專業，竟在這裡碰上。熱食往往比起刺身壽司多功夫，似是天婦羅酥炸的脆皮口感與南瓜的口感相當大對比，這就是料理的難度，不只照顧味道，還照顧口腔內的強烈起伏。6款壽司再有馬糞海膽當然非常滿足，今次仲有熊仔威化與海膽一齊食。大拖羅與炙燒大拖羅壽司，大家相片中看上白色脂肪比較少，但其實是油脂平均，脂肪精華味道濃郁，亦不會太油膩，令人吃不下其他食物。喜之次壽司，膠 質 豐 富 、 近透 明 的 魚 肉 ， 肉 質 嫩 滑 ， 魚 脂 平 均 分 佈，尤其與sake產生默契！滿足，好的服務，好的氣氛，好的食物，欠缺是好的時代。香港人，開心。…查看更多

星期四永遠都係難過的日子，差一日先到星期五！但放工都要提早Chill 下！今次揀左中環嘅 The Thirty Six, 聽講係男神吳彥祖開！我諗一定有保證啦！其實位置都好方便，一路搭半山電梯去到大館就落去就係。大熱天時都唔係問題😏一去到已經被門口個博物館咁嘅威士忌櫃震攝到😮，所以唔洗多講呢度飲威士忌絕對有保証！值得一讚係員工好有禮貌好nice，淨係呢點已經加好多分！裝修有氣氛，光線舒服，地方企理！未諗食咩就先叫杯酒飲下先啦！我要左杯Mamie gilory,其實類似橙同薑味嘅highball. 我比較鍾意簡單清爽，的確係十分有水準，佢加左塊橙皮浸住，當堂唔同哂！夏天有杯咁既野，真係世界級👍🏻事頭婆就要左杯boilermaker, 類似係梅酒底但有陣陣Rosemary 香味！女孩子比較鍾意呢D 香甜野😛Menu 簡單清楚，員工主動幫手介紹好快就揀到1. Foie grad & Oyster佢係一個用紫菜配鵝肝生蠔的食法，我都係第一次咁樣食，平時都係鵝肝有鵝肝咁食，生蠔有生蠔咁食，冇諗過原來夾埋一齊係咁夾㗎。入口即溶，再生蠔嘅甜不停循環！呢個招牌野，係一定要試！一人一分千奇唔好share,一定爭🤣2. Ungai avocado roll好似蛋餅咁，裏面嘅餡都好足㗎，有牛油果，蟹子等等，我已經無深究裡面有咩，因為見到已經忍唔住，味道真係不得了！😂絕對我最鐘意嘅野，呢個係我個人推介！ 3. French fries truffle $ Parmesan 黑松露薯條配蜜糖芥茉醬，送酒一流啦！勁大兜，都食唔哂！🤦🏻‍♂4. Cuttlefish - xinjiang 燒墨魚！香料好香口，但係食落係舒服，唔個好刺激，但係真係好香！一食就個香料係好野。燒既火候埋埋好，最怕好韌！呢個處理得好好！5. Old fashioned burger 經典burger ,但絕對有驚喜，因為佢裡面用果jam😮第一次配果醬，效果真係意想不到！最後再叫多兩樣野，一場黎到又肚餓😂6. Squid with cheese 螢光魷魚就一向鐘意食，但佢個wasabi 味芝士真係配埋不得了。食得出佢啲魷魚係有balance 過個芝士而較返輕小小！ 所以成件事係好平衡7. Crispy soft bone 炸雞軟骨，高質！ 係有肉嘅軟骨，絕對唔係用hea 貨變左做炸雞肋🤔整體我係好滿意，星期四得到安慰了😌…查看更多

餐廳嘅情調同埋環境都好靚，加上夜晚亦都會有livemusic,慶祝生日同埋同朋友食飯都唔錯。Pork lion steak最滿意就係呢個黑毛豬，食落去唔會有一種好油膩既感覺，而且口感嫩滑，加埋醬汁既配搭真係非常唔錯Music tower上面一條條閃閃發光既野，知唔知係咩呢?其實係菠蘿黎。它酸中帶甜，加上係乖違的燈光照射下，更加光芒四射、美不勝收。豬手切開唔會散開一舊舊，外皮脆而不油，所以食落會啖啖滿足之餘，亦都可以感受到廚師既熱誠係呢個烹調之中。不過個人認為，如果有芥末汁同香草汁，去比我選擇就更好。成個豬手質感肥瘦均衡，味道相當唔錯!!!…查看更多

成條韓國街，其實講好多間我都食過，但老實講會回頭既吾多，呢間係我其中一個心水之選。首先環境幾有韓國味道，坐得幾闊落，同埋呢到抽油煙做得幾好，唔會食完臭到爆。所以朋友一話想食韓燒，我就諗起呢間，前菜選擇唔算多，但都係我中意既野，而且調味得幾好,吾會好辣，野食價錢吾算貴，簡左幾樣特別正既分享下。芝士烤帶子隻隻都大大粒，d芝士比得一d都吾孤寒，邊煮邊聞到好香，我地無煮到全熟，一拎起食就拉灑芝，好滿足！韓式烤蜆D蜆唔係出面d食之無味 棄之可惜既細蜆，粒粒都係飽滿既肉，重點係無一隻係死架，好鮮甜唔錯啊燒鰻魚呢個性價比好高，好大條好厚肉，不過d皮太易痴皮，失色左少少，同朋友兩個人本身仲怕食唔灑，點知好味到食下食下就無灑lu。韓牛西冷扒一睇d雪花分佈就知塊扒靚，又厚又大塊，店員仲好貼心換左個爐比我，唔怕痴左之前d焦，基本上一燒已經好香，我地燒到三成就剪開燒，一到五成左右，我地已經迫不及待夾黎食，好香濃肉味，夠juicy!同平時食既好唔同，我地食緊既時候，店員會好貼心幫我地燒其他野，同朋友仲叫左幾枝韓國燒酒，爽呀，個人推薦少見d既青蘋果味🤤總括黎講，朋友同我都覺得呢間性價比幾高，服務都吾錯，會再黎呀！ …查看更多

記得佢岩岩開既時候食過一次，其實so far so good,但想比多次機會佢，於是又走去食多左次！西柚茶 $23 個配搭其實好好嫁，西柚清新酸甜 又唔會有檸檬茶果種苦澀，茶底係做得非常好，夏天飲一流 脆脆豬排包 $35個包抵讚！鬆軟有牛油香，中間有蕃茄生菜千島醬，仲有當然主角炸豬排，豬排比想像中Juicy，d醬好明顯特登茶得好平均 每口都有！我覺得好OK喎 ，會令人好回味!黑芝麻西多士吾會太甜，d黑芝麻又香又多，啖啖好濃郁，而且落楓糖漿個枝野都幾得意，我自己好中意，好食過西環果間X記西多，最尾一啖同男友互搶hahaha總括呢講，今次我覺得進步左好多，睇得出佢地好有heart去改善，因為我食完都有關心下我地覺得點，小店要多多支持，我會想再黎食！…查看更多

荃灣嘅日本拉麵餐廳有好多間，但係呢一間係我食過比較性價比嘅！今晚帶咗幾個朋友去食餐廳嘅環境非常明亮，非常有日式嘅感覺。我哋叫咗個豬軟骨拉麵入邊有豬軟骨亦都經過長時間煮。仲有大量蔥花同埋其他嘅溫泉蛋蟹柳粟米等等都係我鍾意食嘅配料。另外我哋都叫咗個吉列炸蝦，外皮非常之薄脆，而且炸到金黃色配上沙律醬同椰菜絲非常之開胃，而且椰菜絲減左油膩嘅感覺。我哋另外都叫咗佢哋自家製嘅餃子入邊有非常多嘅豬肉配料，外脆內軟加上入邊嘅材料亦都有肉汁，唔會乾爭爭燒雞軟骨，想試吓呢度嘅串燒所以就叫左兩串試一試佢，外面香脆，juicy.北海道南瓜炸薯餅,勁鍾意佢個炸南瓜薯餅入邊嘅南瓜蓉配埋薯蓉都係我最鍾意食嘅食物。另外餐廳仲會有好多唔同嘅日本酒，果汁等等氣氛非常之好。…查看更多

銅鑼灣燈籠街一向都係食街，雲集好多唔同食店，今日就食西餐 The Point。餐廳幾有格調，柔和燈光，環境都好舒服。menu入面可以選擇ge食物都好多種類。意大利風乾火腿、香腸、水牛芝士拼盤頭盤叫左ham set，就係餐廳精選ge ham，同埋小小沙律菜配水牛芝士。呢個set份量都幾唔錯，適合2～3人食用。PESTO CHICKEN呢度ge pizza種類好多，最後我地叫左PESTO CHICKEN。入面有香辣烤雞、烤蒜頭、烤茄子、火箭菜、意大利香草醬，青醬ge味道好特別，配落d烤雞肉度好夾，而pizza ge 餅底好唔錯，薄而夠脆，唔會好似出面好多西餐廳pizza個餅度又厚又粉，呢度ge pizza 我好鍾意。BROWNIE IN A PAN甜品就叫了BROWNIE IN A PAN，係朱古力布朗尼餅，配烤香蕉、合桃、雲呢拿雪糕。雪糕非常香滑，配落熱辣辣ge brownie度一齊食係好好ge配搭。餐廳食物幾好，環境又舒服。…查看更多

跟朋友去吃臭臭鍋，招牌臭臭鍋湯底清新脫俗而且唔會太鹹味道啱啱好，配料方面滲透左湯底既味道，所以配料都非常之香而且食落去都會有一種清新脫俗嘅感覺。如果有機會真係要試一試呢一個嘅邊度，而且亦都係人氣推介。臺式麻辣鍋呢個鍋食落去唔單止會有麻麻哋嘅味道，鐘意嗜辣既你不容錯過，另外佢嘅落到亦都唔會真係好難除非你叫咗大辣，即是你唔係好食得辣你都可以不妨考慮吓叫個小辣。黑麻油雞鍋唔單止食到黑馬友嘅味道，而且都有啲雞尾係當中，但係最令我驚喜嘅係我竟然食到有少少藥材嘅味道而且感覺都幾補身湯底，亦都唔覺會食到味精唔會覺得口乾。芒果鮮奶冰沙如果可以甜番少少會更好，不過勝在佢有芒果味道去補救返佢成個飲料嘅味道。奶蓋紅茶芝士非常之邪惡，而且配埋紅茶如果你用吸管搞一搞作嘅話，就會即刻變成奶茶。炸花枝丸每一粒都係用新鮮嘅墨魚製造所以口感非常之大啦而且加上佢外面個皮炸過，食落去又香又有墨魚。鹽酥雞炸到外皮金黃色外脆內軟，而且加上佢放左啲醃料醃過，食落去真係另一種享受。…查看更多

同屋企長輩食晚飯，當然選擇一間環境好d ge中菜館，朋友介紹下去佐海港城ge 六公館。黎到已經比距ge海景吸引住，飽攬成個維港ge景色，呢d餐廳邊度搵？！我地要佐沙姜手撕雞，手撕雞撕剩肉，方便客人食用，沙姜味好濃郁，唔會好鹹，雞肉無乜雪味，唔錯。脆皮燒腩仔，燒腩仔都係呢度幾出名ge菜式，腩仔燒到表皮脆卜卜，肉質依然鮮嫩。花雕醉鴿，鴿肉好唔錯，好怕食到出面d冷盤乳鴿肉係霉ge，呢度唔會，個花雕味好香。鴛鴦蝦球，蝦球好大隻，啖啖肉，而且一蝦有2個做法，鹹蛋黃味同沙律醬味，我自己就鍾意蛋黃味多d，夠曬濃味。樟茶鴨，鴨肉好滑，而且味道好有煙燻鴨ge感覺，幾特別！黑蒜焗羊架，羊架唔會好so，黑蒜係重點，令到個羊架特別香，特別好味。松茸羊肚菌海膽燴飯，最後叫左個飯，非常名貴食材煮ge燴飯，海膽好鮮甜，好香，而且仲有d羊肚菌ge味，都係好香，好唔錯。點解天氣好熱點左比較清新啲嘅燉雪梨，甜到啱啱好，超喜歡！屋企人都十分滿意ge晚餐，真係唔錯，好食，而且環境又舒服。…查看更多