smartwing2014的个人专页

約左朋友，想去登龍街食飯，見呢間 洛奇多好食評，不妨一試。價錢：論銅鑼灣算是差不多，$60-80 到服務＋環境：食完即走就ok, d 服務員粗佬 加 嘈之巴閉，大大聲，懶得行所以叫來叫去。你唔好稔住可以坐陣傾下偈，坐多陣都唔會。食物：menu 還 menu ，真係只作參考，睇還睇，食又另一種味道今晚第一次幫襯，亦都好肯定係最後一次。叫左個 : 雙層和牛芝士漢堡 及 常餐 （餐肉通＋ 火腿奄列配多士）雙層和牛芝士漢堡： 外觀還可以，個包有點縮縮地，和牛硬到仲差個 M 記，乾身，無味又唔熱。成個 burger 只有 2 片番茄係有味道，個包，和牛，芝士 都係唔多新鮮。同埋薯條炸得好，一粒鹽都無比，岩哂我。常餐4：羅宋湯餐肉通粉 ＋火腿奄列＋丹麥多士開罐罐頭湯＋罐頭午餐肉。。。。。，火腿奄列，蛋係 overcook, 鞋口，一 d 唔滑。食完係一d 都唔會飽，因為食淨好多。三個字：好難食唔值呢個價，試都唔駛去試啦 ！！！…查看更多

食 buffet 一般都是一大班人，但疫情下不是人人想同其他人一起進餐。前一天心血來潮，就 book 了自己一個食 lunch buffet.一入去坐我舒服，冷氣唔太凍。足足一個鐘頭，食佢個 salad  同 sea food,  其實己經好飽。Salad 菜脆到呢，超新鮮，菠蘿唔太甜 。parma ham + 哈蜜瓜 ： ham 唔太咸，哈蜜瓜熟度岩岩好。以前有蠔，依家就無 lu :( , 換來 青口 又肥大隻又夠甜，螺也是大大隻。刺身選擇唔太多，得 3 款，但勝在夠新鮮 主菜一定揀： 燒牛仔肉，不過今次係變左煎，一樣好味 ！！甜品 焦糖燉蛋好滑，不過焦糖面就太甜，減甜就 perfect ，如果有得加仲正 需然客人唔多，但服務及食物一 d 都唔馬虎, 真係要多 d 來幫襯 ，不錯的 lunch. …查看更多

新開張。。新開張。。。梗要來試下嘩地方好光猛，感覺好乾淨，員工夠精神，枱比前店少，所以更覺坐得舒適。期待有咩好菜式，但又唔覺有咩特別，又係果d , 無驚喜 先來半隻燒鵝，皮夠脆香，但咸得好緊要，失色失色，改良下真係餐餐幫襯你噢 ！！鮑汁炆伊麵，伊麵夠乾身，但炒得唔油，好好味，岩岩好 蝦醬通菜炒鮮魷，因為有蝦醬，夠香但好咸， 鮮魷好軟唔硬，沒有炒過火 ，正 ！！海皇豆腐煲，呢個天氣，好多時豆腐都唔新鮮，但係呢度整得好好味，個汗唔太濃，可以一試 ！仲有一提係，連汽水都會有低糖，唔駛叫都比低糖，好健康 wor總體唔錯，一到 8 點多人到呢，記得訂坐。新開張就 ok, 唔知做做下會唔會保持食物質素同水準呢 ？？！！…查看更多

不是第一次幫襯，貪佢地方大門面乾淨，去完黃大仙後就來一趟。嘩 d 服務 一 次比一次差，明白人客多，但 樓面職員都夠，番工唔駛咁勞氣 ge 。講到食物，有點偏咸，3 個人 叫左 6 碟野。燒賣肥膏太多，又好咸，下次一次唔會叫 雞包仔包皮好好味夠軟，但 d 肉又係頗咸。潮州粉粿皮太厚，但粉皮比倒 ok, 所以唔硬，但無咩餡料。炸兩腸粉就真係要食，炸兩好脆，腸粉夠滑，有驚喜 ！！炸腐皮卷，d 蝦 好 ok, 炸得好好，唔太油雞扎都唔錯，兩片花膠比左呀媽食，都幾大舊架，冬姑同舊雞都 ok 好味。下次唔知何時再來，希望有所改善。…查看更多

好奈無食過佢，來開 D2 再到此一吃，以前人山人海，e 家水靜河飛。OMG 點解 無之前咁好味 ge,  德國鹹豬手唔夠脆，烤薯無味，酸菜似拾菜，芥末籽忌廉汁好咸。個西班牙海鮮飯，d 飯好爛好難食，應該係彈牙又Creamy先岩 ！！:(客人就是比前少，但食物都要保持質素噢，好在 service 還可以。 都係無下次，反正 D2 仲有好多選擇，價錢亦唔係咁平。…查看更多

放假又是平日，約友人一起茶聚。之前未去過呢間，咪試下 lor見d 職員人手超唔夠，但都好勤力，仲無脾氣，真係敬業樂業，入單，沖水，傳菜，執枱，少 d 氣力都唔惦 ！！食物方面，又好滿意，炸點唔太油，熱騰騰的。蒸點又骨子，唔會太咸，也是熱辣辣，一個字 "正"習馬拉糕甜度 ok 咸水角皮脆內暖鮮竹卷 腐皮好味腸粉唔夠滑，厚皮左d 鳳爪夠入味炸鯪魚球就小小失色下次一定要去下午茶，會仲抵d , 希望保持質數啦  …查看更多

Juchheim 年輪蛋糕 質素一向很不錯，今日本來想買佢新出的 cheese tart, 之前食過，有多種口味選擇。但明明見有 10 幾個，轉個頭得番 1 個，所以又要轉買番傳統蛋糕。咦，今日又隻限定新口味：檸檬茶   就買來一試試少檸檬味，但茶味香，有 d d 似 檸檬皮的物體，不過好少，大可放心。蛋糕本身一樣好鬆軟，口感非常好。2 個人一口氣食淨 1/3 ，咁你就知佢有幾好味。$99 有 270g, 是傳統果款 size，計落就唔太平。服務無論係多人或是無人都是很好的客服 …查看更多

鋪面 有2 個 職員，明明話係開 10 am, 已經成 12 點，12 點幾，12 點 幾及幾，都是長響無人聽。真的想幫襯都唔再想，個 cake 又唔係平過人，一磅一般都要 $328，咩 serive ！！！ 其實今日想試個 Blueberry Pie, 好失望。分享下之前 個 cake ： Apple Country Cake, 都係一磅 $328，皮底味度幾好，不過好易散，羅完餅即搭的士，皮邊都散出來。 蘋果好好酸:(，內面 d sauce 就好鬼死甜 ，是否咁樣叫 match ?? 食蛋糕其實真係有好多選擇，唔一定要做你地 friends，亦唔值 ！！！總之一句唔會有下次，食物水準免奉 。…查看更多

一早知道李公館平日很難有位，通常都擠滿人。尤其今天是公眾假期，我預定上午10:30打定電話 book 12:30與友人吃午飯。地方面積較小，但裝飾非常傳統。看到那茶壺真覺特色，從來沒有看到這麼長的壺嘴，太有趣了。點心點了：娥姐粉粿，係呢度推介，皮薄有肉味好夠熱，肉夠瘦及彈口。鮑魚燒賣 （豬肉太多粉，蝦肉好孩唔新鮮，齋鮑魚無味，有點失望），蝦腸d蝦就ok good，粉皮夠滑。菜心大棵好清甜且無沙，少油少鹽好健康。至於涷話梅豬手，必食， 好有話梅味，一都無油膩感，皮夠爽。甜品是燉蘋果雪梨和焦糖燉蛋，都是有水準之作。servcie非常好，但廁所衛生非常污穢，真的要留意。…查看更多

銅鑼灣食街非常出名，雖然不斷有舖關門，但也不斷有舖新開張，食物種類選擇多，包您一定有著落。自助午餐3點鐘完，我們到達時已是2:30p，但仍然有很多食物。價格包：自助沙律吧+冷盤，主菜＋湯，甜品和飲品。主菜我們先選了田螺肉扁麵意粉 (linguine) 和羊架。我只用左10分鐘取了所有自助沙律吧的食物番自己檯。先講自助沙律吧+冷盤：青口好大隻又甜，可與酒店相比。涷蝦超爽，食左好多隻，雖然唔太大隻。煙三文魚有口感，充滿魚油香味，水牛芝士大大片又厚身，我男友至愛，加了番茄片感覺非常清怡。沙律菜都好新鮮，不過選擇唔多，得2款。冷盤 d ham 都係一般，無咩等別。主菜來了：南瓜濃湯細細杯好香，我地 share主菜, 螺肉扁麵意粉 (linguine), d 粉硬度岩岩好，好怕太硬，田螺肉大大粒。羊架有3件，無咩羊味，有d 肥, 不過好juice。致於甜品：果 tart 有點遜色，多cream 太甜，蛋糕有蛋味，不過真的超多cream。奶涷非常滑，成樽自己食哂。朱古力 mousse 香濃朱古力味，朱古力friends 必食。Chocolate brownie 非常好味最滿意，有口感不太甜，見好多人狂食呢款甜品，但佢地亦密密補倉 。呢個價錢仲響銅鑼灣，真係好抵食，唔可以太多要求，新鮮乾淨最緊要。今次拍住拖去，下次可以family day…查看更多

響openrice睇到好多關於這間位於登龍街的意大利菜，評價都唔錯，所以來試試。網上上傳了的menu很難睇，因為字體太小，我只根據圖片同評語揀食物。因為呢次係外賣，我提前1小時打電話然後晚上7點到取。點了2人份量，前菜是松露焗南瓜沙律及蟹餅，主菜是番茄醬紅蝦意粉，仲有白酒蒸蜆。盡時到取，盡時有得攞 。非常有驚喜，因為依家週一至週四外賣服務有30％折扣，唔知持續到幾時，抵好多呢。等人開飯，所以遲左45分鐘先有得食，但食物仍然好味。先食松露焗南瓜沙律，松露無咩香味，見到但食唔出，不過沙律菜就好新鮮好脆口，無爛葉，焗南瓜好粉好甜，份量足。白酒蒸蜆淡淡酒味，可以接受，因為我不喜歡太多的酒精，蜆肉都算大隻，夠新鮮又無沙。蟹餅一份只有2個，但全件充滿蟹肉而不只是麵粉，夠彈口，煮了一個小時，但仍然沒有太多的油份滲出來，火喉剛剛好，不會太濃。 主菜當然是紅蝦意大利粉，4隻大蝦，意粉卻太少，唔夠攝牙，但質量唔錯。不過如果係正中意大利餐廳，意粉就會煮得較硬身，佢地又幾港式!! 佢地服務都唔錯，我反映網上沒有外賣餐紙，店員就立即攞比我，唔會求求祈祈。 如果我響餐廳呢度食，就會試下 d pizza 同甜品，見到人地食得好 happy …查看更多

HABITU 確實是一個可以享受食物質素和良好服務的休閒地方。近來佢地餐牌改了，我仍是喜歡以前全是圖片的餐牌，未食已經胃口大開。餐牌改了，當然食物有所不同。呢次點了ALL Day Breakfast，麵包比前薄了，但又變得新鮮左，至於果醬，依家係一瓶上，依前用野載（感覺衛生又新鮮）。炒蛋就比以前少油，但cream 同奶仍太濃，蓋過了蛋的香味。 腸仔變左綠色，不知是否加入了香草定係牛油果，又食唔出係咩。煙肉無以前咁鞋口同油膩，值得一贊。今次試下新菜式炸軟殼蟹 Risotto ，意大利飯煮得剛剛好，唔會太硬，蟹汁入晒d 飯度，蟹味又濃又香，份量尚可，非常醒胃。至於飲品，之前有個怡人青蘋果香草喜冰樂 (Apple & Basil) 就無左，依家檸檬特飲，酸到無朋友 ，唔怕就可以去挑戰下 。網上 menu 仲未 update 架 !!! …查看更多

日日都見店舖大排人龍，非常好奇，原來只是為了一個小蛋糕。今天如此幸運，當我到達時大約11:30am 竟沒有人排隊。。我立即買了一個新鮮出爐的 日式Cheese cake 回家馬上吃。雖然$59 一個蛋糕， 但其包裝精美一點不馬虎，最窩心是盒內包了一層保暖紙可令蛋糕於室溫下保持新鮮，$59的價錢是絕對可以接受。 新鮮蛋糕軟綿綿，香氣清怡。一旦開始吃，真的不能停下來，最後我自己一個人吃了半個蛋糕。質感像枕頭般軟熟，絕對可以品嚐到新鮮蛋白和芝士的味道，甜度適中，可以說是老幼咸宜，老人家真的不妨一試。如果想質感較硬一些，更像一個芝士蛋糕，便要放在雪柜裡一會。極力推薦給各人。這店子雖小，但很乾淨， 工作人員非常有禮貌。…查看更多

一點菜後，開胃前菜酸青瓜及酸椰菜小吃便會奉上，是我的最愛，每次主菜未到都一掃光 。今天因為不是太餓，2個人 Order 左 Matzoh Ball Soup 及 Blue Cheese Burger ，差不多是每次必有的菜單。Matzoh Ball Soup 是一個很清雞湯，﹣d 油都唔會田油，裡面有個麵粉團，似麵包般，我男友很喜歡，說自己在家也很難整到。Blue Cheese Burger  7成熟肉汁仍然多，口感好, 份量足，side dish sweet potato,  好脆口，炸得好味但唔過火 (不過sweet potato要加$20)。位置就腳，環境清淨，是拍拖好去處。服務員態度非常好, 又有禮貌, 食得是頗開心。將會再來, 但平時訂台，真的很難，10次 book 11次都話無位，唔知咩原因。今日是年初二同埋我生日，咪打去試下，職員還是說位唔多但可以 book，希望下次訂台可以容易d。…查看更多

來了這裡很多次了，一向坐無虛席, 又不能一早訂檯，但要品嚐其美味，必先要付出你的時間。食物方面要讚的是注重了健康, 餸菜少油少塩了很多。今天同友人新年後第一次聚會，唔想太油太飽食物，所以來這處。先點了必食小籠包，熱辣辣皮又薄湯汁多  ，有時我要叫2個 order 。至於生煎包呢，底脆內熱，能夠食出鮮肉味，重點是一點不油腻，如咬下一口油是何等嚇人。雪菜毛豆百葉，好有豆味，份量多d 就好羅 。最後甜品仲有薑茶湯圓, 湯圓很彈口是即整，否則過熟唔好味，但薑茶就淡了一點，無咩薑味，如果可以薑味多d就更好 佢地食物和服務一般仍然保持得好，但一到晚市，就想趕人走似的。總括是一食美好晚餐，會繼續幫親…查看更多